丼吉日式吉列豬排專門店 (世貿中心)

作為本地日式吉列豬排店的老字號，丼吉最經典的 吉列豬扒定食 始終保持水準，令人不時想再訪回味。炸得金黃酥脆的吉列豬扒，外皮香脆不油膩，包裹著嫩滑多汁的豬扒，肉質紮實；另一款炸豬柳肉質更柔軟，更能嚐到豬肉的鮮甜原味。除此之外，吉列大蝦 亦不能錯過，蝦肉鮮甜彈牙，沾上濃郁的他他醬，一口炸蝦一口白飯，最佳配搭讓人欲罷不能。As a long-standing local favorite, Donkichi’s classic Katsu Set Meal has consistently maintained its exceptional quality, making it a go-to spot for those craving authentic Japanese flavors. The golden-fried katsu boasts a perfectly crispy and non-greasy crust, encasing juicy and tender pork with a firm texture. For a softer bite, the pork tenderloin katsu offers a more delicate texture that highlights the natural sweetness of the meat.…查看更多

對上一次食當吉，經已遠到以年計的事！某日剛巧人在銅鑼灣，正好重拾昔日回憶。甫進餐廳，即時看到一大幅海底的流動屏幕，卡通魚游來游去，蠻有意思！吃吉豬前蘑芝麻是常識吧。枱面上擺放有西柚汁、豬扒汁以及紫菜汁，喜歡怎樣組合都可以，甚為齊全。單點的炸物先到，有豬扒、大蝦、生蠔和帶子，跟他他醬。海鮮鮮嫩爽口不在話下，其中的帶子尤其突出，又大又厚，深得我心。豬扒當然不可不提，炸得鬆化的外皮裡面的肉竟還是細嫩多汁的，出神入化！一客定食有刺身飯、沙律、味噌湯、漬物和吉列豬柳。沙律除了菜之外，特別之處就是有銀魚仔，與別不同！味噌湯有豆腐有蜆，跟味噌相當合拍。刺身塊塊厚身，以紫菜或紫蘇葉夾著漬物包著一起送進嘴裡，完美的自製壽司！豬柳的肉亦很鬆軟，完全滿足到本吉列控！從來當吉的飯後果都是西瓜，今次也沒有例外。西瓜不會非常的凍，入口清甜。加上飲品荔枝梳打，汽水裡散發出淡淡的荔枝香，就是所謂的「完美的句號」！多年後再食當吉，水準依舊，還好像進步不少！…查看更多

兩年前喺日本食過好出名好好食嘅吉列豬扒，返到香港梗係念念不忘啦。呢日朋友就帶咗我嚟呢間Tonkichi Tonkatsu Seafood食吉列豬扒！行入鋪頭係一條長走廊，右側有幾張卡位，有簾遮住，私隱度都唔錯👍入到去仲有好大空間～時間都幾夜，所以無新客嚕，侍應就招呼我哋坐卡位。一坐低就擺低熱茶。要叫侍應可以撳呢個制，相當方便。首先點咗兩個前菜：日式蒸蛋（$48）蛋味濃，質地滑。足料，有蟹柳、菇等等。吉列薯蓉（$38）炸粉好薄，而且好鬆化，薯蓉好大嘅一舊！薯蓉唔會太實，亦唔易散開👍介紹下啲醬汁先～左右既分別係紫菜汁同西柚汁，可以點椰菜絲食。椰菜絲好爽口，感覺健康，而且蘸上醬汁一齊食更加開胃☺️ 中間嘅就係豬扒汁～跟住侍應就為我哋送上兩碗芝麻，同我哋喺日本食炸豬扒嘅過程好似，連磨芝麻個碗都一樣架！可以用個木中磨碎啲芝麻，一磨就會聞到陣陣芝麻香味，仲好好玩添！😝可以將豬扒汁倒入碎芝麻度，食豬扒嘅時候可以愛嚟點，增添香味！叫咗兩個定食，餐廳幫我哋放咗一齊。各款套餐都會跟白飯、麵豉湯、漬物、生果，而且白飯同椰菜絲係可以免費添加！除咗啱啱整好嗰個芝麻豬扒汁外，仲有海鹽、芥末同沙律醬可以點。各有風味，任君選擇😉鹿兒島特等厚切豚肉定食（180g）（$318）嚟到呢到就係一心想食吉列豬，既然呢個「鹿兒島特等厚切豚肉定食」係限量供應、侍應又極力推薦，就試下佢啦！根據menu所講，鹿兒島豚係世上頂級豚肉之一。每豚嘅里肌肉，只足夠做出四份厚切，所以先至係每日限量供應。的確係十分厚切！尤其是係炸粉唔厚，更加突顯到豚肉有好多！外表色澤金黃，肥瘦分明，油脂分佈平均；肉汁豐富，一啲都唔油膩🤤－吉列帶子豬柳定食（$328）另外仲叫咗呢個帶子豬柳定食。帶子好大隻，厚肉，夠鮮甜🤤豬柳都係整得十分出色，唔鞋口，而且肉汁豐富。比起厚切豚肉，豬柳嘅肉質更加嫩滑同軟熟😍最後仲有跟餐嘅西瓜生果，超甜，為呢餐畫上完美嘅句號😊不得不提嘅係侍應姐姐服務好好，好周到！🥰Menu:…查看更多

