Burgerman (欽州街)

星期六去左深水埗就試吓呢一間食burger嘅舖頭啦 可能因為太早(12:15)所以都冇人排隊啦 叫左嗰和牛burger 薯格 大概等咗吾洗十分鐘啦 老闆娘態度非常好嫁😌👍👍 由於冇得堂食所以就去咗公園食啦 不過點知咬咗第一啖 嗰burger好乾 冇肉汁 同埋好overcook 個包入邊有生菜同好少汁 不過個包係有驚喜嘅 因為仲好脆~~ 薯格都係正正常常 不過一啲鹽都冇 好淡真係要靠自己落勁多茄汁先得啦總括而言個burger真係唔係好掂啦 咁嘅價錢黎講我會話佢係中下水平啦 4/10 …查看更多

位於深水埗欽州街呢間漢堡包店都算係一間老店，多年來屹立不倒一定有它的原因。呢度漢堡包種類非常之多，而且係標榜即叫即整，保持店舖一貫新鮮嘅作風。由於疫情關係所以今次我叫外賣。和牛漢堡，$90。可以算係呢度嘅招牌漢堡，標榜用純正嘅澳洲和牛製成，淡淡濃郁牛味，牛肉外層比醬爆芝士包圍，水乳交融，一拎上手肉汁滴唔停！包皮外層煎得好香脆，所以即食會更加美味。同好多其他burger店一樣，呢度加$20，就可以加配薯條同汽水。…查看更多

深水埗嘅美食多不勝數，但Bugerman嘅漢堡真係不可不吃啦！單單一張Menu都令我嘅選擇困難症發作啦🙄咁多款burger，又有咁多款小食！我個人比較喜歡食牛，最終揀咗和牛漢堡，另加廿蚊多咗一份炸薯條同一罐汽水😁和牛漢堡👉🏻脆口麵包加一塊足足有2cm厚嘅和牛漢堡扒，加上一層濃厚芝士，灑上脆洋蔥絲，好豐富🤩呢個包竟然有一層我唔係好食嘅芽菜苗，至怕啲草青味，但我見到鋪得好滿！算啦！我食啦！唔好嘥！一啖咬落個包，嘩！估唔到出奇哋好食，啲肉汁咇哂出嚟，勁juicy!!我更加估唔到我食唔出芽菜苗嘅草青味，可能係漢堡扒同芝士嘅味蓋過哂啲草青味，夾住爽脆口感!唔錯唔錯！我欣賞你👍🏻炸薯條👉🏻每條都係厚切薯條，炸到金黃色！不過我覺得鹹咗小小，如果啲鹽少啲就好啦😁口感真係唔錯！雖然地方細細，但坐得好舒服！我食食吓先發覺有透明膠手套，勁傻仔囉😂攪到成手都係肉汁💛繼續支持本土小店🙌🏻…查看更多

間舖頭唔大，得4個位，好似外國啲takeaway店咁，望落個樣一啲都唔吸引，但係又好想食漢堡包，所以就一於試吓，點知出乎意料之外嘅好食😋 雖然係即叫即整，但係叫咗大概5分鐘就有得食👍🏻快靚正🤩-《和牛漢堡》$88 +$20 combo 有皮薯條/薯格/沙律加汽水一罐平時都食開安格斯漢堡包，今次見到有和牛漢堡，又唔算貴，所以就叫咗嚟試吓，咁大個女都係第一次食和牛漢堡🙈 原來真係好食好多，超林，唔會鞋，又超juicy，juicy到一路食一路滴啲汁出嚟🤤食到停唔到口，仲要份量都好夠，可能因為我加埋薯條，食完超級飽😋連平時食完野一定要去飲嘢或者食甜品嘅我，都唔想再食野，都已經好滿足🥰 - 《有皮薯條》呢個有皮薯條係我食過最好食嘅薯條，好似即叫即炸咁！熱辣辣，外脆內軟，超有口感，又唔會太咸，亦都唔會覺得油膩，仲要有一半都係有皮薯條，唔係度度都有油皮薯條賣，超正！直頭好味都覺得間餐廳可以改名做friesman😂 推介👍🏻- P.S. 餐廳仲有手套提供，可以盡情咁用手食🤣🤣…查看更多

