老北京 (渣甸中心)

好耐冇見嘅大學同學約咗食晚餐！其中一個好鍾意食北京烤鴨，另一個好想打邊爐所以就揀咗老北京滿足晒佢哋兩個嘅願望🤭 落晒單店員已經話會安排小菜上先～之後先會再打邊爐🐓宮保雞丁少少辣～非常惹味~好開胃雞丁又嫩又唔油～仲有脆口的花生~收工太肚餓嘅我地好快就清晒😛🦆北京烤鴨（半隻）朋友夢寐以求嘅，畢竟烤鴨🫢半隻嚟講～份量都幾多！烤鴨外皮鬆化酥脆～肉質嫩滑好香～重點餅皮夠晒薄，包埋青瓜絲、蔥絲、填鴨醬咁一啖擺入口口感好豐富🥰🥟高湯小籠包淡淡都有滿滿嘅高湯😋跟住就到打邊爐環節啦🎉🔥老北京銅鍋涮羊肉首先老闆親自同我哋介紹京式混醬～好特別～第一次食同港式嘅豉油底好唔同 混醬以香濃麻醬做基礎（本身自帶咸度）京式嘅食法會加上芫荽同葱 再根據自己口味加上韭菜花、腐乳醬、辣椒油 我哋混吓醬試味都玩得好開心😆🐐寧夏灘羊腿肉 & 雪花肥牛🐄食北京菜再加上天氣又轉凍梗係要嗌羊肉片同我地最鍾意食既肥牛 上到嚟一卷一卷咁～切得好薄好靚仔肥瘦適中🥰好適合攞嚟涮涮～連埋午餐肉、蔬菜拼盤（津白菠菜皇帝）同凍豆腐涮點埋個京式混醬簡直一絕👍唔食得辣嘅我地都落左少少辣椒油！好惹味！🍌拔絲香蕉睇完黑白大廚之後終於可以到拔絲啦！呢個真係好吸引呀！一上枱我哋都忍唔住嘩嘩聲🤩🤩🤩廚師巧妙咁用幼身糖絲係香蕉上打圈上菜嘅時候簡直就係一個藝術品啊😍觀賞值滿分💯外邊脆卜卜嘅糖絲包裹熱辣辣又軟熟嘅香蕉既唔會太甜，又唔會黐牙 真係好出色…ดูเพิ่มเติม

朋友網上隨機搵到銅鑼灣尼間‘老北京’食肆，約埋我這個老北京人，一起來幫襯。地方不大，有啲似私房菜，客人多，飯點要等位噠！1）北京烤鸭 HKD258/半隻 （半價優惠） （9/10）- 鴨肉嫩，鴨皮味道香，又唔會硬👍）- 配的甜面酱比较正宗👌- 薄餅既薄又韌，容易包料，薄薄的皮餅唔會讓人早早飽肚👍2）東華門羊肉串 HKD158/6串 （9/10）烤羊肉依然多汁鮮嫩！因為朋友唔食辣，所以羊肉串冇撒辣椒粉，否則更加惹味👍3）焦溜丸子 HKD178.- （7.5/10） 👇🏿👇🏿图上半部是網上正宗焦溜丸子圖下半部是‘老北京’的焦溜丸子，太多配菜，丸子不夠，配菜來補😅，雖然配菜的味道也不錯，但喧賓奪主了，我要的是丸子😅4）老山東燻手撕雞 HKD158.- （6/10）北京有燻雞，也有（山東）德州扒雞，但北京沒有山東燻手撕雞😅，这里應該是香港‘老北京’廚師自創的如果在北京食燻雞或德州扒雞，不會淋汁同埋加配菜，只係撕開或切塊食雞肉，因為雞肉已經夠曬味！唔需要淋汁👇🏿圖中，上半部是香港老山東燻手撕雞下左是北京燻雞/下右是山東德州扒雞來對比，感覺唔一樣了吧😀5）芫爆里脊絲 HKD148.- （8.5/10）鍾意食芫茜的一定要試，仲要係趁熱食，因為豬里脊絲要過油，和芫茜一起爆炒，熱辣辣，鹹鮮味！正👍6）老醋折頭 HKD138.- （6.5/10）醋和糖落的不夠，海蜇頭仲未被‘殺’出鮮味😅，138啲價格也偏高，唔抵。7）老北京芝麻醬糖餅 HKD90.- （10/10）🥇🎖️滿分💯，意外驚喜😍😍 酥軟香甜（小甜）唔油腻，都係要趁熱食！👍👍買單👇🏿，應該會再幫襯，因為menu裡仲有好多想試，下次先😅…ดูเพิ่มเติม

