士林·便丼達人 (帝城大廈) (已結業)

若果唔係朋友介紹，真係唔知呢度有間隱蔽嘅台式小店！原本想堂食，但到步後發現座位比較少，亦坐得唔太舒服，所以決定外賣！買咗勁多炸物：鹽酥雞、甘紫薯芋餅、地瓜條、蒜脆杏鮑菇、雞軟骨、仲有蒜味香腸古早味肉燥乾拌麵同滷水高麗菜、四季豆、豬紅、甜不辣、豆皮！由取餐後到朋友屋企開餐大約花了十分鐘左右，鹽酥雞、雞軟骨同甘紫薯芋餅仲係非常脆但係地瓜條同杏鮑菇就唔掂，淋晒，一啲都唔好味另外香腸拌麵都唔錯，滷水物亦都唔差！最值得推介就係鹽酥雞、雞軟骨同甘紫薯芋餅！

小店主要做外賣，堂食只設6個位。去到見堂食有位，鐘意即整即食，就唔外賣啦。食物好足料，好大份，💰好抵食！✨味道70分，環境65分，服務70分。.🔸二人台式三杯雞煲($118)外賣會送set加熱工具比你食既時侯keep熱，幾貼心。配兩碗白飯，汽水，可+$10轉樽仔奶茶。整完出黎熱辣辣，雞好多件，食落幾香，不過味道偏鹹，要送飯食。.🔸士林必點狂惹雞軟骨($33)⭐️推薦⭐️估唔到咁大份，好酥，好惹味。.🔸人氣地瓜薯條($27)佢配shake shake粉，有13隻味任你揀，蕃薯條本身已經夠味，就咁食都甜甜地。放紙袋方便你撈勻，不過唔夠脆，少少稔左。.🔸達人滷水豆皮($10)/豬大腸($13)⭐️豬大腸本身已經好香，好入味。豆皮索哂滷水味，清清地又甜甜地，唔會太鹹。

疫情下去唔到旅行， 真係好想去台灣旅行呀！唯有喺香港食住台灣嘢頂住先😅呢間「士林·便丼達人」係專做便丼外賣，喺附近返工嘅人過嚟買外賣返去食都幾方便👀 佢亦可以堂食，但座位唔多，有高枱俾客人坐。唔好睇佢麻雀雖小，佢個menu都幾多嘢食揀😯 除咗便丼，仲有小食、小菜、乾拌等，連雞煲都有！🙊 真係預料之外呀！❤️ 二人爆炒麻辣雞煲 $118餐廳有提供一人份或二人份嘅雞煲，我揀咗二人份。呢個餐係包兩碗白飯，汽水兩罐，可加錢轉其他飲品😎 如果係外賣嘅話佢會送埋加熱設備：三腳架&火油液。麻辣雞煲一上枱熱辣辣，唔洗配加熱設備已經好夠熱🔥 眼見配料有青椒、紅椒、香蔥洋蔥、辣椒、花椒八角、芫荽🌶 雞件分量亦都多，每人分到啦5-6嚿🙊 雞肉紥實入味，好夠麻但唔算太辣亦唔嗆喉，花椒八角味突出，又麻又香😋 最底啲雞索哂辣油嘅精華，食到個嘴有少少腫，好爽😜❤️ 獨家Shake shake薯條 $27呢個真係好多人推薦😏 佢哋嘅調味粉有13款咁多，真係想試哂咁多款🙈 薯條即叫即炸好香脆，呈粗條狀，拎上手唔油👌🏻 今次揀咗黃金芝芝粉，唔會死鹹味道甜甜哋，好芝味🧀❤️ 士林必點狂惹雞軟骨 $33雞軟骨同樣即叫即炸，調味唔錯

