夢の丼 (已結業)

右口魚邊壽司($48/件)，右口魚選用左最靚既部位，因為有入口即溶感覺，就好似東坡肉既果層肥膏一樣入口溶化，不過魚生當然唔似東坡肉咁肥膩。慢煮鮑魚配肝醬($68)，鮑魚肉質結實，而且亦帶有彈牙口感，味道方面肝醬既鹹味襯托住清淡既鮑魚，兩者味道好夾。牡丹蝦($68/隻) / 磯燒北海道珍寶帆立貝($68) / 金線鯛刺身($68)，牡丹蝦鮮味十足，越有黏牙感覺代表越新鮮，帆立貝燒至表面半焦狀態，外層薄薄一層焦香，內裏肉質軟“林”，用紫菜包住食增加脆口，金線鯛切得夠薄，一口一片，鮮味充斥在口腔內。花錦魚生丼($188)，採用左十三款材料，切成絲狀和條狀合成既一碗丼飯，材料確實好多，絕對係誠意之作，每一口都食到唔同既食材，仲有蛋黃汁用黎拌飯一流。夢之丼($298)，雖然只有7款材料，但係選用左較貴既食材氣派十足，刺身帆立貝好鮮甜，滑溜溜而且好大粒，海膽入口充斥住口腔，加上冇苦澀味，同樣有即溶既右口魚和黏牙既牡丹蝦，同埋已經去除左殼既松葉蟹絲。…查看更多

啱啱轉咗去紅磡工商業區番工，老公就上網搵左呢間”夢之丼”餐廳同我食餐好門面感覺日系，係屬於舊區土瓜灣入面既小清新深海池魚$78+鯖魚池身$88擺盤成個藝術品咁靚，我引唔住狂影相。刺身好新鮮，入口爽嫩啖啖肉花錦魚生丼$188唔係普通雜錦魚生丼咁簡單，上面有隻用味淋整既半熟蛋，拌埋個丼飯一齊食，蛋有陣陣酒香，帶出刺身鮮味夢之丼$298傳說中既夢之丼，丼名同店店一樣，係signature菜式。可惜嗰晚冇曬海膽，店員改俾另一樣同樣咁正既拖羅我地，入口即溶。另外，有一小杯橙醋，店員好有心機解釋，叫我地食之前飲番啖，作醒胃之用。蟹膏豆腐$48呢個小食出奇咁驚喜，好少係日本店食到咁高質既蟹膏豆腐，蟹膏濃香而不會過鹹，味道非常好，價錢又抵，係encore不二之選左口魚壽司$96磯燒帆立貝$68完全係jumbo size, 好好味😋…查看更多

夏天炎炎，最啱食魚生，之前一直都想來土瓜灣試吓呢間魚生丼飯，今日終於可以嚟試吓 約咗朋友收工6:30嚟食，裏面已經有幾台客。坐低打開Menu，花多眼亂，都研究咗一陣，因為樣樣都好吸引 結果朋友決定一人叫一個魚生飯share：夢之丼同花錦魚生丼😛 當然都要試吓佢嘅是日推介：深海池魚同埋矢柄薄切😍由於肚餓嘅關係，再追加左左口魚邊壽司、磯燒帆立貝、柔煮鮑魚兩個魚生飯都相當吸引，首先食咗花錦魚生丼先，當中有三文魚、白身魚、赤蝦、左口魚邊、金蟹子、三文魚子、櫻花蝦、蟹膏豆腐、玉子、青瓜、松葉蟹、蜆肉，淨係睇內容都知相當豐富一啖咬落，夾雜着各種口感同鮮味，每一啖食落口絕對有滿足嘅感覺😝🫰🏻相當好食食到第二個丼飯，呢個夢之丼入面有三文魚蓉、三文魚子、帆立貝、牡丹蝦、松葉蟹、左口魚邊，入口十分creamy,帆立貝同牡丹蝦一食入口就知好新鮮，海膽亦都相當鮮甜😋帆立貝有火炙過，入口外面好香，入面依舊新鮮柔軟，配合紫菜食，味道唔錯池魚刺身好鮮甜，但矢柄刺身相對仲更加好食，配合少量魚子同埋香蔥，加上特製嘅汁，帶出咗佢嘅鮮味柔煮鮑魚都煮得好入味😌最後就係左口魚邊壽司，佢有火炙過，所以食起嚟會有啲啲油分，好香口，有啲似食緊拖羅魚腩嘅感覺，好味有驚喜，咁樣豪食法買單都唔洗$1000，抵呀再encore‼️…查看更多

