香港仔周記點心茶餐廳 (已結業)

在 2018年 6月尾，經過上環德輔道中，見到開業約一年半的點心店 <想點就點> 結業！另一間點心店 <香港仔周記點心茶餐廳>  7月份進駐！最近經過才得知要轉名！店子以落地玻璃，光線充足又開揚！木餐桌椅，簡單舒適！:)桌上備有餐具及熱水壺，相當周到！供應：點心、蒸飯、飲品、特色紅豆冰...等！價錢合理！沒有加一服務！堂食及外賣均可！有紋身的老闆好細心，當我埋單時問我，係咪炒銀針粉好辣？他發現我一邊食，一邊撥走辣椒籽！這裡第一次幫襯，比較前者感覺更良好！早餐：菜乾排骨粥 +點心1款+飲品1杯 $40，相對抵食！ (可惜，現時暫停供應) 早餐可以選擇白粥或菜乾排骨粥 菜乾排骨粥的菜乾是白菜乾，屬寒性！ 勝在富有纖維！加入已醃鹹的新鮮排骨，有菜有肉營養均衡！:) 大大碗份量十足的粥底熱辣辣不在話下，質感軟綿討好，鹹度剛好！鮑汁叉燒包早餐一客有2個，包身比預期細個， 勝在餡料多夠足料！ 皮薄餡多，叉燒切粒保持應有的質感及口感，而且相當入味，雪白色的包身很鬆軟！早餐：自選兩款點心+1 杯飲品 $40松子仁上素餃餃子皮晶瑩剔透，口感煙韌！餡料飽滿！松子、甘筍、西芹、冬菇...等！口味調教啱胃口！早餐：鯪魚球米線 $35 (其他時段+$5)有 3粒鯪魚球，臨走向老闆大讚鯪魚球結實又真材實料，他稱每天到附近街市新鮮買回來，還加入蝦米，爽口彈牙之餘，添了鮮美；米線口感煙韌又滑溜！湯底清得來夠味，不知道是否心理作用，加入鯪魚球，連湯底也帶有魚鮮味！ 物有所值！熱奶茶 (原價 $15)水溫熱辣辣，沖調出來的茶發揮茶香更好！:)如果，加多一點淡奶會更香滑！午餐：金網老干媽醬炒銀針粉 $52由於即叫即製的關係，等上大約10分鐘，期間，老闆走過來！告訴我，廚房炒緊，請稍等！:)以金網盛載，銀針粉散發香氣，炒得乾身，味帶微辣呀！配料有清爽的芽菜，整體不錯！熱檸檬茶 $15有4片檸檬，並附上兩包糖；茶膽頗濃，入口酸而苦！加入一包糖，才容易入口！金網老干媽醬炒 蘿蔔糕 $52炒蘿蔔糕香口惹味 質感太軟淋， 跟前者銀針粉同樣帶出微辣！和風脆皮海鮮腸 $44這款點心跟炸兩有異曲同工之妙，外面以腸粉包住，內裡是香脆口感，再加入蝦膠，豐富口感及口味呢！蟹籽燒賣皇 $38蝦及豬肉的配合，更鮮味！ 份量十足！煎蛋牛肉蒸飯 $40相對其他點心這個蒸飯顯得遜色！牛肉混合香蔥及芫茜，入口軟淋，飯粒卻是乾了一點，而且豉油汁不夠！:(芬達 $18汽水來說不平宜！奶茶紅豆冰 $26加入奶茶後的紅豆冰，顯得不太甜，亦有助減低甜度 ，略嫌太多冰！兩款港式特飲的配搭，出奇地夾！比起紅豆冰更啱我口味！香芋流心包 $29包身呈粉紫色，包質鬆軟微甜，紫色的香芋餡流心而甜美！內外兼備！香茜叉燒腸 $30聽見老闆跟食客講，叉燒自家製，不容錯過！沒有叉燒的焦香，相對健康！喜歡什麼口感，見仁見智！蟹籽花枝燒賣皇 $38 加入花枝，多一份爽口彈牙口感呢！…查看更多

