漫花燈火 OMG (已結業)

呢間餐廳真係靚得過分一出𨋢，未見reception 先見到一條閃令令既不規則鏡面隧道，已經好想停低影相咪住！行入少少 總會有驚喜室內裝修超級colorful 未食心情都已經加唔少分數每張枱上仲有支萬花筒如果透過萬花筒影相 就可以DIY人頭wallpaper等上菜時 絕對唔會覺得無聊士多啤梨三重奏。$88每樣材料都分開上首先將士多啤梨吉入奶泡底然後將士多啤梨奶放心倒晒入個洞奶泡不斷升高又唔會流出黎 好似梳乎厘咁治癒😍最後就可以開始裝飾喇製成品。士多啤梨奶(左)。富士山(右)睇得 玩得 仲好好味法國慢煮鵪鶉腿配牛油炒乾菌。$168在森林和原野。$158開啟潘朵拉盒子。$168外殼係糖膠 要敲碎喔而餐廳服務都唔錯 侍應會頻密加水 留意客人有冇需要 每道菜式都會稍稍介紹好怕去到一啲餐廳 叫極都冇人理縱觀各方面都係上佳 只係份量有啲少啦…查看更多

無意中看到這間餐廳的照片就被它吸引，心想一定要來一試...適逢好友生日且她很喜歡拍照，就和她一起來打卡 食物 4/5「法國慢煮鵪鶉腿配炒野菌」印象中我似乎沒有吃過鵪鶉，不知道它的味道如何，故心裡充滿好奇。原來吃起來的口感有點像雞翼，因為是慢煮，所以肉質較嫩滑[强]再以野菌作為配菜，很好！「羊架及羊肋骨」一端上來已經聞到陣陣的羊味，一定要趁熱吃。由於是慢煮，羊架的口感很嫩滑，啖啖肉又少脂肪，配以醬汁很好！羊肋骨的膻味似乎比羊架濃一點，喜歡吃羊的朋友應該會喜歡，個人覺得脂肪過多，故偏好羊架多些。「麵包蟹意大利飯」賣相很吸引，很足料的蟹肉又有黑魚子點綴，不錯！「荔枝樹上的彩虹」其實就是荔枝味的有氣飲品，但特別之處是配以七彩的爆爆珠，讓你親手倒入去，令到整杯飲品看上去很漂亮「士多啤梨三重奏」會是怎麼樣的三重奏呢？原來要先把士多啤梨放入牛奶泡沫杯的中間置底，再倒入土多啤梨味的鮮奶，泡沫會不斷浮起但又不會溢出，最後放上彩虹細珠，整個過程是很有創意「潘多拉的盒子」紅莓撻被半圓形的糖漿覆蓋，想吃的話就需要用小木槌敲碎糖漿，很有趣[强]糖漿其實也不算很甜，而紅莓撻的酸甜適中，好味！值得一提的是這款甜品是限量供應，所以最好早一日訂購，由於是慶祝生日，店家還會為壽星女送上花環，可惜的是沒有點蠟燭 環境 5/5餐廳的環境和它的名字真的配合得非常好，一走進餐廳彷彿真的走進萬花筒的世界，色彩繽紛，很童話。而且檯椅用粉色系列設計，也很少女心 服務 4/5侍應很好，或許因為限時90分鐘的緣故，上菜速度還算快的，且會耐心地講解招牌菜式，也會建議份量，更會幫我們拍照…查看更多

個個都黎打卡，我地又黎下，講真影相出黎係幾靚既，但係間餐廳其實好細，仲要個位勁唔就腳，係一間好噏耷嘅酒店一樓。餐廳一眼望晒，每張枱都會擺啲好靚嘅杯同碟，似係土耳其個啲ceramics ，係靚的，但仔細睇好多崩花，最美中不足係間餐廳咁靚但係個廁所好似公廁咁，佢係乾淨企理的，之不過真係同出邊好大反差。食物方面，只能話係合格。黑松露意粉都係幾香既，但係唔知點解係甜味的，好古怪，帶子係新鮮彈牙的，但有少少唔夠熟。牛肝菌意大利飯不錯， risotto 有咬口得黎唔會太硬。森林和原野個擺盤好靚，隻 lady bug 好醜樣，整走左先影相會好啲。綠茶蛋糕唔係太好食，冇咩綠茶香味但係有嗰陣苦味，tiramisu 裡面係雪糕，咁雪糕冇理由唔好食嘅。潘多拉的盒子其實似水母，係敲碎左之後可以食嘅糖，不太甜，但好硬，驚咬崩牙。個 tart 都幾好食，好重士多啤梨味。依杯士多啤梨三重奏又係個樣好靚，但說穿了只是一杯士多啤梨奶昔，索價 88，為左影下靚相。總括來講，影相影一次就夠啦。…查看更多