中菜我真係比較少食，覺得太似家常便飯!😜呢一晚朋友約我食飯，點名想食中菜🔗所以朋友帶左我試這家位於銅鑼灣的老北京📍-這家地點方便，環境比較傳統中式的設計🤎🧡食物方面，以中菜同北京菜為主的!朋友點名想食北京填鴨🥢所以我地點左半隻!鴨的份量都幾多，而且肥瘦適中，啖啖肉💯配圭薄薄的皮同醬一齊食，的確好食!我自己特別鍾意多醬😋而且唔會太膩呢🔎只係2個人有D太大份😛我覺得要食經典菜式!-另外，我地點了蔥油海蜇做小食❤️滿滿既蒜同蔥油味💚係岩我個人口味!凍食夠晒開胃!😋-想試傳統款我地點了老北京炸醬麵🍜麵既份量都好多，麵質偏厚身🥢有D似將唔同材料一齊既麵, 不過就無肉，鍾意食肉既朋友要留意‼️-怕唔飽我地仲點左韮菜豬肉水餃🥟呢個真係家常選擇，不過饀料都多，唔錯!🥬-滿足的晚上，中菜都幾有新鮮感💯這家有茶位的，大家要留意呀❗️我覺得岩同家人或是人多的時間去可以試到更多款式♥️…ดูเพิ่มเติม

承諾無論多久，都必須對現。終於等到今日，可以一試北京烤鴨(半隻)，2個人黎講，岩岩好，附上10塊麼麼，麼麼比較我之前吃既較滑身，平面，整齊，不粗糙，一上菜，一鼓蒸氣撲出，感覺就是新鮮！為了唔浪費這個感覺，一口氣將烤鴨先吃光，烤鴨不油，多吃幾件也非常可以！其實好吃到下次想叫一隻😂😋另外叫了水煮魚，因為太好麻辣，太好花椒既味道，水煮魚真的沒有選擇錯！內容豐富，厚實既味道，吃到離開也有回味感。水煮魚內有薯粉，少量菇，芽菜，菜，吸收所有味道，十分開胃。水煮來說，不算勁辣，基本上可以一吃到尾。下次再來，要試拔絲！今次太飽了。地點方便易搵，餐廳內有包房，眼見有2枱客，每枱1間，相信人多飯聚要book枱，這裡會是一個好選擇。…ดูเพิ่มเติม

喺香港食得多日本韓國台灣食物, 偶爾都會想換換口味食個北京菜喺美食如雲既銅鑼街渣甸街渣甸中心5樓搵到呢間老北京, 門面已經充滿中國風座位都幾闊落, 好適合一家大細黎食酸辣湯(小) - $98一坐低緊係叫番碗馳名酸辣湯, 木耳, 腐竹, 雞蛋絲, 肉絲既配搭同分量都係經過準確計算, 而且辣度可自選, 酸酸辣辣感覺最令人開胃水煮魚 - $188飲完酸辣湯後, 仍然都係辣野, 水煮魚, 魚既分量好充足, 滿到浮晒面架😝個底仲有d 粉絲, 盡吸魚香及湯底精華, 夾一小撮已令你欲仙欲死🙈大蔥豬肉餡餅(2個) - $60小心燙咀! 餡餅內含有極juicy 熱辣辣鮮香豬肉碎, 一咬落去一個唔小心就會必到周圍都係汁, 小心慢慢品嚐就可以喇🤤北京烤鴨(半隻) - $198即叫即做既傳統北京填鴨, 皮薄香脆, 油脂已盡烤出黎, 配上極薄麵粉皮同埋填鴨三寶, 即係秘製醬汁, 香蔥, 青皮夾埋一齊食, 能有效減去膩感而不失鴨味睇下幾薄…ดูเพิ่มเติม

