漁匠屋

-🦄 漁匠屋 @gyoshoya 先來是前菜的酒盜芝士跟麵豉湯！-🔥 三國海膽丼 ʜᴋᴅ275🪽 ʀᴀᴛɪɴɢ🌕🌕🌕🌕🌑・心中思念的三國海膽丼 不吃到就真的不罷休之前有好幾次都吃不了 至今終於有機會碰上丼飯伴上三國家的海膽 分別是美澳跟日本的三個國家的海膽都不同 味道跟質感上差異大澳洲的海膽其實很不錯 鮮甜為主卻沒海膽澀海膽味濃且是滑溜無比 海膽醇跟甜味相夾雜美國的反而是厚身一點 沒澳洲的那麼輕嫩滑而且苦味出眾苦韻長久 海膽澀更作為其尾韻最出色那當然是日本膽 質感為三國中最輕盈滑溜感也是不能比較的 先甜後鮮是它的韻律不過硬是要評分去較量 其實美國的是最驚喜層次分明且鮮甜味顯著 相反日本海膽須細嚼丼飯飯粒軟綿富有彈性 且是經過師傅先調味所以比起普通的寿司米 更為香醇跟甜蜜雅致簡單的米飯伴上海膽群 這就是我當晚的幸福・⛅️ 北海三味丼 ʜᴋᴅ220🪽 ʀᴀᴛɪɴɢ🌕🌕🌕🌕🌑・三味丼也是觸目的一員 集齊北海最鮮的三味我最愛的北海道帆立貝 經火炙後焦香味十足鮮甜卻沒有被完全遮蓋 反而增添一份鹹香感帆立貝肉質變得更緊致 就是刺身沒的紮實感松葉蟹肉比想像中驚喜 有著蟹膏鹹香作調味貴為白飯神偷的蟹膏團 在此可真變成靈魂了三文魚籽顆顆晶凝通透 金橙色澤像閃閃發亮入口時那魚油瞬間爆發 油脂溶化時可真犯規北海三味看著雖感平淡 但其實是各有各精彩每款都有著自身的特色 湊合在一起就是味美・🦪 酸汁廣島蠔 ʜᴋᴅ48🪽 ʀᴀᴛɪɴɢ🌕🌕🌕🌕🌑・蠔味濃郁卻富層次變化 蠔鮮是愈發濃厚猛烈那種新鮮感我覺得滿意 感覺蠔都在胃部游泳而師傅調配的酸汁醬料 更有助突顯蠔の鮨味酸汁味濃卻不會搶風頭 畢竟蠔肉才是其主角以漁匠屋的小食來說嘛 這廣島蠔真的很不錯・✿－✿－✿－✿－✿－✿－✿－✿－✿－✿－✿・ᴘ.s.① 還有時令刺身丼也很吸引呢 🤤ᴘ.s.❷ 不是屯門人也務必來拜訪啊 😁・✿－✿－✿－✿－✿－✿－✿－✿－✿－✿－✿・📍 漁匠屋 @gyoshoya 👉🏻 屯門井財街21號協邦大廈地舖-…查看更多

