梅光軒 (登龍街)

這間拉麵店在登龍街入面，但不知為何一直都未光顧  ，原來好店一直在身邊！醬油炙燒五花叉燒拉麵 ($98)，叉燒燒得很香口，麵條軟硬度及湯底都OK。整體都算合格，但沒有太大驚喜。反而味噌海鮮拉麵 ($98)就非常出色！可能因為比較少食以海鮮為主題的拉麵，先飲湯底，味道非常鮮甜，配料都好豐富，其中帶子非常好味。另外點了蟹肉忌廉薯餅加汽水 (+$20)，雖然很香脆，但實在感受不到蟹肉的存在。但$20有小食同汽水，CP值都幾高。…查看更多

去銅鑼灣搵嘢食，登龍街係首選，今日想食拉麵，見人龍店梅光軒條隊唔長，一於去試下北海道米芝蓮推介之味。佢拉麵分醬油，鹽味同味噌湯底，仲有每天限量嘅登龍之極及沾麵。因為兩款限定麵都售完，我地揀左炙焼五花叉燒拉麵及味噌海鮮拉麵。另加$15可以配3隻餃子及汽水做成套餐。餃子煎得好香口，有些肉汁。兩碗拉麵材料都算豐富，味噌加上蝦的鮮甜湯汁完全掛在拉麵上，海鮮量豐富好味！炙燒五花叉燒薄切鋪滿整個碗，加上半熟蛋配上醬油湯底，味道一絕！麵後配合抹茶蕨餅及北海道甜點代表汽球布丁，又一豐富滿足的一餐…查看更多

梅光軒在北海道總店榮獲<米芝蓮指南北海道2017推介食店>的榮譽，日本人處事認真，所以作為香港分店也同樣高質。位於銅鑼灣的登龍街，地點方便。傳統拉麵店的特點就是雖然只賣幾款特色湯底拉麵，但重質不重量。<梅光軒>在昭和44年開業，至今已經49年，接近半個世紀了，經驗老店，質素保證。香港登龍街的分店較摩登，不像傳統的拉麵店，有新鮮感選好後就可以再點心紙上剔上心儀食品。特別的是部分拉麵更設有<半分>作選擇，適合像我這些食量不大的女生<味噌海鮮拉麵>愛好海鮮的我當然要選海鮮拉麵。湯底非常鮮味濃郁和爽口彈牙的拉麵很配合而且還有兩粒極度鮮味的大帶子，真係有成隻匙羹咁大粒叉燒肉質亦很結實，大大的一片。拉麵大大碗好抵食，如果海鮮拉麵都可以有半份就好了😅😅😅<鹽味灸燒五花叉燒拉麵>作為食肉獸的老公毫不猶豫就選了這個。湯底比刚才的較淡，淡淡的鹹味不嘩眾取寵。但是灸燒五花叉燒非常肥美，口感腍滑，帶有淡淡的灸燒香味，在淡淡的湯底襯托下更見突出。<蟹肉忌廉薯餅>內裏的忌廉蟹肉薯蓉滑溜溜到一個點。而且炸得香脆不油膩，即叫即製熱辣辣上桌凡光顧拉麵還可以以$20的優惠價加配<抹茶蕨餅>，作為煙韌控的我沒可能不點吧。Q彈Q彈Q彈，加上微甜的抹茶粉，good good good其實一開始是很想試這個<燈籠之極>，可惜每天祇有限量十碗，今天中午一早就已經賣光了，唯有下次早點過來吧。😫😫😫…查看更多

梅光軒日本拉麵店，位於銅鑼灣登龍街。其實係得登龍街開店，即係代表呢間店有返咁上下實力。點解？一來租金貴，二來登龍街食肆林立，已經存在幾拾間有實力嘅餐廳係度做生意，唔得嘅餐廳就會好快好快自動消失。今次路經此地，見到呢間日本麵店，當然入去食下啦⋯⋯麻辣麵，$85，味噌囗味，味噌湯味道濃厚，加上帶有輕輕的麻辣味，湯味幾特別，好似正宗嘅日本湯底加上四川味，幾有crossover感覺。除湯底外，麵內仲有好多豬肉粒，呢啲肉粒吸收咗小小味噌湯，食起來好多肉汁咁。推介指數：7.5/10味噌海鮮拉麵，$98，呢個價錢算幾抵，湯麵內又有好大粒帶子，仲有蟹柳條，豬肉片等等，好正。麵條彎彎曲曲的，好特別，軟硬度適中。推介指數：8/10餃子(3隻)+汽水，$15，鮮煎餃子，熱騰騰的，咬落有小許肉汁，幾好味。推介指數：7.5/10明太子雞翼(2隻)+汽水，$28，鮮炸雞翼，裡面仲包著明太子，冇骨，可以一啖食落口，幾有囗感，可慢慢咀嚼。推介指數：7/10木耳絲，$15，初初以為跟其他日本麵一樣，木耳絲只有小小係碗度，原來碗麵都有幾多木耳絲，下次可以叫另外的配菜。木耳絲軟硬度適中，幾爽口，味道清淡，口味不錯。推介指數：7/10抹茶蕨餅，$10，日本直送，食完麵後加個小甜品，甜下個囗，心情自然提升，蕨餅軟棉棉，煙煙韌韌，好好味。推介指數：8/10…查看更多

