赤山風味料理

放工約左朋友食飯，佢話就下佢去新蒲崗食咁冇所謂喇，去左一間商場人流唔算多，唔太顯眼既日本料理餐廳，但食完質素又有返咁上去，又okay wo!佢位於商場2樓，裏面齊齊整整，企企理理，我地早食飯唔算多人，唔洗等位😄咁佢餐牌選擇多，種類都好多款，對有選擇困難症既我，揀左好耐先揀到😂叫左既野食都幾多芝士焗蠔、生蠔，兩樣都新鮮，而且都勁大隻，唔腥仲有活赤貝、雞腎同雞皮串，質素都係okay而我最想分享係海膽同原條蒲燒鰻魚飯，呢兩個係值得叫！首先海膽食落都新鮮，甜甜的，最梗要冇d怪味冇好臭咁，出邊太多都係咁😵而且份量都好足，仲有紫菜可以比你包住黎食，而最最最重要係，我地咁岩撞正佢Promotion, 只係$48 一版！好鬼抵食！要試就快而鰻魚飯最深刻係條鰻魚，真係好大條~~~~~而且個燒汁同鰻魚處理得唔錯，係值得一試總括黎講，埋單1人200左右，食物質素又唔錯，想係個頭搵野食既，呢間係唔錯選擇👍🏼值得一提係，佢地待應既服務唔錯，個個都好好笑容，又會好主動黎添水咁，所以都幾like…查看更多

相比放題，我更愛以「散叫」形式食吃日本菜放題勝在可無限量點餐，但是本人食量不多，對我而言，因為要回本而大吃特吃會有點辛苦。一大班人一起吃還好，人少的話，還是「散叫」較好~這天和男友來到赤山，屬街坊小店，到七點多時已客滿，多是街坊客。這裡食物選擇多，價位不高。雖然是小店，但食物有驚喜我們共點了七道菜~沙律、 刺身、壽司、熟食都有～蟹籽沙律($32)：是我們吃日式料理必點的。蟹籽分量不少，可讓每條青瓜絲和蟹柳絲都沾上足夠的蟹籽，而青瓜絲夠乾身爽口原條蒲燒鰻魚飯($108)：送上時香氣樸鼻鰻魚肉質嫩滑，而近尾部的肉更覺焦香長長的鰻魚，吃到最後，如覺得膩，可用帶酸的醃蘿蔔中和一下帶子刺身($42) & 海膽($48)：帶子很大的一顆，味道鮮甜海膽正在做特價，$48，沒有腥味或藥水味，十分抵食汁燒牛舌($42) ：燒得很香，中間部分肉質鬆軟，而外圍部分燒得脆脆的海老天婦羅($42) ：天婦羅外皮夠脆口，但不油膩，而內𥚃的蝦肉又爽口那外皮放久了依然保持鬆脆，值得一讚赤龍卷($78) ：食日式料理店怎能不點壽司就點了店家推介的赤龍卷，飯卷頂上的是蟹籽、海膽、蝦，口感層次十分豐富飯卷內包有牛油果和青瓜。飯卷外層的飯如少一點便更好～…查看更多

今晚來到赤山日本料理，本身見到個商場環境吾太好，吾敢抱太大期望，點知超有驚喜！原先我就係為呢個原條鰻魚飯而來！基本上每枱必點><!我自己吃了一份原條蒲燒鰻魚飯 $108果然係必食！見到肥美厚肉既鰻魚 惹味既蒲燒汁 濃烈而不過咸 款款而起的香氣 簡直是欲罷不能 鰻魚肉口感飽滿 肥而不膩 連皮也好吃！軟軟帶煙韌的皮 感覺非常有膠質 這是和放題的質素不能相比的飯用上珍珠米 軟硬度適中 甜美的汁剛好下飯 旁邊黃色的酸蘿蔔非常開胃 整體令人很回味！值得推薦金菇肥牛卷 $42肥而不腻的牛肉片 煎得外焦里嫩 牛肉味濃香可口 包著大量金菇 咬落滿口生香 十分juicy西京比目魚 $75這個魚肉嫩滑 燒得外脆內嫩 但醬汁調味過咸 所以感覺較一般鐵板帶子 $58帶子非常大隻厚肉 牛油蒜落煎香 仲落左好多洋蔥增加惹味度 味濃而不過咸 很不錯但食完見到個底都幾油下海鮮鍋 $72入面啲海鮮都好新鮮 尤其嗰兩隻蝦 已經去殼 方便食用 味道鮮甜而且口感爽脆 仲有好多蔬菜增加纖維 底下有紅薯粉 一個鍋有齊所有野 不錯喔不得不提，去到店員好有禮貌歡迎客人安排好座位，吾會吹人落單，比客人慢慢揀，仲不停為我們主動加茶，十分貼心同客人有講有笑，食都食得特別開心！…查看更多

