癡膠雞 (荔枝角道)

呢排癡膠花嘅人氣真係愈燒愈勁，就連🐻都被燒到，聽聞佢個Fʀɪᴇɴᴅ癡膠雞嘅人氣都好勁，所以我哋今日就去咗搵佢個Fʀɪᴇɴᴅ ，睇吓係咪真係咁好食先😙招牌癡花膠雞濃湯米線 $78我哋加咗$10轉雞髀，肉質嫩滑有雞味，湯膽係湯底呈現鮮黃色，表面仲有浸雞油，飲落係好濃郁嘅雞味，食得出係無味精嘅，而花膠就偏膠質，份量都唔少，最正係用爐上，咁就可以Kᴇᴇᴘ住個溫度喇❤️麻藥雞拌麵 $58麻油味都幾香，食落唔算好濃果隻嚟，雞件份量都算多，最正係果粒糖心蛋麻，半流心狀態，滑捋捋又夠哂入味金磚豆腐 $42酥脆嘅外層包住嫩滑嘅豆腐，外脆內嫩，調味啱啱好，點埋個泰式酸辣醬，真係一粒接住一粒總括嚟講，份量足又幾抵食，難怪係長期人龍店🤩…查看更多

#MC帶你去太子.近年米線鋪愈開愈多，米線之所以咁吸引，其中一個原因係嚟自個湯底！除咗一般嘅酸辣同麻辣，仲有相對養生嘅藥膳湯底，今次就試一試其中一間，以養生足料出名嘅雞湯米線鋪。➖➖➖➖➖➖➖➖➖➖➖➖➖➖➖✨ 癡膠雞.「癡膠雞」主打養生及足料花膠雞濃湯米線。餐廳特別選用雞肉嫩滑、脂肪豐滿、雞味濃郁嘅三黃雞，加上用秘製貴妃雞滷水浸煮，令雞肉更滑更入味，完全不粗糙。而湯底則用上超過20斤的雞肉、豬骨，以及鯊魚軟骨大火熬製足足3個半鐘，奶白色嘅湯頭鮮甜清香。➖➖➖➖➖➖➖➖➖➖➖➖➖➖➖🥢 招牌癡花膠雞濃湯米線｜$68.最鐘意食「熱鍋米線」！有小火爐烘住，吃到尾都可保持熱燙滋味。上菜時，濃湯同米線分開上，米線可以按個人喜好加熱至唔同軟硬度。以雞肉、豬骨、鯊魚軟骨熬煮而成淺奶白色湯底，雞香味濃而不油膩。雞件用上三黃雞，肉質幾嫩滑，而且有4-5塊花膠，口感爽滑彈牙。➖➖➖➖➖➖➖➖➖➖➖➖➖➖➖🥢 藥膳黃酒雞湯米線｜$68.鮮嫩滑雞件配以醇厚回甘嘅黃酒，湯底香氣濃郁，加上紅棗，當歸、川芎、木耳等滋補藥材，補而不燥。雞件愈煮愈入味，甜醇黃酒味同雞件好夾！花膠一樣都有4-5塊，好足料。➖➖➖➖➖➖➖➖➖➖➖➖➖➖➖🥢 麻辣豬耳｜$38.即叫即製！上枱時仲係暖暖地，唔係預製擺喺雪櫃，值得一讚！切成幼絲嘅豬耳，口感爽脆彈牙，加上秘製麻辣醬汁，好惹味。➖➖➖➖➖➖➖➖➖➖➖➖➖➖➖🥢 白桃冷泡茶｜跟餐加配 $12.入口淡雅幽香，又唔會好甜，而且茶味醇厚，幾好飲！➖➖➖➖➖➖➖➖➖➖➖➖➖➖➖🥢 凍檸檬茶｜跟餐加配 $6.➖➖➖➖➖➖➖➖➖➖➖➖➖➖➖…查看更多

