泰屋

营业中

休息中

泰式素春卷🥙呢個真係好好食，咬落去既時候已經係好鬆脆好香！個餡係有木耳，菜，粉絲，紅蘿蔔呢啲健康食材，真係唔肥，呢個真係好推介！💕馬拉盞炒通菜 唔會炒到林哂，加埋啲惹味醬汁就好正了，不過炒得耐左。串燒沙嗲🍡一擺上枱已經聞到好香，真係令人食指大動，我地揀左豬同雞，啖啖肉，加上花生醬沙嗲汁，真係絕了。原個菠蘿海鮮炒飯🍍色香味俱全，俾左好多蝦同魷魚🦑啲飯又炒到好煙韌咁，味道酸甜可口，都係受歡迎嘅一款👍🏻芒果🥭沙冰真係好消暑解渴，唔酸，濃郁芒味，真係唔錯👍🏻又係好推薦！

這間泰式餐廳位於旺角的彌敦道726號，主打地道又正宗的泰國料理。店內環境寬敞舒適，牆身及窗邊擺放植物裝飾，充滿優雅浪漫氣氛，適合約會或多人聚會。泰式蛋包金邊粉伴蝦 - $98香煎虎蝦肥美飽滿，爽滑彈牙好鮮味；整塊煎蛋覆蓋著好嫩滑，又有豆腐乾及芽菜等配料；煙煙韌韌的金邊粉酸酸甜甜帶點蕃茄味，可加入一點花生碎和辣椒碎，味道更有層次。原個菠蘿海鮮炒飯 - $106金黃色的炒飯粒粒分明充滿鑊氣，吸飽清香鮮甜的鮮菠蘿汁，口感清新不膩，鮮蝦、青口及魷魚等海鮮提鮮，還有雞肉、菠蘿肉、肉鬆、青豆及紅蘿蔔等非常豐富。泰式珍寶拼盤 - $148每種小食均有四件，份量十足。金黃酥脆的蝦餅毫不油膩，結實的蝦膠充滿彈性；泰式魚餅的魚肉中混合著檸檬葉及豆角；素春卷外脆內軟；雞中翼嫩滑多汁。泰式沙嗲(半打) - $92即叫即燒的串燒掛滿飽滿的雞肉及豬肉，嫩滑多汁而不乾柴，有著濃厚的肉香，蘸上濃稠的沙嗲醬更惹味。炭燒豬頸肉 - $88一片片厚度十足的豬頸肉，油花分布均勻，肥而不膩，爽滑富彈性，炭香四溢。椰汁西米糕 - $14/件班蘭包裹著帶陣陣葉香，濃郁椰奶好香滑，晶凝通透的西米露好爽彈。泰式奶茶 - $35熱檸檬水

收工同朋友食泰菜一上去都坐滿晒人非常熱鬧醃肉碎生菜包 88肉碎香辣惹味充滿泰式風情的香料配試清新爽脆既生菜🥬酸酸辣辣非常開胃炭燒豬頸肉 82爽口彈牙 香口又惹味外層香脆 炭香四溢再配上泰式酸辣汁食泰國菜必叫！泰式生蝦刺身 108作為前菜小食生蝦新鮮 肉質厚肉彈牙配埋生蒜同辣椒一齊食加生蝦蘸汁 好食😋原個菠蘿海鮮炒飯 98材料豐富有青口魷魚仲有粒粒菠蘿飯底帶有少少甜味 色香味俱全珍多冰 35 菠蘿冰 35 最後加上特色野飲 🧃

位於彌敦道726號嘅一間泰國餐廳 - 泰屋🏠由旺角地鐵站行去5分鐘左右 好方便 當日約咗幾個朋友食晚飯 🍚大家都想食泰國菜🍢🍍🍚 就決定試試啦😋大家都係第一次食呢間餐廳🥰 如果食晚飯嘅話建議預先book位 因為晚飯時段比較多人 晚上七點左右已經全場坐滿👨‍👩‍👧‍👧座位都比較舒適 👍餐牌上食物種類繁多👏 價錢相宜💰我哋叫咗幾款菜式❣🍚海南雞油飯 $78海南雞口感細滑 🥳油飯份量好多🍍原個菠蘿海鮮炒飯 $98賣相好靚 👍好足料 炒飯粒粒分明 配料充足🍢泰式沙爹串燒(豬牛)「6串」 $85可以揀豬／牛／雞 【其中2款】沙嗲醬香濃 趁熱食最正 啲汁撈飯一流🥬馬拉盞炒通菜 $72夠鑊氣 好惹味👍🥗青木瓜沙律 $78酸酸甜甜好開胃🥰會再嚟幫襯 侍應上菜好快手 又有禮貌地點方便 環境ok😊