土瓜灣的驚喜～估唔到行行吓見到門面有間咁日式嘅居酒屋，二話不說就衝左入去試吓。餐牌的食物都算多，日式小店算幾好，叫得夢之丼，當然要試吓佢嘅丼飯。我哋兩個人一人叫咗一個丼再加其他小食。等待期間，留意吓啲環境，座位唔算多，數埋好似7-8張枱。不過不停都有客入嚟，好快就爆滿，所以如果想食都係book位好啲。服務員都好細心介紹今日有咩新鮮食材花錦魚生丼～蕃茄咗豉油好夠味，粒粒魚生入口新鮮、賣點係隻蛋撈埋一齊食，幾得意😎夢之丼～飯都係加咗豉油，樣樣都係醫生材料，新鮮之餘仲好足料，推介🙌🏻蟹黃醬燒蟹膏豆腐，味道好特別亦都好重蟹膏味，值得一試🙌🏻整體味道非常滿意，如果住附近或者附近返工都值得推介大家嚟試😋…查看更多

和朋友來過幾次，食物美味，服務良好。必叫的是蟹膏豆腐。整道菜的搭配完美，蟹膏味道濃郁，豆腐入口即化，蔥的香味點綴，令人一試難忘，是我們encore夢之丼的主要原因。丼飯我試過炎之丼,有火灸左口魚和三文魚，油脂非常香，值得一試。但最常叫的還是夢之丼，因為它的刺身款式豐富，有海膽和蝦之餘，還包含了我最愛的火灸左口魚和三文魚，一次滿足多個願望。夢之丼會有當日推介，我最愛的是法國蠔，味道鮮甜而且非常清新，而且!它只售$38，完全是物超所值。有好幾次都推介上都沒有法國蠔，店員姐姐根據我們的口味推介了美人蠔和武士蠔，果然和法國蠔一樣，十分清新鮮甜，而且size比法國蠔要大不少(價錢也貴一點)。店員姐姐真的很會推介!…查看更多

自屯馬線開通後，第一次在土瓜灣站出閘，一般在土瓜灣揾食的都好難揾到日本野食，今晚就一於試下位於土瓜灣譚公道的夢之丼食日本野。打開Menu 睇第一、二頁都是他們的丼飯我們就叫了花錦魚生丼 & 夢之丼。Menu 仲有其他晚市定食其他小食我們就叫了左口魚邊壽司 、蟹膏豆腐、油甘魚刺身、磯燒帆立貝、大入島蠔 一開始店員為我們上了沙律 & 麵豉湯，麵豉湯有蜆肉、木耳絲、海帶，沙律味道都唔錯。左口魚邊壽司、蟹膏豆腐 & 油甘魚刺身一齊上。左口魚邊壽司係燒過的，油脂分布好均勻、上面鋪滿左木魚絲，壽司飯係有味的醋飯；蟹膏豆腐好重蟹味、食落口感滑滑的，好特別，之前都未食過；油甘魚刺身肉身好厚、完全無腥味、質素好高。叫了2隻大入島蠔，蠔係新鮮開的，一如既往，我慣常用筷子篤一篤蠔的裙邊，感覺到隻蠔有反應就是活的，所以呢兩隻絕對新鮮。而磯燒帆立貝肉質好嫩滑，呢碟是一開二的，所以原來是好大隻的帆立貝，表面燒熟的、內𥚃就是刺身咁樣。而今晚的主食就是丼飯，丼飯我們都覺得十分之出色。花錦魚生丼主要就是三文魚、吞拿魚魚蓉配上其他配菜，e.g. 櫻花蝦蝦乾、三文魚魚子、蛋、玉子、青瓜、酸薑、蝦肉、硯肉，最特別係中間仲放了隻溏心蛋嘅蛋黃，色澤非常之鮮艷同埋吸引，味道當然是很不錯。夢之丼應該就是該店的招牌，用了其名，主要有三文魚魚子、兩隻大粒嘅帶子、一隻赤蝦、仲有吞拿魚魚蓉。這個丼飯還跟咗一口橙果醋。我們今晚一共叫咗七款食物：花錦魚生丼 $188左口魚邊壽司 (2件) $96蟹膏豆腐 $48油甘魚刺身 (2片) $68大入島蠔 (2隻) $176夢之丼 $298.4磯燒帆立貝 $68食得好飽、好豐富、好滿足☺️☺️…查看更多

