白宮咖啡室 (已結業)

去開荃灣知道有好多好野食最後幾間餐廳入面揀左呢間原因係比佢嘅卡通咖啡吸引左🤣當晚星期日都驚多人所以打左去訂位但去到都有幾張吉枱加上原來有樓上一層嘅我地四個人叫左四個晚餐再加個小食拼盤我叫左個蒜香白酒蜆肉意粉蒜味好夠而且都有好多蜆肉但係有少少乾如果份量可以多少少就好喇兩個朋友叫左香草鮮茄烤雞意粉不過不失雞肉都夠滑同埋好濃蕃茄味都係嫌份量少左啲啫另外個朋友就再叫左一個豬鞍架雖然係話慢煮兩小時但係都唔算好'林'同入味係靠面頭醬汁調味我地四個人share 個小食拼盤有雞翼 薯條 薯餅 咖哩角 春卷份量啱啱好雞翼幾出色夠juicy味道又唔錯飲品方面叫左熱情果紅茶 蘋果綠茶 伯爵奶茶同埋為左佢而黎嘅卡通朱古力初初以為淨係得咖啡但原來有朱古力咁我就揀左超可愛嘅小丸子飲品方便okay啦 因為我地嗌呢啲種類都唔會有咩驚喜😅總括黎講食物係中等但勝在環境唔錯可以比你坐低慢慢傾下計樓上仲有個帳幕可以影下相…查看更多

星期五 Happy Friday，約了Honey 去荃灣百老匯睇戲，入場前先去吃個晚餐醫醫肚先。除咗荃灣廣場內有很多食肆之外，其實享和街、大霸街都有好多好嘢食，仲係好抵食。來到這間小餐廳門前，set dinner 都有幾多選擇，尤其是嗰個3小時慢煮紐西蘭西冷牛扒，500克! 咪即是17安士! 158蚊乍! 仲要唔使加一! 唔使再考慮啦，一於入去試下。成間餐廳都是年青人打理，餐廳細細哋，佈置要用盡量利用空間，連雪櫃頂都放了很多擺設。Honey 細食，只是點咗個【蒜香白酒蜆肉意粉】，而我當然係點了【慢煮西冷】，仲話要七成熟。但是，年青人話慢煮係無呢種選擇，不過，保證生熟程度滿意。意粉先上，賣相唔錯，蜆仔有好多隻，用白酒煮過，所以有少少酒味，OK啊! 意粉又煮得啱啱好，唔太軟唔太硬，清清地啱晒我Honey食。500克西冷果然份量超大，上檯時，Honey話個心都幾乎嚇到離一離。配埋咁多生菜和炸薯角，佢仲擔心我食唔晒添。原來慢煮三個鐘的西冷牛扒的肉是好嫩的，用刀一切就開，肉色微紅，食落肉味濃。之後，Honey 都要了一半來吃，大讚好食。後來，Honey 驚我唔夠飽，又叫了一份【小食拼盤】。原來份小食份一啲都唔少。雞翼、咖喱角、春卷每樣4隻，仲有兩件薯餅和一大杯炸薯角。雞翼係好入味，其他的樣樣都炸得香脆可口，至啱我。最後，每個set加 $10，轉飲鮮奶咖啡。【玫瑰鮮奶咖啡】上面畫咗隻比卡超，好 cute。Honey 好鍾意。【蜂蜜鮮奶咖啡】上面就畫咗個嬲嬲豬，認真盞鬼。Honey 有啲驚訝我竟然食得晒所有嘢，其實好簡單，好食咪食得晒囉。…查看更多

星期日又是與友人出巡的時候，在荃灣玩過一輪，吃下午茶是也。所謂的小食拼盤，有些薯角有些雞翼之類，份量少選擇少，熱又不夠熱，吃完都不知吃了甚麼，無甚可取之餘更是吃完要“了”牙，對於我們來說實乃敗筆之最。拉花咖啡講求形態，可惜的是友人的龍猫咖啡形狀不盡不實，至緊要的是咖啡是不熱的，何其之差！小人的拉花咖啡乃是一個嬲爆爆的舊款汽球樣子而已，更加要死，說是徒具虛形還是美其言而已，形神俱欠，差矣。白宮又如何，小人的評語是可宜影相，不合吃貨。…查看更多

