御將燒 (雙子匯1期)

啟德The Twins一期新開咗間日式大阪燒同鐵板燒餐廳😍主打地道廣島式大阪燒，配上鐵板燒表演，環境走現代日式風格，好啱家庭或朋友聚餐～師傅席前煎煮，煙霧繚繞，非常吸引，迅速成為啟德區熱門食店！二人前 ($558)前菜① 芝士泡菜豚平燒豚肉片層疊韓式泡菜與融化芝士，形成三重奏嘅滋味！芝士拉絲好誘人🤩泡菜微辣好開胃，豚肉煎得香氣四溢，入口好滿足！② 鐵板章魚小丸子
顛覆傳統好有創意，唔係一粒粒，而係兩大塊「章魚餅」🤣裏面塞滿彈牙嘅小章魚粒，外層淋上濃郁醬油、綿滑沙律醬及清新蔥花，咬落外脆內軟，層次感十足，邪惡又過癮🥰主食① 鵝肝大阪燒厚實嘅廣島式大阪燒層層疊疊，頂層鋪設肥美鵝肝，鵝肝入口即溶、油脂豐盈爆發🤩底層煎得微焦香脆，配以鵝肝的細膩油香及紫菜碎的鮮美提味，整體層次昇華，充滿風味🤤② 澳洲黑安格斯牛鐵板牛扒煎至Medium熟度，鎖到肉汁，師傅即場加添蒜片同牛油，香氣撲鼻～可配鹽、蒜片同特製醬汁增添層次☺️甜品 - 雲呢拿糯米糍
糯米糍外皮Q彈，內餡係雲呢拿雪糕，咬落甜美清新，瞬間中和前菜主食的濃郁風味，圓滿收尾～總結：二人套餐$558配鐵板燒表演，超值！…查看更多

喺啟德睇show 之前，嚟到旁邊嘅雙子匯先食餐好。見到OKOSTA主打大阪燒，入到去即刻俾鐵板「滋滋」聲同埋醬油香𠱁到流口水！日籍師傅頭綁「鉢卷」，手執兩把鐵鏟喺開放廚房玩雜技，估唔到依度又有一場show 可以睇。🥞大阪燒師傅將椰菜絲、魷魚粒撈粉漿倒落鐵板，「嚓——」一聲白煙衝天！睇住佢反手𠝹開半熟蛋，蛋漿好似熔金咁浸透成個餅底。咬落去外層脆卜卜，內裡又保持濕潤，秘製燒醬甜中帶鹹，口感味道一流。🍗南蠻炸雞炸雞上枱仲噴緊煙，咬一口肉汁好似噴泉咁標出嚟！暗黑食法：拎塊炸雞點大阪燒嘅燒醬，會有另一番風味。🐟 鰻魚定食呢度嘅鰻魚飯唔係普通貨色，鰻魚皮燒到似玻璃紙咁脆，而且鰻魚蓋飯的特色是可以保持熱度，熱熱的食落去，鰻魚味加倍滲出。 🍨甜品（雪糕）：最後加個朱古力雪糕，非常完美。嚟啟德睇show前，可以嚟OKOSTA 又食又「睇」先！…查看更多

呢日晏晝嚟咗啟德行街，呢個商場入面都有幾多嘢食。見到呢間有鐵板燒嘅餐廳就想試吓，餐廳嘅座位主要分咗兩款，一款就係席前鐵板燒嘅座位，可以望到師傅製作食物，另一就係普通嘅卡位。鰻魚定食假日都有lunch set，原條鰻魚幾肥美，魚香喺個口度遊走🐟 份量都算合理，男仔食都夠飽。Lunch set仲包括咗味噌湯、漬牛蒡蘿蔔絲，係個幾豐富嘅午餐。大阪燒呢個大阪燒係餐廳出名嘅食物之一，個人覺得係必點之選🫢 大阪燒非常厚身，入面嘅材料主要要有蔬菜、粉漿、木魚碎、豚肉、紫菜、蛋黃醬同埋照燒汁，勁大份好適合同朋友分享，入面有好多蔬菜，食完都唔會覺得好Heavy🥳 我地仲另外加咗蟹肉，蟹肉份量都幾多，而且食落口都幾鮮味，為我個大阪燒增加咗唔少風味🦀 鐵板章魚小丸子本來以為章魚小丸子會似喺街頭小食嗰種，但係原來呢度嘅章魚小丸子係迷你版嘅大阪燒一樣🤣 餐廳將章魚丸嘅元素放咗入去，再將丸類壓平，勁鍾意入面嘅章魚粒🦑 不過面頭嘅蛋黃醬同照燒汁略嫌有啲太重味😮凍烏龍茶食完午餐就嘆返杯茶，望住啟德嘅風景飲杯茶真係好寫意。甜品套餐加配嘅甜品係一球雪糕，今日有抹茶、朱古力同埋曲奇口味可以揀，我哋就揀咗曲奇味啦🍦呢日都見到唔少食客嚟幫襯，下次嚟想試埋佢嘅廣島燒，見到隔籬枱嗌，都好似好正咁。…查看更多

日本過江龍🇯🇵😍 由百年歷史嘅日本醬料品牌Otafuku聯乘嘅御好燒專門店，主打廣島燒同鐵板燒料理‼️環境部份餐牌佢有午市定食餐廳，但好搞笑唔係食廣島燒/大阪燒😂所以我地都係散叫。 廣島燒 $98 廣島燒係將食材一層一層咁加上去，最底係麵漿，然後一層層加上木魚粉、椰菜、炸麵花、蔥花、豆芽、五花肉、麵條，最尾舖上雞蛋🍳，再灑上青海苔及淋上醬汁，過程中要將麵餅反面，所以都好考廚師功夫，製作過程比大阪燒複雜得多，所以唔一定間間日式餐廳都有。呢間話明食廣島燒嘅專門店，口味不少，仲可以揀餸，我就加咗$15要帶子。廣島燒口感層次豐富，我個人鍾意食廣島燒多過大阪燒。 大阪燒 $98而大阪燒就簡單得多，係將所有材料包括麵漿、蔬菜、肉類等配料撈匀之後拎去煎，最後加醬汁就完成。所以食起上嚟我形容為有啲似食薯餅嘅質感咁，軟糯帶蓉，比廣島燒分明嘅口感好大分別。同樣可以加配料，海鮮都係加$15。 歐姆蛋包麵 $138既然出名鐵板料理，再試咗個歐姆蛋包麵，都幾大份🙈蛋皮厚薄度適中，麵條上色均勻，炒得好香，全枱澱粉好飽吖😂…查看更多