櫻花日本料理

講到認真地享受一頓美食，我第一時間想到就係Omakase。因為師傅會精挑細選優質、特別的食材，不時不吃，而且烹調技巧和點子都別出心裁，還有最重要的是可以邊吃邊和師傅互動交流，除了味蕾還可以用眼用心感受食材與烹調的細膩，感覺就像談戀愛一樣。朋友介紹我中環有間日本餐廳，Omakase菜色水準很高，開店4個多月，已經有好多捧場客，品嚐過後認為餐廳真的發揮到Omakase的精髓，絶對要分享一下給各位食家。前菜的目的是讓客人的胃口和味蕾熱身，餐廳製作了三個小吃，味道配搭創新:左邊是無花果肉，嫩滑甜美、配上芝麻醬可令味蕾同時感受雙重口味。中間的是日本水茄子配梅子醬，茄子是生的，口感有點像梨，爽口清甜，加上梅子的酸甜味，十分開胃。右邊是花生豆腐，餐廳師傅自創的菜色，外層浸著鰹魚湯，內裏軟滑的豆腐滲出微微的花生醬味，但又不會蓋過大豆味，非常特別。齋睇外型已經無得輸，肉身肥美，肉質嫩滑、鮮甜度爆燈、海水味適中，非同凡響。而且上碟時師傅已經將蠔起了肉、用紫菜、蔥花、紫蘇等材料調好味襯好色，貼心細緻。蚌類海產一向有獨特的鮮味，尤其是象拔蚌特別出眾，肉厚而且爽口，師傅用了黑松露油將入口時那份香味再提升了一個層次，伴碟還有冰菜和勁多金箔，色香味都完美無缺。日本三大蟹之一，蟹膏特別香醇濃郁入口即溶，肉質鮮甜但由於外形比較細小，所以師傅先將蟹煮好拆肉，再加入毛蟹蟹膏拌勻，齒頰留香，好味到唔想開口講野。餐廳其中一個講求的細緻度是物盡其用，原汁原味。來自日本的野生鮑魚肉質彈牙、味道濃郁，師傅再取其肝臟製成醬汁，回甘味強而沒有內臓腥味，讚!安康魚非常矜貴，有人間極品之稱，所以每一個部位都唔可以浪費，呢道菜色師傅用了紅酒和味醂等調味慢煮魚肝，味道絕不輸給法國鵝肝，入口綿化不油膩，甘甜中帶點紅酒的香味。原本我不太喜歡吃瀬尿蝦膏，因為比較硬，啖啖肉先係王道，不過日本瀬尿蝦就與眾不同，雖然細細隻，但蝦膏竟然爆多而且幼細爽化，味道濃厚但不會蓋過蝦肉的鮮甜。不用多講，入口即化，油脂香濃鮮味，今次師傅用了櫻花木稍微煙燻一下，除了吸引眼球和香氣四溢外，更消除了油膩的感覺。蕃茄！識得食一定食日本品種，日本蔬果出名講究，隨時都貴過肉類，師傅話呢個品牌雖然唔係最高級，但蕃茄甜度已經係一般的5倍，食之前加上一些淡雪鹽，其實幾乎沒有鹹味，不過可以提升蕃茄的鮮甜。來到壽司菜色，品嚐次序應該是由淡味至濃味，基本上Omakase的菜色師傅已經調好味，不需再沾醬油或芥末。店員還細心準備了抹手巾，提醒我們可以用手指輕輕揑著壽司吃，是傳統的壽司禮儀。有留意我之前分享的一定知道，銀色的部分並不是皮，而是皮下的油脂，魚要夠鮮、刀工要細緻才做到，所以一睇就知係魚腩，但不同的是深海池魚的腩比較彈牙，沒有想像中化口，魚鮮味也比較淸新。差點以為係墨魚，要近睇先留意到，原來係好多細細粒的白蝦，日本富山縣特產，香港平時少機會食到，味道和口感像甜蝦，但比甜蝦稀有很多，師傅要逐隻剝殼，少啲心機都唔得。師傅教路，地金目鯛是屬於品質最高，於特定海域由漁師即日釣起，存放一段時間後才會熟成，地金目鯛油脂分佈較高，肉質鮮嫩，魚鮮味清優，了解更多後品嚐零舍不同，又長知識了。