深海池魚刺身($78)，採用魚腩最肥美既部位，肉質顏色呈鮮嫩粉紅，肉身軟腍，近皮位置肉質結實，兩者結合一齊咀嚼口感豐富，配麵豉醬用鹹食方法幾創新，但確實都幾夾。赤貝刺身($58)，超爽口，每咬一口都有“索索”聲感覺，唔捨得一口食晒，慢慢逐少逐少細味。磯燒帆立貝($68)，先食淨食帆立貝一少口，肉質鮮甜而且炙燒過帶點焦香，跟住再用紫菜包住食，真正外脆內軟既感覺，加上調製過既辣粉，辣度適中唔會太淡冇辣味，亦唔會太強搶過帆立貝既鮮味。左口魚邊壽司($96)，魚既油脂含量非常高，入口有溶化既感覺，非常肥美，木魚碎有中和作用。蟹膏豆腐($48)，細細粒一口一粒，濃郁既蟹膏味在口腔徘徊，豆腐同樣係炙燒過帶焦香。花錦魚生丼($188)，一碗丼飯已經用上左13款材料，全部切成絲或粒狀，所以係攪拌後進食，咁就每一啖都幾乎可以食晒咁多款材料。夢之丼($298)，食哩個丼飯前，店員推介可以先飲一少口橙醋，我覺得有助清除口腔餘韻味道同埋有d醒胃作用，夢之丼用左7款材料，每款材料都光澤證明新鮮上盛，而且魚生都係厚切啖啖肉好肥美，當日牡丹蝦轉左大拖羅，色澤呈鮮粉紅，油脂一入口已經即刻溶化，海膽顏色亦都呈鮮豔，味道清甜無苦澀味。…查看更多

深海池魚刺身($78)，刺身厚切，入口軟腍得黎黎帶少少爽口，配埋店鋪自製既調味醬，有輕微辣味，兩者都好夾。法國蠔($38)，size細，但海水味重，蠔既鮮味較突出，食材係店家直接從當地入貨，沿途運輸品質仍然保存得好好。蟹皇醬燒蟹膏豆腐($48)，蟹膏味道濃郁，一直停留在口腔，好香口。磯燒北海道珍寶帆立貝($68)，哩隻帆立貝非常大，表面經過火炙處理外層帶少少燶既焦香，用脆口嘅紫菜包住黎食，口感更豐富。左口魚邊壽司($48)，入口熔化，魚既油脂甘香味強，壽司頂上既木魚碎，有助緩和口腔裏既油膩感。夢之丼($298)，用既係貴價食材，帶子飽滿大粒，海膽又滑又鮮甜，松葉蟹用黎撈飯食好正，另外仲有附上一杯橙醋，店員表示可以先飲一少啖，再倒入飯中攪拌黎食。花錦魚生丼($188)，材料眾多，主要切成角粒或條絲狀，連同蛋黃汁，將全部一同攪拌撈勻，每一口都食到全部材料，口感百感交集。…查看更多