春天嚟咗一排，又翳又濕嘅感覺令人好贅重，想去濕除咗飲湯水，上去726食吓泰國嘢不失為一個好提議大胃怕怕地食沙律，不過金柚另計，啖啖唔酸又好甜，仲有好大隻嫩滑嘅蝦，淋上椰汁係好特別嘅做法，令到佢更加惹味，加埋腰果，口感滲雜但過癮通菜炒得好香，唔多食蔬菜嘅大胃，竟然爭住將呢碟菜夾清光，辣椒同醬料非常吊味，絕對醫得好蔬菜恐懼症冬陰公亦係好合大胃口味，從未試過飲冬陰公飲到會勺多碗湯，追住飲，味道香濃，材料豐富，最緊要唔會酸到飲唔到先啦菠蘿炒飯個樣盤滿砵滿咁，實情啲料又真係幾多，有大大塊蝦、魷魚、青口，雞肉等，而且炒飯索晒菠蘿味，睇嚟係幾新鮮呢間晚市嚟講都算抵，唔怪越食越多人walk-in

疫情關係好耐冇見過我啲朋友！難得約出黎食飯，梗係要搵間坐得舒服、食物質素好、份量大、又大眾化價錢d既餐廳啦。🤓今次揀左🇹🇭泰式餐廳 - 「泰屋」🗾泰屋地點方便，泰屋位於旺角726呢楝大廈，成楝大廈好多餐廳。1845黎到餐廳，可能因為時間仲早，所以都冇咩人，餐廳地方都算幾闊落。- (推薦指數 最高 : 😋😋😋😋😋)開胃前菜泰式生蝦刺身 (推薦指數 : 😋😋😋😋)🦐生蝦新鮮爽口，調味調得唔錯，酸辣多蒜🌶辣得幾惹味，岩哂我依啲唔太食得辣嘅人👍🏼醃酸辣鳳爪 (推薦指數 : 😋😋😋)無骨辣鳳爪爽口，配泰式酸辣醬，開胃首選主菜青咖哩牛 (推薦指數 : 😋😋)怕辣嘅我，揀左青咖哩。青咖喱椰汁味都幾重，要唔太辣嘅，依個青咖喱辣度就岩岩好🌶，但啲咖喱偏稀身。牛肉就淋淋地，我不太推介。咖哩入面都有唔同配料，西蘭花🥦、紅蘿蔔🥕、洋蔥🧅 etc. 。咖喱配埋蒜蓉包絕配😍香蔥蒜蓉包(4件) (推薦指數 : 😋😋😋😋）蒜蓉包外脆內軟，再用黎蘸咖哩一流！食泰國野點可以唔叫咖喱配埋蒜蓉包😜冬蔭功鮮蝦湯(細) (推薦指數 : 😋😋😋😋）冬蔭功湯辣度同酸度都岩岩好，酸酸辣辣好開胃，再配埋啲泰式香料，味道十分好。湯既配料

平時耐唔耐就會想食泰國嘢，今次就黎到呢間係旺角嘅 @sawadeethai_mk 全橦大廈都好多嘢食，所以食飯時間會較為多人排隊搭𨋢，上到去餐廳幾寬敞，坐得都幾舒服椰汁鮮雞湯 📍$88好有驚喜 🙃椰汁🥥味好濃，但又唔會蓋過啲雞湯味，個湯底仲帶有啲冬陰功湯嘅味 （不過唔辣）勁開胃，飲咗好多 🙈椒鹽鮮魷 📍$82外面炸得好鬆脆，入面嘅魷魚好新鮮，爽口得黎又彈牙馬拉盞炒通菜📍$72差唔多每一次食泰國菜都會叫 😬 通菜好新鮮好翠綠，個醬汁都炒得好惹味，好夠鑊氣原個菠蘿海鮮炒飯 📍$98成個菠蘿好大個呀 🍍入面仲有魷魚，青口，同蝦，啲飯又炒得夠乾身

