天然豚骨拉麵專門店一蘭

营业中

休息中

一蘭喺香港開咗咁耐，但我而家先第一次嚟食…首先係因為我本身麻麻哋幼直嘅拉麵，然後又聽到有人話麻麻哋，所以一路都冇試。今晚咁啱一個人去開尖沙咀，突然間就諗起不如去試吓🤔天然豚骨拉麵 $98呢個價錢仲要加一，再加上在場都幾多人，都有返啲期望。第一啖湯飲落去係唔錯嘅，味道啱啱好，唔會太鹹，但係好多人推薦嘅辣醬、麵質…都真係冇乜特別，而且3塊叉燒都有啲都幾嚡，好瘦，無肥位，食完成碗都唔係好滿足😕 食完一次有啲失望，就算個湯好飲，但成碗唔值呢個價錢，下次應該唔會再嚟🙈

久違冇去日本，係好耐之前去日本一蘭食過真係一格格分開 一對一服務嘅感覺 叫足料都唔過$100突然間行過見到想食，本身仲諗緊會唔會排好耐隊排隊方面又幾快 都只係等咗一陣同埋有分個人定係2人以上嘅隊入到2人或以上個方 個裝修好似大排檔咁但用qr code 落單，淨係一碗豚骨拉麵得兩塊肉就已經$98，仲要另加1Cp 值唔高，但湯底係好味 麵軟硬程度可以自選可能可以個人特製呱 都等咗好一段時間先有得食水都要自己去裝黎飲 除咗拎碗麵過嚟個下 真係唔知有咩服務只能說味道唔差 但其他麻麻

之前係日本食完一蘭之後就愛上左🥰不過係香港就冇食過，最近同朋友提起，佢地話香港一蘭都好食，所以開左咁耐第一次去😂大鄉里🏮天然豚骨拉麵 🍜$98▪️加麵 $19 ▪️加叉燒（4片）$28▪️加半熟鹽味蛋 $18朋友話一蘭必須加麵！講得都冇錯，麵底份量唔太多，女仔食可以加半份麵/加餸。加麵嘅麵可以差唔多食完先叫佢上。湯底豬骨味濃郁，拉麵亦都好掛湯，一直係我心中No. 1嘅拉麵，雖然食完好飽，但都仲會好掛住陣味🫶🏻鹽味蛋要自己剝殼，鹽味剛好。出面仲有自助水機，飲水自己斟。如果想坐味集中counter就要預早book位對比日本當然少啲選擇，不過已經好好食，又挑起番我條癮😚會間唔中黎下

「一蘭」源自九州，在當地雖然是一間知名度高的豚骨拉麵連鎖店，未算人氣拉麵店。多年前登陸香港之後，隨即引起一股排隊旋風。不過，話說回頭，在日本這個拉麵店林立的國家，分店可以遍布全國，也有一定的實力。幾年前曾經光顧香港銅鑼灣首間分店，今天經過尖沙咀分店，看看是否有分別。沿樓梯往下走，牆上掛上「一蘭」的介紹，讓客人更加理解「一蘭」。 有不少明名光顧，掛上一幅幅到此一流的簽名。推門入內所見到的並不是氣氛熱鬧的開放式拉麵吧枱，只見到自助收銀櫃檯及手信區，缺少了拉麵小店應有的氣氛。以為沒有客人、不需要等位，自助下單後店員给我幾張紙，再按指示走進長長的走廊。見到紅色燈籠的個室号碼，環境暗黑 ⋯⋯ 剛好農曆七月鬼節，以為自己去左鬼屋。探頭入去一看，裏面就是一個個「個室」；貫徹福岡本店的自修室式間隔設計。不過什麼人也沒有，再按指示繼續行，終於見到人 ⋯⋯ 原來是要等位的。原本以為尖沙咀店貫徹福岡本店的自修室式間隔設計，但是客人都被安排坐在日本大排檔環境的用餐區。 走的時候才發現門口展示了尖沙咀分店有「屋台」及「counter 個室」兩種用餐區，後者要預約才可以使用。反之，銅鑼灣分店就全部都是「半coun

👨🏻‍🎓講起拉麵聽得最多嘅應該就係大名鼎鼎嘅過江龍一蘭拉麵，不過P仔最近都係第一次食佢。🥢一蘭拉麵嘅款式其實就淨係得一款，不過可以揀好多唔同嘅嘢例如麵嘅硬度、口味嘅濃度同有無蔥、蒜蓉等等，當然佢都仲會有其他小食可以追加。🍜今次P仔全部嘅嘢都揀咗普通，因為係第一次食所以驚會太濃，唯一一樣係麵質揀咗硬，因為P仔好驚會食到啲太稔嘅麵，另外仲加咗隻半熟鹽味多！🥘一上枱之後成碗拉麵賣相都幾好，味道方面豚骨湯底都幾好飲幾香，配埋上面有少少辣味嘅辣醬惹味好多；而麵方面咬落唔會好稔，覺覺口感啱啱好，成碗拉麵都幾唔錯，唯一係覺得叉燒有啲薄。🥚至於隻鹽味半熟蛋就係原隻連殼另外上，入面都幾溏心幾唔錯，不過就唔太食到係鹽味，浸咗落去淨係有拉麵湯味同本身嘅蛋味，不過都幾唔錯！🍽整體嚟講一蘭拉麵食落係幾唔錯，不過唔算好特出，價錢都偏貴嘅感覺，算係普通嘅好食，但係如果再揀P仔會寧願食其他拉麵舖多過一蘭。

