影片
更多
2017-07-29
692 浏览
今日有朋友特登來大圍搵我，佢就話之前睇過有媒體報道大圍有名物，仲要係必食嘅名物。我住咗喺大圍咁耐，都真係唔知乜嘢係大圍名物？於是就叫佢帶我去試吓啦。原來佢口中嘅必食名物就係喺大圍火車站附近嘅華輝小食。行到去鋪頭面前見到店家有將媒體訪問佢哋嘅報道貼出，而且個標題真係寫住大圍必食十大名物。好啦，都寫到必食喇，身為大圍友嘅我冇理由唔試吓掛。我就叫左一盒手撕雞腸粉，BB辣，＄30。以＄30嘅食物來講佢都算比得足嘅。腸粉上面鋪左雞絲，雞絲同埋腸粉嘅比例大概係接近一比一，一條腸粉搭一條雞絲咁樣食，好快就可以將呢一盒腸粉K.O.。但係我覺得腸粉就的而且確係一份普通嘅腸粉佢又唔係特別滑，d 醬又唔係調得特別香 而雞絲嘅質素方面，亦都係冇乜特別啫，唔算嫩滑，甚至係有d粗糙，更加唔覺得佢係用上新鮮嘅雞 而且雞皮嘅份量喺比例上都唔少 呢方面係有少少失望 就食物嘅質素來講，我真係諗唔明點解會有媒體話佢係大圍必食名物？？老實講，單係談論腸粉嘅好味香滑程度，華輝小食同後面街嘅坤記腸粉真係冇得比喎而且人哋價錢仲更加實惠添講完食物質素，講下服務態度啦。我個人覺得華輝小食喺購買食物嘅程序方面係需要一啲改善雖然佢哋已經喺
原來佢口中嘅必食名物就係喺大圍火車站附近嘅華輝小食。行到去鋪頭面前見到店家有將媒體訪問佢哋嘅報道貼出，而且個標題真係寫住大圍必食十大名物。好啦，都寫到必食喇，身為大圍友嘅我冇理由唔試吓掛。
我就叫左一盒手撕雞腸粉，BB辣，＄30。以＄30嘅食物來講佢都算比得足嘅。腸粉上面鋪左雞絲，雞絲同埋腸粉嘅比例大概係接近一比一，一條腸粉搭一條雞絲咁樣食，好快就可以將呢一盒腸粉K.O.。
但係我覺得腸粉就的而且確係一份普通嘅腸粉佢又唔係特別滑，d 醬又唔係調得特別香 而雞絲嘅質素方面，亦都係冇乜特別啫，唔算嫩滑，甚至係有d粗糙，更加唔覺得佢係用上新鮮嘅雞 而且雞皮嘅份量喺比例上都唔少 呢方面係有少少失望
就食物嘅質素來講，我真係諗唔明點解會有媒體話佢係大圍必食名物？？老實講，單係談論腸粉嘅好味香滑程度，華輝小食同後面街嘅坤記腸粉真係冇得比喎而且人哋價錢仲更加實惠添
講完食物質素，講下服務態度啦。我個人覺得華輝小食喺購買食物嘅程序方面係需要一啲改善雖然佢哋已經喺鋪頭貼出咗購買嘅程序，但係我去到嘅時候係感受得到有啲混亂。見到有客人喺度喺鋪頭面前等候，但係根本係冇一個店員出嚟迎接。我嘗試叫店內嘅店員出嚟，表示我想購買手撕雞腸粉，但係佢哋係冇反應，完全無行出嚟嘅意欲（佢係見到我，我哋有眼神接觸架）直至到佢哋做好一盒腸粉行出嚟交比客人嘅時候，先至接我嘅order
仲有就係當店員將盒手撕雞腸粉交俾我嘅時候，我發覺啲豉油已經流晒出嚟萬一個膠袋係穿窿嘅話🙄🙄呢盒腸粉真係食得有啲唔高興！
张贴
