焼肉 焰

新年假期去咗屯門搵朋友拜年，夜晚搵左間燒肉店食晚飯，餐廳採用木系設計，以卡位為主，坐得舒適。餐點方面有幾款新春套餐，或者以單點形式都可以。我同朋友單點咗以下幾樣試下。先嚟個碎蛋沙律菜，唔夠仲可以再refill 。✨名物！菠蘿漬鑽石和牛胸腹肉 $288店員會幫忙燒和牛胸腹肉，燒到半熟會先拎起靜止，店員話咁樣可以鎖住肉汁，隔一陣再燒。果然肉味香濃有陣彈菠蘿香味，肉汁爆多口感軟嫩，呢個好好味必點。✨黑毛和牛肉眼芯 $328油脂分佈都好靚，輕輕一燒就可以，牛味都香濃，拌飯食都唔錯。✨黑毛和牛壽喜燒（兩件）$268油脂分怖都好靚，先將黑毛和牛輕輕一燒就可以。然後飯團會先沾上蛋漿和壽喜燒醬油，再將大大塊嘅黑毛和牛包住沾滿蛋漿和壽喜燒醬汁嘅飯團一齊食，食落好滿足。必點✨名物!蒲燒鰻魚 $228大大條鰻魚燒到個皮膿邊香脆，魚肉爽彈，加埋個鰻魚醬汁食落香脆又美味，又可以拌紫菜飯一齊食就成為一道美味可口嘅鰻魚飯。✨幸福！生蛋拌飯配漬海苔 $29生蛋拌飯無論就咁食，加埋和牛或許鰻魚一齊食都一樣咁好食，每次食燒肉都會必點。✨燒菠蘿到尾食返個鮮甜多汁嘅燒菠蘿。▪️食物方面：味道樣樣都唔錯，沙律可以Refill。▪️環境方面：環境都幾乾淨，坐得都舒服，抽風做得好好，食完衣服唔會有煙味。▪️服務方面：除咗菠蘿之外，和牛店員都會主動幫忙燒，呢樣唔錯；店員換網嘅頻率都好高，每燒完一樣店員都會換網，抵讚呢間值得再訪。📍 焼肉 焰 (屯門)屯門屯順街1號屯門市廣場1期2樓2253A, 2253B, 2255及2256A號舖…查看更多

屯門市廣場食野唔算貴方便為主係taste 果頭開左間日式燒肉去taste 入貨前，就去醫醫肚餐廳日式為主行小高級路線，係屯門比較小見不過價錢親民，所以好多街坊客焰！和牛壽司（4件） $125新奇比較小見特上牛小排(4件）$138肉味重，調味好夠厚切鑽石牛舌（4件）$148牛舌唔係厚切就不如唔好食係間餐廳明白依個說法牛舌爽口，肉味超濃牛油大蜆正正常常牛油味比較重幸福！生蛋拌飯配漬海苔 $29食完食完依個飯，真係好幸福壽喜燒！黑毛和牛西冷配生蛋飯$168依個比較特別可以叫師傅幫你燒同剪再點蛋汁同飯去食菠蘿同巨峰提子梳打…查看更多

屯門其實都有好多野食，行完街被呢間日式木系裝修嘅燒肉店吸引，店內大部分都係卡位，座位舒適，抽風系統都好好，唔會一大陣油煙味。晚市方面除左有套餐外，仲可以單點散叫，牛當然係主打，亦都有提供豬、雞、海鮮等主食。1️⃣ 名物！菠蘿漬鑽石和牛胸腹肉 $288呢個必食💯首先賣相已經好啱打卡，原隻菠蘿上放了一大塊和牛胸腹肉，唔好以為菠蘿🍍只係裝飾，入面真係一塊塊切好嘅菠蘿俾客人燒黎食，非常香甜多汁，重頭戲係塊和牛，店員仲主動幫我地燒好，非常腍滑多汁，十分推介！2️⃣ 特上牛小排$138共有4塊，本身已經醃製好，唔需要再沾其他醬汁，輕輕煎香兩邊就食得，肉質嫩滑而且入口即溶。3️⃣ 焰！和牛壽司 $125雪花油脂比例分佈平均，店員會喺客人面前直接炙燒，仲會有塊隔板擋住，以防火花彈出，非常細心，食落油脂好香👍🏻4️⃣ 塊肉！五花肉 $98脂肪同肉嘅比例啱啱好，燒到兩邊金黃脆口，真係無得頂👍🏻5️⃣ 厚切鑽石牛舌 $148牛舌都係厚切最好食，同樣一碟4塊，預先已喺牛舌上戒左井字紋，減少燒烤嘅時間，牛味都幾濃，唔會韌而且鮮脆😋6️⃣ 幸福！生蛋拌飯配漬海苔 $29一大碗份量十足，海量嘅紫菜碎，加埋隻生蛋，配埋啲肉汁，真係一流！7️⃣ 白桃梳打好香白桃味，甜甜地，啱晒女仔飲8️⃣ 巨峰提子乳酸梳打味道甜甜酸酸好開胃，又可以有胃口繼續食燒肉另外，餐廳會為每枱客人提供椰菜沙律，可以中和下肉類嘅油膩感，仲有提供3款燒肉汁俾客人選擇。總的來說，餐廳座位非常舒適，食物質素頗高，而且餐廳職員好友善，仲會主動更換鐵板，服務相當週到👍🏻#foodie_couple_hk_sm816…查看更多

食日式燒肉，想食得特別啲。被焰🔥嘅名物！菠蘿漬鑽石和牛胸腹肉！所吸引，決定食一食呢個名物。名物！菠蘿漬鑽石和牛胸腹肉！ 外貌極搶鏡，整片和牛胸腹肉蓋係大半個菠蘿上。 Pineapple + Beef? 兩樣都係燒烤必點，但估唔到咁夾。諗返中學Bio，菠蘿有酶(enzyme)，有助分解蛋白質，令牛肉更軟嫩。店員主動幫我地燒，廢村只係等食。一放，和牛胸腹肉係鐵板上，菠蘿淡淡酸味撲鼻而來。一剪，見到粉嫩嘅紅色同湧出來嘅肉汁。滋滋炸炸，又係滋味嘅聲效。一食，就黎可以用爆肉汁黎形容，和牛胸腹肉極柔軟。果然係名物，必食！大半個菠蘿唔會被浪費，一早已割開一條條，方便我地燒。另一必食係和牛壽司。店員即席係我地面前火炙和牛，十足一個火show。見住和牛慢慢由粉紅轉棕紅啡，慢慢卷起，好治癒。可能同人一樣，和牛受磨鍊，變得更好。經火炙，和牛油脂平均呢點被發揮，油脂更出、更香濃，令人回味無窮。除咗兩大必食，亦點咗特上牛小排、厚切鑽石牛舌同埋塊肉！五花肉。特上牛小排，燒汁帶甜，肉味亦好出。燒牛舌鹽味恰到好處，加少少檸檬酸汁更清新。口感有彈力。塊肉！五花肉用簡單醃料，食到食材嘅原味。燒完唔會過分油膩。有肉當然有飯，簡簡單單黎個幸福！生蛋拌飯配漬海苔配燒肉已經好幸福。首尾呼應，點咗沖繩菠蘿梳打，完成充滿菠蘿嘅晚飯。…查看更多