放工後同埋朋友去 香港仔周記點心·茶餐廳 飲茶😂我哋總共7個人，大家都係第一次嚟所以滿心期待🤩店內環境都算舒適唔會好迫，有洗手間提供👍🏻老闆（應該係）亦都好Nice好講得笑，我哋問佢啲野食點整佢都會好認真又有趣咁答🤣😂🔸周記蝦餃皇🔸🔹價值：$40🔹蝦餃係大粒嘅，佢寫明3粒足3兩，餡嘅蝦亦都真係足料，皮唔會好厚同唔會易爛，無伏😋🔸蟹籽燒賣皇🔸🔹價值：$38🔹燒賣皇都係3粒足3兩，亦都係大大粒好足料，平時嚟飲茶幾好，係有質素嘅燒賣。🔸和風脆皮海鮮腸🔸🔹價值：$44🔹我自己就好中意食呢個，賣相同原理就好似炸兩，裡面嘅蝦炸到脆卜卜，再比腸粉包住🤤點醬嚟食真係好好味🤤🔸鮮蝦菜苗餃🔸🔹價值：$40🔹我發現無影近鏡所以嚟張大，大家應該見到菜苗餃都大舊，蝦都至少有2嚿，餡嘅密度都高😂🔸麻辣燒賣皇🔸 🔹價值：$40🔹呢個就朋友叫嘅，因為我唔食辣，但我見一放枱面10秒都無就比我啲friends 清哂... 乜都無講keep住食，所以我諗應該係好味嘅😂🔸京式灌湯小籠包🔸🔹價值：$40🔹小籠包要小心夾，因為入面嘅湯都有至少一半匙羹嘅份量，皮嘅厚度適中，當然可以再簿啲就好啦！😋🔸黑白芝麻蝦多士🔸🔹價值：$44🔹呢一個非常值得一試，首先多士一面係金黃色脆卜卜，另一面係滿有黑白芝麻，而重點係，個餡好好味😭👍🏻超多蝦好足料，食每一啖都好幸福，真係唔係講笑，要試！🔸老干媽醬炒腸粉🔸🔹價值：$49🔹🔸老干媽醬炒銀針粉🔸🔹價值：$52🔹呢2個老干媽炒腸粉/銀針粉係用炸好嘅皮做碗，好似春卷嘅脆卜卜皮咁，但人覺得腸粉好味啲，有少少辣嘅，但好入味😋🔸黃金流心西多士🔸🔹價值：$44🔹呢一個黃金流心西多士，一定要試！！切咗一半都無啲流心已經多到係咁流，𥚃面係滿滿嘅奶黃同咸蛋黃粒😭👍🏻 食到好感動😂 不過一個人食就可能會有啲「漏」，同埋朋友share就最啱，我都一定會再翻嚟食呢個西多士！🔸原味馬拉糕🔸🔹價值：$28🔹朋友叫嘅馬拉糕😂 好味嘅。🔸特色紅頭冰（奶茶味）🔸 🔹價值：$26🔹味道比想像中夾，其實係奶茶加紅豆冰，幾有創意，仲有阿華田、好立克、咖啡、鴛鴦嗰啲揀👍🏻枱面亦都有提供3種辣粉同一樽辣醬，啲friend 話辣醬好辣😂我就無試啦～ …查看更多

今日九龍人難得過海口喝玩樂，突然想食下一盅兩件，又唔想去傳統酒樓食點心，咁都俾我揾到呢間驚喜新派點心餐廳。門面設計別出心裁，坐位空間都夠不算迫。餐單選擇都幾多，當然我地都二話不說就點晒所有招牌點心喇我地兩個人總共點左七個點心：黑白芝麻蝦多士、和風海鮮腸粉、周記蝦餃皇、老干媽醬炒銀針粉、鮮蝦腐皮卷、鮮蝦菜苗餃、上湯魚肚雲吞。蝦餃爽腍交錯，皮夠煙靭，蝦肉爽脆。菜苗餃亦都係非常煙靭，美中不足係個菜苗係白菜唔係豆苗。竹笙魚肚雲吞非常清新，魚肚亦都好有鮮味，個上湯好好飲，魚肚雲吞呢個配搭好有創意。銀針粉帶少少辣，好有油香同事亦都唔肥膩。蝦多士直頭係一流，蝦肉非常之肥美， 只係$40就有四大塊，好抵食。和風海鮮腸粉亦都係非常突出，腸粉入邊有日式醬汁同埋鰹魚絲，撞埋傳統嘅腸粉口感豐富。鮮蝦腐皮卷即叫即整香脆熱辣，不過食完先發覺原來我地樣樣都有蝦。最後買單只係$300 ，哈哈，我地都差少少食唔晒，真係大滿足。的確是幾好味又有特色，值得一提就係老闆伙記們都服務態度一流，好有禮貌又好好人。如果下次再經過上環，一定會返嚟再食。…查看更多

