泰掂菜館 (已結業)

今晚又去九龍城食泰國菜，揀間未食過嘅。呢間叫「泰掂」嘅餐廳環境乾淨企理，細細間但樓底好高空間感十足！一入到去店員就好親切就招呼我哋。【招牌冬蔭功（S）】首先嚟嘅係冬蔭功，叫咗個S都幾大碗喎，兩個人食夠晒，每人飲到兩碗。個湯好香椰奶味，酸辣味平衡，唔算太辣，開邊蝦好大隻好彈牙，飲完個冬蔭功真係好開胃！【泰式串燒 豬/雞 各3串】串燒即叫即燒，上到枱仲聞到灰燒嘅香味，燒到金黃色微焦，雞肉外脆內嫩，比較Juicy，豬肉較有咬口亦唔韌，配埋個沙爹醬好惹味！【咖哩海鮮包】嘩！兩個麵包大大個，淋滿咖哩汁。中空嘅麵包入面有勁多海鮮，有蝦、青口、魷魚，仲有南瓜等，超級豐富！煙韌嘅麵包索晒啲咖喱汁好正。食完呢個真係唔駛再食飯麵，好食又飽肚之選！呢間泰國菜食物非常有水準，分量亦好足，兩個人食咗三樣嘢已經好飽。另外，環境舒適乾淨，食得寧舍relax，嘆埋啤酒邊食邊傾計，又一個愉快嘅晚上。…查看更多

九龍城出名食泰國菜， 去開九龍城，搵好食嘅泰國菜，就梗係指定動作啦。 今次食嘅呢間泰菜小店， 好食又足料。二人套餐($378) 有四款食物。 首先是泰式串燒六串， 有豬或雞選擇， 我們兩款都想試，所以點了一半豬和雞。 串燒即點即燒， 燒的時候加了蜜糖， 所以帶微甜， 喜歡重一點口味的可以配沙爹醬， 會更惹味。特色咖哩海鮮包用豬仔包做底，然後上面鋪滿了黃咖哩和不同的配料， 餐廳將海鮮包做成兩份， 一人一份，更加方便。 黃咖哩香料味重，辣度低，口味偏甜。材料很豐富， 海鮮配料有蝦、魷魚和青口，還有青椒和南瓜。 南瓜稍為偏硬， 再煮淋身一點會更好吃。第三款是魚菜式， 有三種選擇，我們點了泰式明爐烏頭。 烏頭魚大條多肉，沒有泥味， 店員另外給了一碗湯， 可以一邊吃一邊加湯， 除了香料和芹菜，還有豬肉碎、椰菜和粉絲， 配魚肉吃，多重口感。甜品是芒果糯米飯， 雖然而家這個季節並非是芒果當造期， 但這個芒果夠熟，一啲都唔酸， 甜度適中，而且是整個芒果， 不只是兩三件，糯米飯是兩個心形的形狀， 混合了糖漿，味道較甜。吃得差不多的時候， 店員端上了一碗炸蝦餅， 說是剛剛新鮮炸起，給我們品嚐一下。 吃罷果然香脆， 蝦味很重很香。 果然地道泰菜館自家製的蝦餅， 工廠製造的很難比得上。…查看更多

勁耐冇去九龍城食野，九龍城以泰國菜為主，當然都有其他好野食。朋友心血來潮想食泰國菜，一諗就諗到九龍城🤓九龍城咁多間泰國菜，食邊間好呢？試就試過幾間，有間叫「泰掂」嘅好似新開冇耐，最中意試新餐廳🤩裡面嘅環境都幾有泰國風情～食物種類繁多，冇諗過連生菜包都可以系一類😳同埋湯嘅種類都好多啊。個人認為呢間嘅菜式都比一般泰國餐廳多。咖哩海鮮包真系好少泰國餐廳有，所以喺度先叫，呢度嘅咖哩海鮮包比我想像中細舊，不過入面嘅餡都幾多。有魷魚、大蝦、九層塔等等，海鮮食落好辣鮮，蝦肉同魷魚圈同爽口彈牙，連埋咖哩食好滋味😋但個包底比咖哩浸得耐會淋淋哋，吾擺太耐戈陣食會脆啲。泰寮芒果炸魚，同我想像中嘅樣吾一樣，不過係餐牌上佢都有寫明，系將條魚整碎之後油炸，食落去個魚味又幾香濃，表面有大量嘅香芒，食落原來係辣辣地嘅😳差唔多次次去泰國餐廳都會叫椰汁冰，甜度偏甜，椰汁味香濃，不過我鍾意佢夠多一條條戈啲，次次都唔知叫咩名🤣…查看更多