明閣 (鷹君中心)

藥劑💊年會Faculty Dinner假明閣舉行，頭盤明閣三小碟，有酒香海蜇🪼醉鮑魚、極品蜜汁叉燒、醋香小黃瓜🥒黑木耳，個人唔飲酒但都接受到，海蜇叉燒同鮑魚正，個人唔食醋。湯係川貝海底椰滋補燉鷓鴣，湯皓清甜，海底椰爽。芙蓉🪷金湯百花釀龍蝦🦞鉗，汁有薑味唔啱我，龍蝦🦞鉗爽彈正。鮑汁扣關東遼參伴鵝掌，鵝掌炆得腍皓食。濃雞湯浸時蔬，菜同菇都皓食。蟹🦀肉瑤柱炒飯，唔夠味。香芒雜果凍布甸同美點雙輝一齊上，美點雙輝係牛油🧈酥同椰汁🥥糕，三樣都皓皓食，芒果🥭甜，最皓食係甜品🍮。明閣service都皓…查看更多

1️⃣第一次光顧灣仔明閣，皆因有了會展站很方便。以往從灣仔站步行至鷹君中心，真的行到隻嘢咁🤣坐得舒服，空間感夠，當晚滿意枱之間的距離🔖整個套餐的食物質素好，只有點兒瑕疵，就是竹笙扒菜遠，菜心不夠淋，還有草青味😟🔰明閣三小碟：1. 拍黃瓜酒香醉鴨舌，不錯2. 脆香蜜汁風鱔球，外層是薄薄的糖膠，包裹着香脆新鮮的鱔球，味美😋，推介💁‍♀️3. 老陳醋紫海蜇，老陳醋味順，海蜇爽口🔰川貝海底椰螺頭燉水鴨，合時的靚湯，螺頭味飄香撲鼻🔰蟹粉百花龍躉球，足料蟹粉芡，有蟹肉和蟹肉絲，龍躉肉紮實，蝦膠(百花)彈牙，伴在龍躉肉下面🔰蠔皇六頭南非鮑魚天白菇，鮑魚和芥菜膽都夠腍😍，天白菇厚肉🔰香辣燴牛尾，令人驚喜的碩大橫切面，肉質軟腍入味，微辣，有頗濃的牛味。烹調出色👍🏼，推介💁‍♀️🔰竹笙上湯扒菜遠，菜心不夠腍，帶有點草青味🔰生炒臘味糯米飯，有臘味的飯當然惹味，而整碗糯米飯軟糯好吃，推介💁‍♀️🔰勁薑蕃薯桃膠湯丸糖水，黃糖糕，紅豆卷，糖水果然夠薑味，芝麻餡湯丸軟滑粘糯，黃糖糕不太甜，紅豆卷外層很脆，🫘紅豆蓉甜美👇🏼🍁金秋暖心套餐🍁👇🏼…查看更多

東方美人養顏套餐，又正又抵食！因為疫情關係難得同朋友見面，當然想搵間好食嘅中菜聚下啦，朋友介紹呢間餐廳所以即刻訂位試吓：頭盤-《明閣.三小碟》話梅柚皮車厘茄，酒香海蜇醉鮑魚及極品蜜汁叉燒 。作為頭盤呢個真係好清新開胃，車厘茄酸酸甜甜好醒胃，酒香醉鮑魚，鮮甜好味 ，蜜汁叉燒鬆軟肉味濃郁，正！《鮑汁脆皮花膠素千層》作為養顏系列一定有花膠啦，估唔到花膠都可以脆皮上，入口鬆化入邊係滿滿嘅骨膠原，配上鮑汁味道剛剛好喎！《紅棗杞子蒸龍躉球》另一養顏系列就係魚，仲要係龍躉球，用紅棗杞子蒸養顏補身，好鮮味！《桃膠薑黃湯圓，棗皇糕》甜品桃膠薑黃湯圓，甜到剛剛好唔會太甜，飲完好暖胃，棗皇糕煙煙韌韌，好味！整體個餐真係超值同行朋友都覺得好正，已經想再encore希望之後快啲再推出啦!…查看更多

闊別半年嘅朋友聚會，有人提議去明閣，難得個個都話ok咁冇所謂啦，心諗都係撳定多啲錢穩陣。收工搭地鐵，嘩！原來去會展站超快，之前勁怕轉車同行嗰條奪命天橋，以後唔使怕。B出口一轉就係鷹君中心，地點贏晒，聽講本身响嗰度泊車都有lift直達，而家連搭車都咁方便～一入去waiter已經好好招呼，帶咗我埋去朋友張枱，好有貴賓feel。一坐低幾個女人仔已經決定好食而家做緊special嘅東方美人餐，望一望餐牌，超抵食喎。8道菜又花膠又龍躉又燕窩加埋一都係9百？？？高級食府喎，好親民♥️♥️♥️～餐廳成個環境都好舒服，而且枱同枱隔得相當遠，空間十足，唔會話邊枱嘈到邊枱。菜式一度接一度由waiter送上，我地多嘢傾又食得慢，唔使怕啲嘢放晒响度攤凍晒。講番食物，質素的確對得住個品牌，好好食。唔好睇每樣好似得少少，食到第6道已經飽飽地。其實咁樣好好，款式多，份量拿捏得啱啱好，又唔會嘥嘢，好啱女仔。其中最最最中意係脆皮花膠同個蟹肉羹，估唔到花膠都可以咁整，一咬落去脆皮香口然後就食到花膠嘅黏口，好特別。個蟹肉羹冇得輸，啖啖都係燕窩同新鮮蟹肉，好滿足成餐飯坐足3小時傾足3小時，朋友仔果然冇介紹錯，即場約實下次飲茶試埋點心，encore…查看更多

