Bellevue Bar and Grill

同屋企人慶祝生日梗係要揀返間高級餐廳食吓見Bellevue評價一向好好 睇相都好吸引所以就揀佢雖然位於油麻地 但係佢起23樓 窗外可以見到朗豪坊同街景 可以高處欣賞呢個熱鬧城市嘅燈飾✨成個氣氛都好高級 可以享受呢個燭光晚餐▶️前菜前菜係炒野菌同炸雞炒野菌好香牛油味 啲菇好有質感炸雞就好香脆 即使放耐咗都仲脆 而且厚肉 雞肉好滑嫩添🍗▶️餐包有兩款口味 係自家製嘅一款係粟米🌽一款係香草橄欖🫒各有特色 粟米嗰個加咗葵花籽 麵包外脆內軟 間中有啲粒粒野咬吓 不過就食唔到粟米味個人鍾意香草橄欖嗰個多啲 入面都有啲甜甜地嘅嘢 好似啲果乾咁咬吓不過其實兩個都好食 作為麵包控都忍唔住叫多一客😆▶️扒黑椒吞拿魚伴希臘沙律 ($168)賣相超high class 吞拿魚切成4薄片色澤紅潤 外層佈滿黑椒粒 肉質好嫰 吞拿魚新鮮 又唔腥 完全俾黑椒味搶咗 但係又好夾喎沙律有feta cheese 車厘茄 沙律菜 彩色椒 洋蔥 配上黑醋汁 非常開胃 食完一塊吞拿魚仲想食 可惜得4片▶️烤銀鱈魚扒 180g ($248)賣相同樣出色 魚扒下面有薯蓉 翠肉瓜青豆沙律菜做伴菜魚扒連皮冇骨 外皮煎得好香脆魚扒就保持到好多汁 配上牛油忌廉汁味道上比較淡啲fresh啲薯蓉好香薯仔味 又好creamy🥔▶️烤美國豬肋骨 ($258)呢個啱晒聖誕 就好似人哋成隻火雞上枱咁佢呢個成大舊肋骨上 等你慢慢切同品嘗可以見到佢燒到外面少少燶咁切開起碼比起一般外面食嘅spare ribs 多肉同埋啲肉遍瘦 食落食到一條條肉 咬落幾腍味道會食到嗰種煙熏味😋超級香 又好有聖誕feel▶️美國特級安格斯肉眼扒 10oz ($358)第一次見咁大塊牛扒 大過塊面🥩叫咗medium rare 所以入面少少紅色切落超級易切 因為佢肉質勁腍😧食過最腍嘅牛扒 幾鍾意佢個牛味 同埋好有肉汁 食落juicy同樣都食到少少煙熏味 不過spare ribs重啲唔係牛魔王嘅我都覺得好好食 一定要試呢個！佢都係有配菜薯菜嘅▶️甜品拼盤最期待一定係甜品 超級有驚喜佢個抹茶紅豆mousse 超級好食💚因為佢抹茶味好濃好香 少少苦苦地 令佢唔甜 mousse口感好滑好creamy 但係又唔係泡泡嗰隻而係比較實有質感嘅👍🏻另外有個曲奇撻都好好食 超香牛油味 但係你唔會覺得好膩 咬落好薄脆 根本就係曲奇餅咁旁邊其實仲有好多生果 綿花糖🍬Macarons 都好食 佢係用黒朱古力 所以唔會好甜 食到外脆中間一層朱古力咁🍫唯一覺得個熱情果蛋糕甜得滯 味道有少少似自制啫喱嘅味 同埋佢唔係cheesecake咁有餅底 所以食落好快’溜’否則其實甜品💯-食物非常高質 全部賣相一流👍🏻肉質好鮮嫩 烤制功夫好好 味道調味到位環境舒適 氣氛幾溫暖romantic🥰啱慶祝節日生日或者撐枱腳服務超好 侍應好友善 令成件事好有儀式感 又幫我地影相📸️完全覺得自己係VIP咁 CP值黎講幾值 平均$300/人 可以享受到美食氣氛 又食得滿足開心 食到好飽🙈真係一個好難忘嘅生日晚飯 非常推介大家聖誕慶祝嚟試吓宜家好似openrice book有折添！…查看更多

