極尚大瀛喜日本料理

每隔一段時間又會想食吓放題，「極尚大瀛喜」嘅晚市放題真係食咗好多次，午市放題就真係未試過，今次就到觀塘分店試吓，好彩有book位，估唔到都爆場，以為午市放題嘅食物種類點都會少啲，殊不知一樣咁豐富，一貫坐得舒服，上菜執枱效率高，而且價錢$258/ 1位，食足三個鐘好抵食。⊙刺身坐低一定係點轉刺身先，刺身款式依然好多選擇，我點咗三文魚、油金魚、吞拿魚、北寄貝、帶子、八爪魚，赤貝、赤蝦、甜蝦，象拔蚌⋯⋯點完好快上枱。今次最鍾意係藍鰭吞拿魚，肉質柔軟夠新鮮，油金魚肥美，象拔蚌脆口勁鮮甜，淨係呢盤刺身已經超值，我點咗幾轉。⊙壽司⦿藍鰭吞拿魚壽司午市可以無限任食藍鰭吞拿魚壽司，柔軟鮮味，配蔥絲更清新，我點咗好多，回本之選。⦿ 炙燒焦糖鵝肝壽司炙燒鵝肝表面焦糖化，入口微甜帶脆，口感綿滑有即溶嘅感覺，飯糰沾上鵝肝油，喺口中混和層次豐富，必食推介。⦿ 鮟鱇魚肝池魚王壽司池魚王勁鮮味，配鮟鱇魚肝味道濃郁。⦿海膽拖羅蓉魚腩壽司海膽拖羅蓉係絕配，劍魚腩肥美。⦿海膽手卷手卷係迷你，一口一啖，最緊要飯係細細嚿，唔會食到飽晒，海膽鮮甜，encore之選。⊙期間限定⦿油鹽焗膏蟹係得觀塘分店嘅期間限定，當造嘅奄仔蟹爆晒膏，軟滑甘香，蟹肉都飽滿，鹽焗更能提升鮮味，奄仔蟹出面食價錢都唔平，食幾隻就已輕鬆回本。⦿鐵板星級鵝肝多士鵝肝夠大件，鐵板煎香外脆內軟，入口即溶，鵝油香氣充滿口腔裡，配脆脆多士，無得輸。⊙燒物⦿川燒珍寶鮮蠔燒熱辣辣燒得好有水準，蠔肉新鮮大隻飽滿，鋪滿蒜蓉即叫即燒，啖啖充滿蒜香，juicy勁鮮味⊙自助區有多款前菜、翡翠螺、熟凍蝦、青口、麻辣小龍蝦、蟲草花花膠雞湯、蝦餃、燒賣、沙律、生果⋯⋯⦿飲品區一排雪櫃放滿飲品，款式多過便利店，汽水、茶類、自家製冷泡茶，亦有啤酒類提供。自由斟咖啡、冷熱清酒、梅酒、if椰青水⋯⋯⦿甜品區凍櫃放滿泡芙、布甸、大福、乳酪⋯⋯名牌雪糕雪條款式都唔少，自助軟雪糕機俾你自己唧軟雪糕。#極尚大瀛喜日本料理地址：觀塘觀塘道414號1亞太中心5樓…查看更多

朋友生日揀咗呢間食放題，非常多人，我哋book咗位都仲要等15分鐘先可入座，店內以QR code 落單，除咗落單食物外，出面還有前菜食物及甜品選擇，食物種類都算多，上菜速度快，整體食物質素還好，我哋食得好滿足！…查看更多