上環呢間香港仔周記點心開喺大街地鋪 每樣菜式都係即叫即做 仲無加味精 夠哂健康💪🏻👅老細勁細心咁介紹餐牌 「廚師推介」既餐牌每個禮拜都會轉 見到菜式選擇咁多 真係好難取捨🤣---------------------------黑白芝麻蝦多士 $44招牌之一既蝦多士 賣相已經好吸睛🤩金黃色薄薄既多士中間夾住勁厚既蝦膠 食落係啖啖爽口既蝦肉 仲好有蝦既鮮味🤤另外欣賞既係炸得金黃且酥脆既多士 由切割面可以見到塊多士好薄 加上表面既黑白芝麻好香脆 重點係完全唔油.和風脆皮海鮮腸 $44老闆推介既呢款唔知算唔算日式點心呢？😂薄滑通透既腸粉包住比油炸鬼更脆既脆皮 內層最少有兩隻蝦 點少少豉油已經好夠味 的確值得推介👍🏻.蟹籽燒賣皇 $38標榜足三兩既燒賣果然真係好大粒😍豬肉同鮮蝦味既香味都好足 而且燒賣既皮好薄 只係略嫌調味方面有啲淡 可能要運用到檯上既調味料 即係豉油辣椒油果啲🤣.黃金流心包 $32上檯時仲蒸氣騰騰 老闆提醒我地小心裡面流心太熱好貼心💛 但我地等到唔辣手先食既時候 裡面既奶黃已經唔流心 有少少失望🙁.椰汁紅豆冰 $26實在招架唔住呢杯紅豆冰既甜🤦🏾‍♀️唯一敗筆就在於太甜 就咁食紅豆反而無咁甜 仲好有豆沙質感添😛…查看更多

雖然立志平日搵一日出嚟，特登早啲起身，飲個靚茶先返工，但事隔唔知幾多年，似乎冇一日做到，咁早寧願瞓晏啲啦，去到都未必有位啦！所以，作為新一代，飲茶唔一定喺早上，夜晚放工先係我地主場呢盅排骨飯堅持由原店提供，令人一口又一口咁狂爬入口:)好特別嘅炒腸粉，係有少少辣，但非常彈牙，又唔會油淋淋呢碟炸両外綿內脆，加上和風紫菜同木魚，好正呀蝦餃皮好實正，又大粒呢間做腸粉真係一流，超綿呀燒賣好似乒乓波咁大粒叫呢個就唔好叫奶皇包喇佢啲流沙仲勁過奶皇包最後食個蔬菜，啖啖菇肉，入味又滿足以後大胃都係夜晚飲茶喇，超爽…查看更多

真材實料、創意十足的點心，以傳統食材配合創新理念製作出更適合現代人的口味，不用靠味精的美味😋• 周記蝦餃皇蝦餃外皮煙韌、厚度適中，即使餃皮互相緊貼，但夾起時原全不會受到破壞；蝦肉爽口彈牙，充滿鮮味。• 和風脆皮海鮮腸（極力推薦✨）這是一道非常有創意的點心，在傳統的海鮮腸上放上日式的木魚碎，為口感與視覺都帶來新鮮感。腸皮十分滑溜！據店長稱是他們親自製作。• 老干媽醬炒腸粉辣度輕微但十分惹味的一道小炒，用了春卷皮造了一個底盤，食完腸粉後可連同吸收了精華的底盤一併吃掉。• 松子仁上素餃店𥚃還有專為素食者🌱提供的點心，餃子材料豐富，從而帶來了不同口感。• 醬皇秘製鳳爪鳳爪醃得入味，有點咬口，不是軟冧的那種質感。• 鵪鶉蛋燒賣店長所改良的一款點心，把鵪鶉蛋讓在燒賣裡頭，目的是不讓小孩只夾走鵪鶉蛋🤣燒賣口感紥實，包裹著粉軟的鵪鶉蛋，口感𣊬間昇華。整體食物水準都很好，店長稱餐牌會定期轉換，十分期待！…查看更多