套餐有8道菜，份量剛剛好，每道菜都做得好細緻。上次食過一次覺得好好味，所以今晚同家人一齊來再食多次。Quality好好，性價比好高，可以一次過試到咁多道菜，好滿足！服務員係一道一道菜咁上，可以每一道慢慢品嚐。蟹肉燕窩羹好多蟹肉，湯底味道好好。蒸蛋同蝦蒸得剛剛好非常滑。花膠炸得好香好脆但係唔油膩，火候剛剛好！蒸龍躉好滑加埋粉絲好好味。炒飯好多料，雞肉彈牙又多雞蛋，正吖！最後既甜品為晚餐劃上完滿既句號，湯丸夠薑味但係唔太辣，紅棗糕真係好香紅棗味但係唔會太甜，回味無窮…查看更多

9月中慶祝媽咪生日，openrice 睇到灣仔明閣可以接受12人訂位，一行11人揀左媽咪最鍾意食既中菜。頭盤先食明閣三小碟, 果然無令人失望。醉鮑魚、醬燒乳豬件同開心果茸醋香柚皮拼出三小碟。醉鮑魚凍上, 用上乾冰出煙，效果好靚媽咪好鐘意！桂花蚌好爽口。醬燒乳豬件脆卜卜, 夠香口。媽媽就最喜愛食柚皮, 開心果茸+柚皮配搭新穎, 食落好似食緊肉咁, 口感好特別~跟住飲濃湯花膠雞絲湯羹足料炮製, 花膠補左骨膠原, 仲要配埋薄脆, 非常窩心，有秋天食蛇羹既感覺。主菜之一大花蝦係新鮮游水花竹蝦，係九月份嘅 chef recommendation, 手掌咁大隻，竟然有9重煮法。我哋就揀咗避風塘同埋上湯焗既煮法, 避風塘香口少辣, 上湯煮法帶出大花蝦鮮味, 一人一隻好滿足。個人最喜愛醋香黑豚肉, 望落去似咕嚕肉, 一食就停唔到口, 因為佢唔太酸, 但好香醋味，黑豚肉煮得剛剛好, 好有咬口。小朋友大人都鐘意。再黎明閣招牌炸子雞, 同一般去飲宴既完全唔同, 外脆內香, 香酥蓮藕片做我好好品油。炸子雞皮入口即溶，雞肉夠juicy, 半隻有D唔夠,想添食, 不過都係留肚食甜品。我地點左黑糖薑汁日本3.6乳奶凍、栗蓉煎堆仔同金絲蛋散。個奶涷不得了, 好滑奶香, 甜度適中。至於煎堆仔同蛋散懷舊甜品, 媽媽話其他地方好少食到咁好。值得一提, 明閣果然係米芝蓮級數餐廳。服務員一入門口已經好有笑容, 坐低落單又有叫客人個名, 仲詳細介紹唔同菜式。期間不打擾客人進餐, 又頻密斟茶同換碟收碟, 媽媽大讚全晚都飲到熱茶。有慶祝活動，推介灣仔明閣比大家。…查看更多

因為做左某間銀行既premier,而係明閣食就有呢個set既買一送一優惠，所以就一家4口一齊過黎食。首先頭盤為明閣三小碟，即鮑魚、叉燒及乳豬。鮑魚落了花鵰酒並且保持冰冷，感覺幾特別。而叉燒亦非常大份而且唔會好肥，口感一流。然後再上一個燉湯，當中有姬松茸、海螺等，湯好飲螺好食。佢個螺好易咬開。之後黎個龍蝦鉗都幾好食，仲有個汁都好正，我最後係連個汁都飲埋 👍👍👍再上個六頭鮑配花椒雞件，呢個係辣既菜式。鮑魚幾大同幾好食，但d雞就少了一份鮮味。之後黎了一碟齋，因為無咩特別就不詳細介紹了XD再黎個海蔘炒飯，飯中加了脆米咬下去有種好脆既感覺，同埋個飯非常香口。海蔘亦非常大份。總括黎講食物質素係好好，服務亦十分周到。但價錢方面確實偏高，即使已買一送一但也要900多元一位。老實說要吃到這種質素不是只有這一間，如果沒有優惠相信很難吸引到我再次光臨(我就窮XD…查看更多