Dim Sum Library

Dim Sum Library 主打新派點心，揉合中式食材同埋西式手法創造出道道fusion菜式。佢近期亦都推出左期間限定嘅五色蝦餃系列，賣相精緻☺️。餐廳嘅定價比較進取，食物質素平平🙈，不過勝在環境寬敞，而且裝修低調奢華，好有格調，坐得幾舒服，同埋點心可以按件數叫，所以大家都可以一訪。------------------------------紅菜頭野菌餃【7.25/10】$62/3pc餃子嘅皮infuse左紅菜頭，所以呈現出鮮紅色，不過就冇紅菜頭味，而野菌嘅味道則就十分突出，而且好鮮甜有咬口，整體黎講幾好食😋。------------------------------香蔥黑毛豬腸粉【6.25/10】$88黑毛豬叉燒比較乾柴🧐，而且欠缺蜜糖味。香蔥味道唔突出，不過好在腸粉尚算滑溜，點埋鼓油食味道正常。------------------------------黑蒜燒賣【6.75/10】$68/4pc黑蒜味道偏甜，但係欠缺蒜味。燒賣蓉以豬肉同蝦肉製成🍤，肉質彈牙並且富有肉汁。------------------------------松茸冬菇包【6/10】$62/3pc包體仿冬菇造型好可愛，不過比較乾身，冇麵粉香，好在裡面嘅冬菇餡菇味濃郁，不過小編覺得呢個配搭唔係好夾🤨。------------------------------薑蔥撈麵【5.75/10】$108撈麵蔥油份量好少，所以十分乾身，冇乜蔥香之餘成個麵都好寡。------------------------------價錢 🌕🌗🌑🌑🌑味道 🌕🌕🌕🌑🌑服務 🌕🌕🌕🌕🌑環境 🌕🌕🌕🌕🌑回頭指數 🌕🌑🌑🌑🌑…查看更多

今天睡得很晏，又要到香港島，上網查看後決定到這裏吃午餐因為全天也有點心吃。真的想不到2:45pm餐廳也滿座，還需等待，好彩等了一會就有位。點心款式很少，大概十款左右，我跟媽媽也點了五款。比較特別的有黑蒜燒賣，每粒燒賣內裏也有一整粒黑蒜，黑蒜的味道甜甜的，完全沒有新鮮蒜頭的味道，質感軟軟的，像醃了很久的漬物，跟豬肉的味道也頗夾。黑椒和牛酥，外皮十分薄，又很酥脆，內裏牛肉很軟，黑椒味剛剛好又不會掩蓋了牛肉的味道。這點心真的做得十分好，酥皮跟文華廳的有得比，只是沒有文華廳的酥皮層次那麼豐富。黑松露蝦餃，蝦餃算大隻，外皮也有黑松露，蝦很爽甜，松露跟蝦十分配合。松茸冬菇包，跟現在很多其他酒樓做的冬菇包也是十分相似，有冬菇的外型，內裏的餡全是菇類，很香，但我本人覺得味道比較淡一點。香芒流心脆杏卷，這個是全天最差的，外皮不夠脆，只有表面的杏仁很脆，還好內裏的芒果餡酸酸甜甜十分好味。香葱雞肉拉麵，麵煮得太軟，湯不夠濃，太淡，只有葱是夠香。這裏價錢並不便宜，但是座位不夠寛濶，枱與枱之間也很貼近。服務員也算勤快。點心比較做得好，可以一試。…查看更多

