走過十萬八千里找到你

餐廳：走過十萬八千里找到你地點：旺角彌敦道菜式：樓上cafe餐牌：精選晚餐有意粉，意大利飯同主菜揀，價錢由$138至$268不等。任何食品加$55可跟餐，即係包是日餐湯，餐包同$60以下飲品。是日餐湯配餐包 是日餐湯配餐包今日係粟米湯配蒜蓉包。湯用左隻肥杯裝住，好有家嘅感覺。個湯味道係濃濃粟米味，質地杰身，甜度適中，面頭加上少少香草。飲完個身暖暖。伴有超脆口香口蒜蓉包每人一大片，味道鹹香可口。北海道帆立貝海膽醬扁意粉 $178 另加一北海道帆立貝海膽醬扁意粉用一隻大碟上枱，面頭有兩隻北海道帆立貝，整得好嫩口，啖啖肉。伴有貝柱粒、菇片、洋蔥粒。扁意粉色水呈橙色，好搶眼，味道都唔錯，帶微微海膽味，質感滑溜。面頭加上菜苗，碟邊灑滿香草。絕對係意日融合菜式。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚熱辣辣，味道唔錯，口感都彈牙。意大利飯有咬口，撈埋好多貝柱粒，雜菌，口感唔錯，個汁甜甜地。面頭灑上木魚花、紫菜絲，邊邊有少少菜苗，碟邊灑上香草。又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶上面加上士多啤梨醬，再加上大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。柚香菠蘿檸檬梳打 跟餐柚香菠蘿檸檬梳打有好多柚子皮係底。味道酸酸甜甜地，主要係柚子味，唔會過甜，夠解渴。今餐意大利飯同意粉質素都唔錯，飲品都好飲。餐廳環境周圍放滿乾花植物，仲有壁畫，好適合打卡。年廿八都有好多食客。…查看更多

餐廳：走過十萬八千里找到你地點：旺角彌敦道菜式：樓上cafe餐牌：精選午餐有意粉，意大利飯同主菜揀，價錢由$138至$268不等。任何食品加$30可跟餐，即係包是日餐湯，餐包同$60以下飲品。是日餐湯配餐包 先黎是日餐湯配餐包，今日係甘筍湯配蒜蓉包。甘筍湯用左隻肥杯裝住，好有家嘅感覺。個湯味道係濃濃天然甘筍味，打得好滑，甜度適中，面頭加上少少忌廉同香草。伴有外脆內軟香口蒜蓉包每人兩片，味道鹹香可口。北海道帆立貝海膽醬扁意粉 $178 另加一北海道帆立貝海膽醬扁意粉用一隻大碟上枱，面頭有兩隻北海道帆立貝，整得好嫩口，啖啖肉。伴有貝柱粒、菇片、洋蔥粒。扁意粉色水呈橙色，好搶眼，味道都唔錯，帶微微海膽味，質感滑溜。面頭加上菜苗，碟邊灑滿香草。絕對係意日融合菜式。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚熱辣辣，味道唔錯，口感都彈牙。意大利飯有咬口，撈埋菇片同洋蔥粒，口感唔錯。面頭灑上木魚花、紫菜絲同蔥花。又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶有士多啤梨醬墊底，中間再加上士多啤梨醬，同大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。手工黑芝麻 跟餐手工黑芝麻係限定。色水呈黑白色，鮮奶加上黑芝麻醬，記得要撈好先好飲。味道唔甜。意大利飯同意粉質素都唔錯。餐廳環境周圍放滿乾花植物，適合打卡。…查看更多

