板神鉄板燒日本料理 (駿業街)

太久沒寫食評，首先抱歉忘了拍門口照....，其實在這日子食貴野大家都會明白必定同五千蚊有關，這是其一，第二是真心想搵間好味既"鐵板燒"，所以食評好重要，爬了好多文，板神三間分店有一間就在觀塘，以價錢、地區，我係抱住心大心細既想法去幫襯。入店前先在外面影餐牌(費事入到去影，會好揚) ，如常的攞位、服務員帶我地二人入去8人座位房間，我地係第一對入座食客，服務員有禮貌地招呼，斟茶、細心向我地查詢菜單內想選擇的食才。入正題，前菜(鵝肝：微暖，有入口即溶既感覺)，季節沙律(分別有小蕃茄、沙律菜、粟米粒：食得出加入了柚子醬，但不確定是不是蟹肉？還是龍蝦肉？)，刺身五點(帶子、甘鯛魚、另外3樣忘了：都係入口即溶，鮮味一流)，亞拉斯加長腳蟹(蟹腳、龍蝦、白雪魚、時令野菜放在同一盤子裡面：白雪魚就算那個厚度大廚一樣煎得剛剛好，表面脆香，裡面軟軟熟熟、長蟹腳與龍蝦加入特制的海膽醬汁煮成，令到原本肉味更突出，至於野菜是蘆筍與京蔥，加埋牛油鐵板炒的無得輸啦)，酒煮帶子(帶子雕成菊花狀，不知道是否酒煮過後帶子本身的呆道淡了，然後渴一口湯...嗯，果然係:))，炒飯(牛肉粒炒日本米：往往驚喜就在沒有預備既情況下發生，唔單止係蛋炒飯，香!香!香! 粒粒飯分明，食到底冇剩下油，男人都話分量夠飽)，日本和牛薄燒(厚燒與薄燒分別就在於最後制成品，大廚問我要幾成熟？當然係Medium啦，和牛肉汁香濃，卷裡面配菜豐富左和牛卷既口感，好滿足)，龍蝦麵豉湯(不浪費龍蝦頭，比較濃既麵豉湯，喜歡飲濃湯既朋友就啱哂喇)，板神多士(可能大廚見我對和牛卷那塊多士沒興趣，額外精心整另一塊多士比我地，用一塊大鐵板整出來既多士好奢華，特別好味，脆卜卜)，甜品(豆腐雪糕：粟子與豆腐我選了豆腐，日本直送豆腐雪糕出名正! 大廚叫我配埋多士一齊食.....冰與火之間! 雪糕食極都仲食到豆腐味，呢個就係我話正既地方!)…查看更多

🌟終於食到心念念左好耐嘅鐵板燒，好開心呀，呢間餐廳位置觀塘工廈附近，入到去安排左去到一間可以容納7個客人嘅房，座位間都有膠板分隔，環境乾淨舒服，用餐前廚師會問客人有冇咩係唔食嘅，貼心😊👍🏻🔸明太子整到好似粒方糖咁，食落爽口而且鮮味突出🔸海哲沙律，海哲新鮮，配上酸酸甜甜嘅醬汁好開胃有帆立貝，三文魚，深海池魚，油甘魚及瑩光魷魚🦑刺身好新鮮，瑩光魷魚及帆立貝最好食😋將銀雪魚煎成金黃色，廚師巧手地將魚皮同魚肉分離煎至脆卜卜，魚肉加入特製醬汁調味，魚肉入口溶化，滿口魚油，好滋味😋鮑魚超生猛，放入鐵板個時仲不停旭，廚師只加入些少鹽及黑椒調味，已經令鮑魚好鮮甜，爽口彈牙，好味😋將龍蝦拆肉，加入特製龍蝦汁及龍蝦膏一齊炒焗，可以令到龍蝦肉超級鮮甜，爽口彈牙，好好味🤤牛肉包住脆蒜及蔥粒，燒到7成熟，入口即化，牛肉嫩滑，口腔充滿蔥蒜味❗️😋龍蝦殼煮麵豉湯，味道偏淡，一般啦櫻花蝦煮野菜，味道清新加入煙肉，大量脆蒜及雞蛋炒成，色香味俱全，食完好飽呀😂粒粒紅豆配上超濃奶味布甸，唔太甜，好味呀🥰🤪贈品：意外地仲贈送左焦糖多士，材料好簡單，但好好食，好脆好香，好正，食完超滿足😍🌟食得好開心的一餐鐵板燒，成個過程廚師好似表演一樣，賞心悅目，食材好新鮮，性價比高，好好食，真係視覺及味覺的享受🥰…查看更多