復活節假期，終於有時間享受二人世界。這家餐廳是朋友推薦，大玻璃窗上以仿真玫瑰砌成了心心，環境寧靜，是談心的好地方。有套餐提供或單點。麵包香軟。⭐️扒黑椒吞拿魚伴希臘沙律$168一片片吞拿魚清爽Q嫩，輔以黑椒調味，夾著辛辣滋味，實在很開胃呢！⭐️龍蝦濃湯伴煙肉海鮮雲吞$138龍蝦湯很濃稠，入口鮮味，龍蝦的味道很突出。配上炸得酥脆的雲吞，給味蕾新的享受。⭐️美國特級安格斯西冷扒（8安士）$308接近六成熟的西冷扒沒有失手，入口肉味濃郁，伴以網紋的焦香味，肥瘦恰當，令人享受。⭐️芝士焗牛肝菌露筍菠菜千層$168千層菠菜麵配上芝士，入口帶有芝士香氣，幸好菠菜和蘆筍中和了芝士的膩感。⭐️coconut panna cotta$78最後來一道義式甜品，奶凍口感較結實一些，入口帶有菠蘿的酸香，口感滑溜清新。⭐️strawberry love$45以Fresh strawberry 和士多啤梨糖漿混合而成，頂層加上忌廉，入口有士多啤梨果汁的香味，也帶有淡淡的奶香。⭐️Nugan Estate Merlot$85紅酒呈深红紫色，入口帶有果香，口感柔和。▫️油尖旺區較有水準的西餐廳，服務較專業得體，食物也在水準上。…查看更多

今晚友人帶我來到位於油麻地的一間西餐廳，這間西餐廳在大廈的最高一層(23樓)，基本上所有位置都能夠看到街外景色，望著街外的人來人往，更能顯出這間餐廳的浪漫寧靜。餐牌上有很多不同的菜式，想了很久終於都選了一款前菜、主菜和甜品。Passion Fruit($48)，飲品選擇了這杯較為有夏日感覺的飲品。這杯飲品有熱情果粒，酸酸甜甜，飲品加有梳打水，所以好有清新的感覺。扒黑椒吞拿魚伴希臘沙律($168)，希臘沙律平時唔常食，今次食就知道原來係有D沙律菜、橄欖、紫洋蔥，在配上一些酸酸地的沙律汁，都幾開胃。黑椒吞拿魚味道剛剛好，唔會太咸!烤緬因州龍蝦尾伴牛肝菌龍蝦汁扁意粉($198)，這個意粉龍蝦味非常濃郁，扁意粉掛滿龍蝦汁，意粉爽口，龍蝦尾爽口彈牙，雖然只是龍蝦尾，但是食完整個意粉，口入面都充斥著龍蝦的味道!焗迷你火焰雪山伴野莓焦糖燉蛋($88)，初初以為會係你面前點火的，但原來沒有。不過整個甜品都好好食呢!火焰雪山D Cream唔會好多，入面的雪糕是雲尼拿同埋咖啡nuts雪糕，非常美味!焦糖燉蛋亦好滑，整個甜品好快就俾我地食完了!總括黎講，餐廳環境舒適又有夜景睇，店員亦主動有禮，下次可以帶朋友黎這裡慶祝生日!…查看更多

到友人工作附近晚飯，在網頁看到介紹這裡有180度飽覽九龍群山及城市日落美景，心想在油麻地地方有冇可能呀！怎料到達這裡，才真真正正感受到描述是正確的 這裡是頂樓，有落地玻璃，可遠望街外景色；再加上內裡環境比較暗，營造浪漫的氣氛 ^_^再仔細看看餐廳內的裝璜及設計，就知他們花了很多心思。就連食物，他們都肯花心思去設計美味的菜色 店員介紹了一些菜色給我們......很有驚喜的沙律，扒黑椒吞拿魚伴希臘沙律，吞拿魚邊圍著黑椒，加添了吞拿魚的美味，再配上希臘沙律，開胃 兩款不同的湯，各有特色，一樣好味，沒想到用牛油果忌廉搽餐包，豐富了口感 網頁推介牛扒，當然要點啦！我們點了美國特級安格斯西冷扒 (10oz)，肉質嫩滑、肉味濃郁 烤緬因州龍蝦尾伴牛肝菌龍蝦汁扁意粉，友人初擔心只是龍蝦尾不夠味，但這碟菜剛巧相反，扁意粉滲滿了香濃的龍蝦汁，很有層次感，非常特別、美味 …查看更多

