陳儀興尚潮樓 (太子道西)

营业中

休息中

朋友食過再介紹，今次 一行13個人晚飯，除了一星期前電話訂位之外，部分手工菜還要電話預約一早訂好。手工菜有炸普寧豆(必食），汕頭煎蠔烙(推介），古法糯米酥雞，清金鯉蝦 (人頭計, 一人一隻）店舖環境較為擠迫，較古色古香，睇得出有歷史味道 。茶介每人$15一位，其中炸普寧豆腐實在太多人喜愛，最後叫咗 4碟 。部份餸菜例牌，人多就可能叫多一份或半份。由於今次order不小餸菜，確實價錢比較貴，但每一道菜味道好出色，難怪閒日都滿座 。

高級的中餐廳，好有文雅的氣氛， 一入店內就有好香的味道。食物都好精緻好看，質素好高。鵝三寶 $198  包括有鵝肉、鵝腸及鵝肝。味道一流的潮式食物，份量都好大碟，大個人食真係可以慢慢嘆。鵝肉好入味，而且有厚厚的脂肪~真係好正~鵝肝的質地及口感好特別，鵝腸又夠爽，好味~金不換燉海螺 $78  呢個真係好特別的湯，估唔到金示換仍湯係咁香，海螺好稔食得到，湯非常清甜~好滋陰呢厚菇芥菜煲 $118    芥菜好滑又唔苦，個汁煮得好味，芥菜平時唔多機會食，估唔到原來係咁美味。厚菇質地也滑，成個小菜都好清，可以平衡一下鵝三寶，好味。五香頭粿 $48     潮州特色小食，有一個煙革刃的皮包著再煎香，配上辣椒醬，特別又好食。老藥桔熱飲 $20   酸酸的開胃熱飲，特別的飲品。