神輿日本料理

好耐無食日式放題🤤 放工去左創興覓食，友人揀左呢間，係創興5樓，任食任飲～..一入去，空間感好大，兩個人獲安排坐係4人枱，好舒服😌 第一round唔係唔叫海量刺身呀？三文魚、帶子、八爪魚、蟹柳都好新鮮唔錯👍🏻..見佢有張特別食物推介，係海膽主題，叫左海膽軍艦壽司同海膽手卷，海膽軍艦壽司還好，海膽好味既，但海膽手卷真心唔得❌睇圖都覺得海膽勁小，一啖都唔夠，好似食左少少海膽汁既手卷咁，食落口既係少量青瓜絲、紫菜同飯，呢個唔駛叫..刺身後叫壽司🍣幾多選擇，其實味道幾好，不過包得唔好睇😅唔期望高質，不過相片都睇到包到唔實有d鬆散😂. .我幾鍾意食蟹籽沙律，每次食放題都會叫返碗。呢碗有d驚喜係好大碗😱 份量十足。熟食方面都係好多選擇，不過食刺身同壽司太多，無叫好多..天婦羅，炸得比較深色，味道還好，但唔知係炸得耐左少少定粉既問題，我都係鍾意炸得金黃色同薄粉質感既天婦羅; 另外叫左焗蠔，幾好食😋..呢度有甜品供應，有蛋糕同啫哩，仲有雪糕，太飽關係，我只食雪糕，呢度既雪糕係由工作人員畢俾你，4種口味，最特別係有少見既薄荷朱古力味，另有少少配料俾你搭～..總體來講，我鍾意d位夠闊落，空間感十足，唔會逼，食物多選擇，唔難食，有基本質素，如果同一班fd聚下，唔係為求食物高質既話，呢度係唔錯既選擇…查看更多

約朋友去旺角食放題是常識吧當然先食刺身有三文魚、北寄貝、松葉蟹棒、希靈魚、蠑螺、赤貝、帶子，味道幾鮮甜，份量足卷物款式有新鮮感，龍蝦和牛卷、黃金蟹卷、鰻芝卷，細細件有海膽壽司，海膽幾鮮甜，紫菜夠脆口壽司醋鯖魚、玻璃蝦、帶子、鰻魚，即叫即制芝士焗虎蝦好香芝士味必食串物點左黑椒豚肉串、鹽燒雞腎串、日本番薯，比較喜日本番薯🍠，好甜又夠粉芝士年糕、炸鮮奶、紫心番芋丸，煙銀的芝士年糕，令我愛不釋手呢度竟然有薄荷朱古力雪糕食咗咁多好嘢點份燒菠蘿，又可以再食過日式蕎麥麵夠爽口清酒煮蜆整體上菜速度快，沒有留單情況…查看更多

很久沒有吃過放題了，之前在openrice看到神輿日本料理的評價和裝潢都不錯，所以特意去餐廳感受一下。在門口已經看到餐廳的裝潢很有心思，很有日本風味，感覺像神舍。門口更挂滿木牌，真的感覺猶如在日本一樣,十分有趣。 放題識食的人當然係瘋狂食刺生！因爲係回本位。呢間放題的刺生選擇都算多，而且分量會比足!無漏單。填完紙後，刺生好快就送到！刺生新鮮尤其是甜蝦，帶子都是爽彈鮮甜。三文魚肥厚而且還有我最喜歡的北寄貝，多吃幾Round，回本無難度。第二要推介給大家的是燒物！這裏放題的燒物也有很多，燒大蝦，元貝，壕和牛肉等等，全部都好正。燒海鮮方面都很好海鮮都是新鮮的，蝦彈牙的而且真的頗大隻，元貝雖少但都鮮味，朋友吃了壕也說很不錯。另外的七味燒雞翼是有點辣辣的很是惹味。餐廳的清酒煮蜆不錯，雖然清酒味不是很濃但是我吃了2碗都是完全沒有沙的！值得一讚。蜆亦是非常鮮甜的。餐廳的壽司比較少，飯都比較少！喜歡吃壽司的朋友可以食多幾舊。壽司上碟的盛器也是精緻！感覺不像是吃放題的感覺，反而似壽司店。外面的玻璃櫃擺滿了甜品！款式多樣，還有木糠布甸和雪糕任拿。除了我的推介，還有很多款的食物，放題食物應有盡有，小食，鍋物和一品料理等等！價錢$238 一個人。如果早點走/9.30以後才去價錢更便宜。放題的感覺像是去了吃自助餐一樣！！每吃吃完就係抱住個肚走，令人滿足。…查看更多

