華輝小食 (已搬遷) 新店位置

手撕雞腸粉 $32喺小店結業前終於食到呢到最出名既手撕雞腸粉！相信基本上黎得呢到既都係食呢個架啦😬本身都唔抱好大期望 聽唔少朋友講其實唔係特別好食 果然無期望就無失望 反而對滑溜既腸少表示驚喜🤩麻醬再多啲濃啲就仲正啦🤤小辣食落有明顯辣度 但覺得辣味同麻醬唔太夾 可能原味仲好食！.呢個份量黎講 價錢唔平 排左都有十分鐘 不過趁結業之前食返次都值得既🤓

聽講手撕雞腸粉就嚟要暫別街坊，所以梗係要再幫襯下😤 其實平時我唔係特別鐘意食腸粉，但係自從食過一次之後就周不時會想食，就係有依種無言既魅力。.每次經過都會見到好多人排隊，由之前係叫號碼到依家有機仔，究竟係邊個諗到可以用手撕雞配搭腸粉😍 .記得記得點都要嗌辣！通常我都會嗌少辣😚 同麻醬撈埋一齊簡直係perfect match 而且雞絲都真係啖啖肉好足料仲好嫩 腸粉都真係唔會散開😍 食下食下就食完一盤🙈.好可惜係月尾要暫別😢 大家快啲把握機會去食😚 期待佢再回歸😤

深夜發毒今晚老公返屋企既時候專登經過大圍，就係為左買呢傳說中既手撕雞腸粉！！！話說呢個手撕雞係需要排好耐隊，就算日頭定夜晚都好受歡迎㗎😋我地就買左兩份，一份係唔辣既，另一份係小辣🌶每一份$32，分量都幾足，都算大份。醬料除左有豉油同麻油外，仲有芝麻。腸粉反而有驚喜，幾彈牙，唔似街外買返黎既批發腸粉。但係手撕雞就有少少失望，雞肉比較鞋口，應該係雞胸肉。總括黎講都係食味道，所以小辣嗰份會比較吸引，而且都唔算好辣，下次可以試下再辣少少先😋

.喺大圍有間小食曾經風靡一時，出名到啲人要揸車入嚟排隊買。雖然熱潮過左，但係店員都算係做唔停手。.手撕雞腸粉 • 腸粉要求皮薄同滑，可以將卷狀嘅腸粉用叉分開打平，佢做得到。正常嘅腸粉係會加甜醬、辣醬、花生醬、豉油 — 簡稱「混醬」。手撕雞用嘅醬汁係好相似嘅，所以我覺得呢個組合好夾。佢有分好多種辣，我就揀咗小麻辣。雞肉係紮實但係一啲都唔鞋，份量都算多。雖然雞味唔係特別濃，但係點埋麻辣嘅醬汁，灑埋芝麻去食，令我有種食上癮嘅感覺。.其實上網睇過OpenRice嘅食評，有啲人話名過於實又有啲人話服務態度差，而我就唔覺啦。.餐名: 手撕雞腸粉價錢: $28評分: 9.5/10餐廳: 華輝小食 (大圍)地址: 大圍大圍道71號富嘉花園地下28號舖IG ： hkfoodpoint

呢間喺大圍火車站對出嘅華輝小食相信無乜人唔識，次次經過都要排隊食！今次好好彩淨係排咗五分鐘就有得食，雖然食腸粉嚟講佢價錢係貴少少，但如果計手撕雞同腸粉嘅份量佢簡直係抵到爛😝。手撕雞腸粉（$33）手撕雞一如以往地滑同香口，令人忍唔住食完又食；雞皮好爽唔會好肥膩。另外佢地嘅腸粉整得滑得嚟亦唔會一夾就散開哂，呢點真係好讚🤩🤩！有腸粉又點少得混醬，撈埋麻醬、甜醬同芝麻嘅腸粉原來同手撕雞十分之夾🤤❤️