當想放肆咁食嘅時候，多數會揀去食自助餐或者放題，今晚就同男朋友去咗觀塘大??喜食放題，大家都留定肚要放肆咁食。地方光猛闊落，一行行卡位和長梳化座，所有卡位都好寬敞闊落，坐得好舒適。自助區和飲品區都集中在一個地方，好方便。我地揀咗晚巿放題特價時段，由5:30pm-7:30pm時段，成人($258+10%/位)可任飲任食2小時。我地先馬上用QR code落單點定一些食品，接着就去自助區，把握時間。先去自助區拎嘢飲。一排超大的飲品雪櫃，有不同牌子的啤酒、茶、汽水、果汁、紙包飲品等，還有熱茶、清酒和梅酒等，超多選擇，好正! 男朋友要罐果汁酒，我就有杯梅酒，梅味唔算突出，但不太甜，酒味都幾濃，不錯!再去自助區取食物，熱食有炸物、章魚丸、麻辣小龍蝦、豉汁蒸鱔、糖水和雞湯；凍盆有豬耳、雞腎、沙津菜、泡菜、中華沙律、螺肉、凍青口、凍蝦、卷物等等。我地一口氣拎咗四碟，有清爽新鮮的沙律菜、四款有創意的卷物、雜錦凍盆和豉汁蒸鱔。最鍾意係豉汁蒸鱔，又滑又肥美，仲好入味，我encore了兩三次。凍盆的麻辣雞軟骨夠晒爽脆入味；雞腎亦爽嫩入味，好味!刺身隨即上枱，點咗三文魚、油甘魚、劍魚腩、赤蝦刺身、甜蝦、希靈魚等等，滿滿一盤，好滿足。三文魚好肥美，柔軟油潤；劍魚腩油潤爽口，好鮮；油甘魚亦很肥美，仲幾爽身；大大隻的赤蝦好鮮甜，微爽黏滑；希靈魚就啖啖爽脆，鮮甜美味，這幾款刺身都質素不俗。好快又上壽司，揀咗油甘魚腩、和牛肩胛、火炙帝皇蟹棒、火炙三文魚腩、 火炙左口裙邊和芥末醬燒赤魚。各款經燒的壽司都油香滿舖，肉質油潤柔軟。最喜歡係火炙左口裙邊和芥末醬燒赤魚，甘香油潤，好正! 燒和牛肩胛都好味，半生熟狀，好嫩滑，又有牛香。到點燒物、炸物和一品料理，點咗好多款，有蒲燒鰻魚、碳烤羊鞍、西京燒銀鱈魚、粉絲蒸扇貝、炭燒廣島蠔、燒新鮮菠蘿、燒翠玉瓜、榴槤炸彈、野菌炒虎蝦、蟹皇扒豆苗、鮑汁花膠盛宴等。蟹皇扒豆苗熱辣辣，好翠綠爽嫩，仲有蟹香，要再來多碗。燒新鮮菠蘿微暖，香甜多汁，相當新鮮。野菌炒虎蝦都要encore，蝦仁大大隻又爽彈；蒲燒鰻魚腍嫩肥美，沾滿甜甜地的鰻魚汁，不錯! 羊架肉厚，燒得焦香， 肉嫩味濃，啖啖肉汁，要encore；西京燒銀鱈魚好有魚油香，仲好嫩滑，好味到我點了三次；粉絲蒸扇貝和炭燒廣島蠔都大大隻，味道鹹香惹味，不錯!九成飽要食埋甜品， 選擇都唔少，好滿足。雪糕冰櫃放滿雪糕杯、甜筒、冰條和雪糕糯米糍， 各有不同口味添!而甜品凍櫃就有小蛋糕、慕絲、奶凍、豆腐花等。我地要咗兩杯雪糕、一盒豆腐花、小蛋糕各慕絲各一。兩款品牌的雪糕都好好味，有黑芝麻味和柚子乳酪，味道都好濃。咖啡慕絲就好滑，好香咖啡味，幾好味! 最後，超飽………查看更多

疫情下的生日Lunch 🙈又大一歲啦，雖然今日回南天，濕濕哋咁，但都無阻我一個人去食日式放題既決心 😂對我而言，刺身不過不失，其中赤蝦，赤貝最鮮味，而最估唔到既係冰鎮花海蜇刺身，有口感(其實即係平時食開既海蜇頭)壽司方面，三文魚腩，油甘魚腩都唔錯，三文魚親子軍艦好食 😋 海膽手卷比較失望，除左海膽冇海膽味之外，最差既地方係塊紫菜淋左，咬落去個心真係好難受 😭今次放題，最出色既非熟食系列莫屬，當中最好食既三樣分別係：鐵板京蔥燒汁牛柳粒，吉品鮑汁扣花膠鮑魚，燒紐西蘭香草羊鞍，都係必食之選。其他既熟食都好唔錯，例如：古早味和牛丸湯，醉酒鮑魚，金銀蒜粉絲蒸扇貝 😘 至於天婦羅就不太推薦最後，甜品方面，朱古力蛋糕👍豆腐雪芭幾得意，一試無妨 😉…查看更多

