拾伍 (已結業)

想搵特色餐廳食 lunch, 見到呢間幾特別，主打日式便當輕食，即管去試。餐廳樓高4層，地下係Cafe & Bar ，上一層，有家品同衣飾售賣，二樓係Shisha小空間，簡單放了幾張梳化，再上一層係天台，有幾張吊椅、藤椅。整個餐廳用人造植物佈置，而且樓梯掛滿裝飾，有好多打卡位，年輕職員很友善，並告知可以隨處參觀影相。午餐選擇雖不多，全是日式便當形式，價錢亦相當便宜，數拾元已有交易。最特別既係…便當以便當布包裹端上，感覺很特別！之前睇食評見到便當布可以送比客人，但店員告知由於而家已冇來貨，所以已經再唔可以送比客人，有少許失望😣，食物水準都唔錯！…查看更多

之前一直都好有興趣嚟呢一間位於上環嘅💛靚靚Cafe，原來佢一共有四層咁多🤩，第一層係一個好有文青氣息嘅Cafe(今次坐呢層)，二樓係一間商店，三樓有酒飲，頂樓就係好多打卡嘅天台。一路都見呢間cafe除咗有咖啡，仲有提供日式便當🍱，令我更加想試吓好唔好食🤤 成間cafe氣氛有文青感再加啲復古感覺，又有樓梯位，可以打卡影靚相🤓黑松和牛漢堡便當 $118便當包裝好吸引，有一大塊好靚嘅和式嘅便當布包住個便當，好有日本嘅氣息。咁因為我係食漢堡扒嘅關係，所以佢就pack埋叉同埋匙羹，朋友食炸雞便當就會配筷子。呢個便當打卡真係一流，好滿足，好似自己去咗日本😆便當入邊有兩大塊嘅漢堡、兩舊飯團、半隻糖心蛋同埋一啲涼菜。漢堡扒表面加咗好多黑松露，配上本身漢堡扒嘅牛味就更加香啦，不過唔知係咪便當關係，漢堡扒係暖暖哋，唔會太熱。飯團分別有三文魚蓉味同醬油味。我覺得三文魚蓉味幾好味，撈埋啲沙律醬好食🤤。至於醬油味，朋友覺得比較寡，因為飯團淨係有紫菜碎同醬油，不過我自己認為醬油味夠，清清地幾好食。另外，涼菜有一啲麻油芽菜同麻辣青瓜，幾辣咖，咁可以配返嗰兩舊飯團食，咁就啱啱好啦😝宮崎南蠻炸雞便當 $88至於南蠻炸雞，其實同漢堡便當大致相同，主要都係主菜嘅分別，有三大嚿嘅南蠻炸雞件，炸雞件炸皮厚度適中，依然脆口，撈埋啲邪惡嘅沙律醬就好正😈Dirty Mocha $52呢杯dirty mocha係cafe嘅出名之作，打卡一流。佢面頭有一層奶泡同好多朱古力粉加醬，令味道同感官上更加多層次。呢杯mocha朱古力味比較重，唔會太甜。cafe會配上一枝小飲管，咁就唔使擔心飲到好dirty😛Dirty $42呢杯dirty層次分明，都好靚😍佢嘅奶味比較重，唔算太苦☕️雖然我覺得呢一間cafe價錢上有少少貴，不過其實環境同成個整體用餐體驗都覺得好有日本feel或者文清嘅氣息。我覺得當係同朋友打卡或者當下午茶傾吓計幾好💕…查看更多