《ʏᴜᴍᴇɴᴏᴅᴏɴ》/吃過好吃的丼飯要高度推薦 *ꇴ* 𓏰高質刺身𓏰赤醋米專用𓏰附上麵豉湯，沙律。置身於不顯眼的土瓜灣————————————𓎭夢之丼 $298𝘚𝘪𝘨𝘯𝘢𝘵𝘶𝘳𝘦 三文魚蓉、三文魚子、帆立貝、牡丹蝦、海膽、松葉蟹、左口魚邊魚生蓋滿整個飯 豐富極致.｡.o°.廚師建議先飲一口橙醋，再食丼飯這配搭可以令魚生嘅鮮味更出整體魚生都好鮮甜.｡.o°————————————𓎭花錦魚生丼 $188性價比相當地高！三文魚、白身魚、赤蝦、左口魚邊、金蟹子、三文魚子、櫻花蝦、松葉蟹、蜆肉雖然價錢不比前者貴 但亦無將貨就價.基本上每樣都好新鮮肥美 份量頗多款式多到傻左 魚生切成一粒粒 .｡.o°飯面放左隻半熟既流心蛋黃 把所有材料撈勻一齊食啖啖滋味口感十足呀.｡.o°♡.°真係大推 不時會推出半價優惠⁣⁣⁣⁣⁣⁣ ———————————— ⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀𓎭磯燒北海道珍寶帆立貝 $68丼飯食得唔夠喉繼續叫左大大粒的帆立貝炭香味 燒得好香 呈半生熟狀態 好吃𓎭深海池魚刺身 $68師傅刀工唔錯！呢到既刺身既質素有番咁上下質素 肉質新鮮 清爽口感𓎭左口魚邊壽司 $56最愛油脂味重既魚，油脂豐腴，食落細膩，入口即溶𓎭法國生蠔$56/2海水味濃郁，礦物味豐富，先嚐到海水鹹味，之後就食到肥美甘香。𓎭柔煮鮑魚 $68慢火細煮，肉貿柔軟細緻，保留純真的鮮味。⁣⁣⁣⁣⁣⁣ ———————————— ⁣⁣⁣⁣⁣⁣⁣⁣⁣⁣⁣⁣⁣⁣⁣....*—₊—*—₊—*—₊—*—₊—*𝗥𝗘𝗖𝗢𝗠𝗠𝗘𝗡𝗗 ᵤₚ𖧧 夢之丼𖧧花錦魚生丼𖧧磯燒北海道珍寶帆立貝𖧧左口魚邊壽司𝗥𝗲𝘃𝗶𝘀𝗶𝘁 : 𝗬𝗘𝗦*—₊—*—₊—*—₊—*—₊—*. @yumenodon 2 Tam Kung Rd, To Kwa Wan…查看更多