今日放工約了朋友於漫花燈火吃晚飯。看了食評被相片深深吸引着，於是便決定一試。用餐環境非常優美，看得出是經過用心設計的。有很多打卡影相位，非常適合女仔嚟影相呃like。每一張枱都有一個萬花筒，讓客人可以慢慢欣賞餐廳每一個角落。在萬花筒底下，餐廳每一個角落都有不同的變化，很靚喔。餐具嘅設計都很特別，充滿土耳其色彩。我們揀了一客羽衣甘藍沙律，有西瓜，有青瓜，有藍莓，再加上焦糖果仁，味道層次非常豐富。如果怕太甜的話，可以不用加太多焦糖果仁，豐儉由人。最愛的就是那片菠蘿，有一片薄薄的焦糖脆脆，酸酸甜甜，非常滋味。鵪鶉脾外層帶點焦香微辣，很醒胃呢。野菌炒得惹味，調味剛剛好，食落爽脆，很正呢。餐廳飲品富有特色，客人自己混合後就可以得出餐牌上名稱嘅樣子。我們點了兩杯特色飲品，味道就好似雲呢拿奶昔和士多啤梨奶昔一樣。這杯富士山的雲端，外型真的很像富士山，很神奇呢。我們勉強都可以整到士多啤梨三重顏色蟹肉於意粉上叠得高高的，再加上少許金箔點綴，賣相很漂亮呢。蟹膏食落非常甘香，記得一定要趁熱食，否則就會有啲腥㗎啦。這個甜品賣相亦很靚呀，甜甜嘅馬克龍，脆脆嘅雪糕筒，加上酸酸嘅乳酪雪糕，味道口感挺不錯。今晚我倆影了很多相，非常滿足呢。…查看更多

今晚同閨蜜去超靚花花世界，環境係吸引我地來的原因之一，其次是可自調又靚的特飲，仲有華麗高貴的美食同森林系的甜品。入餐廳前已經好多打卡位，有粉紅羽毛牆、萬花筒般的鏡面世界。餐廳內處處都是驚喜，太好拍了，粉紅色櫈、黃金色餐具、彩色花花圖案碟……心情特別開心愉快，因為餐廳服務貼心又有禮，有講解飲品沖法，又介紹菜式。每張枱都有個萬花筒，等上菜時，一直在玩又拍照，完全不會悶，店員也會留意上菜進度，最後上甜品也不會等太耐，過程流暢。連抬頭也驚喜，一整遍的彩色小花串裝飾，美的一直在望，環境的確非常吸引，值得再來。富士山的雲端 - 藍橙雲尼拿牛奶 $82又靚又好玩的特飲，粉藍色太迷人，不論外形或是顏色都好吸引，可以瘋狂拍照，又可以親自落手沖調。利用飲管放入飲品中間位置，倒入粉藍色牛奶，最後用櫻花裝飾及彩糖幫飲品扮靚一下。完成啦，非常粉色系列的特飲，櫻花加上富士山的杯形，好夢幻呀！味道甜甜，好滑好香雲尼拿味，牛奶奶泡都綿密。士多啤梨三重奏 $88呢款係粉紅色的士多啤梨特飲，同樣是拍照及滿足自調飲品的我們。呢款多了粒士多啤梨，所以唔需飲管幫手，先放士多啤梨在中間位置，再按落杯中，就可以倒入士多啤梨牛奶。邊倒邊興奮，因為豐厚密密的奶泡浮緊上來，很可愛吧！很好玩吧！最後加上裝飾就完成，士多啤梨味好強烈，好有果香，而且牛奶內見到打成蓉的果肉，材料十足，口感細滑香純。黃金蟹肉配黑橄欖醬意大利粉 $188黃金色的蟹肉加上高貴的金箔，好閃亮好華麗。蟹肉份量頗多，絲絲蟹肉口感細膩。意粉煮得剛剛好，保留咬口又不過腍，用黑橄欖醬炒香意粉，口應潤澤味道更豐富，配料用雜菌及露筍仔，鮮嫩爽脆，整個意粉都輕盈不膩又美味。在森林和原野 $158甜品也超級靚，用抹茶蛋糕來做草原，質感同顏色都好近似，味道有濃郁的茶甘，唔會過甜，蛋糕很鬆軟有彈性，而且帶濕潤，口感顏色味道都很好。圓柱形的雪糕蛋糕由咖啡製成，有淡淡咖啡味，質感幼滑，入口即溶，配抹茶蛋糕食好夾，中間是雲尼拿味蛋糕片。周圍仲有可愛裝飾，有小甲蟲、蘑菇、軟糖小白花、石頭般的脆糖、藍莓生果……感覺在森林和原野中品嚐甜品。…查看更多

