無極牛排

$88 石燒牛肩胛😍四牛大比拼.日式石燒牛肉嘅舖頭愈開愈多，今日黎到呢間位於尖沙咀寶勒行嘅石燒牛肉店，$88就已經食到200g 牛！加$30仲有白飯，沙津無限任食+汽水！(最重要係冇加一服務費).去過好多間日式石燒牛肉店，呢道最唔同嘅係環境比較舒服，店面積頗大，枱同枱之間有一定距離，令食客可以舒舒服服咁食，嘆下啤酒，唔會覺得要急住走。.一行四人，就一於試下四種牛有咩分別！其實200g份量都幾多，一個正常食量嘅人會覺得飽.🐂$88 牛肩胛 200g 牛肩胛 超！級！好！食！牛肩胛嘅肉質好嫩滑，食落好juicy，每啖都爆汁的😍 由於牛嘅肩胛係最經常運動既部位，所以油花相對比較均勻，肉味濃郁！$128 無骨牛小排 200g牛小排係最肥美嘅，鍾意油脂多啲嘅可以試呢個，咬落去會爆汁，係石板上面燒住熱辣辣嘅感覺好滋味呢。呢個無骨牛小排會係我嘅第二推介！.🐂 $118 西冷 200g最強肉味！西冷是指後腰脊肉，因為近臀部所以肉味最濃，油脂唔算多但分佈平均，所以肉質咬落都嫩滑👍🏻.🐂$128牛柳 200g牛柳係超厚切的，牛柳係西冷下面的牛腰肉，亦是最軟嫩和最瘦的部分，肉質軟腍。如果對比起牛肩胛，牛柳嘅油脂更少。厚切嘅好處係可以慢慢食，唔怕塊牛放係石板上太快完全熟哂~😝😍.四種牛都好好食，又好抵食！而呢度最正嘅係有好多款醬汁自助形式選擇！最愛酸汁+燒汁+鹽 —> 最吊出牛肉嘅鮮味！😚👌🏻 而西餐愛好者可以揀芥末/蒜呢啲重口味醬汁調味料😏作為一位食肉獸，呢餐好滿足，因為所有牛肉都非常之高質，係食得舒服，食得值得嘅燒牛肉宴！…查看更多

熱石牛近排非常流行，發現原來尖沙咀同樣開了一間熱石牛，二話不說去試下先！係尖沙咀N2出口行一陣就到，附近又有K11大型廣場可以行下街，地理位置好好👍🏻一上到樓就聞到好香嘅牛味啦😋有別於其他旺角呀大埔呀果啲熱石牛餐廳，呢間餐廳嘅環境比較好而且座位比較寬敞。當晚我哋大概八點入座，居然可以坐到11點0慢慢傾計！抵讚👍🏻 唔洗速食嗌左食物之後，店員會送上圍裙以防整污糟件衫😀講返食物先，我哋嗌左2份300G既牛扒，包括牛柳同埋無骨牛小排（佢另外仲有非常少見嘅top blade，下次再嚟試埋先），加$30可以無限添加白飯、沙律及湯，仲有一罐汽水。牛扒比想像中更高質😚我食咗無骨牛小排，有肉味居然比牛柳更腍，熱石最後煮至8成熟都仲係好腍！好正🤤 如果中意更濃肉味，可以食牛柳，任君選擇😋 店員仲好貼心咁樣教我地，如果想食熟啲，就要先將牛扒切小塊，咁樣先會做到六至七成熟～另外值得一提嘅係調味料。呢間餐廳提供左10幾款調味料，其中我最鍾意嘅當然就係鹽啦，另外仲有燒汁同埋清新芥末溝柚子醬油，仲有其他如蒜茸、蜂蜜芥末等等，緊有一款岩口味😀我個人覺得牛柳配燒汁最好味，而無骨牛小排配番鹽就最提到味啦！下次食埋另外兩款牛😋…查看更多

跟老婆在尖沙咀搵野食，剛好開到有間野開張，本著試試的心理去試，沒什麼人，可能是新開還沒人識吧，其他同類型的牛排店都要排隊，我們就有人招呼，又唔洗排隊，正 😂👍。食物方面，我點無骨牛小排，老婆點牛柳，再share食，有驚喜，$128 已有這個質素的牛排，完全無想過，老闆說他們都是選安格斯..... 另外，他們一大特色是醬汁，他們有7-8樣醬汁，比其他兩間多很多，由其那個辣味噌和wasabi+日本酸汁，我超愛，一般食牛排會感覺好易飽，頂住頂住咁，但用這上醬汁，感覺好清新，不會有飽肚的感覺.... 好正！ 價錢方面，我們兩個都是細食既人，無骨牛小排200g和牛柳200g 都是$128，再加上個套餐$30，有湯，飯，汽水和沙律，好抵下。…查看更多