早前在荃灣一個寧靜的小巷裏的一間咖啡店吃晚餐。這是我第二次來的了, 我很喜歡這裏的裝修和它提供的飲品。這裏的咖啡類飲品很特別, 因為可以自己選擇在咖啡上印上一款自己喜歡的圖案。綠茶拿鐵上的圖案好可愛! 望住隻比卡超, 心情都會靚啲。這裡的環境很舒適, 適合和幾個朋友來嘆一個light meal, hea下, 影下相。綠茶拿鐵的抹茶味不夠突出, 偏苦澀, 綠茶粉味比較重。All day breakfast包括了黑松露鮮奶炒蛋、巴馬火腿、德國腸、牛角包、薯角、薯餅、茄汁焗豆、粟米、沙律。但由於我本人不愛吃parma ham, 所以轉了要煙三文魚。All day breakfast的賣相很吸引, 炒蛋很嫩滑, 黑松露味突出, 帶點牛奶香。我喜歡把炒蛋和牛角包一同放入口, 啖啖滿足感。…查看更多

又系同姊妹一月一聚嘅時候啦！今次揀左呢間！其實我地都唔係系呢邊做野又唔係住呢邊，但見呢間個名幾搞笑就黎呢度啦！大家收工後各自黎呢度。地理位置有點難搵，我地靠google大神先黎到呢度！入門一刻。。嘩。。咁細嘅。。但原來唔係嘅😂系有兩層嫁！上到樓上即刻心心眼左！因為後面系有個台比我地影相嫁！坐低後我地就揀左小食拼盤Dinner Set嘅C餐香草忌廉蟹籽煙三文魚意粉同埋跟餐嘅一杯野飲。我揀左荔枝綠茶。佢地揀左coffee同埋系有拉花。因為我地系樓上，我地點餐都有啲麻煩，因為佢唔系成日系上面，要等佢上黎先點到。我地真係有想過打電話call佢上黎我地點完之後都等左一段時間，可能因為都比較多客同埋小店經營，比較忙。最重要應該系即叫即做！系等嘅時間，佢地仲有啲唔同嘅board game比我地玩。我地揀左幾款黎玩。玩玩下啲野食到嚕！我覺得小食拼盤嘅雞翼嘅味勁香，薯條夠曬香脆。另外荔枝綠茶超香。我本身已經好中意飲綠茶，佢即使加左荔枝都唔會搶左綠茶位。而朋友嘅拉花咖啡 嘅拉花公仔都好得意！三文魚意粉就不過不失啦，略嫌濟左小小。…查看更多

荃灣區好hit既小清新Café，都已經係好多人去食過，最吸引都係有卡通拉花咖啡，吸引到喜歡飲咖啡既我去同肥仔食。樓上雅座好有童真。小食拼盤(咖哩角、春卷、雞翼各四件、薯角、薯餅各兩件)$68雞翼是蜜糖燒雞翼，雞翼夠入味，唔係炸雞翼。而其他都是炸物迷想吃的。最推介係薯餅，因為一咬入口好鬆軟既薯溶，小心成舊咬跌左，$68蚊就有勁多野食，性價比高。春卷慢煮安格斯肉眼扒(10安士) $128安格斯肉眼扒好大塊亦都厚身，肉質鮮嫩唔會煎到太老，而且牛肉味重，可以點芥茉醬都不失牛味。卡邦尼意粉$68好讚，首先睇下好creamy先，條條都會有忌廉汁，上面仲有一層薄薄的芝士粉，有大量火腿，而意粉唔會太濕太淋，反而係小小硬身食落會有口感，然後真係好大碟…一個女仔好難食得晒，所以，當然係俾D肥仔食啦!變色特飲 - 阿凡達梳打$48(巨峰提子+青蘋果),仲有藍柑，同水蜜桃針筒入面的青蘋果醬，自己打入去杯野飲會慢慢變色，梳打好夠氣好FRESH，唔飲咖啡可以試下梳打系列。打支針快D好完成~青瓜鮮奶咖啡$41推介！係我貪得意叫既青瓜，因為未試過。黎到飲落好FRESH既青瓜味，加上好光滑既奶泡，好易入口，咖啡味唔算好重，幾岩女仔飲！兩個人食到好飽，仲感覺好文青，哈哈。    記得坐上層開心D架!           …查看更多