手撕雞就咁食就食得多，如果撈埋落腸粉度究竟夾唔夾呢？大圍火車站一出行唔係好遠就見到有好多人聚係呢間鋪前面，原來係等緊外賣。由於我唔係住大圍附近，真係好心大心細買唔買黎試下呢？又見唔到有人企係鋪前面食喎，四周圍行下之際，俾我發現左附近有個公園可以坐低，好喇，一於向羊群出發喇！手撕雞腸粉BB辣一打開已經聞到好香，好夠汁，汁係可以cover哂d腸粉。腸粉好滑好夠熱，汁好夠麻醬味，平時腸粉要有埋甜醬先好味，但係佢嘅麻醬已經夠味到可以唔需要甜醬。雞有雞味，而且都算滑，將雞同腸粉一齊食真係幾夾，好有驚喜。粢飯比較失色，飯嘅份量太多，餸嘅份量太少，唔平衡，好多啖都淨係食到飯。而且餸嘅味道唔濃，肉鬆唔夠甜，炸菜唔夠咸，麻麻地。

熱潮雖然過左好耐，但每日番屋企經過都總係會有一條人龍係鋪頭前面。手撕雞我就成日買啦，真係好食既，雞肉嫩滑，即叫即製，仲有d芝麻係上面，飯都食多幾碗但手撕雞腸粉又係咩一回事呢？今晚，佢好奇心驅使之下買咗一盒黎try try都算幾足料！手撕雞依然係一貫既水準，但加埋腸粉又好似怪怪地。（識食腸粉一定要有大量甜醬）無加甜醬就已經唔係腸粉！所以建議大家分開食，手撕雞還手撕雞，腸粉還腸粉😂搞埋一齊個人就認為唔係太夾！

大圍有好多茶餐廳，亦有多國菜，例如日本菜、泰國菜都有。有個住大圍嘅朋友就介紹我哋喺大圍站對出嗰度掃街～ 我見到有津津美食，又有share tea，不過佢最想介紹嘅就係呢間食手撕雞腸粉嘅鋪頭💁🏻自從食咗第一次之後，每次同男朋友去踩單車之前都會食呢個做午餐🍴 分量足夠兩個人食，而且撈埋啲醬會濟啲飽啲，辣度都有得揀嘅，平時都係叫小辣腸粉幾薄，望落通透，咬落去得質地唔會太實，捲埋咁食都唔會太濟。雞肉撕成一條條，食落好嫩口，似係啖啖都係雞脾肉咁。我通常會腸粉同手撕雞一齊食落口，有晒兩種口感係入面，正🤤

黎到大圍可以食啲咩？我就去試咗華輝小食嘅手撕雞腸粉其實我覺得冇某雜誌食得咁好食手撕雞係啖啖肉 不錯的但加埋腸粉唔似雞絲粉皮可能因為太多豉油🤔另外辣味唔夠 爭啲啲咁________________________裝修環境：✨✨✨服務態度：✨✨✨食物質素：✨✨✨(5個✨為滿分)價錢：$30________________________唔信我嘅可以自己去試試😂地址：大圍大圍道71號富嘉花園地下28號舖

在另一文：浪漫斑腩飯 提及吃畢斑腩飯後，再戰大圍另一新登場名物--手撕雞腸粉。就在同一條街，小食店除了售賣常見的魚蛋燒賣腸粉，最近添了這道新小食。預先蒸好的雞肉策絲，加入麻油辣油調味，本已吃口。有趣的地方是在雞絲底部，放下條條蒸熱及剪成段的腸粉。還要加上雙色混醬，十分惹味。辣度可自行選擇，不過bb辣對筆者而言也是中辣了！試味後，腸粉比想像中更要軟滑，帶著米漿的香味。但感覺上有點不協調，就是軟滑的質感跟有肉感的雞絲不太相襯，就是把兩者分開都可以的感覺。不管怎麼，還是一道不錯的小食，可試試，看看是怎麼回事。

