珍珠皇宮印度餐廳

营业中

休息中

✨印度脆米球 $75呢道係小星星印象中非常經典既印度街頭小食。除左脆米球外型好獨特吸引，仲有好新奇既口感，餡有薯仔粒、乳酪同埋辣椒粉等，集齊鹹、酸同辣味，以為會好怪但整體會以乳酪帶出既酸爽口感為重，非常有清新感👍🏻星星推薦度：⭐️⭐️⭐️⭐️⭐️/5✨印式燴羊肉 $118嚟到印度餐廳一定必點咖喱！香料味好香濃，咖哩都好濃郁。份量都幾足有好多塊羊肉，但係羊肉就有少少乾😿星星推薦度：⭐️⭐️⭐️💫/5✨芝士烤餅 $45食咖哩配烤餅係小星星心中既完美配搭😍所以今次第一次試新嘢食芝士烤餅，但係點解加左芝士好似食緊pizza同Naan烤餅唔算好夾🤔星星推薦度：⭐️⭐️⭐️/5✨原味烤餅$25配搭咖哩食係唔錯既，只係單獨評價而言，烤餅好乾星星推薦度：⭐️⭐️⭐️/5✨芒果優格奶昔 $42每次食印度菜必點，真係同印度菜好夾！芒果清新開胃又解渴🤩星星推薦度：⭐️⭐️⭐️⭐️/5

去到重慶大廈門口老細強烈建議我哋試，仲話error都有拍過節目😍連AL都成日去。蒜蓉蝦 老細Jacky強烈建議我哋試，蝦肉好彈牙，個汁好濃蒜蓉同黃芥辣味，好夾😋印度脆米球 依個都係老細推薦話好多人食，外層係用米餅整，入面有啲薯蓉之類嘅嘢，中間用多種香料打成嘅綠色汁，酸酸地辣辣地🌶南印度卷餅 有薯仔蓉喺入面好飽肚，有三款醬汁點，比較特別嘅係中間嗰款乳酪醬，酸酸甜甜。🐟黃椒粉烤魚塊 香濃嘅香料味，鐵板上但唔鞋，好滑好好食鍋煮咖喱雞肉 朋友話好辣，但係佢唔係平時辣椒嗰隻啦，我估佢係有薑，㷫烚烚個隻辣，食咖喱一定要點薄餅，今次嗌咗麥餅炒雜菜印度嘢應該全部都是酸，所以呢個炒雜菜都是酸酸地，不過味道係夾，但貴左dd

【重慶大廈．印度咖喱】呢2個組合一直都好想試下，再加上見到呢間上年仲拎到OCC頒發既年度咖喱獎項🏅（最重要既係門口見到好多Error既相同應援，更加有親切感😆😆😆）一於就揀左呢間食下正宗咖喱🥘印度脆米球 $68印度菜必食街頭小食🇮🇳超推介❗️金黃空心脆球內放左薯仔類、少許豆同調味料，重點係開口倒入薄荷酸辣汁，一啖放晒成個入口，米球既薄脆，餡料軟腍香濃既薯仔，酸酸辣辣既醬汁爆晒出黎，多重口感食落好得意😳因為醬汁帶少少薄荷成分，清新既感覺好開胃，做餐前小食一流！Lime soda 🍹🥭Mango Lassi $38飲品甜度適中，芒果奶昔係本人食印度/咖喱類必叫既飲品😆微酸，少少甜，冇假味，食完濃味食物飲返啖即刻冇咁漏👍🏻🐥牛油烤雞 $108唔食得辣既朋友仔可以試呢款，既有咖喱香味，但又冇乜辛辣感，而且雞肉好嫩滑，唔鞋，唔好以為佢細細兜，雞肉量都幾多架！🐑瑪莎拉咖喱羊 $108呢款醬汁比較香濃同惹味，羊肉都煮得好腍，冇膻味，如果有碗飯既話應該會秒速清晒🤣🤣🥛乳酪 $38其實呢碟乳酪係餐牌既沙律類，不過同行友人話一定要叫，初初都唔明，不過食到中段就完全明晒🙈因為呢餐我地叫烤餅黎沾咖喱，keep住