姊妹約我到觀塘亞太中心5樓的極尚大瀛喜日本料理吃生日飯， 我們大約十二點到達餐廳， 可以食到下午三點鐘。 餐廳環境寬敞但座位非常狹窄， 枱貼枱的完全沒有私隱度， 說話都要保持非常細聲。 餐廳以QR Code落單，方便又快捷。店內有個自助吧檯， 有齊飲品、甜品、熱湯、生果和雪糕。首先點了一盤刺身拼盤，幾款刺身都很新鮮， 最喜歡爽口甜美的赤貝。 然後點了些炸物、 壽司、海膽手捲、 羊架、 牛油粟米 、串燒、辣汁東風螺。 羊架肉汁豐富， 牛舌串燒好濃牛香味， 推介必點。午餐時段$188一位， 非常抵啊！ 但店員的服務態度就需要改善一下，上菜的時候會將隻碟掟落枱面😱， 每次都畀佢嚇親！…查看更多

其實我本來不是想光顧「極尚大瀛喜日本料理」，不是想食「極尚大瀛喜日本料理」裡面的午市放題，而是想食平日長期光顧的某酒店自助餐，可惜該酒店當日的自助午餐已經滿座。所以我們四人，包括我跟阿媽、阿姨、細佬在內，才被迫轉去觀塘「一亞太中心」樓上，食觀塘分店「極尚大瀛喜日本料理」的午市放題料理。不過我們四人千里迢迢來到觀塘「一亞太中心」，坐升降機去到「極尚大瀛喜」的樓層，才發現現在的「極尚大瀛喜」，有些食品甜品的安排，比以前的「極尚大瀛喜」稍為遜色了一點點。例如即使「極尚大瀛喜」的放題料理裡面沒有「雞飯」可以享用，但是「極尚大瀛喜」至少還會有例如炒飯、丼飯等等可以飽肚的料理食品。我可以點雞翼小食加炒飯丼飯，勉為其難當作午餐的食品。由於我已經換上新的手提電話，所以連觀塘分店「極尚大瀛喜」專用的手機線上落單點菜程式，我也未有透過手機程式商店，重新安裝「極尚大瀛喜」的點餐手機應用程式，也懶得再下載。所以我今次在觀塘分店的「極尚大瀛喜」，全程都需要借用阿姨已經安裝手機程式的手提電話，作為線上點菜的替代品。阿媽細佬已經習慣了手機程式點餐，不會再考慮使用一般點餐紙了。結果我一透過阿姨手提電話裡面的應用程式，就立刻發現「極尚大瀛喜日本料理」應用程式裡面的熟食食品裡面，找來找去還是找不到任何與飯類有關係的食品。最後我只能夠選擇，點選一些「極尚大瀛喜日本料理」裡面壽司飯食品，加上一些炸雞翼等等的雞肉料理，勉強組合一客我還能夠食的午飯。觀塘「極尚大瀛喜日本料理」裡面的炸雞翼小食，炸雞翼製成品的口感，仍然是上次光顧時候的水準，炸雞翼的皮炸得頗為香脆，裡面雞肉有少許來自鹽醃出來的鹹味，加上有油炸出來的香味。至於觀塘分店「極尚大瀛喜日本料理」裡面的魚生刺身，仍然算是保持新鮮，我透過阿姨手機裡面的應用程式，點選選擇完魚生刺身完畢不久，「極尚大瀛喜日本料理」的侍應已經很快送到。至於觀塘分店「極尚大瀛喜日本料理」其他的料理，例如牛肉料理小食，「極尚大瀛喜日本料理」製作相關食品的速度，都尚算是偏快，也很少有意外漏單。觀塘「極尚大瀛喜日本料理」甚至有些熟食食品，例如味道偏甜和有蒜香的牛肉類食品「蒜片和風汁炒牛柳粒」，在我剛剛利用手機應用程式裡面的點餐系統，完成點餐程序不久，侍應已經很快送到。對於觀塘分店「極尚大瀛喜日本料理」裡面的壽司跟壽司卷料理食品，我最喜歡的日本壽司料理食品，是甜味的鰻魚壽司、鰻魚卷，還有蛋類的玉子壽司。