說到和食，燒鰻魚一向是我的至愛 *v* 某日到新蒲崗的Mikiki逛街，得知附近新蒲崗廣場內的赤山風味料理供應原條鰻魚飯，很想去試一試呢！小店格局店面不大，環境尚算衛生舒適。餐牌選擇繁多，價錢不貴，有刺身、壽司、手卷、冷盤、爐端燒、炸物、拉麵等等...原條蒲燒鰻魚飯 $108原條上單是視覺已別具氣勢，平時去超市買一條完整的現成燒鰻魚索價八九十元，所以這個鰻魚飯定價公道合理。鰻魚厚肉肥美，肉質嫩滑，細骨不算多，被炙烤得油香四溢，淋上鹹香帶甜的醬汁，外皮焦脆香口，重量級的飯量，一個人未必可以KO，稍嫌飯粒煮得較為鬆散，欠了日本米黏糯香軟的口感。隨原條蒲燒鰻魚飯附送一碗麵豉湯。蕃薯天婦羅 $22/4件外層麵衣不會過厚，酥酥脆脆，蕃薯夠香甜。鐵板豆腐 $38滑嫩豆腐配上和風醬汁，不過油分似乎多了點。雞軟骨串 $22/2串燒得香脆帶焦香，咬下去可以感受到雞軟骨特有的韌度，脆而不硬有嚼勁。燒魷魚筒 $56燒魷魚口感煙韌，只是醬汁我覺得有點過鹹，掩蓋了魷魚的鮮味。牛肉柳川鍋 $46暖烘烘的湯底甘甜濃郁，蘸了蛋汁後亦可令牛肉更加順滑。鰻魚炒飯 $56 鰻魚又再次出場 賣相吸引，鰻魚份量當然不夠原條多，不過依舊鮮甜味美，炒飯炒得乾身，粒粒分明。吃完一頓豐富的日式料理後，店員竟然送上一碗滋補的紅蘿蔔蓮藕老火中湯，真是出其不意的驚喜呢！…查看更多

今晚去左新蒲崗廣場行下，唔知食咩好，見到有間日本野又幾多人食，價錢又唔係貴就入左去。環境唔算大，不過勝在坐得舒服。我地叫咗大概10分鐘就有得食。首先，我哋叫咗赤山風味沙律。價錢＄38，但份量都算幾多，點左芝麻醬幾好食，竟然有牛油果，感覺幾高級。當中嘅薯蓉都好有牛油香味。鐵板一口牛粒好諗身，燒得好香，好香口，兩個人食啱啱好。另外都叫咗個鐵板帶子，每口帶子都充滿蒜蓉香味，好新鮮，調味都很好。之後就叫左我最愛嘅金菇肥牛卷，個燒汁好好味，牛肉都燒得啱啱好，配埋金菇就減低左個油膩感。主菜我哋叫咗原條蒲燒鰻魚飯，鰻魚足足有上手臂咁長，亦都好厚身，燒汁都好濃郁，價錢$108，個性價比比其他餐廳都算係高，再配埋一個麵豉湯，不過個湯就比較普通。芝士海鮮鍋，成個面都鋪滿芝士，好濃稠。裏面有青口，魷魚圈，蟹柳，椰菜，金菇......每口都充滿芝士香味，不過食多幾啖，就真係有點濟，但就真係好好味。炸物方面我哋叫咗鮮蝦天婦羅，隻蝦好新鮮，彈牙，我朋友食埋個蝦頭都唔覺得苦啊。最後我哋兩個人埋單＄504，日本料理來說食到咁嘅水準都唔算好貴，因為我哋都真係叫咗好多嘢食。…查看更多

位於新蒲崗極唔起眼既小店，地點太隔涉了，商埸人流不多，好似教畫畫的教室為主，雖則地點有點難找，同朋友仍然食得好滿足 ▼美國生蠔($88/6) 超大隻既生蠔，6隻生蠔都非常肥美新鮮，口感較為爽口，除番開大概$15隻，好抵食呀，但蠔味既餘韻就唔太長~ 略嫌洗得有D唔乾淨，好似食到D沙定唔知殼碎>< 用冰底墊著，建議盡快吃，不要等到冰溶～ 挺肥美，用了我的手和檸檬作對比，請無視我肥肥的手指(哭笑) ▼帶子刺身($38/4片)/赤貝刺身($38/1隻) 刺身新鮮冇雪感，赤貝刺身鮮味爽口 食完有點到喉唔到肉既感覺，想食多碟 ▼赤龍卷($78) 係小店其中一個既主打，有6件卷物，排列整齊，不過壽司飯就有d鬆散 赤蝦上有海膽同蟹子，材料豐富口感特別，軟糯既海膽、爽脆既蟹子同鮮甜既赤蝦，一啖食晒我中意既刺身！ 番到屋企看到別人拍既赤龍卷，蝦頭都是炸過來的，我這個蝦頭就沒有炸，唔知道係改變左製造方法還是什麼原因？如果我呢個蝦頭都有拿去炸就好，感覺沒那麼浪費～ ▼火灸三文魚腩壽司($32/2) 燒過既三文魚腩油脂甘香，入口即溶 ▼燒雞腎串($22/2) 乾身又爽口, 調味都做得幾好 ▼原條蒲燒鰻魚飯($108) Woo絕對岩相機食先既原條燒鰻魚飯，份量大有我手臂咁長，好有氣勢，完全地覆蓋晒個飯！ 鰻魚肉質肥美鮮甜啖啖肉，再均勻地搽上甜度剛好既鰻魚汁，食到尾都唔會覺得dry。平時去吉吉島買個d鰻魚都要$6/70，呢個鰻魚飯超值~ 餐廳內部 餐牌 …查看更多