好朋友就快去新加坡公幹,一年半載都見唔到佢,所以決定約佢食放題!!我選擇了充滿日本風情的神輿!!餐廳門口係一個鳥居,隔離放滿了繪馬,彷如置身日本神社!!餐廳內的裝潢一樣充滿日本特色!在這個環境下食野特別有氣氛!!點餐紙厚到好似一本字典,可以選擇刺身,壽司,卷物,手卷,小食,炸物,天婦羅,爐瑞燒,一品料理,鍋物,飲品,甜品任選!<刺身和壽司>每款刺身都充滿光澤又新鮮,肉質柔軟肥美,味道鮮甜!壽司用筷子夾一下,飯沒有散開!軍艦上的魷魚,八爪魚都擺得超滿,全部都非常不錯!!<炸物>炸物熱辣辣來到,全部都係剛剛炸好!外脆內軟並不油膩,口感十足!<榴槤球> 咬開榴槤球熱到出煙,榴槤爆漿流出,散發香濃榴槤味!!<爐瑞燒>燒物即叫即做,聞到陣陣串燒香味,海老燒得香口唔乾身!白魚丸和花芝丸沒有燒焦的味道,再配上醬汁食真的不錯!<芝士焗虎蝦> 將虎蝦分開一半,鋪上一層厚芝士燒到金黃色,刮起蝦肉後,一啖蝦肉一啖芝士,好味到真的不能錯過!<芝士焗蠔> 大隻又甜美,沒有腥味,蠔上放滿芝士,十分好味!經過一場大飲大食後,食返杯紅豆和綠茶雪糕,再加和菓子作結,實在太完美!!整體來講,餐廳環境和食物都非常不錯,值得一來再來!!…查看更多

日式布置。刺身好食，每樣都幾新鮮。馬刀貝同象拔蚌爽口；吞拿魚新鮮，好食；帶子唔係平時放題一粒粒個隻(柱貝?)，而係一片片既，亦唔會好薄切，鮮甜；油甘魚口感略嫌差d ，唔係咁好食。整體刺身都係好食，略優於其他放題。壽司最好食係火灸和牛壽司，入口即溶；鰻魚同蟹棒壽司都幾好食。醬燒蟹柳、火灸三文魚、火灸芝士三文魚、芥辣八爪魚壽司都唔錯。卷物食左花之戀、鰻芝卷、黃金蟹卷同龍蝦和牛卷，細細件唔會好飽，惟餡料太少。仲叫左螺肉做前菜。爐煓燒：一口牛同海蝦幾好食；醬燒花枝丸有花枝味，幾有口感；魚蛋正常鹽燒；雞腎有一件太un食唔到；青椒仔比想像中辣好多，青椒籽好辣。一品料理：芝士焗虎蝦好入味，蝦肉蝦殼配埋醬汁一齊食，口感一流，推薦；芝士焗蠔有驚喜，熱辣辣，配埋個醬汁，好食，推薦；牛仔骨好入味 口感唔錯(當晚無羊架供應，用牛仔骨代替)；金菇肥牛卷燒得幾好，好味既牛肉；七味焗雞翼焗得唔錯；豚肉生薑燒有燒汁味，幾好食，略嫌份量多左d；一口牛凍左一般，熱食應該唔錯，份量都係有d多，可能食串燒一口牛會更好；忌廉焗帶子有淡淡芝士味，幾有咬口，但唔夠其他餐廳好食。清酒煮扇貝幾有咬口，但無乜味，似只係整熟然後放落清酒到。炸物：芝麻雞翼幾有肉汁，唔鞋，好味，炸蠔真係有蠔肉，唔係超細粒個隻，沾埋沙律醬，唔錯。芝士年糕同紫薯波正常質素。天婦羅一般，海蝦同青椒無乜味。飲品：只飲左熱菜蜜、烏龍茶、忌廉溝鮮奶同可樂。飲品款式比其他放題少，唔係自取，不過叫一罐都要落單好似有d麻煩。太飽既關係，甜品只食左綠茶雪糕。(個人口味: 4+4/10)整體而言，我最欣賞既係，幾乎所有熱食上枱都係熱辣辣，為尼餐飯加左好多分。可能係平日加上早鳥既關係，餐廳唔算多人，唔會好嘈。性價比都唔錯，抵食。可惜早鳥時段無海膽，要正價時段先有。可以挑剔既係收碟速度偏慢。…查看更多