我一向都比較喜歡食甜味的壽司食品，所以我對於觀塘分店「極尚大瀛喜日本料理」，裡面廚房師傅製作的甜味鰻魚壽司、芒果壽司卷和玉子壽司食品，我都是毫無抗拒，全部都一一食光。至於觀塘分店「極尚大瀛喜日本料理」裡面可以即場選擇拿取的前菜沙律小食，則全部被安排放置在「極尚大瀛喜日本料理」餐飲區，雪糕和飲品冷凍櫃的旁邊，感覺彷彿把放題變成了主餐填點餐紙，前菜甜品自己去領取的「半自助餐」。結果我無意中發現到，觀塘分店「極尚大瀛喜日本料理」的餐前小食櫃檯裡面，竟然有預先製作完成，供食客親自選取享用的大熱小食「鹹蛋黃炸魚皮」。「極尚大瀛喜日本料理」裡面的「鹹蛋黃炸魚皮」，我把炸魚皮放入口的時候，炸魚皮的口感尚算是爽脆，而且炸魚皮也有鹹蛋黃，也有來自鹹蛋黃的鹹甜鮮味。至於傳統日本料理裡面，經常都有機會食到的餐前小食「涼拌螺肉」，今次我也意外發現到它的出現，而且場內選取「涼拌螺肉」的食客不多，讓我有機會拿到不少「涼拌螺肉」。「涼拌螺肉」的口感頗為彈牙，「涼拌螺肉」表面的涼拌醬汁味道，也是偏向比較甜和微辣，「涼拌螺肉」作為前菜或者小食也是非常不錯的選擇。至於觀塘「極尚大瀛喜日本料理」裡面的甜品，今次觀塘分店「極尚大瀛喜日本料理」反而有點讓我感到有點失望，因為觀塘「極尚大瀛喜」裡面的自助乳酪軟雪糕機器，忽然消失無蹤。結果我只能在觀塘「極尚大瀛喜日本料理」剩下的兩個冷凍雪糕櫃裡面，拿出剩餘的韓國品牌冰涼雪糕條甜品，還有本地品牌的脆皮雪糕批。韓國品牌的冰涼雪糕條，裡面的味道雖然仍然很甜，可惜雪糕冰凍櫃裡面的冰凍溫度，始終未能讓韓國冰涼雪糕條裡面的溫度完全冰卻下來。結果「極尚大瀛喜日本料理」裡面的韓國品牌冰涼雪糕條，很快就已經因為冷卻時間不夠，所以很快就已經融化軟掉下來，雪糕條融化出來的汁液，幾乎弄髒我身上的衣服。反而香港本土品牌的朱古力脆皮雪糕批，雪糕批除了外層的朱古力脆皮，比較容易瓦斯崩塌下來，幾乎弄髒我的衣服之外，雪糕批裡面的甜味都仍然是正常。至於「極尚大瀛喜日本料理」冷凍雪糕櫃裡面其餘的雪糕，大部分都是韓國品牌的雪糕甜品，或者是本土品牌裡面的雪糕批和雪條，日本品牌的雪糕幾乎消失殆盡。所以韓國的冰涼雪糕條不是不好食，只是龍肉食得太多，都遲早會有食厭的一日到臨，韓國的冰涼雪糕批甜品也不例外，奈何我食不到太多雪糕條，所以食了兩支雪糕條就已經鳴金收兵了。至於觀塘「極尚大瀛喜日本料理」裡面的糕點甜品，放置糕點的冷凍櫃裡面，放置的甜品大部分都是杯裝的啫喱、果凍、奶凍，或者是杯裝的甜品。所以食客還是不要太過期望，期望觀塘分店「極尚大瀛喜日本料理」的糕點冷凍櫃裡面，會無端端有芝士蛋糕，或者其他的蛋糕甜品提供了。所以，想在觀塘分店「極尚大瀛喜日本料理」的午市放題裡面食到著名外國品牌的雪糕杯，已經幾乎可以肯定是不可能做得到了，難以跟酒店自助餐看齊。已經沒有了軟雪糕機器的觀塘分店「極尚大瀛喜日本料理」，甜品雪條裡面的味道已經不再是我以往最喜歡，食完可以再食下去的甜味和冰涼感覺。所以即使觀塘「極尚大瀛喜」午市放題價錢不算昂貴，除非又是阿媽下次還想再食，否則觀塘「極尚大瀛喜日本放題」暫時還是欠缺足夠理由說服我再去光顧享用。…查看更多