是日牛一，老婆建議去世貿中心間丼吉日本吉列專門店食我好鍾意嘅吉列豬扒。因為無book枱，而我地又想坐卡位，所以我地唸住早少少去睇下。七點到達餐廳，仲未算好多人，可以唔駛等位。侍應帶位時，老婆問可否安排卡位，侍應二話不說就俾咗張６人卡位我地。點好食物，侍應會先遞上一碗芝麻俾我地自己磨碎，一邊磨一邊聞到好香嘅芝麻香味。之後再加入醬汁，預備食吉列豬時沾的，正~白桃梳打 $42 - 飲品唔係好大杯，梳打水有淡淡白桃味。吉列豬柳定食 $218 - 配有麵豉湯、椰菜絲同白飯。椰菜絲爽甜，另可按自己喜好，加入自己鍾意嘅醬汁一齊食用。金黃色嘅吉列豬扒，入口好鬆化，炸粉厚度適中，肉質好juicy，做到外脆內鬆軟，再沾上醬汁，十分好食。鹿兒島特等厚切豚肉定食 $298 (180g) - 同樣配有麵豉湯、椰菜絲同白飯。麵豉湯加咗2隻蜆，另湯添上一份鮮味。生日食好dd，點咗貴少少嘅鹿兒島特等厚切豚肉定食。但先試咗老婆個吉列豬柳，會發現鹿兒島豚肉呢個好食好多，真係貴得有道理。鹿兒島豚肉 (下) 比吉列豬柳 (上) 更厚身，食落更加啖啖肉。一咬開肉汁流出，而且肉質更鬆軟。最正係豚肉有少少油脂，食落好甘香，真係可以食多碗飯。重點: 呢度嘅白飯同椰菜絲都係免費添食，真係食到你飽為止。侍應好慷慨，添食份量比原本嘅仲要多。食飽後，侍應好細心咁為我地換過杯熱茶，仲送上生果作為飯後甜品。…查看更多