➿ 愛吃的露比 @loveatingrubi💨<快啲bookmark！抵食高質鉄板焼>#露比覓食觀塘 #露比吃料理 #露比吃日料今日介紹呢間真係我私心收藏！原因: 平、好食、食得飽、環境靚、服務態度友善！之前食teppanyaki閒閒地都千幾蚊p.p.，呢間竟然一千頭就2個人食到捧腹😱❣️食物方面有龍蝦有鮑魚有sashimi完全冇hea你，食足2個鐘❣️🌟 桜🌸席前鉄板焼二人前 $1080 (7.5/10)我哋好幸運被安排到由功架十足嘅Mark 師傅負責我哋呢餐😆席間不斷欣賞到師傅炫技😎手法純熟得黎又好細心，會問我哋口味❤️前菜 明太子、沙律🥗個明太子真係好好味！爽脆鮮甜係口中一咬爆發，帶微微辛口又拌入略酸甜醬汁，非常開胃，我更愛稍微蘸點豉油，鮮味更出😛沙律菜入口清爽，咬落嗦嗦聲，仲有車厘茄、粟米及紅腰豆加添口感變化，並拌入輕盈微酸的醬汁，整體而言係一道好有個性嘅沙律。刺身５点🍣左起👉🏻帶子、赤身、春魚👉🏻日本牙帶魚、螢光魷魚整體新鮮度非常高！尤其赤身、春魚，鮮味無比，得一塊真係唔夠喉呀！🤣可以唔使蘸豉油，落少許山葵提升層次就很可以了😍銀鱈魚🐟吃得嘖嘖稱奇的一道菜，因為呢個cod fish實在太太太太嫩滑啦🥺😭💓💓💓睇圖感受下🥳份量仲好多，每人有一大條，食到好滿足活南非鮑魚一上枱見到鮑魚仲係郁緊架🤯🤯極新鮮唔係講笑呢😱食材新鮮加上師傅嘅功架冇得輸呀真係🤫想睇師傅片就去我ig睇啦🤣之後就係set送嘅活龍蝦🦞龍蝦頭會先拎去煲麵豉湯，冇浪費到架！個sauce真係勁好食，係用龍蝦膏+牛油+自家製龍蝦汁整成，濃味到就嚟上天堂呀‼️😭💓龍蝦肉肉質彈牙，又係食得出好新鮮，每一口都係幸福啊🥺❤️美國牛肉薄燒我request左多葱‼️多葱‼️多葱‼️🤪葱黨主席🤪🤘🏻我呢塊係3成熟，食落肉味香濃又嫩🥺入面爆葱個口感真係好正，重點係葱再多都唔會搶左肉個味🤤仲有伴碟炸蒜勁好食⋯⋯請問餐廳出售嗎🥴勁濃味應該獨子蒜黎QQ炒飯炒飯真係好睇到師傅手勢！欣賞完Mark師傅先煎香雞蛋，再落飯兜勻，隨後落和牛肉碎、葱、紅蘿蔔、洋蔥，再澆上適量醬汁，翻炒幾回，純熟而悅目😚teppanyaki最優秀之處莫過於此——大飽眼福又大飽口福🥰食落更加驚喜，飯粒炒到乾身軟硬適中，調味恰好，食材配搭得宜，無論口感抑或是味道層次都十分豐富，不愛吃飯的露比也吃了半碗之多😳真的推薦，簡單的食材，不平凡的味道煮野菜上枱時溫熱啱啱好可以即食，有解膩感覺☺️跟住去到呢個時候就轉左做另一款茶，細心呢～吸物龍蝦頭拎去煲嘅麵豉湯登場啦！🤣飲落去冇乜龍蝦味不過好好飲。。。秒速清曬🤪🤪甜品3.6牛乳奶凍配小豆紅豆好甜❤️ 3.6牛乳味濃，奶凍偏軟身，入口即化～經常鉄板焼癮起嘅露比表示會想再去食，平平地之選🤩真心唔差！！-📍 板神鐵板燒日本料理地址: 觀塘駿業街43號地下-…查看更多