又到媽媽歎lunch 跟住接放學日子🤗 今次來到油麻地，信和對面的樓上餐廳#走過十萬八千里找到你 。 lunch 價錢由$138起，+$55可跟餐湯、蒜蓉包、一杯$60以下飲品。🍝 北海道帆立貝海膽醬扁意粉煎香的帆立貝味道不錯。扁意粉有濃濃的海膽味，質地係Al dente , 很有水準😋！ 🍚 日式原條鰻魚意大利飯鰻魚配意大利飯很Fusion 的感覺，但食落又很夾的👍🏻。🥤 凍咖啡莫卡朱古力和咖啡味剛好均勻！🍓自家製草莓醬梳打很特別的草莓醬味道剛好，一杯入面有很多草莓，清新解渴🤗…查看更多

📍 走過十萬八千里找到你一間以乾花為主題既打卡cafe，餐廳裝潢設計好靚，天花板掛滿五顏六色既乾花💐，亦有唔少既滿天星，令人置身於花海裏面，非常賞心悅目🥰另外，牆身仲畫有摩天輪𤩹畫🎡打卡位好多，啱曬少女心既大家💕🥘餐湯+多士餐湯係忌廉湯，味道正正常常，用個好cute cute既杯裝住；多士有搽蒜蓉再微微烘過，好脆口！🍝北海道帆立貝海膽醬扁意粉 $178木魚絲同紫菜絲鋪左係意粉上面，熱力令佢鬱鬱下幾有動感✌️最引人注目既應該就係帆立貝，總共有兩大粒，煎完之後放喺意粉兩側～食落冇乜雪味👏但海膽醬反而唔係好食到🫣唔夠濃郁，醬汁比較稠身，做唔到creamy掛汁既效果🐟原條鰻魚意大利飯 $178鰻魚原條上，超級大條！🤩鰻魚食落有咬口，唔會太腍，最重要係冇魚骨😌鰻魚汁味道甜甜地，幾好餸飯～飯亦有唔少既配料，有大量木魚絲、紫菜絲、翠玉瓜粒粒，不過意大利飯既質地比較硬身，但鰻魚既味道可以搭救😍♦️紅寶石巧克力草莓鮮奶 呢杯值得一試！Cream 同玫瑰花瓣作裝飾，杯邊仲有粒粒既士多啤梨果粒🍓味道酸酸甜甜，好開胃！無論係味道定係賣相都相當唔錯👍🏻🍹自家製草莓醬梳打超多既草莓果蓉沈澱喺杯底，呈現粉紅色💖味道方面正正常常，梳打味重～仲有塊薄荷葉喺面，用黎打卡係幾靚既📍 走過十萬八千里找到你旺角彌敦道575號Ladder Dundas 10樓 …查看更多

呢度環境好靚好舒服，靚靚嘅月亮景，非常適合閨蜜來傾偈和打卡。🥰跟住要讚👍🏻盛載食物的器皿很保溫，就算我同朋友一邊傾偈一邊慢慢食物仍可保持到溫度😊北海道帆立貝海膽醬扁意粉 帆立貝煎得香香的放係意粉上面，配以豐富嘅海膽醬與al dente質地的扁意粉剛好拌勻，味道好、口感十足！三文魚子龍蝦🦞汁意大利飯 擺盤啱哂我呢啲相機食先嘅人📸三文魚子、大蝦、青口、長腳蟹柳配係龍蝦汁意大利飯，成個飯都充滿住香濃海鮮味😋主食加配有餐湯+多士+$60以下飲品一杯餐湯🥣+蒜香多士餐湯係紅蘿蔔薯仔湯，如果蘿蔔味重啲就好了。蒜香多士就好夠蒜蓉味，正👍🏻🍹柚香菠蘿🍍檸檬🍋梳打 清新的特飲，大大杯，啱晒一邊傾計一邊飲🍹自家製草莓🍓醬梳打 很特別的飲品，草莓醬真係有粒粒草莓🍓，味道甜甜的，加入梳打，味道剛好😊…查看更多

