GO熊小館 (薄扶林道) (已結業)

短期內都無法到台灣大食遊，這長週末決定到「Go熊」一趟止止癮小店約有十多個座位，裝修充滿台灣牛肉麵檔風味主打台式湯麵及撈麵配以一些台式小食及飲品牛魔王湯麵有牛筋、牛腩、牛丸及牛肚，可配藥膳牛骨湯，油麵滑身有咬口，掛湯之餘不易變糊各款湯麵可按個人口味加$6可轉微辣不嗆的麻辣湯底，另加$6可轉米粉主食可以跟餐優惠$8加配飲品！台灣奶茶加$3配珍珠！冬瓜茶可解解牛肉麵的膩台式小食台灣拼盤有招牌鹽酥雞、花枝丸、炸豆腐及台式小香腸！鹽酥雞用上雞胸，鹹香有咬口！花枝丸吃得出魷魚香！外層綿綿的炸口腐加上青瓜絲，淸爽鮮美！台灣入口的小香腸油潤香口皮蛋豆腐芙蓉豆腐襯出肉鬆及木魚絲的香酥與皮蛋獨特的美味，淋上甜酸醬汁更是絕配

今日放工來到西營盤買個外賣返屋企食。店舖非常近地鐵站出口，好易搵到。今晚就叫左2份麵同啲小食返去同屋企人share。香酥排骨湯麵+蕃茄湯（$58+6），因為係外賣，佢地會幫手分湯、排骨、麵咁樣pack，唔洗驚焗到淋晒。 排骨有好多塊，肥瘦適中，個皮就算係外賣焗過都係脆脆地的。 麵幾煙韌，仲有好多肉碎、青瓜絲同生菜，幾清新健康。。蕃茄湯我覺得好好飲，少少酸甜，入面仲有啲蕃茄肉咬下，送完麵就咁單獨飲都好味道。花枝丸撈麵（$58），佢係醬油撈麵來嘅，個人覺得幾夠味，唔會話好咸食到口乾乾。 花枝丸都幾大粒，好彈牙，表皮上面啲香料都好味道。麵就同樣地跟肉碎同生菜。台灣野一定要食嘅梗係 鹽酥雞（$38），脆皮，炸漿唔多，所以一啲都唔呃秤。 雞肉亦好嫩滑，份量又多，絕對推介。原本仲怕唔夠飽，所以叫多份 台灣拼盤（$45）。入面包埋：鹽酥雞、花枝丸、台灣腸仔、炸豆腐。台灣腸真係非常好食，個腸仔皮好好咬。🤤🤤 炸豆腐都好出色，有木魚絲係上面，再有甜酸醬，好開胃。野飲方面就跟餐叫左杯凍冬瓜茶（+8）、凍百香果梳打（+10）。🌟 總括而言：抵食！食得好飽！

太掛住台灣牛肉麵啦~知道西營盤開左新嘅牛肉麵店，即刻去試試🏃🏻地方唔算難搵，附近有地鐵站又有巴士站😛陳設偏簡約，好有台南小店嘅感覺見到餐牌，平日會有套餐，由於我係星期日黎到，冇套餐追加餐點，店員就推薦我叫拼盤，就可以試哂花枝丸、鹽酥雞、炸豆腐、台灣腸4款小食台灣小香腸我平時唔太好，怕一粒粒嘅肥肉脂肪，不過里度嘅小香腸脂肪量較少、亦係細條嘅狀態，甜甜地幾惹味炸豆腐係豆腐裹滿木魚炸，木魚炸滿香脆非常花枝丸就係我嘅至愛😛有粒粒花枝，彈牙帶咸香主食叫左小熊牛肉麵，湯底係藥饍牛骨，好健康嘅感覺牛肉非常軟淋，筋位直情係入口融化嘅感覺麵偏幼身，幾掛湯，加埋菜甫一齊食就更正飲品就叫左洛神花茶，以糖漬洛神花作基底，酸酸甜甜

日日食茶記肉餅嘅我食到驚，哈哈，今日行落兩步試新野。其實留意到呢間牛肉麵一段時間，但又無乜衝動食，今晚想轉口味啱哂。餐廳幾高人氣喎，勁多步兵黎攞單，店員百忙之中都勁好禮貌。原來佢仲勁忙要入廚房幫手。餐廳環境正常，有啲中式風咁，並用熊貓作吉祥物！等咗陣，食嘢就搞掂。外賣包裝得好好，最起碼湯麵分開上。牛魔王湯麵($68)， 勁鍾意食牛嘅我緊係要牛魔王啦，餸料超多，包括牛腩、牛肚同牛丸，牛肉味道濃郁🐮，另外仲有兩塊生菜。餸下低係麵。由於我加底(+$6)，額外嘅麵真係另外上，哈哈。唔係加咗都唔知嗰種，加完麵真係乜都飽哂呢。麵條幾粗身，口感幾煙靭，有嚼口。揀麻辣湯同蕃茄湯又要加錢(+$6)，我覺得碗麵都唔太平，最好就包埋啦🙈。不過我鐘意食辣就無計啦，個樣嚇死人，勁勁勁辣咁，但食落其實唔係太辣，略嫌油咗啲，有啲似水煮魚嘅汁咁。下次試其他麵先。雖然一條友，但都想食埋小食，就叫咗台灣炸物拼盤($45)。首先賣相非常吸引，用盒上放得整齊，而唔係其他舖咁用雞皮紙袋，份量超多。小食包括台灣腸、木魚豆腐、鹽酥雞同花枝丸，炸物只有酥脆，沒有油！其實樣樣都好食😋，但鹽酥雞更加係不得之了，係我食過最好食嘅，皮薄肉嫩