呢間餐廳其實我同男朋友已經食過好多次，平時都會叫foodpanda🐼外賣，次次都好快送到，而且連炸物都keep到好食。今次係第一次同朋友試佢哋嘅堂食，朋友都話我果然冇介紹錯呀🙌🏻。🍱鹽酥雞古早肉燥便丼 $58鹽酥雞絕對係台灣小食number 1🏆，之前男朋友都大力推介過呢間嘅鹽酥雞。可以見到每一舊鹽酥雞都大大舊，但絕對唔係得層炸粉，而係真係啖啖肉。炸得酥脆又入味，鹹淡適中，唔會好似出面其他鹽酥雞咁鹹。肉燥雖然係比較少肥肉，但都超級香，唔會油膩之餘又好下飯。便丼入面仲有好多菜同埋滷水蛋🥚，份量超大，真係食唔晒呀。👅評分：8/10🍗手作惹味烤焗雞槌肉燥乾拌烏冬 $62大熱天時有時真係唔想食飯，所以乾拌烏冬絕對係一個好嘅代替。呢個烤焗雞槌肉之前冇試過，原來都好好食，雞肉嫩而多汁，而且個皮好薄又唔會油膩。個蘿蔔特別值得一提，見到顏色就知到係滷得超夠入味，而且又冧又濕潤，真係大加分。加咗香蔥同肉燥，整個烏冬夠香又層次豐富，比起個飯就冇咁滯。👅評分：8.5/10🥤士林樽仔奶茶 & 士林樽仔鴛鴦 套餐+$10之前叫外賣就試過佢哋嘅樽仔奶茶，整體偏苦澀，茶底味道濃。今次試埋鴛鴦，覺得比奶茶 更好飲。一

中午和同事在灣仔工作，原本打算買外賣回去食，但行到去士林·便丼達人門外，就被它的餐牌吸引著。見到餐廳門面就知道便丼達人主要以外賣為主，不少車手、外賣客在門外等待，但內裡卻沒有人在堂食。既然如此，我們決定堂食，相信比外賣來得更快。原本打算買個台式便丼當外賣，但堂食的話，我和同事就產生了一個邪惡的念頭。見到餐牌有一個二人雞煲套餐，除開比起客飯還來得更抵。我和同事互望了一眼，就決定Lunch 來個雞煲過過癮。⁂ 1. 二人爆炒麻辣雞煲（配白飯）二人雞煲配白飯飲品只是$118，同事本身沒有太高預期，但當雞煲到後我倆都十分驚喜。首先，堂食雞煲是有真火加熱，盛載雞煲的容器非常方便，而且是一次性，對於目前情況是相當衛生。雞煲在明火加熱後更加好食，要讚的還在餐廳在雞煲內放了大量配菜，有紅椒、綠椒、洋蔥、芫茜、蒜頭等等，其豐盛程度是要將雞煲搞拌一下都要小心翼翼。雞件份量都不容忽視，每人大概都分到5-6件，雞件相當入味而且滑溜，用來配飯就一流。⁂ 2. 獨家shake shake 薯條 （茶漬鮮脆紫菜粉）再加點小食過下口癮。見到有shake shake 薯條，而且有我最喜歡的紫菜粉。餐廳用上粗薯條，而sh

冇得去旅行，掛住台灣美食可以點樣？呢間士林便丼達人就幫到你！林林總總嘅士林夜市小食同埋肉操飯等等，全部都可以搵到。N款古早味肉燥便當可選，我就揀咗台中櫻花蝦餅（$56 ），櫻花蝦餅少少酥炸過，相對實淨，另外滷水蛋同肉燥就真係一流，仲配埋高麗菜添。另外叫咗個暖身麻油雞湯配米線（$68），米線分開上，唔會浸林晒之餘，麵質本身相當有韌度，雞件都幾多，湯底仲有蔥蒜和蕎頭等。呢個餐本身仲包一碟菜同埋飲品，所以都幾抵食。除咗主食，當然就要試吓呢度嘅士林小食啦！我哋叫咗酥炸花枝丸（ $20 /三粒）、酥炸椒鹽秋葵（ $32 ），同埋士林必點狂惹雞軟骨（$33 ），全部即叫即炸，相當新鮮！花枝丸實淨足料，鹽燒秋葵味道不錯，至於雞軟骨都炸得十分香口，份量都唔少，我仲要讚下佢特別設計嘅外賣盒，美觀之餘仲有窿窿透氣，即使外賣都唔怕炸物焗林晒，伊智班！