嚟到屯門梗係要幫襯下小店啦，因為本身住港島所以好難會入到嚟，呢間鋪一直都想試吓所以咁啱入到嚟就一定要幫襯！舖頭方面佢係屬於小店類，麻雀雖小，五臟俱全。佢分別有bar枱同餐枱，因為唔想吊腳所以就揀咗坐餐枱。一埋位侍應會主動遞上熱茶俾你，服務態度幾好。我就揀咗壱の重丼，分別有豐洲鮮魚2種（4切），吞拿魚腩(2切），海膽，葱吞拿魚腩蓉，牡丹蝦仲有三文魚籽，佢哋嘅飯係加咗醋落去，一嚟到個畫面好誇張，豐富！佢地既Wasabi都好新鮮係新鮮磨出嚟，無嗰種攻鼻嘅感覺，反而食到山葵嘅味道！豐洲鮮魚幾肥味口感不錯，無腥既味道！好食！吞拿魚腩無筋，但係我覺得未去到魚腩嘅部份，但係都好食！ 海膽有鮮味但係太少唔夠喉，牡丹蝦都好新鮮有甜味，三文魚子都一樣好食爽口！另外就叫咗個北海三味丼，帶子好鮮甜好大粒，蟹膏蟹肉就有少少失色，比較喊，三文魚籽一樣好食！ 但係呢個性價比就低咗少少，未係好對得住個價錢！方面我就叫咗個螢光魷魚沖漬！真係好好食！唔會死鹹！出邊有好多都淨係得個鹹字！呢個味道就啱啱好，螢光魷魚好肥！有爆漿嘅感覺！推介！牛舌方面就真係今晚嘅敗筆，因為燒物最影響就係食材本身有冇過火，今次呢個牛舌就燒得比較差，過左火，有啲硬同柴！希望可以改善一下！整體都會再嚟幫襯，食材好新鮮，態度都幾好。唔錯…查看更多

大家都知屯門紅橋有好多嘢食！鍾意食日本嘢嘅小編今次就去咗屯門紅橋食一間喺區內頗有名氣嘅小店，據聞Dinner質素比Lunch好，所以夜晚先出發會一會漁匠🥳🔸 壱の重丼 $225（鮮魚兩種、吞拿魚腩、海膽、魚蓉、三文魚籽、牡丹蝦）厚切魚生新鮮，完全無腥味雪味；海膽亦都冇苦澀味；魚蓉就一般般啦，有啲啲筋；而牡丹蝦都算鮮甜彈牙👍🏽🔸 北海三味丼 $210（火炙珍寶帆立貝、三文魚籽、松葉蟹肉）塗上醬汁火炙過的帆立貝夠厚夠鮮甜；三文魚籽唔會太過鹹，配醋米飯味道啱啱好；蟹肉就不過不失，冇咩特別隨丼飯附送嘅前菜有煙燻芝士同麵豉湯，味常不過不失。另外想講…份量偏少啊，大食嘅小編食完丼飯要再去食宵夜啊🙈…查看更多

呢間都叫屯門名物，友人推介我食佢既lunch，話7x$好抵，但最後都係黎左食dinner，偏貴但幾有質素既～壱之重丼（225$）呢款吞拿魚腩、海膽、牡丹蝦呢d熱門既都有，另加兩款時令鮮魚，多款式岩晒我🤤北海三味丼（210$）四大粒飽滿既火炙帶子配上松葉蟹肉，鍾意食帶子既人一定會喜歡～總括尼講呢間係可以出左糧尼食一餐既晚餐，一個人/幾個人食都得，真係會令人有幸福既感覺，當係俾自己生活既一點獎勵🤣🤣…查看更多

好難得地遠訪屯門，一年都去唔到一次，去之前緊係要搵定屯門有咩好食。難得一次去屯門，唔想求其食快餐，又唔想食到中伏野。見到不少好評價嘅漁匠屋，就有興趣嚟試吓。店內位置不多，下午時間來到剛好不用排隊，不過店內都滿座。餐牌丼飯款式都算多，配上湯和前菜。前菜包含海蜇同裙邊，湯好勁芝麻味。北海三味丼$210帆立貝好大粒，稍為火炙過更香，都有成4粒。三文魚子都幾大粒，唔會好咸，都算鮮。另外蟹肉都唔錯，幾香。飯方面，都夠壽司醋味，飯唔算好凍。壹之重丼$225海膽好鮮甜。蝦都算鮮甜，頭有少許腥但都可接受。呑拿魚都好香好肉味。呑拿魚蓉唔錯是日鮮魚，即係右下角白色個兩片，唔知道係咩魚，冇乜特別，半熟。油甘魚都好香，爽口。d魚生都算厚。串燒牛舌好食，燒得好香脆，亦唔會un。總結價錢雖略高，但份量算大，刺身厚，味道鮮甜。…查看更多