位於太子旺區有間主打養生花膠雞湯麵的人氣小店 餐廳座位不多但人流不絕😄而且乾淨企理 麵食跟小食的選擇幾多 價錢亦好親民 性價比好高💯✨招牌癡花膠雞濃湯米線 $68一整鍋花膠雞濃湯連爐上熱辣辣 湯底富含膠質非常鮮甜滋補🤤雞件夠大件好嫩滑 有3至4大件花膠好足料口感彈牙👍🏻米線一大碗份量好多🍜貼心地跟湯分開上保持米線口感 以免煮得太耐爛晒✨口水雞擔擔麵 $48🐔口水雞好新鮮入味 肉質嫩滑 調味帶麻醬的味道帶微辣🍜擔擔麵加入豬肉粒及花生粒 醬香味濃好惹味 麵底轉了薯粉口感夠煙靭✨金磚豆腐 $42金磚豆腐新鮮炸起熱辣辣 炸得金黃酥脆 外脆內軟不鬆散 蘸上泰式甜辣醬更惹味😍好推薦✨五香牛腱 $46牛腱筋紋分布均勻 透亮油香好入味 肉質軟嫩又有嚼勁🐮有白蘿蔔墊底✨飲品飲品以優惠價加配 要了凍檸茶🍋凍飲夠大杯 好解渴 性價比好高😙📍癡膠雞 (荔枝角道) (太子)太子荔枝角道78-84號勝興樓地下D號舖…查看更多

呢間主打湯米線嘅餐廳，招牌係雞湯，當然要試試不同口味嘅雞湯。首先係招牌癡花膠雞濃湯米線（$68），真係有幾塊花膠，而且個湯又癡癡地，充滿花膠味道。麵方面除咗米線，仲可以轉米粉、上海麵、薯粉等，今次我就轉左米粉。因為唔想食太多麵，所以另一份點左椰子雞（一份，$50）。椰子雞湯椰子味十足，好似落咗好多椰子咁，個人覺得呢個比花膠湯更好味。特別之處係所有雞湯都係一隻鐵鑊咁上餐，好似快餐店打邊爐咁，下面有個火熱住，咁樣啲湯就唔會凍咗膠住。另外值得一讚係雞嘅份量幾多，男士食都夠飽。最後點多個濃雞湯時蔬（$28），試埋佢最原始雞湯味，用湯煮嘅菜清淡得嚟又有味道，唔錯。…查看更多

位於荔枝角道，太子站Ｃ出口直出轉彎就到，唔難搵！門口都算有啲裝修，入到去小小舖頭，唔好寄望會坐得舒服，但平民街坊價錢同口味又幾好，上枱果時先上酒精爐，然後一窩雞湯咁上枱，之後米線分開上，好似打邊爐咁，但熱辣辣好岩冬天黎食，加埋濃厚既雞湯，暖胃又醒神，不過食落都係有味精，所以要食得健康既人就要考慮一下了招牌癡花膠雞濃湯米線$68雞湯的確濃郁，啖啖都充滿雞既肥美油膩，而雞肥瘦適中，其他包括花膠份量還可以，大食既人就唔會飽，正常食量就岩岩好蟲草花花膠雞米線$68係荃灣食開另一檔高質既蟲草花呢度果然比唔上，不過整體黎計都尚可接受，單以湯底黎計，佢冇招牌咁油膩反而比較吸引我，食兩個米線我會偏好呢一個…查看更多

今日途經太子本來打算食擔擔麵，但隔離74號間舖逢星期一休息無緣試食，轉移陣地試呢間。:(揀咗A2 招牌癡花膠雞濃湯米線 $68(免加一，不包括飲品)，店員放咗個點咗火既打邊爐爐頭上枱，個爐燒咗陣之後再放一煲雞湯上火爐度，同時俾咗一碗淨米線。碗淨米線份量認真少，湯煲入面既雞件幾入味，但雞件部位好差，無乜肉地，啲雞十足惠康特價38蚊一隻啲三黃雞既味。花湯只有丁屎3小塊，花膠質地好透，極細塊，雞湯方面味道幾入味，湯面有層雞既黃油，但飲哂啲湯食埋啲米線都唔飽，飲完湯後有少少口渴，懷疑湯有啲味精。總括而言，68蚊食完都唔飽好似食咗陣風，好昆錢，呢間試完一次唔會有第二次。:(…查看更多