來自北海道的黑象拔蚌，非常稀少，味道較一般的鮮甜，但相對少了蚌的鮮味，可能對某些人來說那是腥味，但我自己比較喜歡那份獨特的味道。高級魚料理必吃之選，魚的肉質鮮嫩，白裡透紅，入口軟綿綿，師傅還先用冰水過冷河，令肉質收緊，再輕輕火炙帶出魚油香味，最後放上喜之次魚肝，一口吃盡幾個喜之次味道層次。這個拖羅屬於極稀有部位，是吞拿魚的頭頂部份，脂肪多、筋比較少，口感軟滑味道濃郁。這次師傅用了輕量蒜蓉調味，令魚鮮味更加突出，超好食！最濃味一定是海膽了，這個品種顏色較深較細片，但海膽味鮮甜濃郁，師傅還介紹我們下次可以試白海膽，肉身豐膄、味道會再甘甜、價格也是驚人 (師傅你這不是放毒嗎……我心也癢了）來到尾聲有湯和甜品一看魚湯顏色奶白就知用料十足，勁多昆布，還有魚油浮面，味噌調味亦恰到好處，入口非常重魚味鮮甜香濃。而夏天常吃的和式甜品是水玄餅，外形晶瑩剔透、質感跟啫喱一樣但比較水嫩入口易溶，由於本身沒有味道，配以沖繩黑蜜和黃豆粉一起吃，清甜滋潤又健康。整體來說這次Omakase物有所值，可以吃到時令稀有的食材，師傅和店員的服務都滿分，大家有講有笑，聽講這裡還有自家製梅酒，Sake都比外邊便宜，下次一定要再來發掘新味道!…Read More

身邊有不少朋友都會在4月頭飛去日本看櫻花，她們會一早作好準備，所以不單止搶到機票，還要是靚時間和價錢合理，而我....總是心大心細，遲遲未能下決定而錯失良機，每年都是得個 “恨”字。今年也不例外，同樣錯失機會，收到朋友的櫻花相，個心有點酸溜溜......雖看不到櫻花，但幸兒有好友推介了一間「櫻花日本料理」餐廳給我，除了名字叫櫻花外，還有我最喜歡的廚師發辦，就讓自己好好享受一餐補返數啦！餐廳以木材色為主調，簡簡單單放了一些優雅的擺設，裝潢雅緻簡約，感覺很舒適。地方寬敞開落，設有三大個用餐區，有四人卡座、鐵板燒房間和我今晚的位置— 壽司吧枱，能邊品嚐美食，邊欣賞師傅的手藝，兼互相交流，一大樂事！細看餐牌，有兩款廚師發辦，揀了花 HANA ($1280)，包有先付、刺身5點、壽司7件、吸物和甜品，份量剛合我需要。******************************正等待師傅準備之際，先送來鱈魚片($0)醫醫肚，片片金黃薄脆，味道稍稍鹹香，用來佐酒一流，就來一杯梅酒吧！在推介下要了一杯鶴梅完熟梅酒($58)，除有梅 外，還加入桃 釀製，既有酒香，亦有果香，入口順喉，味道又不會太甜，正合我口味，好好喝！******************************小吃過後，前菜便隨即上枱。一碟三款，每款都啲骰精緻，擺設得很優雅。有新清鮮嫩的鮮無花果；海膽腐竹 滑溜兼滿有豆香；白瓜海老 既爽口又彈牙，配上蛋黃醋汁，味道不錯！******************************接着五款刺身陸續出場，帶頭是北海道厚岸生蠔，蠔面放上新鮮紫菜 和辣蘿蔔蓉，再淋上醋汁。其份量十足，肉厚肥大，既爽口又creamy，兩種口感兼備。蠔味濃郁，帶些海水味，鹹鮮有致，優質！啖啖教人回味，再來一隻可以嗎？欣賞着師傅悉心的擺設，一碟精美的沙鰈魚刺身就送到我面前。