Ms.K布丁燒專門店 (已結業)

主打日式布丁燒，有超多口味，有開心果丶楓糖丶咖啡丶朱古力丶雲妮娜丶黑糖丶伯爵紅茶丶抹茶😋⋯我就試咗原味布丁燒同百利甜酒布丁燒🤤 返到屋企，將個布丁燒慢慢反轉倒出來，就可以享用了👍🏼OMG❗️倒轉之後，佢成個微微彈下彈下💗幸福感滿滿～🍮原味布丁燒店家人氣No. 1 嘅口味🎉最底層係軟熟綿密嘅芝士蛋糕層💗中層布丁口感好軟滑，又充滿蛋香，最上層嘅焦糖甜度剛好🍮百利甜酒布丁燒加咗Baileys嘅布丁燒一樣咁滑溜💗酒味恰到好處，充滿酒香嘅布丁燒，味道更富層次～

之前電視介紹我的至愛～布丁仲要喺港島美食天堂之一的天后，一定要去食啦。晚上8:30去完揼骨，又未太肚餓，但又想食少少滿足一下，於是趕住去試吓啦。一入鋪內，老闆娘已經用親切笑容迎接我。店內環境簡潔，有一張小bar枱，兩張椅子。如果人客不多，直接坐低食可以快d品嘗布丁但大部份客人也是外賣的。我個人覺得食物一定要先試原汁原味，才知道真味道，所以我就試「原味布丁」，老闆娘好好吖，問我喺度食定外賣，因為當時已經8:45所以我問老闆娘如果你們未閂門，我就坐喺度食啦。之後闆娘仲好好，因為本身我是要雪櫃內的布丁，但老闆娘問我要唔要試吓新鮮出爐的布丁，䁔䁔的，因好難得吃到這麼新鮮的。原味布丁很滑，彈下彈下，好攪笑，而且不甜，底層的蛋糕被焦糖浸透著，真係好美味。而一個亦有飽肚感覺。

從來沒有試過這樣好味的布丁燒，他上面是糖漿，下面是布丁，底層是芝士蛋糕。我食的是原味，店主表示這裏有好多款口味，我下次要再試一下。店主推介的食法，將布丁燒反轉，等糖漿可以直接落到芝士蛋糕。我兩種食法都試過，覺得味道各有千秋，但是都是一樣很好味。我的小朋友特別喜歡看到海豚圖案的芝士蛋糕從上面開始食，因他很喜歡這條海豚，還為他命名為海豚蛋糕。現在他時常問我什麼時候再食海豚蛋糕，我說明天吧，因今天打8號風球。