讀書時代最愛看漫畫，經常去旺角油麻地一帶，每逢周末除了逛街買衫掃街外，總在漫畫店流連忘返，有時候漫無目的也花了整個下午時間⋯⋯步入社會後，漸漸花不起時間無目的地逛街，反而是和朋友吃飯聊天居多。然而時移世易，油麻地區漸漸在轉型，商場地鋪換成鐘錶金行、商務旅館和高樓層的食肆，昔日景緻已變得不一樣。今晚這間餐廳讓我好好從高處看看這個昔日伴我成長的地方的夜景🌃餐廳浪漫的燭光氣氛也令人心醉❤️飽覽夜景之餘，也要填飽肚子。套餐$398/位，但是往往吃不完，決定單點了幾款想吃的。首先來一個熱烘烘的麵包，配唧花香草牛油。切開麵包一搽上牛油的瞬間，一股香草味旋即撲鼻而來🤤很久沒吃過真正熱的餐包，感覺很滿足！前菜扒黑椒吞拿魚伴希臘沙律，最喜愛的黑椒煙燻吞拿魚粒，外層黑椒惹味，內裡是鮮美的吞拿魚肉，加上新鮮沙律是很好的開胃菜👍🏻是日餐湯周打湯😍口感香滑細膩而雞肉鮮菌清湯，口感清爽不膩，有菇菌香，最適合愛清淡的人。烤緬因州龍蝦尾伴牛肝菌龍蝦汁扁意粉👍🏻👍🏻👍🏻龍蝦肉爽口鮮味，比起一般餐廳用的冷藏波士頓龍蝦明顯多了龍蝦海水味，肉質較彈牙爽口😍而牛肝菌龍蝦汁多，但略嫌鮮味不足，意粉煮得剛好，蘆筍新鮮爽口😋烤美國特級安格斯肉眼伴牛油焗露筍薑味照燒汁👍🏻餐廳主打乾式熟成牛，當然要試試熟成牛滋味啦！肉眼熟度適中，軟稔好吃😋好吃的牛肉不需太多調味上面有一絲絲的牛蒡脆絲（不是黑仔翠絲🤣）很脆口美味😋整體來說，價錢略高一點，沒有開水提供，不點飲品的話，需要點礦泉水，一支約800ml澳洲礦泉水收費$45。但食物質素不錯，加上美妙的高空夜景和浪漫氣氛❤️是加分位～…查看更多

※本文以用餐當日的環境、服務和食物質素為準，口味亦因人而異，文章只作參考之用。-同佢成日都會去油麻地譽發廣場食日本菜，不過今次我倆就去左23樓新開無耐專食牛扒既Bellevue食晚餐，一出電梯已經被門面的畫風吸引住。餐廳內環境幽暗，坐位闊落也坐得舒適，環境佈置都各有特色，牆身畫上不同主題的牆畫，坐近酒吧位一旁的坐位更有掛上一個個水晶球吊燈，感覺浪漫美觀；行到最入更有一個熟成櫃放了各款不同的熟成牛扒餐牌部分，由於燈光較暗，影得不太清楚。因為第二日要返工既關係唔想飲酒，就叫左兩杯以水果為主既mocktail。先黎小妹杯Mixberry Delight $68，成杯都係用雜莓打成，飲落去成口果肉，味道唔假完全無藥水味又唔過甜，很易入口；杯邊仲沾上少許砂糖，飲落去反而唔覺甜，結合埋反而有甜中帶微酸既味道，好飲！Apple Sour $68飲落同樣果味重，啖啖蘋果肉，味道清幽得來很討好。飯前先黎一份餐前麵包，搭配香草牛油，帶暖的麵包食落帶點煙韌口感，不錯。扒黑椒吞拿魚伴希臘沙律 $168希臘沙律以不同蔬菜搭配Feta Cheese，芝士充滿鹹香，食落很開胃；搭配的黑椒吞拿魚扒，中間咬落軟嫩，魚味滿重，但其後的黑椒味更加重，可能黑椒要略為輕手少少。美式蟹肉周打湯伴牛油果忌廉 $118牛油果忌廉周打湯味道夠滑好creamy，裡面仲食到不少蟹肉，個湯好惹味味道討好，值得一試。