晚餐想食得特別d，係上環選擇咁多，一於試下呢間近地鐵站嘅點心店啦。一入到去見到e d咁懷舊嘅公雞擺設，好得意呀！雖然叫就叫點心店，但選擇都幾多，唔只得點心：menu分哂唔同「專區」，尤其係有圖果d更加吸引，所以我地係廚師推介選左幾樣，然後比較特別嘅老干媽料理同邪惡系列各選一個，最後加個蒸飯。由於點心係即叫即蒸，所以都要等一陣先有得食，不過好快就已經有點心到！不愧係招牌點心，真係好大粒，漲卜卜咁大過乒乓波，夾起黎都有d聚手✋一食落去口感好特別，燒賣皇固然要有大大隻蝦，圍住蝦側邊嘅肉都好滑好爽，唔係軟林林嘅肥豬肉黎架喎！八卦問下，原來係雞肉，唔怪得口感咁特別，真係無試過，既然唔係肥豬肉，咁安心食多粒啦☺️到蝦餃啦，一樣咁有份量，個皮唔會痴底，一夾就起，食落幾滑，隻蝦好大，斯文嘅女仔一啖過係放唔哂入口架。好快其他點心已經黎齊，放滿成枱，我唔算細食都覺得份量真係唔細。呢個係我最期待嘅和風脆皮海鮮腸，因為就咁睇個名真係估計唔到裏面有啲乜嘢特別，張圖又比較細，唯有自己叫個試下啦。一嚟到已經覺得賣相好靚好特別，原來和風係指上面嗰啲嘅木魚絲同埋紫菜絲，好似章魚燒上面嗰啲郁郁下，好有動感。其他地方食過一啲嘅脆皮腸粉，都係由春捲皮所整，但呢個又唔係喎，係鬆脆唔係卜卜聲果種，入面都係爽滑大隻嘅鮮蝦，就係咁一個點心就已經包括咗唔同嘅質感，包括滑浖浖嘅外皮、鬆脆嘅中層同埋爽口嘅饀，幾有驚喜，下次帶朋友黎一定再叫！鍾意食酸嘢仍然係我嘅特點，所以專登叫左個紅油三寶過下癮。呢個菜式係點心紙上面冇架，都係喺廚師推介嗰個餐牌上面咁啱見到，紅油炒手就食得多，不過咁少人六件一樣嘅會有啲悶，呢度炒手、餛飩、水餃各有兩件就啱啱好可以試齊曬咁多味道喇，六件已經要用咁大隻碟裝哂，證明又係好大粒啊😂初頭仲驚食點心唔易飽叫多d。個汁係以微酸同微辣為主，唔會太多油，上面有辣椒碎、蔥花、炸蒜調味，令個汁更香，如果你本身分唔到上面嗰三種餃類嘅食物係點嘅話，一次過認識曬就啱曬喇，個皮、大細、饀料都唔同架。然後個飯就嚟喇，呢個就係鮑魚汁花膠花菇飯，我以為中式嘅蒸飯同酒樓一樣分量唔太多，一嚟到望到嗰個盎先知又深又闊，鋪滿曬係白飯上面嘅白色東西就係花膠啦，估唔到多到咁，仲幾厚添，絕對唔使擔心食食下唔夠送啊，我建議頭嗰幾啖唔需要加額外嘅調味料，可以試下鮑汁同香菇本身嘅鮮味先，一般嘅蒸飯食到底都會覺得有啲油，今次反而冇喎，感覺幾健康。當然唔少得邪惡系列啦，本身都想試西多，但係夜晚食真係有啲過分，於是揀左流沙包。一搣開少少已經有好多黃色流沙湧緊出嚟，即刻啜返啖先然後搣開佢，發現原來有真正嘅鹹蛋黃喺裏面，比較深色啲嘅粒粒就係喇，好香濃好滑，而且有一個放左十分鐘以上仲係流架好正食得辣嘅朋友我都好推介老干媽銀針粉，佢唔算真係好辣，但係呢個配搭真係好特別，側邊金黃色炸嘅並唔係圍邊，而係真係一個碗嚟架，開頭我淨係識得「不」銀針粉同埋搣側邊嗰啲脆脆嚟食，後嚟店員提醒，其實精華係喺個底啊因為佢索曬老乾媽辣醬嘅味道，一試之後我哋真係清曬成個底，真係好特別啊，一個餸可以有兩個唔同嘅口感，又有得玩創意分加分！溫馨提示：由於點心分量都幾足，所以叫嗰時可以考慮下先，女仔嚟講兩個點心左右其實都飽，男仔呢三個都夠，仲有飯，為免浪費我地真係食到好飽。值得讚賞：專登喺食完幾個鐘先至寫食評，過程真係無乜口渴同滯住嘅感覺，男朋友本身對味精易敏感都無不良反應，而且味道冇一般中式食肆咁鹹咁濃，真係原味道。店員會主動收用完嘅碟同加茶，收前會問多句要唔要，避免誤會，好細心。晚餐黎講唔算貴又飽肚，仲幾健康。…查看更多