//< 漁匠屋 >小編甚少去屯門！本身想食西餐但係因為無訂檯就轉戰日本野🤣呢間餐廳應該都好多熟客仔幫襯！小編都排左差唔多一個鐘先到入去食🤧—————————————————- 前菜 -前菜包含芝士同麵豉湯😛店員叫我地先食芝士後飲湯🥣芝士帶有些少煙燻味，小編同友人都覺得好好食😋湯裡面都有d料，正正常常啦～—————————————————- 三國海膽丼 $255 -一上檯已經超級吸睛😍😍😍超級多海膽！而且好容易就見到有三款海膽～ 由於時間關係小編無問到海膽既產地！不過每一款都非常鮮甜無腥味😝飯係用左赤醋添架！—————————————————- 北海三味丼 $210 -呢個同樣驚艷🥰滿滿既蟹肉同三文魚籽仲有超珍寶既帆立貝🤩 每樣都鮮味十足！帆立貝燒完有焦香，裡面依然生生地好美味～ 好正🥳—————————————————評分：8/10地址：屯門井財街21號協邦大廈地舖營業時間：星期二至日12:00-14:00；18:00-22:00#漁匠屋 #屯門美食 #屯門必食 #紅橋美食 #屯門日本菜 #日本菜 #香港美食 #美食博客 #香港美食地圖 #香港美食推介 #hkfoody #hkfoodie #hkfoodblogger #hkfoodlover #hkfoodshare #hkfoodblog #hkfoodgram #hkfoodpic #hkfoodstagram #hkfood #🐷🐤日本菜 #🐷🐤屯門…查看更多

係IG story見都有人出呢間餐廳嘅story，睇落幾吸引，而我咁啱第二日去屯門附近，就約埋兩個朋友去試一試佢。聽人話呢間餐廳都少有名氣，有人排隊。我就約朋友6點開餐，直接入去坐唔使等今餐我哋點咗兩個小食3碗丼飯，先講小食：味道正常(唔好以為呢句廢，因為我曾經去過一間試業中嘅日式餐廳啲螢光魷魚真係唔正常，成場叫咗螢光魷魚都係食咗一兩條)，不過價錢就有啲貴，實價唔記得幾錢，冇記錯嘅話都起碼over $50先得5條，平均一條仲貴過大部份中環有水準嘅居酒屋。呢道雞皮餃子係驚喜之作！雞皮夠脆，內餡亦不俗，咬一口會有啲雞皮嘅油份出嚟。但食時要小心，因為真係好熱🥵魚籽正常，帶子燒過有焦香，蟹肉鮮甜呢碗丼我哋叫咗兩份，我同朋友未食海膽前都覺得唔錯，但一食海膽就出事，完全係below standard，有泥阻腥味，十分慶幸自己冇叫到三國海膽丼😂《小總結》我問返IG朋友佢當日食嘅海膽o唔okay，原來都係唔得😂 可能因為事隔一日都係同一批貨，海膽質素偏低。問我會唔會再試呢度嘅海膽，我會答唔會。不過呢度其他嘢食都係唔錯嘅，但價錢就貴咗少少🤏🏻…查看更多

