禪

餐廳位於大商場角落位置，餐廳比較細，位置比較逼夾～同埋呢度唔啱吹水食飯，因為太嘈基本上都好難聽到對方講咩😂😂整體食物正正常常，中規中矩～美國安格斯牛月見蛋丼（$172），（+$28）可以升級為定食，有沙律、野飲～牛肉比較乾硬，冇軟嫰感🙂‍↔️配搭橙黃色月見生蛋黃，充滿蛋香，同飯撈埋一齊層次豐富🤓南蠻炸雞白咖喱烏冬（$118），炸雞外皮香脆，肉質嫩滑多汁。白咖喱醬濃郁順滑，帶點奶香味，而烏冬吸滿醬汁好滋味💕不過食到後期會feel到有啲膩～抹茶刨冰（$108），刨冰上面有日式丸子、奶蓋，食到入邊仲有紅豆，層次感十足🥳！抹茶味濃郁，不過就比較快溶～豆腐花咖啡（升級套餐後+$6），其實冇咩豆腐花香味，如果唔講真係唔知係有豆腐花🤣咖啡味道正正常常～…查看更多

美國安格斯牛月見蛋井呢道菜嘅牛肉煮得恰到好處，入口即化，配上香濃的月見蛋，讓整體味道更添層次。每一口都令人心滿意足，簡直係肉食者的天堂！🥩🍳 白咖喱烏冬吉列大蝦咖喱醬汁濃郁，搭配Q彈的烏冬面，真係一流！大蝦炸得金黃酥脆，咬落去鮮味十足，完美地平衡咗香辣同鮮美，令人一試成主顧！🍤🍛 日式抹茶紅豆鮮奶抹茶味道濃郁，但唔會過於苦，搭配柔滑嘅紅豆同鮮奶，口感層次豐富，令人忍唔住想再嚐多一口！🍵🍬 凍荔枝郁果烏龍茶茶香清新，荔枝嘅果香令飲品更加清爽，完美地解渴，特別適合炎熱嘅天氣！🍑🧊 抹茶刨冰刨冰輕盈綿密，上面淋上抹茶醬，味道清甜，完美地為呢頓餐劃上句號！🍧💚…查看更多

見到依間新餐廳排行榜排第一，當然急不及待去試試啦。餐廳環境簡約日系色調，地方唔大，是晚坐滿食客，要等位，好生意到呢。美食日式風味，最吸引係這裡的刨冰，口味有多款選擇，選擇困難症又發作了。叫左抹茶刨冰，實在太出色，食完好有幸福感。晚餐二人前 $428前菜沙律沙律菜新鮮，配上柚子醋，甜酸開胃。明太子玉子燒玉子厚身口感鬆軟，味道香甜，配明太子醬的鹹香美味。吉列大蝦白咖喱烏冬大蝦四隻吉列香脆，炸粉唔厚，蝦肉彈牙，配日式蛋黃醬美味。而烏冬用上日本稻庭烏冬，口感軟滑彈牙，面層白色鮮忌廉混合薯泥，撈勻咖哩汁，惹味香甜好好味，又唔會好膩，讚！明太子蟹肉意粉意粉煙韌彈牙，明太子忌廉醬汁濃稠，意粉好掛汁，仲有絲絲蟹肉，食落啖啖滿足。百香果梳打 和 荔枝梳打梳打帶來清爽口感，甜度適中，正常發揮。抹茶刨冰 +$78賣相靚仔相當大碗，望見心心眼起。刨冰口感綿密細緻，入口即溶，抹茶醬汁濃稠，啖啖抹茶甘香，抹茶控必愛。仲有芝士奶蓋、紅豆和白玉丸子加持下，成就了今晚的ＭＶＰ，超鍾意。…查看更多

🇯🇵之前食過TERA, 知道沙田新城市廣場開左新分店，位置係city super 樓下，主打日式白咖喱烏冬、刨冰，裝修延續TERA日系裝修，簡潔舒適假日都有下午茶套餐，性價比更高，我地叫左兩個下午茶餐，隨餐附味噌湯/$42以下餐飲。🍜照燒雞扒白咖喱烏冬 $88餐廳主打白咖喱烏冬當然要試試！看起來白色嘅烏冬，其實烏冬面層嘅慕絲係薯泥鮮忌廉，薯泥加入新鮮鮮忌廉，比一般薯蓉更細滑。薯泥底下係日式咖喱和稻座烏冬，將烏冬跟上面的薯泥和咖喱混在一起進食，咖喱香味濃郁，薯泥令烏冬口感更有層次，整個配搭新鮮又絕配！照燒雞扒面塗上濃香照燒汁，雞扒嫩滑。☕️豆腐花咖啡 +$6咖啡內真係有一大塊滑嫩嘅豆腐花，豆花香配上咖啡，味道不錯🍧抹茶刨冰 $108刨冰用上日本十大名水白川水源，配搭極上抹茶醬。刨冰頂層加上芝士奶蓋和白玉，內層有綿綿嘅紅豆同煙韌嘅白玉。刨冰口感綿密，甜度天然唔係糖漿死甜感覺，最近天氣仲係咁炎熱食真係好爽好舒服🍵日式抹茶鮮奶 +$10漸變嘅抹茶鮮奶好靚，對比抹茶刨冰，抹茶味如果可以更香濃就更好🧇白桃伯爵茶窩夫 $108窩夫口感鬆軟，伯爵茶奶蓋香濃，加上清甜白桃，味道不怕甜甜膩。特別喜歡伴碟的crumble餅碎，香脆牛油味香濃。…查看更多

中秋佳節得到公司的半天假期，立即約了同樣是抹茶控的朋友來到沙田新城市廣場的「禪」，目標是他們的抹茶刨冰！刨冰的水源來自日本白川鄉，白川水原來是十大名水之一，出名在它的柔和鮮甜口感。刨冰做得幼細，有入口即溶之感覺。抹茶口味使冰品多了一份茶甘味，伴有幾顆煙韌的白玉丸子。中間還有紅豆餡，蜜漬味令刨冰更加香甜。配有抹茶醬，倒上後，抹茶味變得加倍濃郁。長長的吉列大蝦有4隻，欣賞炸粉層夠薄身，入口卜卜脆，蝦肉有彈牙感。烏冬有煙韌感，頗為掛湯。改配了香濃蕃茄湯底，湯底強調自家製，質感相當濃稠，但蕃茄味稍嫌未算突出。定食套餐還附有沙律一份。加配了一份4隻的炸單骨手羽。單骨手羽進食方便。外皮炸至香脆，雞肉香口juicy，感覺帶少許微辣。再多配一件朱古力毛巾卷。外皮塗了朱古力醬，還有士多啤梨作裝飾，賣相不錯。班戟餅皮薄身，包裹着幼滑的朱古力忌廉。甜度可以，不會過份甜膩。飲品可以選擇甜度。上枱時，杯底會有些抹茶粉沉底，飲用前需要拌勻。抹茶與鮮奶之間，以茶味較為出，正中筆者個人口味。…查看更多