星期五lunch約左朋友食放題，估唔到已經人頭湧湧，座無虛席，非常熱鬧。以前係填紙點菜，而家採用手機app，有指示同埋侍應係隔離指導，餐廳亦都有提供wifi，方便又環保。極尚比起其他分店更加high class，食物亦都有少少唔同，上菜亦都係非常快。刺身依然係咁新鮮，擺碟非常精美。其餘既例如壽司、炸物、燒物、煮物等等都一應俱全。灸燒玉子甜甜地，好食。燒物雞翼外皮脆，夠熱，而且調味適中，唔會太鹹。煮物螺夠鮮甜，用竹籤拮起轉幾圈就食得。仲有唔少美食、飲品同埋甜品都以自助形式供應，一目了然。特別要介紹尼個椰汁芒果糯米飯，椰香味濃，芒果酸酸甜甜，加上軟軟既糯米，可以媲美正宗既泰國餐廳。整體，落完order好快就送上食物，唔駛擔心漏order或者得唔切。…查看更多

食放題一定要食一間有信心保證同質素好啲既，極尚大瀛喜真係成日都聽朋友講同介紹，個個都話好正，今日終於同友人黎一試真假！環境都幾大間，而且唔係得點紙既任食，仲有自助區，同埋真係好多人！剌身唔好見點解個盤得咁少剌身，因為同行友人已經食左第一round(第一張圖) ，而呢一盤只係叫左張紙剩餘既剌身種類。北寄貝，希靈魚同生蝦，肉質甘甜，肉質鮮美，口感極佳，味道清新。壽司香蔥拖羅蓉軍艦:呢個要特別一提，比較少見拖羅係剁成蓉配壽司上，呢點亦成為較可惜既一點，放入口好鬆散拖羅口感唔算特濃。蜜糖芥末大蝦卷: 正正常常，蜜糖芥末味道可以更加出，可以更好出。熟食雞軟骨，蟹粥，鹽燒海蝦，蒲燒鰻魚，芝士蘑菇釀雞翼，一口芝士。一口雞軟骨，相信大家都見怪不怪，有點兒可惜既係上碟個陣已經冧哂，調味亦略淡。蟹粥：相信用上花蟹但少少失望，因為隻蟹實在太細，而蟹味相比起其他放題餐廳提供的蟹粥較淡。鹽燒海蝦：一份有兩串既海蝦，蝦殻被滿滿既粗鹽包裹住，所以習慣用口剝蝦殻既就會覺得好咸，但蝦肉鮮甜。蒲燒鰻魚：相信港人對鰻魚既熱愛都唔洗多講，cheese 蘑菇釀雞翼，咬開入面有濃濃 cheese 香 蘑菇與cheese 比例 剛剛好，相映成趣。cheese 迷必叫其中一樣，一口咬哂，cheese 味可以再重D 就好。熱湯烏冬：略為清淡既一碗。甜品放題常見既意大制品牌雪糕就搵唔到啦不過有常見同好受歡迎既melon ice cream bar 既士多啤梨味，三種味道既雀巢雪糕杯同埋乳酪雪糕機。心太軟奇貌不揚，意外地好食，至於檸檬撻就不值得一試了。自助區有非常大路既沙律菜，泰式鳳爪，中華沙律，魚香茄子，南瓜，螺肉同無人問津既車哩茄，枝豆都算受歡迎，而得一款既時令生果就略為失望。唯一可取之處係蟲草花膠魚翅雞腳湯，足料又好味，連同行友人讚不絕口，話要番屋企試下煲。好豐富既一個晚上，選擇不少，而且食物款式有質素，推介同朋友黎聚餐又或者一家大細加埋老一輩黎食都岩。價錢參考：…查看更多