秋冬日子都係鍾意食啲暖笠笠嘅米線🍁 暖返個胃感覺好正❤️ 朋友介紹呢間濃雞湯米線感覺滋補幾岩我心水🤣 店舖比較細比較迫😅 雞湯睇落足料但係飲落有啲太濃比較飽🍲 雞件本身就唔算特別了⭐️ 招牌癡花膠雞濃湯米線 🐔 雞湯入口非常濃💛 加上花膠口感有少少杰 飲多咗感覺有少少膩🌝 雞件同米線就冇乜特別 米線稍嫌比較淋🍜 注意唔好開太大火唔係會煲乾水🔥⭐️ 藥膳黃酒花膠雞湯米線 🥂比起雞湯呢款多左D酒味😚 帶淡淡的藥材味感覺唔太膩 缺點雞件同樣比較鞋🥳…查看更多

我一向對花膠情有獨鍾，今日好明顯就係衝著呢一間嘅花膠雞米線而嚟🤣舖頭唔算好大，但座位都算好企理～我就梗係揀佢呢個招牌癡花膠雞濃湯米線 ($68)啦🤤呢度嘅濃湯米線系列都會有個火爐保持個湯係滾，呢點我覺得幾貼心，始終呢啲濃湯攤凍會好易變杰～一飲呢個湯真係我鍾意嘅味，唔覺得佢有味精，而係真正用雞去煲嘅濃湯，雞同花膠都唔少，我用沾麵嘅方式將米線浸湯，之後一齊食🤣熱辣辣，感覺好正～非常之襯米線👍🏻最後都差唔多飲哂啲湯，勁滿足！男朋友就揀咗藥膳黄酒雞湯米粉 ($60)😌一上枱已經聞到超濃藥材味，個湯相對冇我嗰個咁杰，但味道同樣都好濃郁～入面啲雞都算幾多，仲有唔少雲耳同紅棗，感覺好養生😍小食我哋叫咗個椒鹽粟米 ($28)😗粟米切開咗一片片，好方便食，亦都唔乾～上面仲有啲避風塘嘅炸蒜粒粒，勁惹味～就算配埋啲咁濃郁嘅湯麵，味道都好突出😋每人仲要有杯羅漢果菊花茶送，真係好貼心😌呢間小店啲湯底真材實料，價錢亦都幾親民，唔錯☺️…查看更多

米線就食得多 但呢間米線好有特色首先佢好似一人火鍋咁 居然有個爐♨️ 米線就分開碗嚟裝建議每次將少少米線放入鍋煮1分鐘之後就食咁就唔洗林曬 保持彈牙口感 又可以入到味然後就係個湯底喇招牌癡花膠雞濃湯米線個雞湯係煲到奶白色架😍應該都係好足料地熬左好耐飲落味道濃郁因為有花膠 所以越煲個湯就越滋潤啱曬想養顏嘅女士們🤭雞就有5-6件 件件都多肉肉質都嫩滑 絕對唔係比曬雞胸肉你🍅蕃茄花膠雞濃湯米線呢個湯底蕃茄味清甜 甜甜酸酸咁好開胃😋除左花膠同雞之外配料仲好豐富有蘿蔔、木耳絲、蕃茄粒、蔬菜等等兩個米線嘅份量都好多不論男女都可以食到飽飽😋除左米線之外 仲可以揀米粉、上海麵或者薯粉我地都叫左個小食試下🦀蟹肉忌廉薯餅係新鮮炸好嘅 影完相先食都仲係熱辣辣脆卜卜裡面嘅蟹肉忌廉好creamy點埋我最中意嘅沙律醬 真係好邢惡😈總括嚟講 雖然價錢可能比普通米線貴少少但佢一D都唔普通 物超所值💰💰無論個雞湯、雞件定米線 都真係無得輸 值得推薦 我都會再回頭架!👍🏻👍🏻👍🏻…查看更多

🕖時段-星期四夜晚7點幾到有2,3人等緊 10分鐘內入得 食食下見出面有差唔多10人排😱好彩早少少到_▫️招牌癡花膠雞濃湯米線 $68上菜時湯同米線分開 湯係有個爐坐住一路滾🥘熱辣辣🔥花膠雞湯好鮮甜好好飲 雞肉滑嫩 有4-5塊花膠😛一路滾住 愈食愈濃味🐔 _▫️藥膳黃酒雞湯米線 $60湯既藥味唔算太勁 同埋有啲甜甜地咁比較易入口 雞件無癡花膠雞個肉質咁滑 但係啖啖肉無咩骨👍🏻 _▫️熱菊花茶跟米線送 無糖健康🌼 _🍽環境餐廳有大約10張枱 啲枱夠闊落 2人枱放2個爐加2碗米線都仲有位😙…查看更多