夢之丼先前已經在西營盤試過，今次見到土瓜灣有分店，決定再入去試下！ 一入到店舖，友人先幫忙點餐，而我就先去「放低幾兩」，估唔到呢間鋪頭第一樣震懾到我嘅，竟然係佢地非常難得安裝左電廁板！ 可惜今次無機會用到，大家有機會黎可以試下。當然對於所有地方黎講，有心整好個廁所，其他地方一定唔會差！ 回到座位話咁快就有得食，第一道菜係蟹膏豆腐。味道超級好驚喜！豆腐軟腍滑溜，蟹膏味極濃，超級推薦！ 但要數到驚豔我的，絕對係呢個仙鳳趾蠔！應該係我人生食過數一數二好味的蠔！蠔身足足有成隻手掌咁大，而且極肥美！食落去好新鮮！侍應姐姐話係今日特選，難怪咁好味！盛讚！ 第三係深海池魚刺身刺身旁邊配以紫蘇花，而我就決定將紫蘇花配埋刺身一齊食，一黎我自己好喜歡紫蘇花味，二黎可以令刺身多一種香氣的層次！而池魚刺身肉質彈牙厚實。不過本人都係喜歡腍滑甘香的吞拿魚多啲。 第四個菜係慢煮鮑魚配肝醬賣相細細份，但係鮑魚爽口彈牙，配以肝醬味道香濃，兩者的味道亦唔會互搶，非常美味！ 第五個係左口魚邊壽司左口魚面頭經火炙處理，油香滿溢，入口即化！夢之丼係我地一個翻叫的菜色記得上次在港島食的時候，師傅會配以一杯橙醋，而橙醋亦有兩種食法。 第一係先呷一小口去開胃，第二是點魚生，有助提升食材的鮮味。不過是次未有配，有丁點失望。招牌菜當然不差，用料十足！海膽及火炙三文魚十分creamy入口即化，三文魚籽同帶子亦好新鮮，值得一提既係中間個蝦，好鮮味，而且隱約會食到一陣酒香，十分特別。最後仲叫左花錦魚生丼丼飯面鋪滿刺身！中間配以醬油漬蛋黃，對比上面的美味略嫌普通，但食材亦相當新鮮！唯一可能挑剔的是價錢在此區未必好有競爭力，但食物絕對對得起價錢！ 總括而言，夢之丼用料時令新鮮，環境清靜，坐位闊落，環境乾淨！在土瓜灣實在不可多得！而且要特別要表揚一下長曲髮紮辮既女侍應妹妹，招呼十分貼心禮貌，笑臉甜美，令我地今次用餐體驗好好！…查看更多

土瓜灣不嬲多好野食，奈何交通唔係太方便，但自從土瓜灣站開通左之後，來往土瓜灣就快捷左好多！呢間日本料理有幾間分店，之前試過佢地西營盤店覺得不錯，見到土瓜灣有分店，一於來試下！仙鳳趾蠔🦪呢個真係不得了！超大超肥美！食落去好新鮮，一啲腥味都冇！盛讚！夢之丼🍱用得黎做點名既菜一定唔會差，呢個都係呢間店既招牌！裡面有好多種食材，海膽同三文魚好creamy，入口即化，三文魚籽同帶子好新鮮，值得一提既係中間個舊蝦，好軟糯，而且隱約會食到一陣酒香，十分特別。深海池魚刺身🍣呢個刺身旁邊有紫蘇花點綴，食既時候將啲花整落個刺身度，可以upgrade刺身既香氣！刺身肉質彈牙，好新鮮！融雪做得好好，完全冇腥味！蟹膏豆腐🧈呢個好驚喜！豆腐軟淋淋滑溜溜，蟹膏味濃郁，超級好味！左口魚邊壽司🍣左口魚超級軟淋，入口即化！柔煮鮑魚🍥呢個雖然係細細一份，但係鮑魚爽口彈牙，而且好貼心咁切開四份，輕輕用筷子一夾就可以食，細心位十分加分！花錦魚生丼🌸丼飯面鋪滿新鮮刺身，每一啖都好新鮮！中間就係一隻無菌蛋黃，撈埋啲飯一齊食到停唔到口呀！呢間啲食材真係好新鮮，而且環境清幽，坐位闊落，坐得好舒服！最後值得一提既係佢地服務態度超級好！特別要讚揚一下長頭髮紮辮既女侍應妹妹，招呼十分周到，全程笑面迎人，令我地今次用餐體驗好好！…查看更多

