睿海御宴 (已結業)

朋友介紹呢間私房菜中菜館，menu 選擇唔算太多但每項都好有特色。澳洲龍蝦麻婆豆腐-一上枱有被驚艷到！澳龍大大隻，就咁睇以為豆腐好多冇咩龍蝦肉食但不是！每一羹都有龍蝦肉！-龍蝦好鮮甜，就算個汁係麻婆豆腐咁濃郁但都食到澳龍的鮮味。-麻婆豆腐完全唔會過辣，會食到有辣味但唔會過火。豆腐好綿綿好滑。柚子脆蝦球-蝦球用左海蝦，十分鮮甜。size 比坊間的蝦球大隻。-有8-10隻，爽口彈牙。柚子作輕輕調味更顯清新五香雞卷-心機之作，雞肉mix 左香葱，雞味好出滿滿的蛋白質感-外皮係腐皮卷，炸後酥脆，沾上香甜醬食到停唔到口！馬蹄爽-自家製，非常滑溜。-馬蹄清甜解暑，十分香甜。…查看更多

大坑出名舞火龍，長長樓梯畫滿火龍英姿，盡現氣派，中餐要做得精緻好講求功夫，2款套餐中揀左帶子皇乳鴿套餐($328/pp) ，乳鴿超級推薦👍🏽.ᐟ◮ 妙齡乳鴿 ⧫ ⁹ ⁄ ₁ ₀一隻乳鴿一個人食一啲都唔過份😂，外皮燒到脆口，撕開皮見到油脂逼出黎🥹，蘸小小椒鹽同埋豉油特別惹味，好食到停唔到😆.ᐟ◮ 豐料功夫湯 ⧫ ⁷ ⁄ ₁ ₀ 好surprise以功夫茶形式呈上🫖，其實係雞腳螺肉湯，似燉湯，仲要熱辣辣。湯裝係茶壺裡面好新穎，可以保持熱度，每食一啖餸可以飲一杯湯，idea好有心思😍.ᐟ◮ XO醬京燒帶子皇 ⧫ ⁹ ⁄ ₁ ₀帶子厚度有半隻手指高，超級甜，仲有XO醬好惹味，味道好夾😋.ᐟ◮ 柚子脆蝦球 ⧫ ⁷ ⁄ ₁ ₀ 蝦球炸粉薄脆，柚子唔酸，伴左青紅椒粒.ᐟ◮ 雲耳杞子浸畤蔬 ⧫ ⁷ ⁄ ₁ ₀ 魚湯煮既白菜仔超鮮甜，我連湯都飲晒🤣.ᐟ◮ 木瓜雪兒南北杏糖水 ⧫ ⁷ ⁄ ₁ ₀ 南北杏味好重，糖水清甜😆…查看更多

講起大坑，好自然就會諗起超有氣氛既舞火龍！我諗係依個緣故，今次黎既依間中菜都特意喺壁畫畫上舞火龍同鑼鼓，喺大坑見到特別有感覺。見咁有特色，依日就即興同朋友黎試一試！柚子脆蝦球…新年要好意頭，當然唔少得炸到圓淥淥金黄色既蝦球啦！蝦球微脆爽彈，面頭沾有柚子汁同柚子肉粒，酸甜度剛好黑松露海皇炒鮮奶…鮮奶真係炒得好嫩滑，不過就多油左少少底下既海皇其實係蝦仁同帶子粒，份量都幾多嫁。上湯雲耳浸豆苗…浸豆苗一直係我既愛，無論用蒜蓉炒定上湯浸都好正依度既豆苗口感近似豆杯，入口爽口無渣，加埋雲耳同杞子好夾。自家製XO醬和牛炒陳村粉… 見未係太飽，店員就推介依個炒陳村粉，係平時比較少食到既菜式，加埋自家製XO醬一齊炒好有鑊氣，陳村粉仲略帶煙韌好有口感！和牛亦夠嫩夠淋。依個XO醬完全唔辣，我另外沾左少少辣椒油仲好食呢…查看更多

門口的金漆招牌和大坑舞火龍壁畫相當吸睛，入到店內裝修以簡約為主似私房菜，餐廳店員和店長都非常好服務。✧前菜日本梅子涼瓜$98- 擺盤超級精緻，苦瓜切片擺成一支花。味道酸酸甜甜再帶出涼瓜的甘香味，非常醒胃的前菜✧黑松露腐皮卷$98- 腐皮卷包住蘿白絲、香菇、粉絲加上黑松露炸得香脆✧南非6頭鮮鮑魚配南瓜汁 $118/隻- 第一次嘗試呢個配搭出奇地夾，鮑魚新鮮有口感✧柚子脆蝦球$288- 柚子汁酸甜，外層酥脆蝦球新鮮，咬落去蝦肉彈牙✧青檸焗豚肉排$168- 青檸汁中和肉排的油脂，食起來不油膩。肉排外脆應該經過走油，最勁夾起肉排時有醬汁拉絲✧啫啫蝦乾芥蘭煲$188- 上枱一打開蓋充滿陣陣鹹香味，超多蝦乾和原粒超淋蒜頭成為個煲的主角✧脆皮龍江雞 $258半隻- 店內主打菜，皮脆肉嫩，配以青檸汁和胡椒鹽，一個字掂✧羔蟹糯米飯 $588 (時價)- 超爆多蟹膏，糯米飯偏淋但不會太濕，飯香而又充滿蟹鮮味，絕對必食推介！…查看更多

今日同同事收工黎大坑試左呢個品嘗四人宴$1580 四人餐，食物品質幾好，呢個餐共有9道菜，睿海前菜三品每晚配搭不同，今日分別有海蜇、炸豆、同埋梅子涼瓜，為呢餐盛宴揭開序幕時令燉湯火喉十足，滋潤無比豉椒炒花甲，啲花甲食得出好新鮮，餐廳中央有個大魚缸，好多海班、龍蝦等生猛海鮮，花甲豉汁炒味道一流柚子脆蝦球有驚喜，應該都係新鮮撈魚缸啲蝦即炸，柚子醬汁更加提昇蝦嘅鮮甜蒜片和牛粒，係入口即溶嘅日本和牛，用中式煮法處理和牛別有一番風味，感覺唔會好漏當紅炸子雞應該係我食過咁多間中菜廳做得最好嘅，個皮真係好脆好香，肉嫩滑，半隻4人食份量剛好食完啲濃味嘅菜式，黎個杞子雲耳菜苗清清味蕾，雖然係雲耳菜苗，但個湯係魚湯黎，食得出師傅嘅心思櫻花蝦瑤柱蛋白炒飯，老少咸宜，好香口最後是日甜品係紫米露，為呢一餐劃上完美句號下次一定會再屋企人黎試！…查看更多