要跟東九龍區的吃貨們🐷聚會，當然二話不說地選了鄰近地鐵站🚉的日式放題🍣啦！這幢大廈內有很多的日式放題🍱，而今天晚上我們就選了5樓的這一家😌。一進餐廳，馬上有一種眼前一亮的感覺🤩！整個餐廳看起來很寬敞舒適😲，加上明亮柔和的燈光💡，沒有了跟一般放題餐廳帶來的壓迫感👍🏻。先去飲品區🥤走走，雪櫃內放了超過20款的飲品☕️，由茶類🍵、到果汁🍊、汽水🥤應有盡有。炸物區🍤當中，最受大家歡迎的當然就是章魚燒🐙了！刺生🐠一定是必食的！全部都很新鮮🤤，特別最愛的是油甘魚🐟，肉質鮮美，魚油甘香😋。還是點了幾件最愛的壽司🍣，每件份量都剛好一口的，不會覺得太膩👍🏻。熟食🍢方面亦極盡多元化：羊架🐑外層燒至微焦，肉嫩多汁😋；牛舌🐮口感爽嫩，油而不膩😍；芝麻雞翼🐣外皮酥脆，肉質嫩滑🤤。最後當然不能忘記甜品🍦！甜品區有多種甜點🍰可選擇，更有自助雪糕區🍦可自行加入喜愛的配料喔~總結：瘋狂的吃🐷、瘋狂的笑😂，又是一次大滿足的晚上💖。…查看更多

呢間係我唯一一間願意再幫襯嘅日式放題食店, 而且每次我都係等最後特價優惠時段先黎食, 貪呢個時段嘅價錢平D, 人又唔會太多, 食足兩個鐘｡ 今次簡單介紹下我食左D咩:自助區自助區可以拎前菜、湯品、小食、甜品、雪糕雪條、飲品｡ 前菜我就食左白雲鳳爪、海草、手拍青瓜雲耳、炸魚餅｡ 湯就飲左碗蟲草花雞湯 (好香雞湯味, 個湯一D都唔薄)｡刺身每次食最開心就係 Order 佢 D 刺身, 款式夠晒多, 而且又好新鮮肥美｡今次 Order 左三文魚、珍寶大赤蝦、油甘魚、劍魚腩、帶子、希靈魚、象拔蚌、虎蝦刺身、鮑片、甜蝦, 差唔多成版刺身都俾我 Order 晒｡壽司燒三文魚腩、蒜香牛肉、左口魚裙邊、海膽手卷 (海膽超鮮甜)、拖羅軍艦、鵝肝帶子等, 每款飯嘅份量都唔會好多, 所以叫多D都唔怕會好飽｡串燒/燒物推介鹽燒牛舌, 超爽口, 味道一流｡ 另外仲食左燒鰻魚 (推介)、燒豬仔骨、香蒜青口(香濃蒜味)、羊鞍｡炸物/天婦羅芝麻雞翼 (夠香脆) 、紫心香芋丸 (入面香芋蓉好煙韌)、吉烈炸蠔、虎蝦天婦羅 (蝦肉仲好彈牙)、皇帝蟹棒天婦羅 (啖啖蟹肉) ｡其他料理/煮物清酒煮花甲、蟹肉粥 (成隻蟹煲粥, 蟹味濃, 而且仲有瑤柱)、牛油粟米、鮑汁燴花膠、炒珊瑚｡總括: 呢個價錢食到咁多野, 真係抵食過去酒店食自助餐呀 !…查看更多