6:XX去已經要等位，等咗大概20分鐘。侍應姐姐態度好有善，安排我哋三姐妹坐Bar枱，馬上送上海澡Dashi湯及一小塊煙燻芝士，仲溫馨提示食咗芝士先飲湯。眼見越來越多人響外邊排隊，我哋馬上點菜。其實全個餐牌只有9款丼加6-7款小食。 但係正所謂貴精不貴多，做得好就已經夠！😋三個丼飯10分鐘已上枱，眼見師傅用布包住隻手裝醋飯落我哋個碗，已經有莫名其妙嘅好感！淨係我碗三國海膽飯上枱簡直係未食先滿足！🤩三個海膽飯係由韓國，日本加澳洲海膽。韓國海膽有種食緊Cream嘅感覺，海水味道淡；澳洲海膽海水味比較濃但鮮味唔及日本海膽；日本海膽都係我嘅首選！弍の重丼中嘅魚生非常新鮮，蔥吞拿魚腩蓉亦非常新鮮好食！至於北海三味丼依然係我嘅首選！ 火炙珍寶帆立貝鮮味濃郁，松葉蟹肉已預先醃製，挑起蟹肉中嘅鮮！非常精彩！用膳過程中，師傅跟我們聊天，又送了我們一點小食，亦是美味非常！最後還是點了濃醬油炸雞😝，炸粉中放了濃醬油雞件亦有醃製過先再落鑊炸！正！…查看更多

壱之重丼：有築地鮮魚，吞拿魚，蝦，海膽同三文魚籽！本身最愛食三文魚生既我食呢個丼都食到好滋味😍兩塊既吞拿魚腩係入口即溶，朋友仲以為係和牛🤣🤦🏻‍♀️牡丹蝦都係無得輸，老闆娘教左我地點樣剝蝦殼，可以連蝦頭都啜埋！超級鮮甜😭參之重丼：有築地鮮魚，蝦，帆立貝，三文魚同蔥吞拿魚腩蓉！呢個丼係回頭率極高，有齊最基本既魚生但又食過番尋味🤤北海三味丼：有火炙珍寶帆立貝，三文魚籽，松葉蟹肉🦀帆立貝係半生熟保留左本身既鮮味👍🏼三文魚籽大粒有鮮味，蟹肉相對上就無咁出色，但勝左已經拆晒肉比你食🙈漁匠屋係一間有誠意有質素既小店😭係少有一間我會自動幫佢同朋友宣傳既餐廳👍🏼👍🏼…查看更多

話說有朋友話屯門有一間刺身丼好好味，我身為屯門人竟然唔知道🤷🏻‍♀️🤷🏻‍♀️🤷🏻‍♀️一定要去試下啦👻👻👻同朋友叫咗兩個飯一個小食，小食濃厚醬油炸雞外脆內軟非常香口🤩🤩🤩老の重丼材料新鮮、份量十足👍🏻👍🏻👍🏻我就食北海三味丼🤭🤭🤭估佢唔到咁好味，除咗材料新鮮外，飯質軟綿綿略帶少少溫度配合刺身一齊食。。不🉐了，我個人認為每個月必食✌🏻次😋😋😋…查看更多

個人對魚生飯並非十分熱衷，不過偶然都會想食。喺屯門冇乜邊間入得口嘅丼飯選擇。位於紅橋嘅漁匠屋早喺年幾前引起過排隊潮，一直未食過，期後雖然經過幾次，冇訂位都食唔到。喺附近剪完頭毛後，決定搏一搏午市前來。餐廳面積唔大，約廿個位，一邊吧枱，一邊細枱。估唔到大部分人都有先行預約，一路食亦有熟客入座，所以即使係午市，穩陣起見都係先訂位吧全店裝潢簡約，一般居酒屋格局，以木色為主，只有師傅同一位店員，不過招呼都好到位。餐牌供應8款海鮮丼，附湯、冷砵，定價$158-268。按時令亦會推出期間限定款，例如含秋刀魚嘅海寶丼。另有小食例如一夜干、燒魚鮫等。入座時剛好米飯用完仲煮緊，店員示意可以坐住等，一場來到唔想空肚而回啊，當然係耐心等候吸物、冷砵店員細心建議先用芝士再飲湯，芝士味香濃，聽講係店家自家煙燻製。貳の重丼 $178包括：築地鮮魚、赤身、赤海老、海膽、蔥吞拿魚腩，一人份量，唔係走堆高高、澎湃嘅路線。真鯛、赤身兩切，前者魚味純正鮮甜，後者雖然唔係肥美，但軟腍無筋，配合魚蓉口感豐富。海膽味道較淡，入口滑溜。赤蝦都幾大隻，而且味道甜鮮，魚生整體質素中上北海三味丼 $198比較吸引眼球應該係呢碗三味丼，包括：火炙珍寶帆立貝、三文魚籽、松葉蟹肉。四粒帆立貝大大粒，輕輕火炙，塗上醬汁，厚度十足，俾多幾粒我都唔膩啊。三文魚籽晶瑩鹹鮮，份量不少；蟹肉無功無過。赤醋米飯使用，唔需要添加醬油。米飯粒粒分明，唔會太酸，微微甘甜，輕鬆食哂一碗，確實係有滿足感連同服務費人均二百多，唔係走性價比高嘅類型，勝在魚生有一定水準，始終喺區內冇乜選擇。…查看更多