朋友生日，呢度可以自備生日cake，店員幫手喺碟上邊寫字，覺得唔錯，所以訂位，結果confirm咗幾次，到最後個蛋糕攞上台，竟然係乜都冇寫。。。有啲無奈。。。北海道帆立貝海膽醬意粉OpenRice最多好評，所以叫嚟試一試，結果勁一般。。。分量仲好少，用個碗裝個意粉俾你黑松露軟殼蟹意粉正常水準，冇乜特別，都係份量比較少，但係好食過海膽意粉炸物拼盤超級一般，冇一樣嘢特別好食跟餐蕃茄湯及蒜蓉包份量好足，對比番個意粉，佢仲似主食湯係又多又好飲嘅，蒜蓉包鬆軟好食，叫咗咁多嘢食呢個竟然最好食焙茶latte玫瑰latte …查看更多

呢間Cafe用咗好多乾花同壁畫作佈置，文青打卡一流！💪🏻 日式原條鰻魚意大利飯 ($178)燒鰻魚原條上，大大條，非常吸睛。而且鰻魚燒得好淋，肉質好綿，非常肥美🤤 意大利飯嘅醬汁都混合咗忌廉同蒲汁嘅味道，幾夾幾新鮮！意大利飯嘅質感都不錯，有口感，唔會煮到爛晒一patpat！飯入邊都有其他配料，例如：蜆肉、魷魚。💪🏻 北海道帆立貝海膽醬扁意粉 ($178)呢個意粉嘅醬汁主要用海膽加忌廉製成，成碟都係橙黃色嘅海膽醬🥰 意粉好掛汁，軟硬適中！北海道帆立貝好大粒，而且燒得好香！意粉都有其他配料，例如：蜆肉、魷魚。💪🏻 餐湯+餐包當中嘅餐湯係椰菜花忌廉湯，廚師將椰菜花打到爛晒，再煮到熔晒，所以飲落好creamy😋！餐包係蒜蓉多士，都焗得好香脆！💪🏻 特濃朱古力、柚香菠蘿檸檬梳打特濃朱古力嘅朱古力同奶味都突出，凍忌廉好食😋 柚香菠蘿檸蜜梳打好清新，唔會太甜！味道：8/10性價比：6.5/10 食住瘦指數：💪🏻💪🏻/5 …查看更多

今日去到鬧市中樓上打卡cafe 走過十萬八千里找到你小編俾個咁浪漫既餐廳名吸引左，餐廳成個天花板都用色彩繽紛既乾花做裝飾，就好似入左鬧市既後花園咁!晚市套餐 （主食+$55，包$60以下飲品）🥣是日餐湯+餐包 - 今日係南瓜忌廉湯，個湯好creamy，好濃既南瓜甜味；餐包係蒜蓉多士，烘得脆👍🏻。🦪 北海道帆立貝海膽醬扁意粉（$178）- 有兩大隻北海道帆立貝， 帆立貝燒得幾香，入口亦鮮嫩，配上三文魚籽，木魚碎，🦐蝦仔，蜆肉碎，用海膽醬撈埋一齊食，幾creamy, 🍝扁意粉亦彈牙，份量足，如果加埋新鮮海膽一定更正😁。🦀 酥炸軟殼蟹黑松露扁意粉（$148）- 個扁意粉底由🍄黑松露炒雜菇忌廉煮成，好香口，🦀軟殼蟹炸得好酥脆架，夠惹味，同個意粉底好配搭，如果隻軟殼蟹大隻啲就好啦。（鍾意黑松露嘅小編就鍾意呢個意粉多啲😋）🍹 紅寶石巧克力草莓鮮奶 (+$8)- 餐廳用自家製嘅🍓士多啤梨醬調製而成， 士多啤梨醬少少酸，配上🍫朱古力同埋cream嘅甜味, 中和返成杯唔會好甜，而且飲落口仲有啲士多啤梨肉，幾特別！🍵 鮮奶焙茶- 好濃既焙茶味，鮮奶亦夠滑，食完濃味主菜飲返杯茶，可以解膩。💡餐廳座位不多，記得先訂座呀…查看更多

