野川拉麵の深燒食堂

营业中

休息中

在元朗區工作的同時,不時在這的美食綠洲尋找一些有口碑的食肆來嚐嚐;早前與客戶閒談中聽其大力推薦過野川拉麵這食肆,所以這次在放假日子約上了住在東九龍的好友,以期沒浪費好友的這趟行程!訂了位在七點半開始,好友搭地鐵過來,而我就坐巴士,在附近見面後就一齊入內;無論從外還是到內,其裝修風格融合了港式餐廳八十年代+日式餐廳九十年代風格,以木紋格調加上摩登式的燈光處理,使人感覺親切,復古況味中又有一種熟悉感!當然高樓底加上枱凳的寬鬆擺設格局,配合適當的抽風冷氣,更令人坐得舒服!而一入門口,居高臨下的Ironman也是亮點之一;掃碼量體溫後,由店員帶位後坐低,隨即打開餐牌來看看;餐牌圖價並茂,提供林林總總的食物,而大部份的食物價錢相對很便宜!再看酒單就不得了,深受港人愛戴的人氣清酒--獺祭四割五分300毫升裝,只是收費150港元,如此合理的價錢,加上好友自遠方來,不點此酒簡直有點天理不容,馬上叫來店員即時落單;即開生蠔價錢亦十分合理,既然點了清酒,那麼每人都來一隻來過過口癮;事實上其質素也對得起價錢,蠔肉帶中度的海水味及少許青瓜味,肉質很爽滑,咀嚼中釋放的鮮甜味,再來一小杯清酒,那滋潤感由口中直下胃

上Open Rice揾元朗有乜好食，見呢間都幾高分，又算易揾，又有 社交平台 like專頁同留言就有半價Menu, 一於入黎試下。入到去格局似韓式餐廳，感覺又似班房，因為一邊係大屏幕，播住流行榜MV,好有氣氛，好似去酒吧咁令人放鬆心情。2個人叫左奇異果Hoegaarden, 2X芝士年糕，2X三文魚子壽司，2X玉子壽司，2X三文魚壽司，6盛刺身拼盤，炸蠔，2X即開生蠔，清酒蒜蓉牛油煮蜆，燒大眼雞魚，蒜蓉牛油芝士粟米温泉蛋，榴槤綠茶雪糕。奇異果Hoegaarden, 睇落似糖水加原味啤酒，因為面頭出現散唔去既條狀滑嘟嘟既糖醬泡沫。。。太甜，都係 Raspberry正常d, 呢個真係唔太推介，呢杯野d泡真係唔關餐廳事，係產品本身既問題。芝士年糕幾好味，年糕夠甜，好煙韌，芝士夠軟滑流心唔會太咸，非常好, 所叫再叫。炸蠔d粉好厚，但炸得幾好，d蠔係非常細隻，冇乜特別，所以唔洗特別試。三文魚子壽司唔錯清酒蒜蓉牛油煮蜆，menu冇寫清酒，但我都幾肯定有落清酒，食落苦苦地，酒落得太多，個汁十分重牛油香味，可惜比酒味蓋過哂，蜆都算okay, 但不特別推介。燒大眼雞魚好細條，冇乜肉，所以燒完乾乾地，唔特

深夜食堂。元朗的又新街附近，交通方便之餘。環境在晚間時段很多人。入座之後已經聞到隔離的香味。見到餐牌還有一種特別之拉麵以及辣醬。照燒雞扒拉麵，有濃厚的芝士湯底惹人口水直流。芝士的濃郁香味陪伴特別的辣醬，另有一番特色。餐牌以及飲酒方面其實都比較多種類。選擇的是西班牙桃味汽水，有特別的類似調酒的裝備奉上。普通的汽水帶上它不同的味道，襯托當時的餐廳氛圍。如果是酒就可能令人胃口大開呢。燒牛舌是串燒另一款，一坐低就好想試一試。味道偏濃味道，重口味必選。泰式生蝦泰式生蝦可以當做是前菜冷盤，特別的辣醬伴蝶算是開胃小菜。另外特別的是指定的即開生蠔。大概15元一個都好抵用。叫左半打。伴蝶檸檬加上。新鮮而過癮的口感迎口而上。買單人均220左右。足夠晚餐宵夜一餐。

近排入來元朗食野次數多左好多，無他嘅，比我發現原來呢邊真係好多好野食，而且大部分價錢比起市區真係平左一大截，可能呢邊租金及各方面成本都著數啲，所以就算特登入來食都有化算😬好似呢間「野川拉麵@深燒食堂」，價錢好大眾化，唔使就住就住，啱哂我呢啲精打細算嘅客人🤗門面內外裝修簡潔又有格調，色彩繽紛有活力感，牆壁掛滿很多特別的擺設，富時代感，好多年青人都來幫襯，一啲都唔拘束，座椅好似D大油缸咁，好有特色😍首先Order啲小食，燒牛舌$29、芝麻雞翼$35，除咗價錢大眾化之外，仲燒得非常之惹味，特別係芝麻雞翼啖啖肉，外脆內軟，燒牛舌甘香入味又唔肥膩👍🏻即開生蠔每隻$15元，唔好以為價錢平就將貨就價，真心食過，絕對係新鮮兼真材實料，有酒店水準，必食推介😍刺身水準亦好高，三文魚八切都係$78，鮮帶子刺身十二切$68，呢個價錢真係超值，特別要強調三文魚全部係厚切，入口冰凍鮮甜，帶子更加係吃得到的新鮮，正到吖😍仲有呢個清酒煮活蜆$62，更加係不可不試，睇住大大隻肥美的活蜆，慢慢煮熟打開，蜆肉肥美金黃，脹卜卜，真係色香味滿分💯真心推介呢三樣必食推介，Order晒都係$200左右，試問喺市區邊度可以食得到吖🤗

食日本嘢除咗去油尖旺，想物價低啲，元朗都可以諗諗佢見到有流心芝士，第一個就嗌佢，一咬啲芝士就嗶晒出嚟芝士湯底嘅拉麵真係未食過，仲有塊半溶芝士喺面，好興奮呀仲有辣味湯底揀𠻹驟眼睇，好似四塊白布冚住罹難嘅雞翼，大胃就做住開膛手，咬開入面一試究竟，竟然有啖啖芝士同菇黑啤帶澀，朋友唔啱飲，但幾啱大胃飲嗌杯紅桑子生啤，既大叔又少女三文魚每切勁厚啖啖肉12切都幾多下正呀，又有大胃至愛嘅生蠔連熟都照殺，芝士超厚呀各位佳麗已經於冰上靜候大胃寵幸食串燒點可以冇金菇肥牛呢？兩個大胃級人馬都飽到攤攤腰，可想而知幾抵食吖