burgerman 其實大角咀都有耐唔耐幫襯下…因為佢地d漢堡包真係幾好味…所以今日係深水埗買開野…見到burgerman就走去買外賣返屋企食…(因疫情關系無得係舖頭食)睇下餐牌有乜食原先有諗過叫大菇…好鍾意燒完既菇好juicy…不過今日比較肚餓…想有d肉落下肚…所以我就點左個至尊漢堡…因為貪佢有兩塊漢堡扒…朋友就話試下和牛漢堡…一個加左$20轉餐包薯條同罐裝野飲我個包就份量十足…有兩塊肉…好鬆化同juicy…仲有煎蛋…同最愛既煙肉…朋友既和牛漢堡…佢就摵左1/4我試下…呢個漢堡仲香牛肉味…正😍😍(因為驚返到屋企薯條腍左唔好味…所以上車時食左幾條先…好好味)兩個包都好好味…(我相信堂食即時食會更好味)…希望疫情快d過去…可以再堂食…查看更多

喺深水埗行街，見到有間美式漢堡店🍔店員話依家Burger都可以外賣🤪個盒包得實一實，拎返屋企都唔會散哂👌🏻店裡提供埋消毒噴霧同手套，衛生又方便鐘意用手食Burger同雞翼人士👍🏻🍔和牛漢堡 $85香煎穀飼120日澳洲和牛配上美國大孔芝士，炸洋蔥同埋胡麻沙律草，超大個包啊🥳包面脆卜卜，咬落好鬆軟😚個和牛漢堡新鮮熱辣辣香噴噴，上面層芝士溶哂喺面頭好邪惡😈底層有清新沙律草中和吓，個底包上面有漢堡嘅肉汁，mix埋胡麻醬，超級juicy☺️🍗水牛城雞翼　$38@5醬汁一啲都唔辣！雞翼酸酸甜甜咁好開胃啊！每隻雞翼都好大隻，又多肉🍖用手套一手拎起咁食好爽～🦴…查看更多

疫情未減，叫外賣有咩選擇? 今日同大家介紹下深水埗一間遠近馳名嘅漢堡包良心小店 - Burgerman🍔鋪頭細細，所以現時政府規定下只能做外賣，apps都可以叫餐，住得近就不妨試下啦😎 (不過最好一早叫定，近排都幾好生意, 可能要等半個鐘左右，鬼叫佢好食又有良心咩😆😆)呢到除左漢堡包仲有意粉同小食，選擇都唔少，不過黎得Burgerman點可以唔食Burger?🤣🤣其中至尊漢堡真係一定要試，除左成座山咁高夠哂足料，兩層安格斯牛肉啖啖肉夠哂鮮嫩多汁，佢即叫即整半熔嘅芝士加埋煎到香口嘅煙肉同煎蛋，多重口感味道真係一流👍而且Burger 加$20蚊仲可以加配罐裝汽水或者薯條/薯格，佢薯格都幾唔錯架，炸得夠脆又惹味。想健康d 都可以要沙津架😉另外我地仲試左和牛漢堡，和牛配上炸洋蔥都幾夾，和牛味幾出。不過漢堡包黎講我地都係鍾情安格斯牛，夠哂多汁牛味又夠😋😋我地仲加左煙燻燒烤雞翼試下，火喉岩岩好，雞翼表面滿滿嘅一層燒烤醬汁都幾唔錯😁😁🔹至尊漢堡 ($80 +$20跟餐)🔸和牛漢堡 ($78)🔹煙燻燒烤雞翼 5只 ($38)😋味道 8/10 😍回頭指數 8.5/10…查看更多