可以預早係餐廳訂位網站到book定時間同座位。總共有4層可選1️⃣門口有一張枱，影相靚但有心理準備同行人/大馬路近在咫尺，食塵係必然2️⃣1/F室內座位，但聽說影相燈光較暗3️⃣3/F廁所廚房同層，空間較窄4️⃣天台位，一半係帳篷下，一半係露天-我地揀左天台位😆有店員帶我地上樓，教導我地使用一部舊式電話📞打落地面落單，亦有介紹餐具凍水自取地方👍🏼-宮崎南蠻炸雞便當$88 (味道: 3.5/5)呢度嘅便當盒係用一塊和風布包住，超有食日式便當嘅儀式感🎏炸雞個皮都幾薄，但可能影太耐相凍左🤣有兩大舊飯糰🍙口味係唔同嘅😳分別係醬油味同三文魚。另外亦配上半隻溏心蛋、醃青瓜同芽菜-粒粒荔枝紅茶$68店員一捧上黎就聞到一陣荔枝香甜味，但其實只係茶包🤣無荔枝粒有點失望呢🥺用上精緻貴族杯，感覺很華麗，但杯子有點髒髒要處理一下🙈-用餐時間為90分鐘，差唔多時間會有店員提醒。其實影下相再食埋野時間都好緊迫，所以要影快d😂我地食完就慢慢行番落樓下，順便參觀埋其他樓層。整體環境都係幾特別，可以影到靚相，但真正用餐嘅位置並無想像中舒適，食物飲品水準則可以接受…查看更多

鴨巴甸街純粹打卡的餐廳，一直放到最底的位置，但能接受預約非常方便，最後還是來了。食品符合預想的味道，主要提供輕食，有幾款日式便當給選擇。「宮崎南蠻炸雞便當」$88穩陣卻又普通，有酸青瓜、炸雞及兩個飯團，份量對女士來說很適合。套餐加$12可選「洛神花冰茶」，優雅但清淡。其實主要賣點就是日式便當的花布包裝，及每層的花系復古佈置。用餐區有4個，既然是為了打卡，預約前很想知道應選擇那一區，但發覺很少介紹，給大家參考：-Front door: 熱門選擇，絕對適合打卡，但要有成為別人鏡頭焦點的心理準備。-Indoor 1/F: 燈光昏暗，日光日白沒有朝氣，好處是可以自成一角，配合燈飾反而帶點情調。-Indoor 3/F: 是全幢最沒氣氛的樓層。廚房在前，厠所在後，店員經常穿插在你面前，傢具上放滿店員的包包和外套，真的有點大殺風景。拍照時已避開不能出鏡的畫面。我急急腳吃完就走，不想多留一會...Rooftop: 天氣凍沒有選此區，無論如何都較3/f 好。…查看更多

鴨巴甸街多好嘢食，相信好多人都知。今日我就趁放假，同朋友就咗新開嘅Cafe: 拾伍 FIFTEEN 品嘗下佢哋靚靚嘅日式便當、咖啡同花茶。Cafe 位於地下。 二、三樓同天台都分別有家品服飾店、Shisha小空間同埋休息空間。FIFTEEN 嘅座位唔算好多，所以我都建議大家先打去預約，咁就唔怕摸門釘啦。便當用咗感覺好日式嘅木製便當盒，再用和風花紋手巾包住。成件事非常之靚，打開便當時，心情有如拆禮物一樣興奮期待。我同朋友點咗黑松和牛漢堡盛當同宮崎南蠻炸雞便當。便當除咗主菜、仲有兩件飯糰、溏心蛋同配菜。飯糰係兩款口味嚟，分別係醬油同埋三文魚碎，兩款飯糰都已預先調味，光係飯糰已經好好食。主菜嘅炸雞酥脆，配埋蛋黃醬，真係好好味。和牛漢堡好香牛味，再加埋黑松露醬，味道層次更加豐富。飲品我哋記叫咗愛爾蘭咖啡同金絲黃菊雪梨茶。花茶可以選擇由店員調製最佳比例，直接上枱，又或者將乾花分開放在小碟中，依自己喜好加入沖壺。花茶浸泡幾分鐘就飲得。金絲黃菊咪好香，再加上雪梨，淡淡嘅甜味，非常清潤。愛爾蘭咖啡材料雖簡單，但都要配上優質嘅咖啡同一支好嘅愛爾蘭威士忌，再加上好好嘅比例，先會好飲。我就覺得FIFTEEN嘅愛爾蘭咖啡好好飲喇，飲得到愛爾蘭威士忌嘅酒香之餘、又唔會完全蓋過咖啡嘅香味。…查看更多