去完北海道之後對北海道嘅魚生丼飯念念不忘～原來係屯門紅橋都有一間隱世魚生丼飯～久仰大名～星期日決定和男友一試係咪真係啲人講到咁amazing先虹橋出名多美食～仲要係性價比高～好多年無去過虹橋～呢個小區同以前分別不大～唯一唔同應該係多咗好多美食小店～拎住個googlemap去搵漁匠屋～於其睇googlemap不如直接望門面會更加易搵到根本就係好日本嘅門面～不過都係好細間～得幾張枱同埋bar枱～最多坐到十多人～所以一定要早一點來如果唔係就要等位啦～一入到去間店，因為時間尚早所以唔多人～menu都係好簡單～主要賣丼飯嘛！咁我梗係要個丼飯啦！選擇雖然唔多但係款款都好吸引～我最後揀咗北海三重丼～男友揀咗一之重丼～首先上咗一個昆布湯～好特別～係有塊芝士嘅～好搞笑！未試過食丼飯會有芝士～店員好窩心咁提醒我哋先食咗塊芝士然後先飲湯～咁樣個湯會更加鮮味～咁得意嘅food pairing?就試一下啦～又真係令到個昆布湯更加鮮味喎！好驚喜！之後我個丼飯出現啦～上面有三種海鮮～分別係三文魚子～燒北海道帶子同埋松葉蟹肉～我一見到個丼飯真係嘩一聲咁叫出嚟！粒帶子好肥美呀～燒完都仲咁大粒！店員仲講笑話我女仔會唔會食唔晒～我好肯定咁話：唔會！！！！個帶子一見到已經好想即刻食佢落肚～仲要好足料～佢係燒到半生熟～帶子真係好滑～同埋唔駛落任何調味料已經好鮮味～三文魚子漬份量多非常多～唔太鹹，拎嚟撈飯一流～仲有好少會點到嘅松葉蟹腳～呢3樣食材又新鮮又好食～唔好睇佢好似好細咁，其實份量非常之足夠！我每一啖都食得好滿足～呢個丼飯真係可以同函館魚市場嘅魚生丼飯媲美！男友點嘅一之重丼～食材有海膽～平政魚～三文魚子～蒽吞拿魚腩，toro吞拿魚腩同埋牡丹蝦～一來到淨係個賣相已經好吸引～最特別係有平政魚～呢種魚平時好少食到！佢連埋魚皮去切魚生，食落個口感都幾特別～另外吞拿魚腩色澤鮮美仲要有紋路～超級好食～咬落仲有啲油脂～平時係香港真係好少食到呢個質素嘅吞拿魚腩～另外隻牡丹蝦啲肉係爽嘅！連唔係好鍾意食蝦嘅男友都話好好食～另外～呢間嘅丼飯醬油係比較偏甜一點～令到啲魚生更加鮮味～今餐好滿足呀～成功係香港搵到比得上北海道嘅魚生飯！呢間小店果然名不虛傳！…查看更多