雞肉鮮菌清湯 $108之前試過食法國菜飲過蕃茄清湯覺得好特別，今次就試下鮮菌清湯。深竭色的鮮菌湯很透徹，湯內還加了雞肉和菌粒，飲落菇菌味慢慢滲出，不錯。美國特級安格斯熟成西冷扒 (10oz) $450之後到主角30日熟成西冷扒出場，西冷扒用炭火烤過，食既時候外層帶點微脆同帶有炭烤香；西冷扒要左五成熟，經過熟成後，就算五成熟的牛扒都能做到不滴血（不滲血）的情況。西冷扒切開後，小妹覺得係稍為過熟少少，幸好肉味依然很重，建議每件切薄少少，咬落去肉質會較為爽口。而且餐廳希望客人能夠品嚐原汁原味既牛扒，故沒有醬汁提供，如有需要亦都可問侍應提供。…查看更多

講到識飲識食，其中一隻飯腳麵包班同學仔Ivan兄佢比我堅識食，仲識煮，所以，見有一家主打乾式熟成（Dry-Aged）牛扒嘅餐廳「Bellevue Bar & Grill」新開業，大家都非常有興趣一試，搵咗晚大家嘅老婆都各自有局，相約嚟「撐枱腳」，講吓飲飲食食、旅行嘢。餐廳位處油麻地「譽發廣場」23樓，離地鐵只喺一街之隔，交通非常方便。而餐廳兩面都喺落地大玻璃，對出都未有高樓遮擋，雖然只喺一般嘅樓景，但日頭嚟相信景觀開揚，就算晚上嚟，亦有種居高臨下嘅感覺。一出電梯時，餐廳門面喺大大張牆畫，畫有帶闊邊帽嘅淑女之外，旁邊仲有獅子山及香港高樓大廈嘅剪影，心想，內裡會唔會帶種俏皮嘅風格？但入到店內，都仲有幾幅同系列嘅牆畫，不過，一室幽暗嘅環境，配以精緻嘅水晶球吊燈，極富氣氛，亦睇得出晌裝修上花咗唔少功夫。此外，算喺餐廳嘅中間位，設計咗一個巨型酒吧位，加上特別光效，背後又陳列出一支又一支餐酒，喺幾搶眼。若非友人剛剛病好，否則，佢一定點番杯紅酒嚟襯番啲牛扒。但有少少可惜，晌呢處並未設有只供客人淺酌嘅吧位，或許，店主喺想客人就算嚟飲幾杯，都想佢哋坐晌餐椅上舒服啲。但講到啲餐椅，喂！真喺舒服喎，唔單單喺皮椅嘅問題，配合餐枱嘅高度，兩邊嘅弧位及背脊嘅彎度，都讓人感覺好舒服。而餐枱雖一早擺好晒餐具，但落單後，侍應會因應你點嘅菜式而再調節所需餐具；仲有一點順帶一提，每換上新碟，餐碟上店家嘅名字都喺對準12點位，可見服務非常細緻，絕對喺素有訓練。嚟得呢類地方都屬於高消費，一般都唔會供應普通清水，一支意大利Acqua Panna天然礦泉水，盛惠$45。翻開餐牌，先有一版目錄，概括就會了解到有咩菜式種類，如乾式熟成牛肉、頭盤、沙律、湯、燒烤海鮮、家禽肉類、主菜、素菜及甜品。既然主打喺乾式熟成牛肉，當然喺要重點介紹啦，所以，再翻開一版，就會簡單介紹吓咩喺乾式熟成，呢個做法嘅牛肉會變成點。此外，餐廳更歡迎大家參觀佢哋放晌最入面嘅熟成櫃，每一條牛肉都會記低幾時開始熟成，一般而言，以30日左右為佳。一條西冷，晌熟成期間，往往切走唔少表面唔會食用嘅肉。由於餐廳嘅燈光確喺較暗，所以，影出嚟嘅餐牌唔算好清楚，效果麻麻，希望多多包容，哈哈！補充多點，其實餐廳有「精選晚市套餐」供應，而且，4道菜連餐前小食及餐飲，都喺$398 + 10%，睇起嚟性價比高，但可惜主菜只有一款限定。後來跟店方交流，原來因為剛開張，未敢提供太多選擇，但會逐步慢慢做，期望將來可以加添至三至四款主菜選擇，咁就較易吸引客人幫襯。麵包籃配香草牛油餐前先嚟兩個小圓包，初時以為一樣，但再細心啲睇，一個應喺額外加入奧勒岡香草，食落有陣陣獨特香味。