道頓堀御好燒專門店 (新城市廣場)

三個女人生日一聚，由於有會員優惠，又一直有興趣試試自製御好燒，抱著一試無妨的心態，就嘗試了這一間餐廳～一walk-in 就有位，鐵板早已預熱，我和友人一坐下就努力研究製作方式，因為已有心理準備全程「自己嚟」，所以對於服務欠奉也沒什麼hard feeling. 自家製是有點輪盡，不過趣味的確滿分。（可能）加上狂加醬料、海苔粉、鰹魚粉，味道是比預期中好。因為會員優惠卷，結帳時位位8x元，抵！唯一不能接受是吃完後由頭到腳，以及手袋通通都有一陣很重的油味，建議店家可改善抽風系統，或提供籃子放置袋子外套。…查看更多

今日係新城市廣場食晚飯，唸唔到食咩好所以就上咗廣場既 7 樓睇下有咩餐廳，最後見到呢間大阪燒餐廳都幾多人排隊，所以就試下喇。原來全部大阪燒都要自己一手一腳整真係好有挑戰，如果唔識唔緊要餐廳有埋教學你睇，如果睇字都唔明亦都唔緊要，因為重有埋 QR Code 比你上網睇住 YouTube 做，務求要你變成地獄廚神 🤣 🤣 真係好窩心。👍🏻 👍🏻 👍🏻兩個人叫咗 $388 二人套餐 (一款前菜、一款御好燒、一款廣島燒、兩款小食、甜品同飲品)。煙肉凱薩沙律 : 沙律菜新鮮爽口，煙肉要燒完先食得，就咁食又得撈埋沙律食又得。御好燒 + 廣島燒 : 同朋友都係第一次整，做出嚟個樣都叫有板有眼，整好後醬汁按自己喜好而加，味道不錯之剩份量都好大份。小食 : 一款係固定既牛油帶子同一款二選一 (牛肋肉 / 豬腩肉 + 雞肉)，最後就揀咗上級牛肋肉。牛肋肉雖然得六片，但睇肉質顏色同雪花紋就知係好野嚟，而牛油帶子燒完都無縮水既情況，而且都新鮮。👍🏻 👍🏻甜品 : 叫左綠茶同柚子味，口感似雪芭，而且味道不太濃之剩，甜度亦適中。👍🏻 👍🏻整體嚟講無論環境、價錢、食物質素都好好，值得一試。…查看更多

今日同朋友2個人去到新城市廣場 上到最高個層有好多唔同餐廳最多人就係呢間但係偏偏我地就係睇中呢間因為有得自己整大阪燒既感覺 好吸引佢有多款俾你揀 包括大阪燒 御好燒 等等佢每款燒餅 都會俾唒材料 亦有詳細介紹點整所以你只需要跟住佢既指示 放入去煎 計岩時間就得架啦好似好簡單 但係其實做落係有啲難度我地分別叫左一個廣島燒及一個御好燒我整個個因為餅底一開始整得有啲細所以啲面sip唔入去搞到好多面咁朋友個個因為以為最後個sauce係全部倒唒落去所以佢個大阪燒變左黑色………………但係其實好少地方而家有得自己整咁好架啦又可以同朋友仔多一個話題玩下所以都幾推廌! …查看更多

終於都試到呢間餐廳！每次去都好多人，而且無得book位！今次我地有8個人去食，佢要到齊先俾入！原來係有原因。。因為成餐飯都要自己燒！但好好玩！好得意！無論多人定少人，呢度都好正！一個好機會一齊傾計！全部野食賣相完全同餐牌入面既相片一樣❤️而且所有醬料都好齊備！紫菜碎、木魚碎、燒餅汁、沙律醬！好地道！御好燒、芝士燒飯團、芝士薯仔飯團、炒麵、燒肉全部都好好味！不過成餐飯都要自己煮，可能煮既一位有點攰，但大家都覺得玩得好開心！而且設備好好，唔易燒燶！反而野菜蒸就麻麻，好難熟！蒸左成餐飯最後先可以食，但椰菜都好甜！另一唔太好食係芝士牛筋燒，都麻麻地！呢間餐廳真係超多款式！好多野食好多野飲！酒類都好多款！紫蘇梅酒都好好飲！果味燒酌/果味梅酒/果味梳打既酒都好味！好有層次感！琴日食完今日想再食🤩😋不過如果多人去，要考慮一下，因為食完都好似唔飽，都食左$13xx!同埋多人去食會好混亂🤪🤣🤣但好開心！就算帶埋幾歲既小朋友一齊食都無問題！笑聲吵鬧咁度過！可以去試試！…查看更多

2018年9月2日11:30左右。註明入坐每人最低消費$100用膳時間90分鐘。我同媽咪兩人點了一份御好燒，一份道頓崛炒麵，兩客士多啤梨葩菲🍨。由於選擇很多，我們要求店員作出介紹，在此不得不讚👍🏻店員Issac細心講解，還親自動手為我們製作，御好燒製作需時要每5分鐘反一次共3次，所以説他非常貼心御好燒做得好靚，店員說標準是10cm，上面加上醬汁，再加上沙律醬，加上紫菜粉和鰹魚粉，十分完美，味道一流，不油不膩，而且很爽口啊。可惜太餓關係沒有拍照，至於炒麵很有咬口煙韌有彈性，有🦐魷魚🦑及蔬菜，此餐午膳為$253，我們都感到十分鐘滿意。…查看更多

想試好耐，終於係沙田開左啦，緊係襯未咁多人知去試下啦！六點半去到都等左15mins，入到去發覺係有枱既，應該係想多d人等位做下勢，好彩都唔係等左好耐餐廳裡面有好多細心位，竟然每張枱都有USB位叉電，有詳盡既步驟教你點樣整每一款食物，仲有埋個timer方便計時！入番正題，今晚兩個人首先叫左一個御好燒同廣島燒！ 叫左個睇落最易整既道頓堀雜錦（御好燒），裡面有：魷魚，脆米，子薑！材料比例岩岩好，跟住個step做個熟度同燶度都恰到好處！但成個過程at least 15mins ，食就兩啖成哂，唔多夠喉製成品都有九成似，加埋醬汁就perfect! 好！挑戰難度啦，個廣島燒有拉麵，蛋，豚肉兩塊，炸魷魚乾，仲有一大堆椰菜絲！呢個製作過程複雜好多，好多時都要multi-task ，有d手忙腳亂，但我地都堅持自己整，唔靠職員！ 加埋醬都唔係太差🙈 拉麵有鹼水味，但其實食落同御好燒差唔多，係多左個魷魚乾香味。如果跟住個step做d椰菜絲偏生，炒炒佢比較好！ 食完兩個覺得唔夠滿足，叫多個飯後甜品先！夏威夷雜莓pancake好香蛋味又易整，但cream就唔夠多。 環境方面抽煙唔係咁好，食完成身油煙味！ 貪玩既一定要試下，味道整體黎講都唔錯！過下手癮試一次就夠。…查看更多