好耐無食好野，突然想食放題，即興約左朋友收工後食個宵夜時段～因爲我地夜放工，所以就搵左呢間收夜d既⋯可能時間晏⋯都唔太多人⋯去到就可以直接入⋯坐位都算寬敞～唔會好迫⋯而且同隔離枱都有距離⋯唔會聽晒人地講野⋯比平時既放題店好好多～～野食都幾有驚喜首先刺身都好新鮮⋯份量都有俾足⋯第一盤既三文魚有少少去唔晒d骨，不過之後再叫既都無事～帶子好厚肉～好食！而且都有好幾款選擇～種類都算多！壽司都有好多款，我地因爲樣樣都想試⋯所以都嗌多左少少⋯🙈手卷就大左dd⋯如果可以迷你d就更好我地重叫左沙律同小食～樣樣都好新鮮同好食無咩中伏！我特別中意佢個汁煮一口牛，牛肉唔會太硬，亦唔會太咸，個汁好好味～我食左幾舊先發現唔記得影相添呀燒物同炸物都唔夠膽嗌得多，因為已經開始飽🙈燒蝦都幾新鮮，平時好驚會有大量鹽係面，好彩佢係適中，唔會咸死！而燒菠蘿⋯一上枱就俾人食左⋯影唔到相⋯佢係無連皮嫁～食起黎好方便，而且好食⋯👍🏻芝麻雞翼夠晒脆，但就淡左d⋯而個雞軟骨⋯⋯⋯⋯應該係最差既一味⋯⋯太硬又無味⋯都唔知自己食左咩⋯⋯🤦🏻‍♀️重有個牛肉壽喜燒～一上枱係忘記左影相既⋯到分左俾大家先記得影⋯所以現實係無咁細碗🤣但都係好味既！入面有菜、冬菇、豆腐、牛肉同生蛋！熱辣辣，整一整隻蛋就會熟，所以唔洗怕，飽都可以食晒成兜！反而飲品選擇就唔多，得一般汽水同忌廉溝鮮奶，茶類就得熱飲⋯不過如果想飲酒⋯係可以加錢任飲既，但由於第日重要返工⋯所以我地都無飲⋯⋯⋯整體上成餐飯都係好食既⋯而且上菜既速食都適中！無咩漏單既情況⋯亦唔會一氣過上晒枱⋯職員普遍係有禮貌既！下次可以再去試埋其他野！…查看更多