趁住復活節，今日同一個好耐冇見嘅朋友食lunch。由於我好耐冇食過日式拉麵，而登龍街又有好多間日式拉麵店喎，咁就去咗朋友未試過嘅梅光軒度試吓啦(我都係第一次試)。我哋喺門口排左一陣，不過始終店入面唔係太大，所以我哋都係坐面壁嘅高身枱。我就叫左未噌拉麵，加＄20配炸牛肉薯餅同汽水，而朋友就叫咗味噌海鮮拉麵，加$15配煎餃子同汽水。味噌拉麵，湯底豬骨味及濃度稀稠適中，飲大半碗都未至於濟咗。拉麵質感有彈性，食到尾都冇淋，而且個麵餅都幾大個，食完好飽。至於塊叉燒只有少少肥膏，對我來講非常好，因為我驚食肥膏。豬骨湯嘅濃香味充分滲入叉燒，帶出肉嘅鮮美，如果可以伴多幾塊就好啦！朋友嘅味噌海鮮拉麵望落去賣相非常好，我就無試到，所以唔知個味係點。加＄20配炸牛肉薯餅同汽水，加$15配煎餃子同汽水。炸牛肉薯餅食落唔太油，好多薯蓉，但就是比較少牛肉。餃子都煎得非常香，餡料豐富，有韭菜豬肉、唔太肥，煎餃子來講比好多餐廳較健康。…查看更多

同媽媽係銅鑼灣行完街，可能因為天氣凍，想夜晚食番d熱野，係登龍街行左一輪，最終決定試下新開嘅拉麵店*梅光軒*。記得之前呢個位係賣緊龍蝦包，個估唔到甘快就轉手了店鋪唔大，正好早一步到達唔洗排隊之後嘅食客要係甘凍天氣下隊真係幾辛苦嫁😣值得一提店員的服務好好呢，十分有禮，未食已加分。生姜醬油拉麵（$85）Shyouga Ramen最近天氣好凍❄️，草根姐姐去到梅光軒見到餐牌上竟然有*生姜*醬油拉麵🍜，仲要寫住「期間限定」❗️，秒速就揀左佢😌。拉麵係曲身嘅，睇落好似公仔麵（同媽媽笑左好耐😂）好彩麵質煙韌，湯都夠熱。麵中有2塊豚肉、半隻半熟蛋、同大量蔥做配料，上面仲加薑絲。豚肉普通，但蛋做得唔錯，入味又流心🐣。餐牌寫明湯頭以豬骨、雞、昆布、沙甸魚係北海道🇯🇵煮好後直送到港🇭🇰，飲落味道屬於溫和，淡口味類型，反而由於點左生姜拉麵，薑味的確好突出👍🏻愈食愈暖胃，食完真係成個身暖晒♨️同行媽媽碗麵湯底都未見好突出，看來期間限定的生姜湯底才是梅光軒的主打呢👅味噌海鮮拉麵（$98）Miso Seafood Ramen 湯底係味噌👅帶點辣味🔥海鮮🌊配料有2粒大帶子、2條蟹柳、半粒溫泉蛋🥚、豚肉🐷同紫菜，配料唔算好多海鮮，不過帶子新鮮彈牙，麵量又足夠🤲🏻不過湯底比較淡，整體味道一般啦，未見突出。抹茶蕨餅（$10/3粒）看見只需$10就可加點，決定要上一客。🇯🇵日本直送🛫抹茶蕨餅🍃蕨餅唔係特別煙韌💁🏻‍♀️但抹茶味是有的，不過不失吧～我覺得生薑拉麵還真的不錯呀，但媽媽認為她的拉麵就一般了，看來大家如果來的話還是點生薑拉麵好了…查看更多

好像不是很多拉麵店能獲得米芝蓮的青睞，不過這來自北海道的梅光軒正是米芝蓮推介的！平常很少吃北海道拉麵，今晚就跟男友來朝聖。週末晚飯時段要等是常識吧，在門口先看點菜紙決定要吃甚麼~每日限量的鐵定售罄了，我倆轉戰味噌海鮮和看上去好厚的炙燒五花叉燒拉麵！每款拉麵加十元就能吃布丁和蕨餅，當然加加加！牆上貼滿餐牌和食物圖片，另外門口有幅梅光軒老店的黑白照片，場內播著柔和的音。每張枱上都有不同的調味料任君使用呢！炙燒五花叉燒拉麵選了醬油湯，大量的芝麻讓湯香口，味道鹹香又濃郁，但也不會太鹹呢！小貼士：將生蔥浸軟才吃就不辣了~麵看起來像公仔麵，但吃下不像啊。它的質感煙靭又有咬口，如果用來做沾麵應該相當掛汁吧！我們期待的炙燒五花叉燒有兩大片，都好長。因為燒過的關係，叉燒更香口。雖然脂肪部份多，但吃下去感覺爽口不油膩，太邪惡了味噌海鮮拉麵的湯的顏色比想像中淡色，不過味道是好濃厚的，也是不會太鹹，不怕多喝。這碗除了蔥還有大量芽菜呢！海鮮有蟹肉棒和大大粒帶子，每款各兩件，還有薄叉燒，是典型在拉麵上用的叉燒，沒有燒過當然沒剛才的香，不過肉質勝在夠軟。他們的溏心蛋都做得很好，晶瑩的蛋黃像漿一樣，甜甜的，好吃蟹肉棒並不是普通蟹柳，而帶子更是鮮甜、多肉又爽口吃過拉麵，店家會自動上甜品。北海道Bocca氣球布丁我是貪過癮點的，有數款口味，我們選了牛奶味~ 真的用氣球裝著布丁奉上先用牙簽將氣球弄破，過程是沒有澎湃的聲音或爆破效果的，不用擔心淋上焦糖後就可享用，質感超級嫩滑，牛奶味重，好creamy跟焦糖漿好夾！如果可以一次過吃完其他口味就好了抹茶粉蕨餅有三大粒，外層的粉味道甘香，蕨餅身煙靭有咬口，能十元就吃到實在好抵！店內還有鹽味拉麵，麻辣麵等選擇，加上還有其他口味的布丁未吃，要再來再來！…查看更多