出深水埗睇完玩具、一支公又想食好嘢，我就推介位於欽州街嘅Burgerman。Burgerman嘅餐牌都有成10款漢堡包俾大家揀，再加埋廚司推介，有選擇困難症嘅朋友仔都幾頭痕嫁。雖然今日廚司推介係日式豚肉漢堡，但最後我都係揀咗和牛漢堡，再加薯格同罐裝忌廉。和牛漢堡再加上一大份香脆嘅薯格同罐裝忌廉，真係best match。和牛漢堡扒成吋厚，一咬落去，和牛肉汁唧哂出嚟，油香而不膩。和牛扒嘅調味適中，加上選用嘅醬汁唔係濃味嘅醬，再配搭豆苗同比較輕味嘅芝士，配菜同醬汁味道唔會蓋過和牛漢堡扒，整個漢堡亦唔會俾人一種飽濟嘅感覺。超正！…查看更多

同朋友去深水埗買新出嘅遊戲，三點幾又未肚餓，又想支持附近野黃店，聽講漢堡好好食，所以就買諗住買外賣返屋企食啦一入去即刻見到塊連儂牆店員仲好好人，怕我哋睇唔到頭頂個餐牌，俾咗張Menu我哋睇我哋叫咗和牛漢堡同埋至尊牛肉漢堡連餐加$20就連埋餐：可以揀薯格、薯條或者沙律，仲配埋嘢飲。返到屋企打開，發現比得超多薯條和牛漢堡就算叮翻熱佢，入邊都仲未熟晒超重牛味有啲筋好有咬口澳洲和牛嘅味道好濃郁啊督落去仲有啲牛油出嚟啊至尊漢堡係用咗美國安格斯牛肉。雖然佢個味冇和牛嗰個咁出，但係佢有兩塊，份量搭救肉質都會比和牛個個乾啲。隻蛋都煎得好香，而且又有煙肉，又有洋蔥，又有芝士，好豐富洋蔥好爽甜而且有少少黑椒味兩個包都有好多芝麻好重芝麻味。薯條連埋薯皮，好香薯仔味。而且佢唔係落咗好多鹽所以唔會好咸咁既價格食到咁高質既漢堡，又支持到同路人，好抵…查看更多

今日去黃金買嘢，朋友話呢頭有間抵食又好味嘅漢堡，平時都少嚟呢邊，難得嚟到，緊係要試一試間鋪嘅鋪頭唔大，可以外賣可以堂依，堂食大概得8個位叫咗個至尊漢堡，好大份，有蛋有煙肉，加埋菜同牛肉，食落去口感一流，不過要好大個口先可以一次食曬咁多種料。女仔食可能會麻煩d😂另外加咗廿蚊配埋個薯條同嘢飲，食漢堡緊係要配薯條可樂啦🤪朋友叫咗和牛漢堡，牛味好濃，配埋個醬，好好味。呢個漢堡份量相對至尊漢堡比較細，如果男仔食呢個可能會唔夠飽雞翼就正正常常，未有好出色，不過不失。唔想淨食漢堡咁dry可以一試…查看更多

去高登行街想買嘢，就見到呢間漢堡店，店舖內的位置極小，只可以容納六至七人，而且門是開放式，冬天真是寒風陣陣。所以見到多是人叫外賣。黑松露和牛漢堡⭐️⭐️⭐️⭐️⭐️我很喜歡黑松露的香味，所以見到咁多黑松露舖在芝士上，已經迫不及待想吃，不過個包實在太大，吃到小一半才品嘗到黑松露，而且跟和牛的味道極相配！最驚喜是從沒想過漢堡內竟然有煎蛋，很有香港式風格，很喜歡，而且配菜很新鮮，不是平時漢堡會用的生菜或蕃茄，而是芽苗菜！用和牛整的漢堡有豐富的肉汁，所以一路食就一路漏汁，煎得剛剛好，仲可以見到肉排粉粉的，是有水準的漢堡…查看更多

