上海天龍樓

住香港仔十幾年，一直都聽過又經過呢間天龍樓。今日父母結婚30周年，突然心血來潮提出來試試佢。1. 回鍋肉 $8? - 9?正正常常無咩驚喜嘅回鍋肉，唔會辣適合大眾口味。2.九王銀芽炒鱔糊 $12x聽講係呢度招牌菜，爽口九王加銀芽，配上少少彈牙嘅鱔肉條，好送飯3.清炒河蝦仁 $12x店員落錯單，一開始嚟咗個清炒鱔片。再等咗10幾分鐘，個蝦一上菜我以為又落錯單，因為碟嘢根本就唔係河蝦仁，我地亦都三番四次搵店員確認，店員都好肯定咁話呢碟就係河蝦仁。當時係有種比人當水魚嘅感覺，真係當我傻的嗎，至於好唔好食？睇圖就明4.生炒三鮮 $10x炒三鮮係雞肉，蝦同埋魷魚，仲有d菇類。除咗魷魚有d硬之外，調味都相當唔錯，咸香味又唔會太重，今日MVP5.糖醋排骨 $8?-9?送到即食，外皮已經完全唔脆，好似d浸咗好長時間糖醋汁嘅生炒排骨，不過佢地係用豬扒條，會食到比較多肉，如果鍾意食脆口嘢可能會有d失望。6.灌湯小籠包如果你幻想緊吉開個包皮，慢慢吸佢d汁，咁你就真係去錯地方。因為當我嘗試咁做嘅時候係發現一滴湯汁都無漏出嚟埋單見到張單仲寫住個清炒鱔片$14x, 叫店員改返但個女店員話好麻煩唔改，直接打咗個9折。傾傾下店員自爆話d蝦唔係河蝦仁，因為河蝦入唔到貨所以改咗其他cheap蝦仁。但既然你無河蝦賣，點解仲要係餐牌寫明 "河蝦仁" ？客人落單你無又唔講，碟菜上咗客人投訴你又話無錯，到比完錢先肯講出嚟。老實講d嘢唔算難食，只係完全無驚喜，但我相信呢間嘢開咗咁多年係有佢嘅理由，可惜係唔會令我有機會幫襯佢第二次。…查看更多

喜愛食中式菜既，好多時候都一定會鍾情上海菜，有著自己獨特而正既傳統菜式天龍樓絶對係香港仔一間唔起眼既餐館，但你唔入去試下一定後悔門面就唔係靚架喇，亦有啲舊，不過企理唔會覺得唔衛生既坐落放低杯茶好飲既，唔係茶餐廳洗筷子茶餐廳應有盡有，上海菜一覽，今次無食而一向覺得幾好食既有賽螃蟹、鱔糊、小籠包今次就叫左菜飯午餐食小菜，回鍋肉、蝦仁炒蛋、醬爆肉絲、紅燒肉食飯前送湯飲先，你亦可以加錢飲豆漿，但錯過左個老火湯就無平時多數係黃豆湯，今日係菜乾煲豬骨，夠火候又足料，絶無味精仲好好咁添左一次湯俾我地先食回鍋肉，鍋氣足，味道適中，唔會太甜或太辣，夾到香港人口味好正好好味，配埋菜飯一齊食，半個人去左上海跟住就黎蝦仁炒蛋、紅燒肉，紅燒肉當你以為同回鍋肉味道好似，點知唔係，無咁香口，多一點家常味道，仍然好味，豆卜更加係無得輸蝦仁炒蛋蝦仁夠彈夠口感，份量一啲都唔吝嗇炒蛋味道好正，挾埋韮王風味爆發點解可以咁正勞蘇食推介 —— 醬爆肉絲食左回鍋肉、紅燒肉仲要好味既，應該對依個無咩期待，但真正既風味就出現係平凡菜式，其實味道上同鱔糊相似，但當肉絲無鱔咁搶時，荀同個醬汁既味道就更出，每樣野更夾係相當出色既平凡小菜，送飯一流其實個個餸都超餸得飯，十碗飯都唔夠性價比極高，比好多高端餐廳好味多多聲，但保留平民價錢，唔試只係你損失驚無位好過啦#老上海#之前仲有得抽獎係個紙盒度抽個乒乓波出黎…查看更多