一魚兩食，肉身 透亮柔軟，魚味較淡，蘸上酸汁就最適合。輪到邊位，經稍稍火炙，泊出油份，肥美油潤，滿載魚香，比前者更吸引我。第三款是冰菜象拔蚌，刨上青檸皮，再加些金箔，更顯矜貴。象拔蚌 外表撓曲，看起來好生猛。其爽口鮮味，帶點檸酸，很清新。冰菜 又脆身又多汁，好清新，跟鮮味的象拔蚌很匹配。再來是太刀魚配糖茄。師傅將魚皮燒香，吃落微脆，帶點溫暖，連皮的肉質柔軟嫩滑，下層保持刺身狀，肉質爽口，口感豐富；簡簡單單灑上海鹽，帶出鹹鮮味，不論口感和味道也很吸引。以糖茄 清清味蕾，灑上一些淡雪鹽以中和甜度，吃落清爽香甜，味道剛好。接着上了一個通花球體器皿，若隱若現，究竟是什麼？一打開蓋子，師傅就開估，原來是慢煮鮟康魚肝。一般以蒸方式製作，但這裡就採用了慢煮炮製，更有驚喜。魚肝介乎入口即溶，相當油潤，完全鎖住原有的味道，又鮮又香，比起蒸更好好好味！壓軸出場更驚喜，就是煙燻拖羅。以一個高貴的玻璃碗盛載，但矇矇矓矓。一揭開便霧煙，陣陣煙燻香，厚切的拖羅 色澤鮮紅亮麗，肉質極之柔軟鮮嫩，每咬一口都充滿油脂，非常油潤。最特別是除了有份鮮香外，還帶有煙燻味，味道不會過濃，不失魚鮮味，吃時再蘸些竹炭鹽 提味，好夾！啖啖教人回味...******************************師傅開始準備壽司，先上一些漬物讓我邊吃邊等。有黏爽兼備的山葵長芋；有爽脆的牛蒡條，沾上甘香的芝麻更好吃；有酸酸甜甜的米糖漬蘿白；有鹹鹹地的蒜頭；酸而辛辣的醃薑。好豐富，每款都不錯。******************************壽司陸續出場，每件壽司的米飯上加了少許山葵，亦掃上醬油，故品嚐時無需再作任何添加。那更好！免得自己不慎蘸上太多醬油而影響味道。首件是深海池魚壽司，色澤紅潤亮麗，肉質肥美爽口，魚鮮味突出，好的開始！第二件是地金目魚腩壽司，熟成的金目魚，熟成過程分解油分，更加肥美，正！色澤亮麗，肉質鮮嫩微爽，滿有油脂，鮮香油潤。第三件是腦天壽司，外表經輕燒，內身保持柔軟，啖啖魚油的甘香。曾經也吃過燒原條喜之次，一早已知它有「海中紅寶石」的美譽，但喜之次壽司就第一次吃。先經火炙，再放上魚肝，有驚喜！啖啖鮮嫩兼充滿魚香，再加埋魚肝 同吃，味道更甘香鮮美，配搭一流！接着是來自北海道根室的馬糞海膽軍艦，看着師傅將一件一件海膽 放在米飯上，放得滿滿的，見到已令人興奮，哈！咬一口，甘香鮮美，油潤豐膄，黏滿口腔，不禁想說：可否來多件呀？哈！最後一件比海膽更肥美更濃，就BB銀雪魚壽司。先經蒜蓉豉油 醃製，再火炙至表面帶焦色，好靚仔！肉質微爽且極之肥美，魚香四溢，令人難忘！******************************是日為白魚湯，熱辣辣上枱。湯身呈奶白色，滿載鮮甜的魚香味，相信用足料熬成。湯內還有不少爽滑的昆布 和滑嘟嘟的自家製豆腐，好喝得很。******************************最後以一件黑糖蕨餅作完美的總結。蕨餅 沾上黃豆粉，吃前先翻滾幾下，再沾上黑糖，味道香甜，口感黏滑柔嫩，不錯！------------------------------一頓廚師發辦，讓我忘記了未能賞櫻花的鬱鬱不歡，換來一份喜悅的心情，期望餐廳能如櫻花般如此吸引，燦爛地盛放，吸引客人前來欣賞師傅的手藝，品嚐每道菜的美味。…Read More