銅鑼灣近年越來越多整棟以飲食為主題的大廈，但講到這類食廈的始祖，不得不提《永光中心》、《渣甸中心》及《澳門逸園中心》(前名《恆和鑽石中心》)。本來想去《渣甸中心》的日本料理或西餐廳食午飯，但最終為了B女，還是選了【老北京】，結果又係同上個週末一樣，食京菜。餐廳的裝修所給我的第一個感覺，就是非常老派、隨便、雜亂無章、沒有一個明顯的主題或風格，而且，古舊得來又沒有什麼風味，直接了當一點算，就是老土！非常似中國內地一些中低檔次的餐館，只主力做本地人的生意，對於裝修沒有什麼要求。由於上週剛剛去完【XX龍門】，這種感覺就更加明顯，但【XX龍門】的室內裝修設計，古舊得來卻充滿風味。唯一一樣吸引我注意力的，就是靠近窗邊的一個書架，上面放了幾本疑似「中國政治禁書」，但也只是入門版及非常皮毛的級數，並不是涉及中國政治人物、內幕消息的書籍。羊肉湯麵（$85）的湯底雖然呈現深紅色，但味道不夠濃郁、太過清澈，完全做不到羊肉搶湯的鮮味。羊肉切成薄片，又先用京蔥爆香，再放在湯麵表面，本來應該十分美味，但羊肉切得太薄，兼且沒有任何羊膻味；肉質又粗糙、乾硬，應該是爆香時過了火候。京式拉麵又乾又硬，即使用筷子夾起一箸拉麵，麵條依然硬梆梆，並沒有較垂下來。可以算是所食過的京滬菜館之中，最難食的京式拉麵。一見到小籠包（$68）的外觀，已經覺得和街邊普通一家上海小館的質素一樣地差，並不是香港的中高檔次京滬酒家所出品的皮薄多汁小籠包；反之，外皮非常厚、摺紋少、外型又不工整，外觀已經不討好。夾起一個小籠包，都是一樣地硬崩崩，完全沒有變形 - 湯包外皮沒有因為裡面的湯汁重量而墜下來。放進口中，裏面果然很少湯汁，又不夠熱辣辣。如果價錢便宜一點，還可以理解及接受，但這一籠小籠包只有六隻，價錢絕對拍得住香港其他出名的店子，甚至比【X泰豐】及【X翠】還要貴；雖然這兩間店子的小籠包質素在香港未必是最好，但論名氣、食肆環境、小籠包的質素，肯定比【老北京】優勝。除了我們一家三口之外，只有鄰桌一枱客人，看見他們正在吃北京填鴨，所以也叫了北京烤鴨（半隻）（$188）。由於是午飯時間，客人不太多，所以也預計要等一段時間。結果有點失望，當侍應生送上半隻片皮鴨時候，原來已經切片，並沒有 席前切片的程序，但片皮方法卻甚合心意。近鴨胸部份採用全片皮，取其大塊鴨皮、又有一層薄鴨脂肪的優點，其餘部份則採用連皮帶肉的片鴨方法。薄餅皮是原個蒸籠上枱，夠薄身，相當不錯。夾起一塊鴨肉放入口中，完全感受不到新鮮即烤、即片皮的溫熱，開始懷疑到底是否即烤；鴨脂的香味並不明顯、鴨肉味道又不夠突出。另一個使人懷疑的地方，就是店員並沒有問我是否需要將剩下的半個鴨壳烹調二食，即熬鴨壳湯、炒絲或斬件京醬炒任擇其一。放下一片薄餅皮在小碟，加上一條京蔥、一條青瓜、一片鴨皮、一片連皮帶肉。即使是全鴨皮，也沒有什麼鴨脂肪，難怪之前直接品嚐的時候，也沒有鴨脂的香味。單看外表，以為是廣東式片皮鴨，因為正宗的京式片皮鴨，總會有一層明顯的脂肪。加入填鴨醬後，再捲成鴨卷放入口中，咀嚼下來，只品嚐到醬料的味道，鴨脂、鴨肉的香味更加蘯然無存。這一頓飯價錢不算便宜，雖然也不昂貴，但由於上週在另一家也甚有家庭式經營感覺的小店吃過京菜，質素固然較高，價錢也較便宜，【老北京】馬上就給比下去了。【老北京】實在太像一家國內中低檔次的餐館，問題不在於裝修瑭璜與否，而是所烹調菜式只求有其形，但並不理會其味及質素。…ดูเพิ่มเติม