作為米線愛好者，對於唔同類型既湯底🍲同食法都會勇於嘗試。近年除左麻酸辣米線，雞湯米線都好受大眾，特別一班唔多食辣🌶既米線之友既歡迎。今次就去到朋友介紹既哩一間小鍋雞湯🐔米線，以火鍋形式翻熱住湯底，保證食到熱辣辣♨️米線之餘，又飲到熱辣辣既湯。招牌癡花膠雞濃湯米線 $68上枱既時候已經俾猛烈既火🔥吸引住，就咁睇個湯底帶淡乳白色，面頭有一層薄薄既雞油係到。先試試一啖湯🥄，果然熱到辣嘴，但味道就比預期中失色，飲落去都叫清甜，味道就偏淡雞味🐔唔算好濃郁，不過飲多都唔會話口渴。花膠大約有細塊三到四件，好淋身亦合乎性價比。雞件都有六嚿左右，部位係好隨意，有啲有肉有啲得骨🦴咁，但肉質就唔算鞋。番茄花膠雞濃湯米線 $68比起花膠雞湯，番茄湯🍅明顯更清淡，飲落都唔係好濃郁個種，略帶番茄既酸甜味。而配料就多左腐皮﹑白蘿蔔同木耳絲，整體感覺就清新啲🍃。雖然味道唔算好出色，但我覺得幾特別既係佢鍋底既賣點，到後期我都頂唔順太熱🥵熄左火，啲湯都滾到起哂泡泡。如果大家經過附近都可以一試。…查看更多

之前試過灣仔嘅癡膠雞分店，覺得好食又抵食，其實公司附近行遠少少都有另一間太子分店，今日就同同事行過嚟，順便當做下運動。兩間舖雖然係分店，但賣嘅嘢都不盡相同，呢度仲有一幅好靚嘅黑板畫，介紹吓仲有啲咩鎮店之寶。一坐低店員先俾杯熱茶，呢杯並唔係普通嘅中國茶，而係每日新鮮煲嘅羅漢果菊花茶，非常滋陰又潤喉。招牌癡花膠雞濃湯米線當然係必要之選，雞湯非常濃味，啖啖真材實料。入面仲有一件件嘅切雞同埋花膠，材料豐富，雞件煮得啱啱好，肉質保持嫩滑唔鞋口，呢個價錢真係冇得輸。原本諗住叫藥膳，不過店員話最近多咗人叫椰子雞米線，都啱嘅，一來已經試過藥膳，二來天氣咁熱唔使咁補住，就一於揀個鮮甜啲嘅椰子雞。呢個椰子雞雖然冇花膠，但取而代之嘅就有雲耳、紅棗、椰子，一樣咁滋補。呢度嘅小食好多都只係$28，所以我都點咗幾款。呢個金磚豆腐係即叫即整，上枱嘅時候熱辣辣，而且真係做到外脆內嫩滑嘅效果，簡單灑上少少味粉同芝麻，就已經非常可口。平時椒鹽菜式就成日食，但就真係未試過椒鹽粟米，起初仲驚又鹹又甜有少少怪，但估唔到食起嚟味道又幾夾，而且粟米切成小件，食起上嚟更方便。雖然呢度主打都係雞湯，不過見呢度同時都有魚湯，所以就叫返個鮮味魚湯時蔬，蔬菜主要都係白菜，另外再有木耳絲，浸過魚湯嘅蔬菜特別好味。最近真係愛上呢類雞湯窩麵，真材實料冇味精嘅花膠雞湯，一大鍋有雞有花膠連埋麵都只係買$68，真係仲抵過去酒樓飲個燉湯！…查看更多