友人約這店共晉晚餐，一聽到店名，即時想起...... Sakura sakura 那首日本歌 ^_^再想起以前去日本賞櫻的開心往事。所以都頗期待是次晚餐 一入內，簡約設計，仍隱藏著日本風格。座位寬敞舒適，坐這裡都不錯。殊不知，我們不是坐在這裡，是坐獨立房間呀 令我既驚且喜...... 原來今餐食鐵板燒！我們點了晚市套餐，主菜是龍蝦及日本近江和牛。餐具的擺放都很講究。先奉上小吃，鱈魚片，燒得香口，再沾上沙律醬更惹味！精緻的前菜，為這晚餐打開序幕 ^_^刺身三點，有金目鯛、牡丹蝦及活赤貝，鮮甜美味 黑松露炒粒貝，放醬汁都似藝術品！原味食到鮮味及黑松露味，亦可沾上羅勒汁，食到另一番風味！而我較愛原味，夠鮮！我亦愛吃鰻魚，皮脆肉厚，煎得香口，再配上鰻魚汁，非常美味！和風白飯魚沙律，白飯魚配沙律菜很特別，別有一番風味 主菜出場喇 廚師突然叫我們準備影相或攝錄......突然 "Boom" 一聲，嚇一跳，但很精彩 日本近江和牛配蒜片！一口牛肉粒，入口即有少少想溶的感覺！再配上脆口的蒜片，恰到好處 另一款主菜，蝦羔龍蝦！嘩！啖啖肉，爽口彈牙！蒜片炒飯，粒粒金黃、香口，不太油膩！焦糖多士，很特別！煎香麵包，加上牛油及砂糖，就製作出這個香口，一口的焦糖多士！這款金箔水信玄餅的甜品，簡直無懈可擊！像水滴一樣晶瑩剔透，再配上金箔，更顯得高貴！口感清爽、入口即化！…Read More

中環<蘭桂坊>給人的感覺就是有許多許多的酒吧。但其實只要細心尋找，不難發現有很多特色食肆。今天老闆萬歲，請我們一大夥到中環的<櫻花日本料理>吃日本餐，門口金碧輝煌閃令令的。<冰梅酒>一大夥兒聚會當然要喝點酒，侍應小姐熱情推介這款梅酒，就試一試吧！這款梅酒的甜度較高，還有點木的香氣，甜甜的很易入口，吃著東西慢慢喝，寫意非常。🌸🌸🌸餐廳還專業的用上冰球而並非冰粒或冰塊。用冰球的好處就是溶得較慢，這樣才不會影響梅酒的濃度，非常貼心！每位同事都點了一個Omakase(廚師發板)外還散點了一些壽司及菜式，非常豐富。先來前菜：<百合饅頭>~口感像薯蓉，當中有彈牙的蝦丸。<長芋天婦羅>~口感爽脆，有點像吃淮山。<水雲醋>~水雲別名水髪菜，帶點薑味，吃落有質感，不是滑潺潺的傢伙，口感很有趣。接著就是刺身，但原來不是普通的三文魚,吞拿魚等生魚片<蠔>~口感柔滑，味道鮮甜。<龍蝦加伴蝦膏醬及俄羅斯魚籽>~ 爽口的龍蝦肉伴上甘甜的蝦膏醬，還加上微鹹的俄羅斯魚籽，絕配。<太刀魚>~由於用禾稈草燒過，所以帶有燒草的香味，肉質香滑。<鰻魚鮟鱇魚肝>~柔滑香甜，有魚油的甘香而不腥。<櫻花木煙熏拖羅竹炭鹽>有表演有表演！！送來的時候是一碗蒙查查的玻璃碗，但原來一打開就煙霧彌漫仙氣十足，在場的女同事全部立即心心眼。<櫻花木煙熏拖羅>~還以為就是那些血腥味很重的吞拿魚，但這個煙熏拖羅竟然木香中帶魚肉香，不帶豐腴魚油但有濃郁魚肉汁，非常鮮味<熒光魷魚>~香滑不韌的魷魚本身就帶著超大量的甘香魷魚膏，回味無窮。