同女朋友食過好多間放題，個日咁岩經過觀瑭，就搜尋下附近一D比較高質D既方題啦!咁我同女朋友就揀左呢間啦，搭LIFT上到去5樓，哇! 裝修係好有日本鋪頭既STYLE咁女朋友見到咁靚既裝修已經急不及待想吃吃啦(其實我自己都係)咁入座之後就開始叫野食，雖然個場係好大，但係WAITER既人數係絕對足夠D WAITER重好主動叫我地落左單先所以呢，我地頭一輪就梗係叫下D剌身先啦咁我地都好鍾意食三文魚既，所以都叫左成廿件其餘都係叫下 油甘魚呀,北寄貝呀,蝦呀之類個頭盤一到呢,我地都好驚喜，因為佢個伴碟個冰鵰真係好靚，係一條冰錦鋰黎一望落去D剌身好有光澤，三文魚肥瘦岩岩好，又厚切，食落去之後果然新鮮，岩哂我地口味!!咁食完剌身就梗係食埋壽司啦咁我地就叫左圖入面個幾款呢四件壽司睇落去雖然係簡簡單單但係食落口又有唔同既感覺，同埋比到少少驚喜我點解呢，因為小篇我係好雖然係蟹籽既一睇到壽司上去充滿蟹籽我已經好興奮再加埋蟹籽下面D沙律醬一啖食落去真係好鬼JUICY另外重有個隻蝦壽司，食落去完全冇腥味證明用料真係夠新鮮，值得推介!!拿，咁天氣咁凍，就梗係要叫番個鍋物黎暖一暖個胃啦咁MENU上面都有幾款幾鍋物可以揀咁我地諗左陣就決定試下呢個牛奶海鮮鍋因為我地都係鍾意食海鮮既人對牛奶又唔抗拒一睇就見到用料十足分別有蟹柳,蝦,豆腐,青口,冬茹,菜等等清淡得黎又不失有海鮮既鮮味，再加埋牛奶既香味，真係令人胃口大開最值得一讚既係佢係個底到加左D薯粉薯炒索埋個湯既鮮味，令到成個鍋係上左一個層次所以呢個牛奶海鮮鍋我係非常非常推介!!!!去到最後啦就梗係試下D甜品啦係個凍櫃到有好多唔同既選擇我地都揀左好耐最尾就揀左芒果布甸,木米康布甸,CREAM泡芙等等啦好有特色,唔會話擺左好耐咁，一個字去形容，正!總括而言啦,食過咁多間放題暫時最高質既係呢間…查看更多

啱啱去到係十二點十幾分， 可以食到係三點但係就兩點半收單食了2個半鍾。一入到去，張檯都幾細，但成個場都好精緻，d人嘅服務好到爆，由於是午市，使用手機apps落單，個服務員幫我地連Wi-Fi,dow埋，set埋個帳，掃咗張檯，就真接用手機落單，落咗5使2mins，即刻上到黎，快到d野擺5落張檯，要cancel 剩下嘅，每隔一陣會有人黎收骨盛同埋自己隻碟，同埋換個新嘅碟同骨盛俾你，d野係高質嘅，可惜嘅係火灸三文魚壽司上面冇沙律醬一齊。佢有勁大個雪櫃俾你任攞野飲，甚至有埋擠乳酪雪糕，三款口味，9種配料。佢一見到你5識用，會出聲幫你。另一面有自助甜品區， 馬卡龍嘛嘛，泡芙good，牛奶布甸高質， 布朗尼高質，etc.隔離係自助小食區，有沙律，八爪魚，螺肉，帶子綑邊，好好食。壽司同魚生都好好食，種類都好多。最緊要係，佢呢到令人freel到佢地員工嘅heart，全心為你服務。 仲有用手機落單嘅好處呢， 佢有時間顯示幾時落咗單， 上咗嚟之後佢就會側邊有個剔， 避免咗漏單嘅情況， 要等好耐之後再交張紙上去， 又慳時間又慳紙。 快捷又方便， 想食咩就手機loop兩loop。 注意佢啲wasabi好辣落小小已經好gong鼻。午市特價188加一服務費。…查看更多

一直都想黎呢間放題，係雞年既第三日終於有時間黎了。可能仲係新年(lunch)，唔使訂就有位，不過好快就8成滿，所以都係早少少黎。成個場好大好靚，有好多位。最深印象係用手機落單。waiter會比一張qr code，開“飯糰”app scan個code然後再落單，好似下面咁。其實用落好方便，又環保，唔使填完啲紙係咁搵侍應黎收單。快靚正不過用app落單有個問題，就係件數會有限制。例如三文魚刺身1人1轉最多叫5件。個場另有一個自助區，除左有大量冷熱飲品選擇外，仲有甜品、熱湯、沙律、小食、雪糕機等。(太多影相影唔哂)刺身大大件各式壽司帶子呢個蜆真係好大件...雞翼燒得剛剛好，肉嫩，又夠味。左係麵豉湯。右係菓汁先生最後真係要一讚: 職員好nice，有人唔識用app落單會主動走黎教。同埋放低野食既時候都有笑容…查看更多