屯馬開通真的很興奮嘅關係去土瓜灣方便左 咁就就下朋友去佢果頭啦 佢又講到有間日本嘢好正 就試試佢係咪好嘢無介紹 介紹無好嘢啦 🤣間嘢嘅門面喺土瓜灣呢啲舊區都算係高級餐廳 入到去 佢係用open kitchen形式 有方枱 有bar枱 都令我放一放心 畢竟食魚生最棹忌就係處理食材唔乾淨 但係佢open kitchen得 一定對自己處理食材有返咁上下信心先敢咁做我地嗌左佢嘅招牌夢之丼 花錦魚生丼 磯燒帆立貝 蟹膏豆腐 赤鯥魚八爪魚刺身 左口魚邊壽司個夢之丼真係算性價比高 因為佢俾嘅刺身真係好足料 同埋都係貴價刺身 啲海膽食落起碼有兩行 仲要係新鮮鮮甜果隻 帆立貝刺身係平時珍寶size果隻 仲有兩粒咁多 隻牡丹蝦都十分爽口鮮甜 蝦頭仲要有膏嘅 呢啲主角好就基本啦 但係佢嘅配角壽司飯用左赤醋 唔洗點豉油都已經好夠味 撈埋我最鍾意嘅三文魚子一齊食 口感脆卜卜 正！ 店員仲介紹左個橙醋 可以喺食呢個魚生飯之前飲一啖 又或者可以用嚟點帆立貝另外個花錦魚生丼係店員推介嘅 做緊半價 超抵！雖然做緊半價 但係佢嘅魚生一啲都唔少 同埋雖然係角切魚生 而份量都唔少 食哂啲飯都仲有魚生剩額外一提 佢每個飯都會跟一個沙律同麵豉湯 個麵豉湯我飲到有少少蝦嘅鮮味 不過朋友就話飲唔出 唔肯定佢係用左蝦頭去煲 定係因為有蜆 而令到佢有海鮮嘅鮮味個蟹膏豆腐完全係食唔到豆腐嘅味道淨係識到蟹膏嘅香味 一口嘅size 貴精不貴多磯燒帆立貝我覺得配埋個海藻一齊食 口感更豐富另外店員推介嘅兩款刺身都非常鮮味 尤其係八爪魚刺身 爽口彈牙左口魚邊壽司 油脂豐富 入口即溶土瓜灣區嚟講相信呢間日本餐廳都真係數一數二架啦…查看更多

以前住土瓜灣既時候已經好想試呢間日式刺身丼店,可惜仲未有機會試就已經搬走左.難得今日約返住土瓜灣既朋友去附近食飯,終於可以一嚐心願.店內走日本木系風格,以暖光照射住帶點溫馨柔和感.夢之丼店內招牌特色丼,丼飯既刺身豐富豪華,同名一樣丼飯充滿仙氣又夢幻.店內所用既壽司醋飯都用上赤醋飯.相比起白醋,赤醋味道更濃郁香醇,酸味雖然更濃但出乎意料地與刺身油甘香味更搭酸,充分突顯及提升刺身自身鮮味.醋飯粒粒晶瑩圓潤,Q韌又帶點微黏感.附夢之丼會送上一杯檸檬醋,目的係希望品嚐丼飯前可以refresh一下口腔先品嚐到刺身原鮮味.夢之丼內刺身:▫️三文魚蓉微微炙燒過帶點焦香,帶一陣三文魚甘油香.▫️三文魚子粒粒飽滿通透,咬開卵內裏充滿住魚子鮮甜既精華,甘甜中帶點醬油鹹香感.▫️帆立貝同樣厚身甜美,入口彈牙鮮香.▫️海膽鮮橘色既海膽口感香濃creamy,甜味中帶點甘香.▫️牡丹蝦蝦肉厚身極為鮮甜細滑,蝦頭帶住既蝦膏豐腴甘香.▫️松葉蟹松葉蟹鮮味突出,肉質香滑細緻.▫️左口魚邊左口魚相當甘香,經炙燒過後魚油味更香濃甘香.入口唔需要多吐嚼已經係口腔內慢慢融化.花錦魚生丼當日咁啱撞正餐廳做緊promotion既刺身丼優惠！全以角切刺身形式放上壽司赤醋飯面上,顏色豐富而且鮮豔.內裏配料比夢之丼款式更豐富:有三文魚,白身魚,赤蝦,左口魚邊,蟹子,三文魚子,櫻花蝦,蟹膏豆腐,青瓜,甜蛋,玉子漬,松葉蟹及蜆肉.內裏配料全部都經過調味,基本上唔需要再額外加添醬油.各款配料夾合一齊帶出唔同層次既口感及鮮味.中間既玉子漬完美地為整碗魚生丼既口感及濃郁度提升.左口魚邊壽司左口魚油花豐富香醇,入口即融既口感相當幸福.鯒魚刺身第一次食呢一款魚刺身！魚身好厚而且膽身又清爽.輕輕炙燒過令魚香更突出又甘甜.其實餐廳每日都有特選刺身及食材,所以下次去或都又有機會發現新刺身款式.深海池魚刺身色澤光鮮明亮,相堂新鮮而且充滿魚甘香.魚肉身帶彈性質感唔會霉.磯燒帆立貝帆立貝相當厚身.經磯燒過既帆立貝雖然外在帶點焦身,但入口毫無焦苦味,反之充滿帆立具鮮甜鮮味,配上紫菜令鮮味更突出之餘亦加增一陣鹹香感.蟹膏豆腐將豆腐切成細骰仔般一口size既形狀,再係豆腐上鋪上一層蟹膏及蔥粒賣相已經相當誘人🤤.豆腐用上玉子豆腐,豆香中帶點蛋香.經微微炙燒後令味道更濃厚帶點醺香.蟹膏味道醇香濃郁,味道唔會腥,口感稠密.…查看更多