然後來到壽司的部份<沙鰈魚>~屬白肉魚，口感爽彈，油香並重。<白貝>~清，甜，爽~<肥仔池魚>~日文名讀音：當chichi。雖說是肥仔，但不會過份的油膩膩，口感香滑邊吃壽司時邊見師傅在準備出水魷魚，看著他細心的把魷魚和薄膜分隔開，挑出來，真係少點眼力都會眼花。心中不禁冒起一句：台上一分鐘，台下十年功😖😖😖<出水魷魚>~有點像櫻花魷魚，但沒有黏口滑潺潺的感覺，口感較清爽。<赤睦魚>~油潤甘香，帶有火炙香<喜知次>~口感油滑，油脂較重，香軟棉滑<目光魚>~香滑重油份，味道帶咸較濃<右口魚>~左口魚就食得多，右口魚真的較少地方能吃到，大概是因為右口魚的價錢較昂貴吧！！身價較貴當然是有原因的，右口魚片帶有豐厚油脂，好！香！滑！！！<鹽水海膽>~由於一開就用鹽水浸著，所以口感較creamy不黏口，不會一粒粒的，味道超鮮甜！！最後還有湯和甜品。<蛤湯>~清淡中帶鮮甜，白蛤大大粒又冇沙。<水信玄餅>~加了沖繩黑糖和黃豆粉，為晶瑩通透的金箔水信玄餅添上甜絲絲的感覺。❤❤❤平均每位同事大約$1500左右埋單，先要在此謝過老闆。😝😝😝總結：位於蘭桂坊，地點非常方便。餐廳裝修豪華有氣派，無論朋友相聚定還是和客戶來傾生意也絕不失禮。食物有心思，不是多數日本餐廳的<大路>魚類，眼界大開，值得再來。…Read More

浪漫滿櫻花再次約到女神出來食飯, 當然係就佢近近地中環食, 同埋食日本菜啦. 倆口子一坐低未諗好食乜, 已經有毛巾,茶同小吃奉上. 小吃唔單止精緻好睇, 鱈魚片仲應該係有煎過, 又香口又好食. 我地決定食鐵板晚餐. 前菜: 待應生上菜時, 唔單止逐一介紹名字, 仲講埋食嘅次序. 左下: 蛋王醋蟹肉, 啖啖蟹肉又開胃.右下: 櫻海老團子, 香脆可口. 中上: 翡翠冬瓜, 夠晶瑩通透, 仲有種很清新的感覺!刺身分別係: 鯛魚, 牡丹蝦同赤貝.嘩, 你睇下D鰻魚, 靚到好似叉燒咁! 天氣咁熱, 唔單止日本人鍾意食, 我都好鍾意食呀!!主菜: 日本九州鮑魚睇住師傅由好生猛鮑魚好用心咁整成, 仲不時同我地仲介食材點整點食, 感覺特別正!! 份量十足嘅炒飯.粒粒金黃香口, 又唔會太油膩. 甜品: 焦糖多士金箔櫻花水信玄餅:  晶瑩通透的外表, 唔單止好高貴,仲好夢幻呀!慢慢食, 慢慢傾, 食足三個鐘. 時間仲早, 又耳猶未盡, 決定行上兩步到蘭桂坊繼續傾.  …Read More

朋友應該是「無事常相見」的，有朋友建議去中環蘭桂芳試這間櫻花日本料理，主要是食鐵板燒的，亦有提供刺身及壽司，我都好耐未食過日式鐵板燒了，就去試一試啦。晚餐 Set Menu 得三個餐，我們四個人，當然每人叫不同的餐來試啦。四個人已經可以開一間房，我們那間房最多可坐六個人，等廚師為我們主理鐵板燒。當海鮮送到來的時候，隻鮑魚真是超大隻，足足有成隻手掌咁大，而且非常新鮮，仲識得郁。呢塊日本近江和牛的花紋好靚。好似是 A5 來的。未食鐵板燒前，先上個前菜，店員介紹應該跟次序食，次序為：左下(蛋黃醋蟹肉)、右下(櫻海老團子)、上(翡翠冬瓜)跟著上刺身三點[左(金目鯛)、中(牡丹蝦)、右(活赤貝)]，金目鯛鮮甜而沒有魚鯹味，我真是要推介，牡丹蝦及活赤貝亦很鮮甜。