在銅鑼灣吃飯， 世貿中心選擇都算多， 港式、日本菜、多國菜等都有。 日本菜中更有shabushabu、蕎麥麵、日本料理樣樣齊，😏 對吉列物大愛的同事是次便帶我來到「丼吉日本吉列專門店」（下稱丼吉）。 從門口進入餐廳， 經過一條窄長的走廊， 沿路是闊落且私密度高的有簾遮掩的小廂房。 由於時間尚早比較少食客的關係， 店員便帶我們來到可遠觀維多利亞港海景的卡位座，高尚得黎又簡潔舒適，😌 絕對是適合情侶或朋友聚會的好地方～😏 「丼吉」主售吉列物，🍤 還有其他刺身或小吃可選擇。 為着吉列物而來， 當然是吃店家自慢的吉列豬扒和吉列豬柳啦。😏 🐷豬，全部都係豬～😂🙈 見特上豬扒豬柳定食（$432）可供二人食用， 價格比單點兩個單一吉列物定食便宜一點， 份量竟是一樣， 所以便點了一個二人share。☺️ 如果每款都想試的話， 不妨單點去試，有逐件計的！😂🙈 主角出場前， 店員讓我們磨白芝麻，去準備特調茨汁。 把芝麻磨至各人喜好的粗幼度後， 便可加入店家自家製的豬扒醬，拌勻即成！😎 豬扒用上鹿兒島豚， 大大塊切開有六、七件，份量不少呢！👏🏻 炸粉厚薄剛好，不會太厚或太dry，炸而不油， 咬落去外層脆卜卜，裡面肉質鬆軟，😌 加上酸酸甜甜又有麻香的豬扒醬， 為豬扒更提味不少， 食落又不會太肥膩～👍🏻 豬柳外型圓圓的， 一份有3大件， 肉質較豬扒瘦，但不柴，而且肉味十足！😋 每個套餐除了漬物和麵豉湯外， 還有椰菜絲和白飯無限添加， 份量三人share食都綽綽有餘！😏 除了壺裝的豬扒醬， 另外兩瓶是用來吃椰菜絲用的：紫菜芝麻汁和柚子汁， 個人就比較喜歡柚子汁， 因為酸中帶甜，很是開胃！😌 要是喜歡吃紫菜的話，不妨試下紫菜汁， 因為紫菜味十分突出～😂🙈 米飯用上日本上等珍珠米🍚， 口感煙韌微彈，絕不馬虎！ 漬物鹹中帶酸，作開胃菜或用來送飯就最岩～😏 麵豉湯裡加入不少蜆肉， 香濃得黎又添上幾分鹹鮮，惟有點重口味。🙈 最後，店家還為我們送上是日水果—香甜西瓜作為完美的總結呢。☺️ 總括來說， 「丼吉」的定價不低，最便宜都要二百多， 不過勝在食物份量相當足，真材實料， 質素也不錯，都算合理。 難得找到一家吉列物爽脆又可口，不油不膩， 愛吃炸物的食家不可錯過呢！…查看更多

小妹生日去迪士尼,玩完新開的迷離莊園,無睇煙花就走返去銅鑼灣搵食。本來諗住食咖啡弄,拎左籌行左半個鐘先過左10個號碼,所以我地放棄了。男朋友就帶我來吃吉列豬~吉列豬柳有8件,有肉汁,不會太乾。豬柳厚厚的,啖啖肉。豚肉湯套餐包麵豉湯,+$35就可轉豚肉湯。不濟,好鹹,豬肉鞋口。最重要的是都係我唔鐘意的麵豉湯底。吉列蠔有兩大件,沒有特別。下次不會再點。茶碗蒸食日本菜最喜歡食茶碗蒸,即係蒸蛋。日本蒸蛋好軟滑,唔同港式蒸蛋咁結實。…查看更多

還記得, 於情人節時, 吃了一頓回味的晚餐，很想找尋番那時那種令人垂涎的東西......6月12日, 對於我同男朋友是一個值得慶祝的日子!所以慶祝的地方不可以馬虎，而這間餐廳已足夠我們給予它一個「肯定」!其實到這餐廳吃晚飯要付出時間等候，有質素的店鋪自然客似雲來，所以等候的人數長期都十分長呢!當天是星期六，五點四十分左右到銅鑼灣世貿中心分店。見到有十多人排隊。侍應詢問我們幾多位時，有說明享用晚飯時間為入座後計1小時15分鐘。我們認為時間也充足。六時正開門，餐廳的窗戶能望到海景，感覺好舒服。我們點了吉列豬扒定食配麵鼓汁及吉到炸蝦拼吉列豬柳定食。侍應給予每人一個裝了芝麻的碗，用槌磨碎芝麻，磨的時候聞到好香芝麻味。然後加入桌上的醬油，混合後用作點吉列豬扒/柳之用，味道甜甜地。定食來到時，侍應也不忘向我們介紹桌上的各種醬汁，分別有柚子汁及紫菜汁，用作點菜絲吃，本人認為柚子汁酸酸地，愈食愈開胃。到吃吉列炸物，覺得不太油膩，炸得很香口。吉列豬扒係原塊切開上(合共5件)，不過味道跟一般炸豬扒差不多，不是太突出。吉列豬柳就是我至愛(合共6件)，拼合是一塊豬柳，略為厚身，質地比豬扒嫩及鬆化，有肉汁。吉列大蝦也不錯(合共3條)，點了沙律醬, 增添食慾，同男朋友爭食最後半身。配以白飯、美味的醬汁配菜絲，真的胃口大增，該餐廳的特別之處就是可以無限量添加白飯及菜絲，十分適合大胃的朋友 P!! 最後，跟餐每人一碟西瓜(大概三片)，很甜，作飯後果有消化作用。除了這間吉列定食的餐廳外，我曾光顧另外以吉列定食作主題的餐廳，比較之下，「丼吉日本吉列專門店餐廳」價錢是較為昂貴，不過食物質素也相對優勝。所以該餐廳真的並非浪得虛名呢!…查看更多