開心食放題，不開心也食放題，放題係治癒心情的最佳良藥。神輿日本料理位於食肆立林的創興廣場，地點絕對方便。最重要的是可以在任何時間入座計用餐2小時(不像某些放題般要在特定時間入座，然後迫在大堂等候入座，然後迫在同一時間下單)。而且也重要的是無漏單的情況，以我們點了又點來說，真係你點幾多就來幾多，超讚。店內環境設計好日式，給人簡潔舒服的感覺。而最最最最重要的當然是食物質素，以放題來說這裏的食物質素相當不錯。刺身新鮮美味，有新鮮肥美的三文魚、油香味濃的油甘魚、厚滑的帶子、新鮮的吞拿魚、鮮味的甜蝦、爽口彈牙有鮮味的北寄貝、象拔蚌及馬刀貝。壽司也很不錯，真是即叫即做，芥辣八爪魚軍艦壽司的紫菜是脆口的，好感動。火灼和牛壽司入口軟綿綿、火灼芝士三文魚壽司炙得剛好、劍魚壽司和左口魚邊壽司味度濃厚，推介。見這裏的壽司出色，所以我們也叫了明太子沙律手卷和蔥吞拿魚腩手卷，紫菜一樣脆口，蔥吞拿魚腩肥美，明太子沙律爽口入味，也是不錯的選擇。爐端燒的一口牛入口軟綿綿，而且調味剛好，不禁食完一串又一串。芝士焗虎蝦、芝士焗蠔、忌廉焗帶子熱辣辣，芝士味與海鮮配合得出色，推介。羊架燒得香脆可口，味道唔羶。天婦羅海蝦、青椒仔及秋葵粉漿既薄且脆，配上天婦羅汁也不錯。味噌拉麵湯底味道不錯，麵質爽彈無鹼水味，但略嫌比較大碗。牛肉壽喜燒湯底濃厚，牛肉嫩滑配上豆腐、生雞蛋等配料，正。當然不少得的是甜品，綠茶雪糕及芝麻雪糕軟滑，燒菠蘿香甜。還有不能不提的是這裏任飲的飲品有誠意，除了一般的罐裝飲品外，還有花茶、菜蜜等。…查看更多

友人從網上得知最近新開了一間平民價的日式放題神輿 — 位於旺角創興廣場，此廣場本來也有放題、雞煲等食肆，可稱為美食廣場。即使只有2人，店員也安排了一張4人枱予我們空間十分大，方便我們叫滿一枱美食這是他們的菜單，以不同的主題分類。分別有：主食、小食、炸物、壽司、手卷、刺身、爐鍋燒、飲品、甜品。。。也分得挺仔細的，客人能跟據主題找到相應的食物，因而我跟友人坐下不到5分鐘就已經點好菜點菜後不到一分鐘店員馬上將飲品拿給我們這是我點的錫蘭檸檬茶，味道就是普通的檸檬茶囉但我很欣賞他的大小，小巧一罐，讓我們可以在放題中品嘗更多不同款式的飲品不會造成浪費(背景是我們厚厚的菜單）接踵而來的分別還有壽司跟炸物，壽司是以一件的形式去選擇，大家在點菜時要小心主意份量老實說，賣相一般，味道也很一般最好吃應該是炸物類，炸蝦天婦羅跟芝麻脆皮雞翼炸的剛剛好不會很重油膩味及厚粉，芝麻脆皮雞翼是我的最愛其實每個類別都選了一些菜式來試一遍，但都很一般，不論賣相還是口感。最後點了白桃氣酒跟雪糕作總結。綠茶跟芝麻口味口感軟滑，味道濃郁總結。這間的確是一家平民價的日式放題，每人埋單只需$200(已計加一)但味道，賣相，款式也很一般，只打算大吃一餐的人的話這間就十分合適了…查看更多

正當諗緊今晚食咩好嘅時候，就見到呢間神輿嘅廣告牌，咦～放題唔算貴，而且相又幾吸引啵，就黎試下先。位置就係喺創興廣場，陣間食飽就可以喺門口搭巴士返屋企，哈哈一開門，門面好光猛乾淨，門外有d許願牌。再行埋入去，好似去左日本神社，內裝修風格清晰，現代感強，俾人舒適嘅感覺。食物都幾多款式，有炸物，壽司，主食，一品料理，串燒，刺身等等。叫幾多黎幾多，唔會俾少。而且上菜快，收拾速度亦一d都冇怠慢，真係值得一讚呀!刺身賣相唔錯錯，三文魚，吞拿魚腩，象拔蚌，甜蝦，北寄貝都肥美鮮甜，呢個價錢有呢種質素絶對有驚喜。壽司同手卷，細細件，唔會好快飽，咁就可以試多幾款😊芝士焗虎蝦，芝士夠多，唔鹹，好味道。海膽炒飯好香，炒得夠乾身。Sukkiri白桃汽酒/巨峰汽酒，酒味唔濃，好香果味，唔識飲酒但又想試下嘅話絕對可以飲呢個，豬喜歡飲白桃。甜品方面叫左個綠茶同紅豆雪糕，奶味濃郁，紅豆味似呀菠蘿雪糕屋嘅紅豆霸，而綠茶唔會苦，2個都好味。＄228再加一，地方企理又舒服，刺身夠新鮮，壽司精緻絕唔馬虎，飲品高質素，唔係平嘢，呢個價錢享受到咁高質又真係唔錯。…查看更多