特登book位同朋友試試依間出名靚裝嘅餐廳🌸 果然冇令我地失望 出lift行到餐廳如同入到花花世界💐 裝修咁有心思忍吾住未食就加左幾分先 行入泥心情都好啲🌝🍝北海道帆立貝海膽醬扁意粉 $178鮮橙色嘅扁意粉好吸睛 上面加上兩大隻帆立貝 再加上木魚碎 好有心機🧡每一條意粉都沾滿海膽醬 好香 味道好濃郁 亦食得出調味上有啲忌廉香味🍚原條鰻魚意大利飯 $178上枱見到原條鰻魚 睇落似餸仲多過飯🐟意大利飯粒粒分明軟硬適中 入面有蘑菇 鰻魚上面淋上一層照燒汁 令成個飯好惹味無論揀意粉飯定主菜都可以加$45跟餐 包餐湯同餐包同一杯$55嘅飲品 我地當然叫埋啦咁抵🤪🥣餐湯係雜菜紅湯 感覺健康而餐包上枱時仲係微暖 我中意用餐包點湯飲吸曬啲精華🍞🍹飲品方面我地叫左白桃梳打柚香波蘿檸檬梳打兩杯甜度都岩岩好 柚香波蘿fresh啲比較適合炎炎夏日🌞💦💭餐牌上嘅食物配搭吾常見好特別 加上花花主題嘅裝修 睇得出佢嘅心思 係一間值得試試嘅小店💁🏻‍♀️…查看更多

嘩,依間打卡餐廳真係想黎好耐啦,睇相已經覺得超靚,所以同朋友黎旺角,就即刻 book 左依間餐廳啦,一入到去真係一遍花海,真係好吸睛呀。服預員仲好細心同靚,因為天氣太熱啦,佢會主動俾杯水客人,真係好有去 café 既 feel日式原條鰻魚意大利飯($178)嘩,真係成條既鰻魚,而且燒得好好呀,好有質感。北海道帆立貝海膽醬扁意粉($178)帆立貝係好大隻既,而成日扁意粉都好夠味柚香菠蘿檸檬梳打($58)好香既柚子味~不錯~Mocha  ($60)傾計緊係想飲番杯coffee, 依杯質素唔錯,飲落去知道係高質既~好滿意依間餐廳~…查看更多

走過十萬八千里找到你 📍旺角彌敦道575號Ladder Dundas10樓━━━━━━━━━━━━━━━━━━━━━━━━━━━━又打卡一間好Igable嘅樓上cafe~ 平日午餐時間都幾旺場 建議提早book位!餐廳飯類 麵類 主菜類都有好多選項 而嗌嘢都可以價錢升級套餐 會包餐湯 餐包同$60嘢飲~━━━━━━━━━━━━━━━━━━━━━━━━━━━━🥯 餐湯·餐包▶︎ 餐湯係南瓜湯 而餐包係圓面包▶︎ 餐湯有南瓜甜香 質地偏稀 飲落好暖胃🫶🏻▶︎ 餐包有烘熱 正常發揮~好味指數:●●●◐◯━━━━━━━━━━━━━━━━━━━━━━━━━━━━🍛 原條鰻魚意大利飯 $178 +10%▶︎ 真係有一條鰻魚 下面係意大利飯 入面仲有蘑菇同翠玉瓜 整體分量冇想象中咁大~ ▶︎ 鰻魚膠質感重 照燒汁都幾惹味🤩▶︎ 意大利飯唔會煮得太過淋身 另外調味上係鹹香為主 所以食落唔會好漏🫶🏻好味指數:●●●●◯━━━━━━━━━━━━━━━━━━━━━━━━━━━━🍝 北海道帆立貝海膽醬扁意粉 $178 +10% ▶︎ 用碗裝嘅意粉幾新奇🤣 有兩大隻帆立貝 另外有魷魚碎粒同木魚花▶︎ 帆立貝大隻新鮮 熟度適中😌▶︎ 調味有忌廉香同鮮味 扁意粉口感適中 都幾有嚼口😙好味指數:●●●◐◯━━━━━━━━━━━━━━━━━━━━━━━━━━━━🍹 紅寶石巧克力草莓牛奶 (跟餐+$8)▶︎ 巧克力 草莓 牛奶 嘅搭配 面頭有忌廉▶︎ 整體飲落竟然係清爽feel 主體係草莓同牛奶味 甜度適中!好味指數:●●●●◯━━━━━━━━━━━━━━━━━━━━━━━━━━━━☕️ 手工黑芝麻 (跟餐)▶︎ 黑芝麻Latte 有好靚嘅拉花🫶🏻▶︎ 飲落幾順滑 有些微黑芝麻顆粒感 奶味同黑芝麻味幾balance👍🏻好味指數:●●●●◯…查看更多