尖沙咀 - 珍珠皇宮印度餐廳 心心念念想食印度野，喺香港最正宗嘅一定係重慶大廈內餐廳。啲人成日覺得重慶大廈入邊好危險、品流複雜，但其實吾係。今次搵呢一間於2012年度得獎咖哩，店員仲講得一口流利嘅廣東話，仲好Nice☺️印度脆米球（🌟94.62/100）💲68印度街頭嘅小食，外層好似一個打開咗脆卜卜嘅乒乓波，內裡有薯仔蓉豆類，加上特製醬汁，作為前菜，酸酸辣辣好開胃🤭蒜蓉蝦（🌟85.65/100）💲138店員極力推介話呢個一定要試，用咗極多蒜蓉同牛油去製成，炒出嚟極香，蝦已經去咗殼，食嘅時候好方便，蝦肉爽口彈牙，每咬一啖都食到濃烈嘅蒜蓉牛油味道🤤牛油烤雞（🌟90.32/100）💲108吾食得辣嘅朋友仔就啱晒啦🤣🤣完全唔辣，牛油同咖喱已經融為一體，咖哩係甜口幼滑嘅口感，雞肉係雞髀位置，好嫩滑，而且份量都好多，完全係可以再encore芝士烤餅（🌟87.83/100）💲40一個大圓餅切為四小塊，烤餅煎得焦香，趁熱食總會有拉絲嘅效果，咸香咸香，點牛油烤雞咖哩汁一流🤤🤤南印度捲餅（🌟83.42/100）💲75米漿加豆蓉製成脆卷餅，内有薯仔，洋蔥等餡料，手臂咁嘅長度😯旁邊有三隻醬汁，但係個人建議都係

食唔食一間餐廳，有啲人就睇餐廳門口貼咗啲咩而決定，有啲人就睇有冇偶像文宣難得有間印度餐廳黐咗Error Poster喺門口，連印度人都撐香港男團，太神奇喇事關Error都嚟食過，肥仔好鍾意食。有咩咁犀利？只食一粒脆米球，已經知佢咩料倒啲酸酸地又甜甜地又辣辣地嘅液體，入去炸到脆卜卜有啲餡料嘅米球，又脆又fresh咁爆汁，同Error一樣咁衝擊同樣係炸米球，不過乳酪版嘅感覺就截然不同，豐富嘅乳酪覆蓋住炸米球，趁新鮮食又正，浸到腍腍地食又好正印度薄餅千變萬化，唔只得roti㗎，仲有叫Dosa嘅大捲餅，原來係南印度食品，係用米漿加豆蓉製成特別在內有薯仔同洋蔥等嘅餡料，外有三種醬任你點，其實都幾飽肚充實印度烤肉樣樣都好味，唔想揀就嚟個拼盤，有印度燒雞、免治羊肉卷、烤魚塊同乳酪腰果汁燒雞四種肉，件件都香濃惹味，鑊氣十足呢間嘅咖喱攞過「2021年度咖喱」美譽，其中印度招牌就有瑪莎拉咖喱，濃濃香料調味同乳香，配飯配naan一定樣樣清，裡面有印度芝士，反而清清地似豆腐，咁嘅配搭好夾嚟食印度嘢，naan一定走唔甩，蒜蓉味令佢生色不少，同瑪莎拉係最佳拍檔嘢飲除咗拉茶，食大餐一定係飲Lassi，就咁飲會好甜，

今日終於去咗期望而久重慶大廈食嘢，重慶大廈比我嘅感覺一直都好神秘，經過門口就一大班人拉住你，叫你入去食嘢。今次同埋一班friend入去，所以都安心啲，認真同佢哋傾偈之後，其實佢哋都幾好人嫁！🌈Paani Poori 印度脆米球 $68呢個成日都係睇印度街頭小食片會介紹嘅，個個人都話超級難食，佢啲水係又酸又臭嘅～但其實實物完全唔係嗰回事！成碟嘅總共8粒，每粒都塞滿左薯蓉，肉碎，仲有少少洋蔥？其實撈埋真係唔知自己食緊咩，淨係食到薯蓉味😆你要將綠色嘅汁，倒入個球度，在一啖拍曬粒野食。綠色嘅汁係酸酸辣辣，好似tabasco咁！所以其實整體都幾好食🌈Butter Chicken $108佢唔似出面嗰啲日本/其他國家嘅咖喱，食落係好獨特嘅印度咖喱味，Feel到有好多香料！好複雜嘅味道，但都係好食嘅‼️裏面嘅雞肉都唔少，係佢烤過先再放入去嘅，所以好好食好香🌈蒜蓉烤餅 $28 / 印度芝士餡餅 $40蒜蓉烤餅見到面頭掃咗一層蒜蓉牛油，食落勁香口，點埋咖喱就perfect好好食！同行朋友都好想瘋狂encore芝士餡餅就冇咩特別，可能咖喱味太重，根本唔太食得出芝士嘅味道！所以建議叫返普通嘅烤餅就可以啦值得一