餸記潮食 (已結業)

放假行開大坑去搵食，見到呢個門面好有趣，原來係食潮州野～我真係好鐘意食滷水呀。睇埋個午市餐牌仲幾抵食，就入去食先～我地一坐低，店員見我地熱辣辣，就問我地飲咩汽水，午市套餐跟埋～好貼心啊支裝汽水真係特別好飲我揀咗招牌滷水鵝飯($88)。連埋汽水、湯、前菜、半邊滷水蛋。自家製滷水唔會好咸，調味適中，同埋食得出真係鵝肉呀，平時好少食呢～咸菜又唔會太咸，招牌口水雞飯 （$68）呢個價錢食到咁精緻的午餐真係勁抵。雞肉好多又大件，件件都咁滑咁軟。個汁真係勁好送飯，香到不得了。新張期內，期間限定加左$48，一隻滷水乳鴿連豆腐，真係唔停口，要啜佢的肉呀，淡淡滷水香，連啲骨都有味呀！肉質仲幾嫩～星期日午餐食得好滿足呀！發現到個好地方，坐得舒適，食物又相宜又好食。下次要試埋個晚餐先

原本諗住黎大坑同媽咪去下啲打卡Cafe🤣🤣點知佢話呢間好嘢黎，叫我一定要試下☝🏻☝🏻中午時段餐廳其實客人都唔少，勝在佢地座位闊落坐得都舒舒服服～ Lunch Set選擇唔少✨但既然媽咪講到啲滷水鵝咁非試不可🤔🤔 都係試下招牌滷水鵝😋😋送上黎好似和食咁，除左主食仲有湯、配菜，仲有配埋飲品🥤，最鍾意咁樣每樣都可以試少少，好精緻😍😍講左重點鵝肉先，鵝肉滷得入味， 配上潮式特有蒜香醋汁更加帶出鵝肉的鮮味， 鵝肉件切得岩岩好，仲啖啖肉，十分滋味媽媽點的酸菜魚都係老闆推介👑 果然都唔錯，魚件滑得黎唔會梅，肉質爽彈無腥，湯頭亦唔差，酸菜味濃，不過就唔算辣，如果辣多啲啲仲過癮🌶不過我最欣賞既係佢地的配角🥰🥰🥰樣樣都咁出色，估唔到普通Lunch Set都食到呢個質素🙌🏻🙌🏻🙌🏻1) 滷蛋🥚十分十分入味！！🙀🙀 滷到連蛋黃都軟棉棉，真係要 滷夠時間先做到，呢啲位就睇到店家的誠意，唔會因為係配菜就Hea做👍🏻👍🏻2) 酸菜「潮食」有酸菜都好普遍，但出面既味道都大同小異，「鹹」仲多過「酸」☹️ 但呢度既酸菜食得出同出面唔一樣，仲有少少甜，就咁食唔送飯都忍唔住一啖接一啖，正!😎3) 紫菜牛丸湯手打牛丸都絕對係