📍癡膠雞📮太子荔枝角道78-84號勝興樓地下D號舖我地兩小口一向偏愛花膠雞湯, 今次等我帶🙎🏽‍♂️去食好西😌太子係我地放工既中間點, 呢間餐廳正正位於太子站附近, 行3分鐘就到, 唔怕行到出晒汗都未到啦.餐廳細細間, 坐20人左右, 收工7點幾去到果陣已經淨返2張枱, 真係行慢2步就要等位喇.餐牌上有林林總總既湯米線, 真係搞到人心大心細😆少啲堅定都落唔到單.招牌癡花膠雞濃湯米線 HKD68花膠雞湯本身係我地其中一款最愛既湯, 你話點可以唔叫呢間店最出名既花膠雞湯米線先😌侍應首先放低左個爐, 之後再放個湯上去, 等食客一路食個湯仍然keep住個熱度, 而且米線用另一隻碗分開上, 令米線唔會一直浸住個湯搞到淋晒, 淨係呢2點已經值得加分😎飲左啖湯充滿濃濃既雞湯味, 入面仲有成隻雞髀, 雞肉肉質嫩滑, 時間控制得岩岩好, 湯入面仲有3-4舊花膠, 呢個價錢邊有得輸😳椒鹽粟米 HKD28呢款小食好少係小店見到, 因為無得整定先一定要開鑊慢慢炒🤨好彩無令我失望, 粟米好惹味好有鑊氣, 啖啖都食到椒鹽既香味麻辣豬耳 HKD32豬耳好有咬口好爽脆, 唔算好辣, 下面仲有啲蘿蔔墊底鮮味魚湯時蔬 HKD28是日時蔬係白菜仔, 魚湯相對無雞湯咁濃郁, 清清淡淡, 配上蔬菜就岩晒口水雞 HKD48倒牌既口水雞大概係一隻雞髀既份量, 雞既肉質比起岩岩既花膠雞仲要嫩滑, 加埋辣辣地既醬料, 非常開胃😜.整體黎講餐廳性價比高, 2個人叫左咁多野, 埋單計返都係$200蚊咋, 真係抵到爛.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨.#nonstopeatingdiaryprinceedward #nonstopeatingdiary太子…查看更多

地方雖然唔係好大，但係都坐得幾舒服，一入到去老闆娘好熱情好客，我哋坐低咗之後攞咗兩杯羅漢果茶俾我哋，係非一般嘅羅漢果茶，用咗羅漢果同埋菊花煲既，飲完個喉嚨好舒服。我地叫左招牌癡花膠雞濃湯米線、藥膳黃酒雞湯米線、金磚豆腐、明太子釀雞翼、椒鹽粟米、雙檸樂。米線係同湯分開上，湯連爐上一路熱住，超有風味。如果驚黃酒太濃酒味，可以煲耐少少，等佢揮發左啲酒先。整體好高分，雞夠滑，食物同服務都一流👍🏻。招牌癡花膠雞濃湯米線-湯底濃濃雞味，因為花膠都多，所以個湯都好滑，果然係招牌。藥膳黃酒雞湯米線-好滋補，好足料，好似食緊醉雞鍋咁，好正！金磚豆腐-外脆內軟之餘仲好抵食，出面中式餐廳唔止呢個價。明太子釀雞翼-明太子控必食，香口惹味。椒鹽粟米-又咸又甜好過癮，完全配合。雙檸樂-呢個好正，落左半個咸檸檬🍋，飲落去有幾個層次，推介！…查看更多

原本諗唔到食啲咩 結果行行下發現咗呢間 dinner嚟講真係幾抵食 食完都覺得唔錯招牌癡花膠雞濃湯米線 $68見呢個招牌米線👨‍🍳當然要叫嚟試下 我幾鍾意佢嗰湯同米線係分開上 份量都唔少 而米線同平時食開嗰啲好唔同 比較爽口彈牙 我諗係佢地嘅米線係自家製花膠有兩至三片 不過我覺得硬咗少少 淋身返少少應該好食啲 而雞都有好多件🐔整得都幾入味 最後嗰湯幾濃厚 好重雞湯味 但係覺得唔夠熱 只有微暖嘅感覺口水雞濃湯米線 $42本身鍾意食辣嘢🌶️當然會叫碟口水雞 過下口癮 口水雞整得幾入味 雞肉夠哂嫩滑 但係唔夠辣 再辣啲就正啲啦 而相反呢個湯底唔太👌落得太重味精 除小食及主食除外 所有食物配熱飲+$4 凍飲+$6 特飲+$8 我同媽媽都係叫咗杯凍奶茶 大大杯 味道正常發揮…查看更多