今日有朋友特登來大圍搵我，佢就話之前睇過有媒體報道大圍有名物，仲要係必食嘅名物。我住咗喺大圍咁耐，都真係唔知乜嘢係大圍名物？於是就叫佢帶我去試吓啦。原來佢口中嘅必食名物就係喺大圍火車站附近嘅華輝小食。行到去鋪頭面前見到店家有將媒體訪問佢哋嘅報道貼出，而且個標題真係寫住大圍必食十大名物。好啦，都寫到必食喇，身為大圍友嘅我冇理由唔試吓掛。我就叫左一盒手撕雞腸粉，BB辣，＄30。以＄30嘅食物來講佢都算比得足嘅。腸粉上面鋪左雞絲，雞絲同埋腸粉嘅比例大概係接近一比一，一條腸粉搭一條雞絲咁樣食，好快就可以將呢一盒腸粉K.O.。但係我覺得腸粉就的而且確係一份普通嘅腸粉佢又唔係特別滑，d 醬又唔係調得特別香 而雞絲嘅質素方面，亦都係冇乜特別啫，唔算嫩滑，甚至係有d粗糙，更加唔覺得佢係用上新鮮嘅雞 而且雞皮嘅份量喺比例上都唔少 呢方面係有少少失望 就食物嘅質素來講，我真係諗唔明點解會有媒體話佢係大圍必食名物？？老實講，單係談論腸粉嘅好味香滑程度，華輝小食同後面街嘅坤記腸粉真係冇得比喎而且人哋價錢仲更加實惠添講完食物質素，講下服務態度啦。我個人覺得華輝小食喺購買食物嘅程序方面係需要一啲改善雖然佢哋已經喺

大圍愈來愈多新食店和美食發掘，未知是否與沙中線的發展有關🚊？『手撕雞腸粉 $30』腸粉提供七種辣度🌶，不太吃辣的真的選原味就好了😂，而無辣不歡的就可以來挑戰地獄辣😈。個人本來不太欣賞腸粉🙊，但加上手撕雞和他們自家麻醬的配搭令我驚喜🤤。腸粉雞肉嫩滑，已撕開的肉方便進吃（懶人必吃👻？）。吃飯後掃街可與朋友share，一個人當正餐也是ok的。『手撕雞飯 $40』我早前試手撕雞飯，送一罐飲品，會更適合當正餐。個人覺得也不錯醬汁夠滋味，只是主菜的肉相對白飯有點不夠🤔。⠀🗣中午來基本上不用排隊，黃昏後就要等等嚕。@hktpy 《K》

今日同男朋友出街出夜左。。。返到去附近已經冇乜嘢食可以揀所以就揸咗車去咗大圍啲深夜小食店睇睇～頓時突然諗起朋友之前推介過大圍嘅手撕雞即刻衝去試試～結果叫咗一個手撕雞腸粉同男朋友share落單方式都幾好 系叫完個嘢食會比部機你拎住等到部機響 你先去攞嘢食～等候嘅時間就可以四圍行吓一食落口 真係不錯呢啲汁非常足夠 啲雞同腸粉都好滑～不過最好嘅事系間鋪頭開到好夜 12點幾之關門夜咗返屋企都唔怕無宵夜食kakakakaka如果夜晚又肚餓又經開大圍都值得一試嘅

Order左手撕雞腸粉主打嘅係舖頭自家制嘅麻醬同出面嘅味道好唔同味道雖然無咁濃但我覺得佢比較有芝麻味無平時街個d咁假(Ps因為芝麻本身都係聞落香但食落唔覺)手撕雞加腸粉呢個combination其實幾特別一份入面都算多雞雞同腸粉加埋個醬又幾夾幾好食只係價錢貴左少少試一次就夠啦🙈

最近大熱既手撕雞腸粉！$28一大盒 仲要熱辣辣 味道亦不錯手撕雞就咁冇醬汁都入味 不過就唔係幾夠嫩滑 ；而腸粉就比較厚粉 但係呢又幾滑溜喎 加埋精髓所在既邪惡自家麻醬 芝麻 豉油就更加味濃 仲可以加辣 辣辣地就更易入口冇咁漏 食下食下就食唒成盒！其實都係兩人share一盒好d