放工相約媽媽食日式放題，首先講下門面裝修好光猛整潔，滿有日本特色，地方闊落坐得舒服，唔似一般小型日式放題餐廳地方太窄。服務週到，侍應有禮貌，勤力加茶入單，上菜速度快，亦無錯單情況出現，值得一讚。重點食物方面，刺身好新鮮，帶子、甜蝦都好大件，北寄貝、馬刀貝好爽口，三文魚、吞拿魚都好新鮮，正！至於壽司，我最愛既蟹籽軍艦蟹籽份量多，紫菜夠脆，鰻魚汁夠香、咬落劍魚口裡亦充滿油香～美中不足係和牛厚多少少就好啦～～海膽壽司既海膽都絕無欺場，份量足之餘，海膽都好鮮甜，食完之後無理由唔追加😂😂😂一口牛細細碟兩人叫一份剛好，牛肉汁夠濃同入味。姜燒豬肉好好味！豬肉唔會過肥，食落好爽口，好入味，但略嫌大碟，建議可以細碟少少留肚食其他款😈芝士焗生蠔滿滿芝士，但個人較喜歡乾身少少，值得一讚焗虎蝦，好大隻好爽口彈牙。清酒煮扇貝，酒味唔算重，可以一試。燒菠蘿正呀！好juicy夠甜！甜品試左綠茶同芝麻雪糕，好大球好重芝麻味。整體好滿意，好飽好抵食，落單紙厚厚一疊，唔會有缺紙情況👍🏻出菜快、服務好，但建議可以增加甜品款式😄…查看更多

本身打算食火鍋，但實在太多人所以改食放題，旺角創興廣場食放題最少都有幾間，最後決定食呢間呢間餐廳名都幾難讀要約都幾麻煩去到餐廳見裝修設計充滿日本風味，價錢都唔貴就決定食呢間。因為貨源問題呑拿魚和帶子壽司暫停供應，咁我未問下刺身有冇呢?點知個侍應好唔耐煩咁答:未寫咗無壽司囉！有刺身啊！(問下都唔比?)入到去叫嘢飲和點菜先，清酒加28$任飲刺身方面並無咩特別，但質素唔錯尤其象拔蚌刺身幾爽甜好多人讚壽司，但我認為普通只係叫咗一次前菜方面呢個蕃茄幾開胃㗎!我認為熱食比較出，羊架大大件而最出色係一口牛，因為冇醬汁更食出肉嘅美味至於海鮮都有水準，食落啲蝦肉無爛，蠔又唔見縮水不過到最後反而主食和鍋物叫咗無嚟!追咗幾次又話無落單，計數收錢又有少少爭執服務方面有待改善…查看更多

