🍜 招牌原條慢煮豬軟骨拉麵配溏心蛋（$150）豬軟骨好大條，加上佢用慢煮方式烹調左8個鐘，非常嫩滑腍身入味，軟骨位煮成半透明，膠質滿滿，好似啫喱咁入口即化；湯底方面我揀咗激辛湯底，辣度有大中小辣可以選擇，我揀咗小辣，湯底濃厚唔油膩，辣味香濃有層次而不嗆口；自家製拉麵好彈牙，溏心蛋生熟程度啱啱好，紫菜仲寫有唔同字句，我個碗寫有縁結び，非常有誠意🍜 幸福拉麵二重奏（叉燒、豬軟骨）配溏心蛋（$128）結如果想一次過試哂佢地嘅叉燒同招牌豬軟骨，推薦呢一款；朋友唔食得辣就揀左醬油豚骨湯底，醬油湯底濃郁不油膩，豚骨嘅鮮味突出；叉燒肥瘦分明，肉嫩多汁，炙燒後更係香氣四溢；豬軟骨嫩滑腍身入味🍤 野菜天婦羅（$45）天婦羅有蕃薯、茄子，粟米同南瓜，每一塊都大大塊，炸得香口唔油膩，麵衣酥脆薄身，蘸上有淡淡魚鮮味嘅天婦羅醬汁就更惹味🍠 日本一口甜薯配焙茶雪糕（$38）甜薯熱辣辣外脆內軟，口感軟糯；焙茶雪糕嘅焙茶味突出，而且唔會好甜，配上香甜嘅甜薯甜度啱啱好✨ 坐系拉麵吧枱仲可以睇住師傅整個煮麵嘅過程👍🏻…查看更多