今日生平第一次食吉列餐，專登早ｄ去，避開lunch hour ｏ既人潮， 結果12.15pm去到，兩個人都有卡位 + window set, yeah~吉列豬柳，不算太juicy, 但肉質鬆軟，有豬肉味，可算是上佳之作吉列大蝦，有５大隻，ｄ蝦都幾大隻，脆漿鬆脆到難以形容，如果蝦肉可以再彈牙少少，就prefect 喇（大蝦既麵包糠脆漿較豬柳鬆脆）另外，椰菜絲都好好正呀，平時食生椰菜係苦嫁喎，呢度ｄ椰菜不但唔苦，仲好清爽…查看更多

即 使 無 卡 位 ，兩 個 人 坐 普 通 枱 亦 唔 會 有 擠 迫 感 ，張 枱 夠 晒 大 嘛！Service 肯 定 有 5 星 級 酒 店 嘅 水 準 ，侍 應 唔 凈 只 有 禮 貌 、有 笑 容 ，仲 相 當 細 心 同 反 應 好 快 添 ！唔 理 你 第 一 次 幫 襯 定 係 熟 客 仔 ，落 完 單 後 都 會 好 溫 柔 問 你 識 唔 識 用 枱 面 上 嘅 各 種 醬 汁 ，唔 識 嘅 會 逐 樣 話 你 知 點 用！呢 度 有 二 人 套 餐 ，但 細 心 研 究 過 散 叫 係 仲 抵 嘅！所 以 我 order 咗 吉 列 生 蠔 豬 扒 定 食 及 吉 列 大 蝦 豬 柳 定 食 ，每 個 定 食 只 係 $168 ，已 經 有 飯 、有 菜 、有 湯 同 生 果 先 嚟 碗 芝 麻 連 支 木 棍 仔 俾 你 玩 吓 ，整 碎 啲 等 陣 放 豬 扒 時 自 然 更 均 勻 ，鍾 意 仲 可 以 加 啲 紫 菜 汁 或 柚 子 汁 添！除 咗 芝 麻 ，仲 有 好 正 嘅 芥 苿 醬 、沙 律 醬 俾 你 點 . . .白 飯 好 綿 好 軟 熟 兼 且 係 免 費 任 食 添！食 完 忍 唔 住 同 靚 女 侍 應 講 :「添 飯 呀 唔 該！」椰 菜 絲 夠 晒 fresh 而 且 亦 係 免 費 任 食 架！侍 應 見 到 你 食 到 咁 上 下 就 會 主 動 捧 住 一 大 盤 埋 嚟 幫 你 添 加 ，椰 菜 絲 可 以 解 油 膩 嘛！淋 啲 柚 子 汁 落 去 仲 好 味 呀！吉 列 大 蝦 有 3 大 隻 ，炸 到 金 黃 鬆 脆 但 一 啲 都 唔 油 膩 ，蝦 肉 夠 彈 牙 ，點 少 少 沙 律 醬 仲 好 味吉 列 生 蠔 更 加 無 得 頂 ，外 面 香 脆 但 入 面 仲 係 好 juicy！吉 列 豬 扒 一 樣 熱 辣 辣 炸 到 金 黃 香 脆 ，仲 幾 大 塊 添！ 睇 吓 豬 扒 外 層 咁 脆 但 入 面 嘅 肉 質 依 然 咁 鮮 嫩 架！ 吉 列 豬 柳 個 人 覺 得 口 感 上 比 豬 扒 再 要 正 啲 啲 . . .睇 相 或 會 明 白 我 點 解 咁 講 ，肉 嫩 更 多 汁 嘛！西 瓜 汁 係 一 時 口 痕 order ，呢 $28 你 可 以 慳 番 ，明 啦！西 瓜 3 片 係 餐 後 跟 嘅！唔 鍾 意？可 以 加 $15 轉 甜 品 架 例 如 加 $15 嘅 士 多 啤 梨 乳 酪 布 甸 就 有 少 少 驚 喜 架！賣 相 好 靚 ，個 士 多 啤 梨 汁 勁 正 ，乳 酪 布 甸 又 夠 凍 夠 滑 溜 ，好 味！…查看更多