配上新鮮即磨而不刺鼻的芥辣，真是絕配。鐵板鰻魚，廚司煎得個魚皮極脆，上碟時亦有鰻魚汁伴碟，但我個人覺得味道偏淡，可能是我食得太多傳統的日本燒鰻魚的關係，鰻魚總覺得是要超多汁才行。四成熟和牛粒真是入口即溶，配日本蒜片食，好夾。跟著上沙律，左邊的白飯魚 BB 令這個沙律變得不平凡，白飯魚 BB 極鮮味，簡直是成個沙律的神來之筆。炒飯，個人建議，用蒜片來炒飯，應該會比用蒜蓉來炒飯來得更香更好食。呢個是店方請我們食的焦糖多士，加了牛油，實在太香了，但煎得有少少過火，所以有少少苦味，不過這可能就是焦糖獨有的味道罷。最終來個甜品，水信玄餅我就食得多，但真是第一次食有金箔的水信玄餅，加了黑糖真是超好食。…Read More

賞櫻花對日本人嚟講有好重要，重要到要變成一個祭.呢幾日佢哋會將平日嘅工作壓力釋放出嚟把酒暢談. 今次同太太去到中環"櫻花日本料理"去食鐵板餐初初入到去都有啲拘謹話晒都叫高檔嘢,但係坐多一陣就已經同店員打成一片咩都講吓咁!平時絕對唔會咁同人吹水法~可以散叫或者可以揀套餐,我就揀咗九洲鮑魚嗰個set!首先嚟個前菜黑菎蒻口感彈口又有啲爽爽哋加埋酸酸地麻醬食係幾開胃，露荀食落好帶有木魚花香味有一種清新感覺!山芋當中係最濃味醬汁較多所以最後先食!估唔到喺蘭桂坊開一支清酒都只係360蚊.平到咁真係嚇親寶寶竟然食到平政魚實在太驚喜,就算去到日本都唔易搵到!介紹吓先呢條魚先,口感肥嫩有啲似油甘魚但係就唔會咁濃比較爽口.唔知下次仲有冇咁好彩食到赤貝-識睇相都知道,隻赤貝俾師傅撻到起晒花就知新鮮到爆燈～牡丹蝦刺身,大大隻好鮮味!鵝肝厚度啱啱好大約1.3cm左右.幾靚幾厚都好齋食實在太油~但係加埋呢個汁,就將肥膩感一掃而空。忍唔住問師傅呢個汁用咩做佢就話用咗橙皮橙汁紅酒醋煮。郁郁吓嘅鮑魚,俾師傅兩三吓成舊肉就起咗出嚟成隻手掌咁大嘅鮑魚已經上碟啦,睇完成個制作過程!好心急想食咗佢~鮑魚雖然大但係肉一啲都唔韌,有淡淡嘅海水味,鮑魚味比起南非鮑魚再濃一啲。建議唔點汁食一件先之後可以試吓點一點個海鮮汁.食落又唔同晒!少少酸少少蕃茄味少少辣,一隻咁大嘅鮑魚三兩吓就食晒廚師放咗個兜仔喺鐵板上面一打開原來係油，細心度完油溫之後,就將金刁魚去放入去,因為用新油炸所以炸出嚟會好清香,打開蓋嘅時候見炸外皮金黃色而鱗片都變到好似花一樣,魚脂平均食喺上嚟較滑身,加埋一個加有香草嘅醬汁所以減少咗熱氣感,味道配合到魚嘅味道.蒜片炒飯，睇相都見到每粒肥嘟嘟嘅飯粒都痴住啲蛋，蒜味好香飯粒煙韌加埋什菜粒同調味,呢個咪係真正炒飯囉點解地球咁多人鍾意食日本嘢,睇個甜品都精緻過人.就知道嬴晒啦...本人真心唔鍾意太甜嘅甜品~呢個個金箔波波,有黃豆粉黑糖,波波質感似似地魔芋好QQ,係一個唔太甜嘅甜品,太太見到好開心見到佢咁開心我都好開心食貴啲都值得!原來即做嘅焦糖多士係咁脆口麵飽鬆軟連最後一道菜都咁精彩.其實等食嘅途中店員都會好細心解釋食物來源,方式係好似朋友一樣.可以講吓笑,我本人覺得呢一樣係無價!亦都係其他地方唔能夠copy到!櫻花下飲吓食吓最傾吓計，明白點解呢間嘢叫櫻花。…Read More