為增進家人彼此間o既感情，大肥爸爸決定每當哥哥回家時都要一家四口外出搞搞新意思，小肥就提議四周尋訪新食肆。肥肥家族咁為食，大家當然舉腳贊成，上週四先從飲食雜誌搵咗間連晚市都有點心o既「Dim Sum Library」飲晚茶。餐店位於金鐘太古廣場，除咗搭地鐵容易之外，自駕食客消費滿$300即可憑單據括免於商場停車場三小時o既泊車費。地點雖說係超級方便，但係個門面就唔係咁突出，XO仔首次光臨都要靠大堂o既服務員指引先搵得到。店子室內光線較暗，接待處身後有一排半梳化式合拼散座。另一方則為酒吧。貌似屏風o既牆身印有花卉雀鳥o既圖案，四周亦可見不少雀籠鮮花擺設，裝潢新潮得黎帶份詩意。酒吧後面o既大堂寬廣闊落，黑色木造o既大小餐桌分佈於堂內，空間感好足。穿過暗黑o既走廊秘道，先經過兩張二人卡位。真係估唔到入面仲有間咁大o既內廳，其中三張餐枱更可搖身變成麻雀枱添！同一般茶樓唔同，「Dim Sum Library」並無收取茶錢，四口子就各自點選汽水同雞尾酒。小肥因身兼柴可夫一職，當然係睇住家人飲啦！桌上黑底金邊金字o既餐具及餐牌充滿著時代感。雖則餐廳以「Library」起名，但餐牌只有六頁，單點項目唔多，又冇相睇，講真都有少少失望。幸得樓面一位溫婉落力o既妹妹仔自動上前講解及推介，我地先唔洗用網友喺OpenRice上刊登o既靚相點菜。黑椒和牛酥（$88/三件）：金黃色o既和牛酥外層鬆化乾巧，中間o既黑椒和牛餡心潤腍惹味，送酒一流！松茸冬菇包（$52/三件）：外觀與原隻冬菇無異o既冬菇包其實只係外皮劃上冬菇紋理，不過造型實在逼真。冬菇包熱辣鬆軟，松茸冬菇餡料清香鮮美，好睇又好食！擔擔湯包（$48/三隻）：餐牌上並無列印任可插圖，只有門外展出一幅「擔擔湯包」o既硬照。眼見都幾吸引，哥哥又嗜辣，所以就叫咗客黎試。未有用上獨立小籐籃承載o既湯包實物遠不及參考相片美觀，但勝在皮薄湯多，香辣醒神，成功挽回不少分數。海膽蟹肉春卷（$88/四件）：春卷本身好夠香脆，連同海膽一口食落肚，鮮味滲滿口腔，唯一唔係好食得出內含蟹肉囉。黑松露蝦餃（$48/三隻）：多咗松露黑點o既蝦餃皮軟韌得黎唔會過厚，蝦餃爽甜味清，很是討好。蝦餃屬大路點心之一，一籠卻只有三隻，建議餐店可讓大圍食客續粒加點。雲南黑菌手撕脆皮雞（$195/半隻；$390/一隻）：亮澤o既手撕雞如餸名般脆皮，手撕雞肉幼嫩芳香，四個人要食哂一隻絕非難事！手拍蒜炒菜苗（$88）：蒜炒豆苗翠綠脆嫩，簡單美味。蔥燒石鍋和牛肉（$308）：原石鍋上o既和牛熱就夠熱，不過和牛份量唔多，好難先搵到黎食，食落更是油膩溜滯，毫無肉香，可謂失敗之作。花枝響鈴炸兩（$68）：個人覺得炸兩唔係好夠熱，上枱時亦偏咗少少腍，不吃也吧！砵酒燒脆蠔（$268）：燒蠔體積大就夠大，可惜層炸皮過厚且黏，又唔夠熱，失色得很！星洲黑豚叉燒炒米（$168）：米粉炒得好夠乾身，蝦隻亦爽厚鮮脆，微辣o既調味都好醒胃，個人只係略嫌黑豚叉燒唔夠肥潤。薑蔥龍蝦包（$88/三件）：肥嘟嘟o既龍蝦包外表似乜就無謂多講。白色o既包包暖手軟身，橙黃色o既龍蝦餡雖未夠豐盛，但就鮮濃爽潤，實屬不錯之選。流心可可糯米糍（$42/四粒）：糯米糍煙煙韌韌，個朱古力心流心滑溜，甜而不膩，用上朱古力做中式甜品o既食材，細佬應該都係第一次食到，幾有驚喜。XO仔讀得書少，成績仲要係油麻地嗰隻，一聽到「Dim Sum Library」個名，腦海只浮現出「點心圖書館」，一心諗住食店本餐牌應該會喺本又厚又多靚相o既圖冊。食後方才發現餐店用上不少國際食材，如黑松露、海膽、和牛、黑豚、朱古力等，獨創出一系列新派精品點心，店名似乎係有「點心珍藏館」之意。「Dim Sum Library」環境開揚新潮，點心菜式大多美味有特色，埋單時發現原來新店屬「Aqua集團」旗下，唔怪得知各方面都流露出潮意，服務生亦訓練有素。…查看更多

坐西食中最近金鐘PP開左好多新餐廳, 終於夾到日子同個朋友去試食.朋友介紹了這間Dim Sum Library老實說, 店名有點名不副實, 與其說 Library, 我覺得這裡裝潢像 Pub 多一點, 應該係Happy Hour的蒲點.餐廳環境不錯的, 是西餐廳的裝潢, 稍為奇怪的是門口 receptionist 是一位外國女子, 應該是店主想主打做外國人生意, 又或者直接點說, 厄鬼佬.打開餐牌, 這裡沒有 set menu, 全是 A la carte, 價格當然有點離地, 不過在金鐘PP用餐已經有心理準備, 就算是普遍名X酒家, 東X薈都必然要 over $150 per head.食點心前先要點杯靚茶, 既然來到, 冇理由點那些common的普洱, 香片, 我倆最後點了大紅袍 ($36). 跟一般中式酒家不同, 這裡的茶位不是計人頭的, 點一客茶可2個人同時享用!!! (除開只是$18/位, 抵!!!) , 餐廳好醒目自動自覺俾了2隻杯我地!食物方面, 命名可以睇得出係別出心思的, 刻意令客人覺得與傳統中式酒家不同. 感覺有點像中環的唐X小聚, 都係行FUSION路線.我地2個女仔叫左3個點心,1個麵, 食物份量都唔少, 夠飽的1) 鵝肝桂花燻糖心蛋 ($78) Comment: 賣相比味道好, 老實說, 鵝肝是不錯的, 味道唔太濃厚所以不會膩, 但唔係好食得出桂花味, 糖心蛋都食唔到有糖心, 個人認為有D 唔值.2) 松茸冬菇包 ($52)Comment: 呢個幾有驚喜!! 在唐X小聚食過, 但呢間做得出色很多! 足料, 原隻冬菇在內, 包面做得很好, 乾身的, 但包很鬆軟, 熱烘烘送上, 味道一流! 3) 黑蒜燒賣 ($48)Comment: 本人很愛燒賣, 這個味道都做得不錯, 選用了蝦肉 instead of 豬肉做涵料, 不過食唔出有黑蒜味...4) 慢煮和牛湯麵 ($98)Comment: 呢個係整餐最出色的一道!!! 起初以為會唔夠分, 但結果分出了4碗, 蕃茄湯做得很好, 牛煮得很淋, 夠足料 (約有6件牛), 當中還有紅蘿蔔和馬蹄, 充滿蔬菜, 超健康!! 只係個河粉有點碎, 要稍為用力夾 整體來說, $170 per head 在金鐘午餐是很合理的價錢. 老實說, 在Island Gourmet食點心都差唔多價位! 太好了, 想約朋友搵個舒服少少既地方食中式野, 金鐘又多一個選擇啦!…查看更多