一開電梯門，已經俾啲萬花筒震懾住，影相真係超靚啊！荔枝樹上的彩虹 ($68)即係荔枝爆爆珠梳打，荔枝味好濃，一倒晒啲爆珠入去再攪拌，效果非常靚！士多啤梨三重奏 ($88)先將士多啤梨加入用奶打成嘅泡沫，用不鏽鋼飲管㩒到最底，啲泡沫就會不斷上升但又唔漏出嚟，中間就會有條通道咁，再加入鮮奶及粒粒細珠，非常有心思嘅設計！法式大頭蝦占米多 ($228)蝦汁及大頭蝦膏，口感creamy，加上占米多一齊食對比強烈好夾！慢煮穀飼180日安格斯牛肩甲 ($328)因為係慢煮嘅關係，肉色呈粉紅，口感唔韌，肉味濃郁而且夠juicy在森林和原野 ($158)賣相超靚，以碎綠茶蛋糕作為綠色草地，上面有細細粒嘅小蘑菇，好得意！綠茶蛋糕都非常濕潤，食食吓都真係想order一件食！潘多拉的盒子 ($168)用半圓形鮮藍色糖膠笠住紅莓撻，用小木槌輕輕敲碎糖膠，趣味十足。撻裡面嘅紅莓醬非常充足，徘徊在似酸又甜之間，好味！食品設計及餐廳裝飾都非常有心思，店員年輕有活力有笑容又friendly，食得盡興！…查看更多

從網上得知這裏有間非常特別的主題餐廳，所以下班後與友人來這裏試試特色美食。未踏進餐廳門口，已知其主題—萬花筒。留意桌上顏色鮮明的餐碟、多角的餐匙、不同顏色的透明水杯和萬花筒，光是一桌上的東西已看到主題，更不用說五顏六色、多角鏡子的佈置。 先上一個前菜椰菜花西蘭花薯仔沙律配自家製咸蛋黃醬($128)，六件約三人份量。底層是脆麵包，盛着綿軟的椰菜花西蘭花碎粒和薯仔粒。加入咸蛋黃醬後，三種碎粒黏在一起，令整體帶點咸香。再以辣椒絲裝飾，店員細心提醒我們頂層是辣椒絲，如不吃辣就可把其放在一旁。一口吃掉脆包上的一大束辣椒絲，原來比平時的最少辣還少辣。盤中心是非常新鮮的沙律菜，酸甜爽脆。小食OMG啡菇二重奏($108)，是芝士焗蟹肉大啡菇和芝士焗肉醬大啡菇。芝士鋪滿整個啡菇，肉醬香濃而滑，令底層較乾身的大啡菇變得惹味。蟹肉份量十分多，每一口都有滿滿的蟹肉，讓人十分滿足。黑魚籽配麵包蟹意大利飯($238)，意大利飯混和着大量蟹肉，與頂層爽而多汁的黑魚籽和金箔攪拌，高級食材齊集於一飯裏，如吃黃金。意大利飯粒並無想像中生硬，非常適合香港人的口味。在這裏，飲品也是一個主角。士多啤梨三重奏($88)，奏起三種口感，先是泡沫的棉滑，繼而士多啤梨牛奶的濃香，最後是底層士多啤梨的酸甜。泡沫層停留在杯頂沒有傾倒，較富士山的雲端好喝和新奇。富士山的雲端 – 藍橙雲呢拿牛奶($82)，雲呢拿味牛奶，把藍色的牛奶倒進泡沫裏，迅即變成一座富士山。最後是甜品在森林和原野($158)，這座甜品塔讓我想起聖馬利諾共和國的塔，聳立在一片綠樹叢中。在一片鬆軟的綠茶戚風蛋糕中，吃了兩粒可愛小磨菇糖餅和眾多小花粒，為這萬花筒世界留下甜蜜的句號。…查看更多