今晚嚟到旺角呢邊食dinner😆喺呢間大廈入邊有好多唔同嘅餐廳,揀咗泰屋☺️間餐廳未夠6:30已經好多人🙈後尾仲越來越多人，雖然位處2樓，但係都吸引到好多食客👍🏻餐廳好有泰國style🤣會播泰文歌～原個菠蘿海鮮炒飯($98)好大個菠蘿😍入面嘅海鮮有魷魚，蝦等等～海鮮好新鮮👍🏻海蝦仲食到佢嘅肉汁😋魷魚就幾有咬口🥰炒飯有鑊氣👏🏻飯中間仲有啲果乾☺️味道幾正💕馬拉盞炒通菜($72)泰國菜最出名就係炒通菜，梗係要試吓呢間餐廳嘅炒通菜🤣我哋叫咗小辣，真係唔會太辣😂不過都食得出佢嘅泰國風味👍🏻香噴噴嘅通菜😋好新鮮，翠綠色🥰調味好好～唔會太鹹但係又夠味☺️黃金軟殼蟹($178)一上碟係一大碟金黃色嘅軟殼蟹😍一入口就感受到香脆☺️外脆內軟👍🏻入面有蟹肉，幾新鮮香滑😋同埋好易入口😆而且唔使剝殼，省卻麻煩🤣如果炸粉少啲會更好～不過overall都好正😊泰屋特飲($38)以椰汁同淡奶作主調，配有泰國風情嘅三色配料～唔會太甜又幾香濃👍🏻佢嘅賣相睇落有啲似三色冰～但係飲落又別具風味😋

🍍原個菠蘿海鮮炒飯 $98配料有蝦🦐 魷魚🦑 雞肉🐤 菠蘿🍍 肉鬆 青豆同紅蘿蔔菠蘿幾甜 其他都正正常 飯粒炒得唔夠乾唔入味炭燒扇貝 $82炸蒜好硬 最好整走晒啲蒜淨係食扇貝 扇貝都好普通入座嗰陣見到冇乜人以爲好快有嘢食點知等咗成10個字先上第一碟啲人遲過我哋到都已經有嘢食菠蘿炒飯嚟嘅時候店員拎住兩個🍍🍍我估要等另一枱嗌先整然後一個鐘後扇員都未嚟店員話海鮮要耐啲整熟啲安全啲🤷🏻‍♀燒扇員燒一個鐘我諗已經會變做炭再用變咗做炭嘅扇貝燒扇貝都仲得真炭燒扇貝最後要一個鐘加3個字先上枱仲要店員話因爲個焗爐壞咗我諗佢哋已經慣咗應該準備咗好多唔同藉口啲枱都好逼 同隔離好Close 都幾嘈啲櫈仲要係凹嘅呢間真係好伏🤬🤬🤬🤬🤬🤬最後送咗兩個椰汁西米糕同85折但都唔會再有下次

今晚同朋友去食泰國菜, 一行5人柯打了以下菜式 :1. 蒜蓉炒泰國椰菜苗 ($85)2. 泰國金柚鮮蝦沙律 ($98)3. 泰式沙嗲 ($85) - 雞肉, 豬肉各三串4. 泰式珍寶拼盤 (蝦餅, 魚餅, 素春卷, 雞中翼) 大 ($218) 小 ($138)5. 冬蔭公鮮蝦炒飯 ($85)6. 原個菠蘿海鮮炒飯 ($98)7. 泰屋甜品拼盤 ($138) - 有芒果糯米飯, 迷你椰青肉綠豆糯米糍, 椰汁西米糕 × 4, 千層糕 × 2, 芋頭糕 × 2, 蛋菜糕 × 2食物水準正常, 服務好, 侍應會時不時主動幫我哋加水.P.S. 訂位時講明用膳時間為90mins, 不過之後冇人喺出面等位, 我哋可以繼續坐~

又到每月一聚嘅姐妹飯局 今次㨂左泰國菜地點當然要就大家啦。726係不二之選好彩有book位咋 7點半上到去已經九成爆滿叫左酸辣鳯爪醒醒胃先 夠酸夠辣 醒晒姐妹㨂左串燒半打 叫左雞同豬 每樣三串估唔到咁大串喎 啲肉燒得岩岩好入口唔會太乾 重有返d juicy添 不過略嫌沙嗲醬唔夠多重有菠蘿海鮮炒飯 勁大個 有提子 肉鬆 花生當然唔少得有大蝦同青口啦 香味四溢 味道唔錯喎 最尾叫左個飛天通菜 差唔多枱枱都有叫用上幼身通菜 入口好爽甜 夠晒味！