一蘭已經食左好多次，不論日本定香港，都保持一貫穩定既水準同質素。日本會好食少少如果真係要比。最中意係佢「味集中」個位，每次不論自己一個人食或者同老公食都唔洗怕欖介俾人望。一個人食我必定叫埋生啤、另外加蛋同要多半份至一份替玉 個湯夠熱又唔洗等，叫完好快就上。替玉都唔會變左一舊，熱熱地個底會有啲調味油。麵係幼身既麵，每次我一定叫特硬、特濃味加3辣度。岩岩好，不過如果食開清淡既會覺得咁既選擇稍為有啲咸同多油。

對於一蘭拉麵的印象，小妹剩係記得在銅鑼灣開設第一間分店時引起的迴響甚大，因為它是第一間在港24小時營業的拉麵店，當然又引來一窩風的排隊熱潮。一講起排隊小妹就怕怕，都係待熱潮過了再試吧!.最近原來在尖沙咀也開設了第二間分店了，位置就在棉登徑，一路走的時候已見到大廈上掛了大大個一蘭拉麵的紅色大招牌，相當顯眼呢! 一蘭就在棉登徑的地庫內，一路往樓梯向下走便是。.這分店的環境很大，座位滿多，更撇除了「自修室」的座位的設計，整個感覺不迫狹滿舒適，地下更有藍子讓客人擺放手袋雜物呢。.收銀處更放有不同味道的拉麵讓客人買回家自煮呢，就連拉麵碗也有。.如客人覺得口渴，可到這裡自行拎水呢。.說到缺點就是不太接收到手機的網絡信號，雖然餐廳也有提供WIFI給客人使用，剛好那天WIFI卻在維修中，所以用餐時間幾乎是連接不到上網，那便可以慢慢的享用這碗人氣拉麵了。.每個座位上都擺有「呼叫鍵」和迷你餐牌，但這呼叫鍵便不包括落單，客人需自行到收銀處落單付款!.落單紙上客人可選擇適合自己口味的拉麵，還可追加麵底和配菜等等。.小妹就叫了一碗天然豚骨拉麵 $89，揀選了濃味湯底，1份香蒜、叉燒、青蔥和硬麵條，而本身拉麵是沒

行左成日街奮戰左幾個鐘頭，買咗好多戰利品。當行出K11嘅時候，見到大大個一欄嘅講個牌係對面， 先知道原來一蘭係尖沙咀有分店，重以為一蘭淨係銅鑼灣先有。依家門口有條長長嘅樓梯，去到嘅時候又唔見有人排隊，一推開門就有人喺裏面排緊隊。 不過比銅鑼灣好嘅就係大熱天時，吾洗係好易嘅情況底下排隊。都可以嘆住冷氣咁排隊唔需要咁辛苦，初頭都會覺得排好耐，因為之前聽嘅朋友話排成兩個鐘頭，但我見前面都係20個人左右，人唔算太多，有埋排左好耐排咗5分鐘左右就去到接待處。個職員就問我食一蘭台屋定一蘭，我完全因為之前冇做過任何research。就問下職員究竟有咩分別，原來食嘅嘢完全相同，只係一蘭係一格格，一蘭台屋就係可以坐喺度一台台咁。原來門口只係分流，兩邊入咗去都要再等。好好彩我入到去嘅時候完全唔需要等位。 但如果要等位呢間一蘭有位置俾人坐住等，非常之細心。入到去有餐廳職員帶位，之後職員就放低在點餐只俾我地。認真咁講我第一次食呢種拉麵，雖然係自己一格格，其實同隔離位傾計都唔算唔方便。 地方非常之整潔，我哋未點餐之前，座位內個竹蓆係打開嘅，當上 齊所有嘅嘢之後，職員就會像個竹蓆閉上。座位枱上面會有指南，教你點樣

放工即與行書展, 行完之後都近十點...碼頭附近既supersandwich 同大家樂太夜都無得食...男友話提議食一蘭, 我就醒起尖沙咀好似新開分店...但係openrice無寫opening hour and we are not sure if it opens, so we call to ask. Silly me, Ichiran opens 24 hours.We went to TST station, exited at exit N and walked about 2 minutes. The location is the oppsite side of 稻香. There is a trash collection point near round, so it smells really bad...We did not wait long for seat. The seat is different from CWB since it did not have partition. It felt less Janpanese.We ordered t

全新一蘭屋台尖沙咀分店終於開幕, 以後食一蘭唔洗特登過海到灣仔食了, 屋台特色始於日本福岡, 這裡裝潢別致, 位於棉登徑可謂靜中帶旺, 182個座位聽說是一蘭最多位的分店, 座位寛敞店員有效率, 食過一蘭既朋友都知這裡獨枯一味豚骨拉麵, 只是可選擇湯底濃度油膩度, 麵質軟硬還有各式各樣配料像叉燒青蔥黑木耳及香蒜等等, 2倍秘制辣醬是指定動作, 剛剛好不會蓋過豚骨的味道, 小弟每次都會追加青蔥同木耳, 特別肚餓時還會追加多碗白飯, 今天除了拉麵還點了釜醬汁豚肉燒, 厚厚的豚肉口感一流配上自家制赤胡椒的味道十分出色, 值得推介, 嗜酒的朋友就更加不要錯過, 絕對是佐酒最佳配菜。食飽走去埋單還有不同一蘭原創制品可供購買, T-shirt, 杯墊, 一蘭拉麵等任君選擇。