呢一間咖啡室個名好浪漫，叫走過十萬八千里找到你，令我係旺角油麻地衆多咖啡室之中找到來。午餐時間黎到，餐牌有精選午餐，有意粉，意大利飯同主菜揀，價錢由$138至$268不等。任何食品加$55可跟餐，即係包是日餐湯，餐包同$60以下飲品。第一次黎，當然每人叫一個精選午餐試試先。是日餐湯配餐包 先黎是日餐湯配餐包，分別係黑松露野菌湯配小圓餐包。黑松露野菌湯用左隻肥杯裝住，好有家嘅感覺。個湯味道清淡，帶淡淡菇菌味。伴有係熱既小圓餐包，好鬆軟可口，味道少少鹹，配個清淡湯一齊食就剛剛好。日式原條鰻魚意大利飯 $178 另加一日式原條鰻魚意大利飯賣相不錯，大大條原條鰻魚放係隻藍色漸變色碟中間，鰻魚熱辣辣，食落帶豐富鰻魚汁，味道唔錯，口感都彈牙。意大利飯有咬口，撈埋菇片，菇仔，洋蔥粒同翠玉瓜粒，口感唔錯，味道係濃濃鰻魚汁。面頭灑上木魚花同紫菜絲。碟邊有芝士粉，絕對係意日融合菜式。北海道帆立貝海膽醬扁意粉 $178 另加一北海道帆立貝海膽醬扁意粉用一隻中型碗上枱，面頭有兩隻北海道帆立貝，整得好嫩口，啖啖肉。伴有蝦米粒同魷魚仔。扁意粉色水呈橙色，好搶眼，味道都唔錯，帶微微海膽味，質感可以。面頭加上大量木魚花同紫菜絲，又一意日融合菜式。兩杯飲品用木板上枱，伴有乾花小花束一支。紅寶石巧克力草莓鮮奶 跟餐加$8紅寶石巧克力草莓鮮奶係限定。白色鮮奶上面加上士多啤梨醬，再加上大量忌廉，最後灑上花瓣。忌廉份量滿瀉。飲落係香滑士多啤梨味鮮奶中帶甜甜地既忌廉，好飲，仲吸到士多啤梨肉。自家製草莓醬梳打 跟餐加$8自家製草莓醬梳打有好多士多啤梨果肉係底，加上大量冰同一片薄荷葉，見到汽慢慢上升。味道甜甜地，幾好飲，唔會過甜。餐廳環境周圍放滿乾花植物，感覺唔錯呢。…查看更多