大熱天時，火熱的任食火鍋和韓燒都要讓路，想要任飲任食，別無他選，惟有放題。喜歡放題食品選擇多，食到盡，又可以坐以待食，食品直送枱上，不用操勞。今天目標是旺角創興廣場5樓的神輿日本料理。此店地方寬敞，不同時段入座，不同收費，價錢由$168至$238不等。用餐時間2小時，由入座起計。食品款式應有盡有，點心紙由A至J，共有10張，食品有刺身、壽司、炸物/天婦羅/鍋物、爐端燒、一品料理、主食、甜品、飲品和卷物/手卷。刺身款式很多，逐樣點，先叫了三文魚、吞拿魚、帶子、八爪魚、松葉蟹棒和甜蝦等。三文魚入口新鮮嫩滑、八爪魚片和帶子口感不錯、甜蝦肉鮮味甜，整體刺身水準不錯。壽司則叫了火灼和牛壽司、三文魚壽司、鰻魚壽司和火灼三文魚壽司。各款壽司製作認真，賣相不錯，材料新鮮，味道可口。小食例牌叫了中草沙律、芝麻八爪魚和味付螺肉。八爪魚爽口，螺肉冧甜。而爐端燒、炸物和一品料理等，就要了海老、一口牛、菠蘿、雞軟骨、南蠻炸雞、芝麻脆皮雞翼、汁燒牛肋骨、新番一口牛和炒雜菜等。汁燒牛肋骨，牛肋骨燒得剛好微焦，配上醬汁，十分好味。芝麻脆皮雞翼，外脆肉嫩，好惹味。新番一口牛、牛味豐富、肉身厚冧好吃。值得一讚的是一品料理的芝士焗虎蝦，虎蝦夠大隻，肉身豐厚彈牙，芝士醬料調教適中，烤焗出色，非常好味。由於肚已半飽，主食的稻庭烏冬、拉面、鰻魚炒飯、日式炒飯和海炒飯等都沒有享用，祗叫了個面豉湯暖胃。至於飲品和甜品選擇就不算多了，甜品祗有4款，即和果子、紅荳雪糕、綠茶雪糕和芝麻雪糕，酒精類飲品任飲，每位要另加$28。…查看更多

筆者日式放題吃得多，很少裝潢上放心思，這天朋友介紹試試新開的放題店，說以神社為主題。筆者一出電梯，首先看到兩塊許願牆，餐廳有提供木片，寫好可自行紮上，另有數張木椅，除給顧客等位時坐，也很美觀，是留影snap point！按帶位職員指示進內，是極富日本氣息的裝飾，望進去是長長的一排櫃子，可看到刺身櫃後有師父在主理。門口左右兩邊都有座位，餐廳大多數是以這種神社式搭建的小屋形狀卡位，有4人位及6人位。很有獨立空間，私密性十足，可三五知己暢談而不怕被騷擾或騷擾到別人。坐下第一時間是每款點菜紙都拿一張，看看有什麼吃的。餐廳點菜紙分A至J，食品倒也豐富。先來一盤刺身！吞拿魚很新鮮！象拔蚌也鮮甜，三文魚普普通通，蟹棒是真的蟹棒！很新鮮！甜蝦比一般的大很多！每隻都有成人小指頭那麼粗，而且鮮甜味足，有些更有蝦膏，很甜很好味。來些卷物，全部都很的骰，不怕很快會吃飽，可試多點不同款式。花之戀不錯。上）焗蠔，前右）燒蝦，燒菠蘿，前左）焗牡丹蝦。餐廳爐端燒不會太咸。焗牡丹蝦屬盛意推介，蝦汁都封鎖住，配合芝士味，惹味可口，筆者吃了兩大隻，但因朋友對蝦敏感，所以不便多點，否則還想再吃呢。上）牛肉湯鍋，生蛋趁熱拌勻吃，牛肉很嫰，肉湯鮮甜。左）炸雞軟骨，非常咸脆可口！右）枝豆，整盤都被友人吃光了！前）羊架，淡淡羊羶味，更添惹味，肉質較嫰，不會太硬。後左）海膽炒飯，咸香的炒飯，帶點海膽甜味，很可口，惜太大碗，多人分享較佳。後右）清酒煮扇貝，很大一隻扇貝！很清甜，令人懷疑是否在吃放題。日式pizza，樣子是普通pizza，但味道是日式pizza味，就是日式醬汁的味道，且餅底是酥皮，筆者個人很喜歡。以上只選了一些稍作分享，現場筆者與友人都只顧吃的，吃了很多呀！但未op有限制未能全部盡錄。飲品方面無汽飲品選擇不多，筆者點了菜蜜，不會太甜，也沒有草味，很清爽。餐廳的茶是麥茶，麥味很重，消滯回甘。餐廳每款食品盛上枱的碟子都很講究，侍應不會丟下就走。墊紙更有虛線撕下摺紙鶴，還有圖示教摺，可謂不惜工本，完善每細節。現在6點前入座只需$168一位！非常抵食。其實還有很多想試的，但太飽了，下次再吃吧！…查看更多