今日和太太往新蒲崗赤山食日本菜, 我們點了雞皮串, 海老天婦羅、和風冷豆腐、枝豆、味噌湯、雞肉柳川鍋、原條蒲燒鰻魚飯、牛油果鰻魚卷、帶子壽司和烏龍茶。雞皮串現時好少地方有得食, 雞皮燒得香脆, 脆卜卜, 配上獨得香料, 佐酒一流；海老天婦羅一共有4隻, 廚師連除蝦肉炸天婦羅外, 另頭蝦頭一起炸, 蝦頭好爽脆, 食到蝦的鮮味, 蝦肉炸得金黃, 食落好香口, 蝦好新鮮彈牙, 配上蒜蓉和天婦羅汁, 更能帶出蝦天婦羅的美味；和風冷豆腐豆腐好滑好綿, 配上沙律菜, 蕃茄和碎蛋, 食落口感豐富, 酸酸甜甜, 好開胃；枝豆食落清甜, 每粒枝豆配上少量, 食落更能帶出枝豆美味；味噌湯味道適中, 不會太鹹,材料除有豆腐和昆布外, 還有蟹柳在湯內, 好有驚喜, 蟹柳好彈牙, 豐富整個味噌；雞肉柳川鍋餐廳的特色菜, 好香雞肉, 雞肉切得細細份, 入口即熔雞肉鮮嫩, 好好味, 配上清甜湯底, 食落口感十足；原條蒲燒鰻魚飯是餐廳另一特色菜, 鰻魚肉質鮮甜肥美, 燒得剛剛好入口即熔,鰻魚汁甜度剛剛好飯份量十足, 足夠兩人分享；牛油果鰻魚卷牛油果香滑, 鰻魚味香滑, 配上蟹籽食落整個卷物好爽口, 更有層次；最後帶子壽司帶子新鮮爽口, 飯份量適中, 美味! 餐廳座位寬敞, 食物新鮮, 美味和食。…查看更多

雖然新蒲崗廣場唔近地鐵, 亦唔係咩大型商場, 但呢個廣場設有圖書館, 總算方便我地平時借書睇既人啦。今晚同妹妹去圖書館還書, 經開呢間日式餐廳, 門面唔係好高檔, 而且附近食日本野既選擇唔多, 所以就抱住一試無防既心態幫襯! 店內面積唔大, 自己填紙落order。款式同一般既日式餐廳差唔多, 都有提供刺身、壽司、手卷、拉麵、海鮮鍋等等…Order左幾款野食, 刺身以冰墊底最快上檯~ 【三文魚刺身(4片)】HK$38【帶子刺身(4片)】HK$38刺身很新鮮, 有冰墊底keep住凍既溫度。三文魚刺身為厚切, 咬落D肉唔係煤ge… 色澤新鮮~ 而帶子算幾大粒, 冇腥味~【炸雞軟骨】HK$32炸完表面都好乾身, 很脆, 軟骨帶好少肉, 食落口感卜卜聲, 加上有少少椒鹽, 好惹味【極上赤山刺身飯】HK$108有三文魚刺身、帶子刺身、三文魚籽、赤蝦同埋海膽 配上珍珠飯, 飯質較黏, 因為有好多既三文魚籽, 所以搞拌一齊食, 每啖都食到三文魚籽, 三文魚籽既魚油係口中爆開, 感覺同味道都很正!! 不過海膽份量就略為少左D~【火灸三文魚腩壽司】HK$32肥美既三文魚腩經火灸後, 魚油味更加突出, 入口感覺到溫度暖暖的, 近乎是入口即溶, 大愛!!【原條蒲燒鰻魚飯】HK$108賣相已經非常吸晴! 原條上才顯得份量大, 肉質肥美, 鰻魚還配上均勻既鰻魚汁, 絕配!! 鰻魚鮮甜, 帶少訐爽口口感, 而且係冇骨的, 啖啖鰻魚飯, 平時唔太中意食鰻魚既我, 我都愛上了! 用餐過後, 店員還送上是日靚湯---南瓜湯, 味道清甜, 為整餐晚餐輕輕畫上完美句號。由於店內面積小, 店員可以一眼關7, 招呼周到, 不用提示都主動幫忙加茶, 估唔到呢間小小既日式餐廳無論食品同服務都帶來了驚喜!…查看更多