朋友特登揀左一間用乾花做主題嘅餐廳，一入門口已經見到天花板佈滿左乾花，非常有特色，餐廳名亦都好有意思。餐包麥包上枱仲係熱辣辣，健康得來鬆軟。餐湯是日餐湯係蕃茄湯，稠身，茄味非常濃郁。忌廉龍蝦汁甲羅燒貓耳朵甲羅燒入面都係綿密嘅蟹膏，入口鮮甜，上面加埋芝士焗，十分邪惡，香濃龍蝦汁覆蓋住每一粒貓耳朵粉，高質之選。北海道帆立貝海膽醬扁意粉大大粒嘅和風帆立貝咬落去爽口，扁意粉吸收晒海膽醬味道，配搭好夾。紅寶石巧克力草莓鮮奶 （限量供應）賣相滿分💯，入面加咗鮮士多啤梨醬，飲落去有士多啤梨醬嘅酸味加埋朱古力嘅甜味，唔會太甜。手工黑芝麻（限量供應）黑芝麻Latte上面拉花好靚，口感香醇濃厚，健康有營養之選。…查看更多

"走過十萬八千里找到你" 唔只餐廳名浪漫，一入到餐廳已經見到滿滿嘅花海，聽聞係搵咗花藝師室內設計，以各式各樣嘅乾花佈置為主，同唯美手繪壁畫，少女心爆發晒出黎，其實食物都唔錯，岩晒一班朋友係到吹水打卡，或情侶黎撐枱腳!我地點咗主食+$45升級做dinner set (有埋餐湯, 餐包同揀$55以下飲品)➡️"北海道帆立貝海膽醬扁意粉"，用石盤裝住意粉，面層配有紫菜絲同木魚絲，賣相都唔錯，有兩大粒煎香咗嘅北海道帆立貝，同配有細粒嘅魷魚, 硯同蝦仁, 扁意粉好彈牙同掛汁，每啖都沾滿濃郁嘅海膽醬，都幾creamy, 但海膽鮮味未夠出~另外仲點咗➡️"日本三文魚籽海鮮龍蝦汁意大利飯"，Risotto口感煙韌，每粒飯都索晒龍蝦汁，仲有蟹肉、青口、虎蝦、蟹柳做配料，配埋三文魚籽完全唔腥，仲有份鹹香，令到鮮味更出!飲品方面, 身為抹茶控梗係揀咗➡️"鮮奶抹茶"，個拉花好靚，抹茶味都好香濃，唔係苦澀，口感仲幾滑!另一杯➡️"手工黑芝麻latte"，飲落似淡味版芝麻糊，黑芝麻咪都幾香，甜度適中👍🏻🔸北海道帆立貝海膽醬扁意粉 ($178)🔹日本三文魚籽海鮮龍蝦汁意大利飯 ($178)🔸鮮奶抹茶 ($56)🔹手工黑芝麻latte ($56)…查看更多

今日同朋友去旺角食晚餐餐廳，環境相當打卡。聽講餐廳搵咗專業花藝師設計室內空間，因此天花板同窗邊都掛滿乾花，成間餐廳都充滿咗打卡位。我同喜歡打卡的朋友都忍唔住喺咁影相。我地叫咗主食+$55就可以升級為set(包餐湯、餐包&$60以下飲品)。是日餐湯為南瓜湯，如果驚餐包太乾身都可以向侍應附加牛油。<北海道帆立貝海膽醬扁意粉> $178意粉用咗好特別既碟裝住，睇落幾有日式風情。海膽醬味道濃厚，鮮味十足，而且唔會好腥!!!扁意粉相當掛汁，沾滿橙黃色醬汁。兩粒北海道帆立貝大大粒啖啖肉，我更推介這個。<日式原條鰻魚意大利飯> $178日式x意大利菜的fusion配搭~意大利飯相對比坊間偏硬身，同雜菇嘅配搭味道清淡健康。鰻魚一整條好抵食，日式燒汁x海苔絲x柴魚片食落好似章魚燒haha<玫瑰抹茶> $56熱飲有漂亮嘅心形拉花~上面仲有玫瑰乾花，整體奶味濃厚。<桂圓紅棗茶> $56紅棗茶只提供熱飲，飲落較甜，滋補養生。…查看更多