歡喜 (已結業)

今日去左北角嘅歡喜，性價比好高，食物份量多同埋免加一。重點係服務態度都好好，你地都可以去試下．---------------------↘炸魚薯條 $55兩樣都係新鮮炸起。炸野只要夠熱即炸都唔會差，呢個都係好好食。↘set dinner $328有湯、沙律、牛扒、Carbonara、甜品(蛋糕)同兩杯飲品沙律係好大好大盤，靜係沙律入面啲雞肉已經夠飽。牛扒有成10oz！出面呢個價錢我諗多數得8oz，呢度所有食物份量都好足！咸蛋黃Carbonara，配搭幾特別。…查看更多

今日約咗兩個閨蜜聚一聚，原本打算去銅鑼灣，但其中一個閨蜜龜速咁出嚟，結果我哋就去佢公司樓下搵佢，佢就叫我哋去呢間歡喜集合。好彩入到嚟仲抓得住Happy Hours嘅尾巴，Suntory生啤只係$38，仲可以優惠價配小食，我哋當然唔會錯過。粗薯條配黑松露醬估唔到份量勁多，黑松露醬都大大兜，勁香勁好味。蜜瓜風乾火腿串係其中一樣我認為性價比極高嘅小食，一碟總共有四串，每串都有兩片parma ham同兩粒蜜瓜，食起上嚟夠晒方便，而且份量極多，真係勁勁勁抵食。然後我哋就叫咗個二人套餐，餐湯係麵豉湯。除咗湯仲有沙律，冇諗過跟餐嘅沙律係大大碟嘅凱撒雞肉沙律，份量簡直係主菜嘅size，而且仲有超多雞肉，好彩我哋係三個人分，先勉強食得晒。主菜我哋揀咗澳洲牛肉眼扒，伴菜仲有蕃茄、黃瓜、薯蓉同原個焗蒜頭，牛扒又係大大塊。牛扒入面嘅肉仍然保持粉嫩。另一值得推介嘅係鹹蛋黃卡邦尼煙肉意粉，卡邦尼意粉加入鹹蛋黃之後就更加香同色澤更加金黃，煙肉經過微微煎香之後就更有鹹香，整體嚟講係食唔停口。跟餐可以半價轉特飲，我哋當然唔會錯過，呢個士多啤梨益力多奶昔充滿士多啤梨香，而且打得夠香滑，大人小朋友都咁啱飲。青瓜青檸梳打就非常Fresh，飲完成個醒晒！最後食埋個甜品，楓糖蛋糕軟綿綿都幾好味。呢間歡喜真係充滿驚喜，我哋三個不約而同話一定會再嚟！…查看更多

［歡喜 (北角)］地址：北角琴行街21-23號港濤軒地下1-2號舖推薦度（10👍🏻滿）：7👍🏻衞生（10⭐️滿）：7⭐️環境（10⭐️滿）：8⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：6⭐️今日一早起身，叫做比平時早啦，所以難得同老公食個午餐，而唔係下午茶。每人叫咗一個餐，味道都唔錯係合理範圍內。蕃茄湯吉列豬扒烏冬鍋 （$60）呢個蕃茄湯烏冬有驚喜，佢唔係好稀嘅湯底，佢嘅湯底可以做到掛麵。烏冬亦都好彈牙，仲有少少菜同菇。吉列豬扒雖然比較細塊，但係炸得都好酥脆。蒜香昆布魷魚意大利麵（$59）呢個意大利粉好香蒜味，意粉都唔會話太淋，不過食到個底，原來都幾多油。士多啤梨益力多奶昔 （原價$33 跟餐半價$17）最有驚喜係個奶昔，雖然細細杯，但係幾好飲，又好濃士多啤梨味。外貌亦都好靚，打卡一流。注：冷氣會比較大，去坐低如果想坐得耐，記得帶返件褸🧥…查看更多