平時講開食泰國嘢就一定會聯想到九龍城，但今次朋友介紹泰國好野係旺角，位置很方便，地鐵附近，10分鐘就到。呢度好旺呀，七點零中到，坐滿九成座位。泰式生蝦餐廳職員將泰式生蝦佈置得十分精美，有別一般一碟甘上，朋友都忍不住相機食先，虎蝦肉質厚實，口感爽口，配搭餐廳提供的泰式辣醬，連同生蒜頭片和辣椒，咀嚼後，辣味慢慢滲出，十分美味。噴火指數爆燈呀！原個菠蘿海鮮炒飯從食物的相片可以看見，餐廳所提供的海鮮十分足料，海鮮都先經過處理及烹調，很入味，炒飯粒粒分明，很有咀嚼口感。雜菜濕河我們還點了雜菜濕河，蔬菜新鮮爽口，而不同菇類增加口感，濃濃的汁是濕河的精華，而河粉與外面不同，相對闊身，很滑潤，但又不會像糊狀。泰式甜品有4款甜品套餐，會比單叫更加化算。各款口感均軟棉棉，我最鐘意椰汁班蘭，煙韌如軟糖的口感，甜度適中。青檸梳打每次食泰國嘢，我必定叫青檸梳打，泰國食物偏向濃郁，而青檸梳打帶點酸可以避除油膩感，平衡返味道。而朋友點了椰汁紅豆，有香濃椰香，配合紅豆，十分美味。

朋友很喜歡泰國，尤其是泰國的美食，每年起碼去泰國一兩趟，聽說今年他和老婆還去了曼谷參加當地的cooking class，學煮泰國菜。今晚 “泰國癮” 發作，他竟然撇掉老婆約我去吃泰國菜。來到彌敦道這座商廈，找到了這間主打泰菜的餐廳。餐廳的裝修簡約，以木色和綠色為主，沒有發現一般泰國餐廳會供奉的佛像和燒香，感覺簡單得來夠舒服。抬頭一望，被充滿東南亞特色的吊燈吸引住。 再望去牆邊，原來裝了籬笆，籬笆內還置有泰國國花 – 蘭花。雖然，那些蘭花是假的，仍能營造泰國風出來。侍應遞上餐牌，並介紹泰式雞煲，說辣辣地，98元，好抵食。可是，我這兩天喉嚨痛，無奈要放棄了。我選了杯青檸梳打，32元，貪佢可以幫助舒緩喉嚨痛。飲落又真係幾爽，喉嚨當堂舒服晒。朋友沒有顧忌，選了招牌的泰屋特飲，38元。主要是杯冰椰奶，內裡是東南亞特式飲品必有的紅紅綠綠的粉團粒粒、西米，再加清爽的馬蹄粒，然後就是滿瀉的芒果粒。朋友大讚，大大杯，好味，抵飲!小食是蝦餅魚餅雙拼，一份78元，蝦餅魚餅各四件。蝦餅餡料夠扎實，外皮炸得夠香脆。魚餅內混入了香茅，增加香味。蘸上泰式甜酸醬來吃，不知不覺就吃完。如不是怕喉嚨痛發作，真的想再來一客

位處商廈2樓，食堂麵算多位，夜啲嚟無咗多人。Menu都算幾多菜式選擇，多數帶辣。整體辣度都算中等。泰國菜嗎！睇睇食咗啲咩先！原個菠蘿海鮮炒飯 $92無計，情意結，一嚟鍾意食炒飯，二嚟細個去親泰國菜館一定食，都算係兒時回憶。菠蘿加大量海鮮基本上無得輸。帶蝦有青口仲有臘味呢吓真係又配合季節又夠鮮味。冬蔭公鮮蝦湯 $108兩隻大蝦，湯量唔算少，都算係辣。菇量都算多，配飯就一流！黃咖哩羊腩 $85有連皮位係得鍾意嘅地方，亦好多腩肉，椰奶香好夠味。加埋個冬蔭公真係要兩碗飯先夠過癮！馬拉盞炒泰國椰菜苗 $82椰菜苗爽脆，馬拉盞香味入到晒菜芯！

我們很久沒有吃泰國菜，見到openrice有這𥚃的食評，今晚六點就到，所以只有一檯客人，地方以綠色為主，都幾舒服。我們點菠蘿沙冰($38)，醃肉碎生菜包($82)，串燒雞、豬半打($82)，馬拉盞通菜($72)，原個菠蘿海鮮炒飯($92)菠蘿沙冰，菠蘿味好濃，好味😋😋😋菠蘿炒飯內有青口、臘腸、中蝦、雞肉、提子干、豬肉鬆、蛋絲，份量好大喎。生菜包味道偏濃，用生菜包就剛剛好，後來食得多就覺得都幾辣，我喜歡😍馬拉盞通菜，通菜份量都幾多，馬拉盞味道鮮，夠鑊氣。串燒雞、豬半打，可能燒得唔夠時間，所以唔算好香燒烤味，醃料偏淡，好彩個沙爹醬好味。我覺得都幾低食，碟頭比九龍城的泰菜大，我們吃到最後，連甜品都無食，因為太飽了。