不過，講到驚喜，喺啲牛油，柔滑而富香草香。扒黑椒吞拿魚伴希臘沙律 $168賣相精緻，而且色彩繽紛，希臘沙律嘅食材食落感覺好新鮮；不過，吞拿魚略嫌燒得略熟，再生一點更能夠突出其鮮味，此外，小弟個人就覺得黑椒味稍重，某程度冚咗少少魚鮮味，不妨改用黑椒拼黑白芝麻，減少黑椒嘅霸氣，效果或許會好啲。龍蝦湯伴煙肉海鮮雲吞 $138淨喺睇到個湯色已經好對辦，一抹鮮橙紅色，入口極盡蝦鮮味，質感幼滑細緻，湯內更有唔少龍蝦肉；而煙肉海鮮雲吞亦出色，外皮脆而不膩，味道鹹香，可以講喺今晚無任何挑剔嘅一道菜式。題外話，從出湯及主菜，都睇到服務嘅細節，就喺同類嘅菜式，都會同步上枱，絕無你飲完晒個湯，先嚟我嘅湯，而且，上菜都會先後有序。雞肉鮮菌清湯 $108「清湯」真喺要特別解釋一下，佢本身喺一道法國菜，將濃郁嘅湯底以蛋白黐走啲雜質而變清，所以，見到碟清湯清澈見底，就知首要嘅功夫已經做到足；而湯內混有嫩滑嘅雞丁及菌粒，只喺上枱時湯嘅熱度只有微暖，令味道大打折扣。烤虎蝦伴香草醬天使麵 $198主食方面，先嚟一道天使麵，巨型嘅虎蝦成為呢道菜嘅亮點，賣相亦好夠立體。天使麵做得剛好，因為外間唔少餐廳做天使麵都過火，變得過腍，呢次嘅麵條就柔滑如髮絲，份量亦可不少；不過香草醬可以減少份量，令麵條不致太油膩，雖然都喺啲健康嘅橄欖油，但純感覺嘅問題而已。虎蝦雖然好有睇頭，不過，口感卻意外地未有預期般爽彈。澳洲M5熟成和牛肉眼扒 $550是夜嘅主角卒之壓軸登場，餐廳嘅熟成牛扒有3款供應，包括美國安格斯嘅西冷及肉眼，以及更上一層樓嘅澳洲M5和牛肉眼，定價為每安士$45、$48及$55，Ivan兄都話呢個價都算抵食，因為佢不時都會買熟成牛返屋企煎，外間嘅零售價都相差無幾，晌度仲加埋配菜，以及招呼埋你。而無論邊款都好，份量都可以揀10、16、24安士。個肉眼喺最期待嘅菜式，食得出件肉眼本身喺好高質素，熟成後令肉味更加濃郁，燒出來嘅外觀非常靚仔，外層帶點焦脆，似喺有種炭火香咁，不過，似乎稍微熟咗少少，但肉質仍然好腍滑，極富肉味，順帶一提，個燒汁調校得甚香濃；而配菜都好豐富，有薯蓉、車厘茄、露筍仔、燈籠椒及忌廉菠菜，薯蓉非常軟滑，其餘蔬菜都烤過嚟，有份香氣，忌廉菠菜入口好嫩滑，用料不賴。焗迷你火焰雪山伴野莓焦糖燉蛋 $88一餐完滿嘅晚飯，以甜品作結喺常識吧，況且，小弟同Ivan兄素來都對甜品甚有研究，我哋真喺唔止識吹架，仲識整。呢道甜品就可以一次過試到兩款甜點，先講個法式焦糖燉蛋，焦糖部份做得薄脆且焦香，但燉蛋部份則稍嫌削身少許；而焗火焰雪山本身味道不俗，面層嘅蛋白好清甜，內裡嘅曲奇雪糕亦好軟滑。如能晌上枱時淋上少少白蘭地或冧酒再點火，營做出火焰效果就更有賣點。整體而言，我哋都好滿意餐廳嘅環境及服務，環境令人感到很自在，座椅好舒服，侍應嘅服務也非常貼心，主動添水，更換餐具，殷勤態度，保持笑容，均是值得一讚嘅地方；但可能喺新開關係，在多方面都需要磨合，故仍有不少地方有改善空間，例如上菜嘅速度、部份菜式嘅熱度，都值得注意吓。事後有機會跟店主交流，感覺佢都好用心聆聽客人嘅意見，相信再磨合一般時間，再作出相應嘅調整，餐廳晌各方面會做得更出色。…查看更多