呢間餐廳嘅閣樓用饍區係最入面係一個攝影Corner，放左好多公仔同野餐佈置，牆上就有啲舊唱片Postcard做裝飾，好似去左開懷舊Party咁，我地都忌唔住手癢將啲嘢食放晒過去影相，幾過癮。講返食物，呢個小食拼盤$68 ，用薯仔做嘅小食份量都幾多，點咖哩角同春卷嘅甜酸醬都幾開胃，雞翼有四件，其實一個拼盤都幾滿足。慢煮安格斯肉眼扒(10安士) $128 跟餐湯嘢飲，慢煮熟成5-7成，粉紅色係最靚仔最鮮嫩嘅程度，佢地做到左，其實呢個程度唔係易做，溫度，時間，肉嘅厚薄都好易影響結果。黑松露帶子卡邦尼意粉 $98帶子輕灼底面，香口又唔會過熟，卡邦尼醬汁如果唔收得咁乾身，個意粉會更滑，意粉可以再帶咬口啲。但整體調味做得好好，煙肉亦幾香口。德國腸拼盤 $48巴伐利亞白腸同法蘭克福腸味道都唔算係重味，剛好牛扒配有芥末醬，配落兩種腸最適合不過。青瓜鮮奶咖啡 $38青瓜調料做嘅咖啡真係第一次飲，幾清新，好適合夏天飲。再加埋隻咁卡娃依嘅小精靈波波球，心都甜埋。阿凡達梳打 (巨峰提子＋青蘋果) $48會變色嘅梳打，青蘋果汁放左係針筒裡面，攪完巨峰提子汁後再注射青蘋果汁入去，就會睇到效果。不過，呢度容許我保留神秘感，因為......唔記得影相😂。整體上，味道唔錯之餘，又有啲新嘢玩吓，過吓癮咁啦。…查看更多

四大三小一行七人，選擇白宮係因為知道有地方比小朋友玩我們到了二樓，為的是有一個可供小朋友玩嘅地方！這個小小的平台，很適合小朋友，有各式各樣的玩具，又有小道具可以用來影相，只可惜後面的小松板用釘釘上唔同相片及咭，4、5歲的小朋友都可以拿到，真的很擔心會跌在地上，真的十分危險，希望餐廳可以改善！我們點了D、E、G、H再加一個小食拼盤！食物水準不過不失，沒有太大驚喜!飲品自選圖案加＄10，我哋一共叫咗六杯自選圖案嘅飲品，大人飲咖啡，小朋友友飲朱古力奶，仲有熊仔餅送，店員其實都不是太清楚有啲咩圖案可以選擇，最後出現咗以下呢六杯小朋友就十分喜歡！總括來講，一間不過不失嘅餐廳，鄰近荃灣西站，荃灣地鐵站就比較遠，我覺得較適合一大班有小朋友嘅朋友聚會，小朋友可以玩，大朋友可以慢慢傾！…查看更多

不知由何時開始，香港人對「小清新」、「藝文青」變得異常喜愛。只要一家餐廳買些zakka系餐具(搪瓷、木盆、格仔麻布)，添加些森林風、小清新擺設(小動物)，不然走走台灣路線，總能平添不少好評。這間「白宮」網上食評影相外觀頗佳，食客堪稱「來呃like」比「來食飯」更貼切。「白宮」的位置就在轉角，不難找，外圍有搭棚工程。我和友人被安排坐於近門口的位置，旁靠工作櫃，可謂毫無景致可言，只能望望門口玻璃和白色的玻璃貼紙。但根據小妹淘寶多年，淘寶小擺設總難逃我法眼。由貼紙、小動物擺設到餐具大都是淘寶貨色，只要花幾十蚊大家都可以買齊全套當個「偽文青」。不過，小妹看重的是食物，佈置只是其次。去這種café餐廳，All day breakfast總是穩陣之選，加上我是食肉獸，無肉不歡，很少餐廳的All day breakfast能令我俾負評。正猶疑要不要點二人餐之際，店員糾正我們，原來二人餐的主菜只能選一款，作為食肉獸大胃王，一款主菜絕對不夠我食的，於是兩個女生，分別點了兩個All day breakfast套餐，再加一個小食拼盤。小食拼盤有薯角、薯餅、雞翼、咖哩角、春卷，全部油炸，熱氣爆燈。當中相對佳的是薯餅和雞翼，好的原因是夠熱和夠脆，就是咬下有聲的感覺。咖哩角和春卷是正常急凍貨色炸完上檯，無甚特別。反而薯角則不合格，因為上檯時已經軟掉，而且過油，不講以為已經翻炸了N次。醬汁方面，一個是茄汁，一個是燒烤汁。咖哩角、春卷和雞翼點燒烤汁相對好吃點(個人覺得)。All day breakfast上檯，頗為足料，擺滿整個盆子，有明治鮮奶炒蛋、德國腸、煙肉、巴馬火腿、沙律、焗豆、粟米、薯餅。薯餅again?!我和友人一見到，已話：「早知不叫小食拼盤啦」。原本的牛油多士變成牛角包，對我來說是更好，個人較喜歡牛角包的質感和酥皮。炒蛋鮮嫩而濃厚，奶香再加了點香草作佐料，水準不俗。甚餘較欣賞的是巴馬火腿和牛角包，此外的不過不失，肉類(腸和煙肉)用料稱不上是上乘，煙肉亦是油淋淋，勝在「豐富」二字搭救。飲品方面，由於我和友人都不好咖啡，於是她叫了「荔枝綠茶(熱)」，我叫了「蜂蜜綠茶(熱)」。店員放下第一杯，說是「荔枝綠茶」，於是友人已喝下了。到我的那杯「蜂蜜綠茶」，我嗅到荔枝的香味，反而友人那杯沒有荔枝味之餘，更似是蜂蜜，肯肯定是搞錯了。不過「荔枝綠茶」味道也不錯，不打緊。小妹很喜歡「豐富」款式多的食物，所以All day breakfast在我內心的地位不低，我對其偏愛無所掩飾。「白宮」的All day breakfast是符合了「豐富」款式多的條件，用的是一般尋常食材，談不上「非常好食」，但價格公道，可以再來(要排隊就不值得了)。…查看更多