地鐵站開通咗，連餐廳都多咗呀！今次黎到土瓜灣呢間高質嘅日本餐廳，魚生丼嘅選擇好多，仲做緊promotion 呀 😍 最難得嘅係呢區竟然有廚師發板呀 👏🏻夢之丼 📍$298真係有太多魚生飯選擇，我哋最終都係揀咗夢之丼🤣 有三文魚，拖羅蓉，海膽，三文魚子，牡丹蝦同帆立貝，用料新鮮豐富，而且日本米本身都有豉油醃過，所以唔需要點太多豉油都好夠味，個帆立貝仲可以點啲橙醋，好開胃柔煮鮑魚 📍$68鮑魚切咗一片片，口方便進食，而且上面加咗鮑魚膏，令到味道更加鮮甜磯燒帆立貝 📍$78煮得啱啱好，而且好大件，連埋塊紫菜一啖咬落去真係好滿足左口魚邊壽司 📍$96燒過嘅左口魚邊啲魚油滲哂出黎，好肥美呀 深海池魚刺身 📍$68魚味濃郁，而且餐廳好慷慨，每件刺身都好厚架 鳥貝 📍$58個樣有少少似八爪魚，不過更爽口，更彈牙，仲要係當日嘅飛機貨，所以特別新鮮架花錦魚生丼📍$94而家呢個魚生丼做緊半價呀！好抵呀！有好多款式架：三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子漬、松葉蟹、蜆肉 😱😱 超豐富呀 😍 咁嘅價錢，咁嘅質數，去邊到搵呀 …查看更多

因為疫情關係，已經好耐沒有去日本旅行。很想搵一間餐廳來個日本foodcation 之旅。所以搵到屋企附近食日本料理，以丼飯為主，見網上有好多好評，所以今日收工就去試一試，係唔係同上網評語一致。這裏環境格局很舒適，也有日式裝修，令人很放鬆，而且服務亦很貼心。我們先試左池魚刺身，食品擺盤很精緻，池魚有炙過非常可口。今日有日本既雪解蠔，蠔身有身掌咁大，超級肥美，值得一試。磯燒北海道帆立貝味道鮮甜，火喉拿捏得很好。另一款海鮮慢煮鮑魚配肝醬亦都好好味，鮑魚好易煮過火，但這裏處理得岩岩好，口感軟淋而且鮮甜味美，鮑魚底還有調味過既日式飯吸收左鮑魚汁，更加惹味。最後係招牌菜夢之丼。入面材料豐富，有炙燒過既三文魚蓉，鮮甜既海膽，嫩滑既帆立貝，可口既松葉蟹，牡丹蝦同惹味既右口魚邊，喜歡海鮮丼飯既非常推薦。個人很滿意今次日本foodcation 之旅。…查看更多