同家姐補祝生日，搵間靚靚嘅餐廳同佢食飯雖然間餐廳喺間唔起眼嘅酒店裏面，但係一出𨋢，OMG🤗不同色彩與光影嘅折射，呈現出美美的萬花筒世界🌸。入到餐廳裏面，一邊鋪滿鏡面，一邊一個個樹洞，插上不同顏色的玻璃瓶，天花仲掛滿色彩繽紛的花，好開心畀這個夢幻嘅世界擁抱住先一人一杯飲品，家姐叫咗熱情果芒果沙冰，酸酸甜甜透心涼，面頭仲有滿滿的芒果肉我叫咗杯士多啤梨三重奏😚呢個真係有得玩又有得飲，侍應好有耐性咁講解，先把原粒士多啤梨放在用奶打成嘅泡沫中間，用飲管篤落抔底，然後就把另一杯嘅士多啤梨奶徐徐倒落去，奶泡慢慢升起，就形成底層白色，中間粉紅色，上面白色嘅三重奏了。先叫個小食，法國慢煮鵪鶉腿配牛油炒野菌鵪鶉腿的的骰骰，無雞髀咁霸道。用慢煮嘅方法，保持肉質嫩滑。配上用牛油炒香野菌，好滋味主菜揀了黃金蟹肉配黑橄欖醬意大利粉啖啖蟹肉，面頭鋪住金箔，凸顯貴氣。意大利粉用黑橄欖煮好，配上露筍，香濃中又帶點小清新。叫咗個甜品，拖肥屋潤，花焦蕉展拖肥cut cake未食過，硬身，唔似食拖肥軟糖咁甜，甜度適中，伴上幾片香蕉，蕉面鋪上焦糖，有驚喜在萬花筒世界，對住咁靚嘅環境，咁講究嘅餐具，最重要好食，唔錯唔錯…查看更多

相信每位童年時都有玩過萬花筒, 原理是由不同切割的鏡面組成, 當轉動時會看到內裡反映出很多不同的影像細個的時候, 一枝萬花筒可以望好耐!最近, 真實的萬花筒已登陸大角咀啦!!在漫花燈火 OMG凡入口, 就有不同切割的鏡面, 就像真人走進萬花筒的世界中環境超靚, 色彩繽紛, 相信任何年齡層的女士都會喜歡周圍環境用上不同元素來設計, 望住不同顏色的感觀, 食嘢都食得開心啲就連每檯上所用的餐具也別有心思碟的顏色及案圖每隻都不同先來2份餐前小吃: 椰菜花西蘭花薯仔沙律沒想過做出來是這樣, 因為沙律通常都是一大碟, 全部都是蔬菜墊底但這個是以脆法包墊底, 每人一件, 方便食又唔會食到很dirty仲要每件都整得很精美, 面頭加上少少紅色, 細味品嚐是有很微的辛辣味但中和了蔬菜茸後, 都變成少許調味, 不辣了~ 鵪鶉脾配炒野菌印象中我只吃過鵪鶉蛋, 但鵪鶉脾.....我最初以為是很細隻原來都有啲肉地喎, 當然是比雞脾細小, 但可能同春雞脾是差不多的估不到肉質鮮嫩飲品方面, 落ORDER前在openrice望過, 覺得呢杯好靚 富士山的雲端原來這裡的飲品及甜品都可親手DIY, 侍應端上分別藍色及白色的飲品, 也會指導如何令它瞬間變成富士山的雲端顏色兩層都鮮明, 最初還擔心會混濁埋一起在雲端加上幾片櫻花形的糖片, 超精美其實呢個係有點橙味的鮮奶, 不太甜也不膩而我自己那杯都可DIY的 士多啤梨三重奏士多啤梨味濃, 就似士多啤梨鮮奶泡沫, 很好飲雖然外觀稍比富士山雲端遜色, 但味道我會較喜歡這個, 因為果味較出眾席上朋友突然想說想吃  黑松露薯條想不到來到是很大份, 而黑松露及芝士都很多, 料很足熱辣辣的薯條, 芝士還可以拉絲, 正!由於第一次來到, 通常都會問問有甚麼Signature/推介菜式他們推介了好幾款, 最後我們決定選下 橄欖豬鞍豬鞍是吃橄欖, 而且是慢煮, 所以出來肉質會很嫩滑, 食落的質感唔太似豬無渣又嫩滑, 就算唔蘸醬汁都夠味, 不是用調味醃出來的夠味, 而是原汁原味的味道 最後來份主食: 蟹肉意大利粉嘩....面頭有大量金箔, 變得非一般的意粉看似沒甚麼睇頭, 但蟹肉都豐富蟹肉下的意粉也不馬夫, 用上小露筍和洋蔥等一同炒過, 所以都好夠味…查看更多