今晚同老婆行荃灣 撞正一田減價 搶左好多平野之制 肚餓就係附近搵左間cafe門面好簡約 White House 白白正正 給人一種很舒服既感覺唔知係咪買野太興奮 又唔係好肚餓喎 所以叫左小食拼盤同埋一份all day breakfast 就算啦小食拼盤有雞翼 春卷 咖哩角 薯餅 薯條同埋沙律雞翼配上甜辣醬 有種食既脆辣雞翼既味道 而春卷和咖哩角則炸到好香好熱好脆 入口熱辣辣 岩哂係依啲咁凍既天氣食 而沙律就用左甜醋汁 非常清香開胃全日早餐方面則有牛奶炒蛋 香腸 烤番茄 薯條 薯餅 磨菇 茄汁豆 同埋沙律其實材料同岩岩既小食拼盤差不多 特別要一提既就係牛奶炒蛋雖然唔算係香濃蛋味 但卻多了一份牛奶香 而且很滑嫩飲品方面 我飲左一杯燈泡形狀既青蘋果梳打 味道就無咩特別啦 但勝在外形搭夠 好得意  老婆就飲左杯白宮朱宮力 據說就話好好飲 好香好滑 仲有老婆大人最愛既熊仔餅tim…查看更多

White house cafe成間cafe裝修白雪雪，好用心放上好多裝飾品，影相好靚。香草忌廉汁煙三文魚意粉 ($58)忌廉汁香濃，夠杰身，滿口滑溜。意粉略嫌煮得過頭，有少少偏淋。煙三文魚就係普通咁。整體都幾香口，價錢合理。 小食拼盤 ($58)一班人食野 緊係要叫個小食拼盤齊齊開心share啦。呢個小食拼盤超多野，有雞翼、薯餅、咖哩角、春卷 、薯角，樣樣都新鮮炸起。雞翼焗得脆口，肉質滑嫩又香口。薯角份量超多，點茄汁食一流。咖哩角炸得外脆內軟，好濃咖哩味。薯餅炸得香口冇油溢味，切開唔會散開哂。春卷一樣炸得脆口 點埋個泰式辣醬食真係惹味到。 Green Cucumber latte ($38; set lunch+$8)青瓜latte有好可愛既鹿仔拉花，味道出乎意外咁清甜，無個種恐怖既青味，好清新香口。但比起咖啡味就淡口，好岩唔飲得咖啡既人飲。All day breakfast ($58)炒蛋用左明治奶，滑嫩香口。煙肉同腸仔都係普通貨色咁，焗豆是必須要有。多士就略為薄身，如果係厚多士我會更好。最正係有塊薯餅，香口又夠熱氣，正。整體唔錯，睇得出有心機，display仲好靚。 …查看更多