一般漢堡包店，給人的感覺都是比較便宜，食物質素不會有太大驚喜，今日試了深水埗的Burgerman，感覺喜出望外！食材優質，即叫即做，非常美味。2人點了$85和牛漢堡、$75茄汁蝦意粉和$38水牛城雞翼/5隻，價錢合理，很有水準！和牛肉味濃郁，豆苗新鮮，份量也不少，漢堡包皮脆卜卜，咬入口時聽到嗦嗦聲。茄汁意粉酸微微，很開胃，蝦味道很鮮甜。雞翼$38/5隻都算抵食，另加汽水$8一罐。餐廳地方需細，但製作具誠意，店員態度友善，值得一試！…查看更多

到深水埗黃金買些電腦配件，知道對面有家漢堡專門店，每天堅持自家手打漢堡，即叫即做，店內見到溫馨提示，製作需時，請耐心等候。見到至尊漢堡相片非常吸引，可是今次只有小女子一人，未必可以完成，還是點個和牛漢堡吧，另加$20 可選薯條、薯格或田園沙律，奉送罐裝汽水。等候期間看看餐單，漢堡有多款自選配料，燒大菇好吸引，而且還有意粉提供，卡邦尼意粉、茄汁大蝦意粉或香草雞扒意粉，小食更有番薯條、燒烤雞翼、炸洋蔥圈及自家製炸手指魚條，下次跟朋友到來可以多點幾項。等候約十多分鐘，我的套餐準備好了，色彩醒神而且新鮮爽脆的田園沙律已配上點點的黑醋，健康又開胃。漢堡使用澳洲和牛製作，配上美國大孔芝士及炸洋葱絲，麵包烘得脆但不乾，切開漢堡見到肉汁澎湃，一口咬下去感覺鬆軟可口，牛味豐富，肉汁豐盈，整體配合不會有飽膩的感覺，很滿足呢。…查看更多

位於深水埗嘉頓附近的快餐店小店，以親民的價錢就能吃到有質素和食材新鮮的漢堡包。Burgerman主打人氣和牛漢堡$85，加$20就可跟餐，可選薯格 /薯條 / 田園沙律和汽水。漢堡包份量十足，麵包上佈滿黑白芝麻，和牛是全熟的，肉質鮮嫩多汁，重點是沒有筋，值得一讚，配上半熔芝士，層次更豐富，讓人回味無窮。薯格是連身薯皮一起炸，外脆內綿，而且不油不膩。值得一提是餐廳有提供膠手套，可以把整個漢堡拿起來大快朵頤，不怕弄髒，超貼心！…查看更多

又係深水埗好西時間啦，尼間真係不能不試，就係漢堡人burgerman啦🤩細細地但係勝在所有食材都係全手工製作，即叫即整熱辣辣食到最新鮮既第一口真係好不得了呀😚🧒🏽叫左比較日式既和牛漢堡，用左澳洲和牛加上日式焙燒芝麻沙律,芝士(同埋其實有炸洋蔥絲不過🧒🏽唔食洋蔥hehe)真係入口即溶，而且唔會好溜添，因為沙律芝士果度其實好清新，所以唔會好heavy，再加上d肉汁一咬落去就咇哂出尼真係好香好正呀🤤👦🏻叫左美式既候斯頓漢堡，美國安格斯牛加上秘製bbq汁，仲要有煙肉添呀，真係超Classy既美式漢堡，食落好正又juicy又超有口感真係一流，肉汁真係多到expect唔到既畫面，同埋個包係有烘過架，真係好有心機🥰一致認為轉combo係冇錯，因為薯格薯條超高汁，而且份量都好多架🤩再一次好少咁夾咁覺得薯格係好味dddddd既因爲好脆，薯條都有小小調味不錯吃，Overall係我地一定會再嚟食呀👅💦💦💦…查看更多