和老公補祝情人節，專程嚟觀塘呢間板神食鐵板燒，鋪頭位置近海邊，由地鐵站行過嚟幾分鐘時間。一入去先招呼我哋喺壽司吧度坐低，然後比Menu我哋揀，鐵板燒同廚師發板都有幾個選擇，低至$880 /二人起，難得可以兩口子出來慶祝，決定食個好少少嘅，點了鐵板二人前$2200 /二人（另加一）。跟住店員就帶我地入房坐，鐵板前面有大概八個位，已經有兩位客人用膳中，我哋就乖乖坐好等食啦。先食前菜沙律，一邊食一邊睇師傅表演，佢先將我哋點嘅龍蝦放上鐵板燒，雖然見着一隻生嘅龍蝦被燒熟是帶點殘忍的。師傅幾下手腳已經可以起肉，龍蝦殼就攞入廚房熬湯。龍蝦膏加上用龍蝦頭熬出嚟嘅汁一齊炒，最後連買龍蝦肉同蔬菜一起品嚐，鮮甜無比，肉質爽嫩彈牙，可以選擇點岩鹽和黑椒，但原汁原味也很好吃。第二道菜是銀鱈魚，分量有差不多一隻手掌的大小，魚皮煎得香脆，魚肉滑嫩，魚油甘香，非常可口。第三道菜是鵝肝，厚切之餘仲要相當大件，師傅將佢慢慢咁煎熟，同時烘一塊麵包墊住索油，每人可以有兩件鵝肝多士，香噴噴，口感一流。第四道菜是A5日本宮崎和牛薄燒，好大張「被」呀！在鐵板上快速燒好，師傅加上大量乾蒜和蔥花，用牛肉卷着然後放上麵包上給我們，由於我唔鍾意蒜和蔥嘅味道， 所以我食嘅時候其實撥開晒，和牛肉質嫩滑，牛味十足，好味。:)第五道菜是和牛炒飯，用上蛋、和牛粒、蔥花、洋蔥和紅蘿蔔粒等一起炒飯，一大碗夠晒飽肚，味道也不錯。呢個時候店員就端上了兩碗湯，差點兒忘記這個龍蝦殼熬的湯，味道濃郁有點似麵豉湯，而龍蝦頭還有很多龍蝦肉，於是我花了很多時間去慢慢吃呢！最後就是甜品，師傅用麵包加上砂糖，再燒成焦糖多士，另外加上兩球雪糕！冷與熱的混合感覺，太正了！店員仲比我地每人揀兩款味，所以我和老公夾埋可以試哂紅豆、咖啡、芋頭、牛奶四個味道，全部都好味，我就比較喜歡紅豆和咖啡兩個味！師傅話唔夠麵包可以加添不過已經好飽了。要讚一讚呢度嘅服務，店員好細心，經常為你加茶，甚至見你杯茶凍哂，直接換過一杯新嘅熱茶俾你，又有熱毛巾遞上，很窩心呢！…查看更多

受疫情影響 都好耐無同朋友出街食飯今日就約埋好姊妹去食好野 調劑下板神離地鐵站大概十分鐘路程 揸車嘅都可以泊附近啲街嘅交通嚟講算幾方便有唔同嘅餐選擇 鐵板刺身或者兩樣都有都得價錢每人由$580-$1140都有 豐儉由人筆者今次同朋友就揀咗$2280兩人用嘅鐵板燒套餐✨前菜&沙律前菜係3款漬物 酸酸地幾開胃沙律個醬汁係醋再加咗啲芥末 幾清新開胃筆者最鍾意佢有紅腰豆haha食完前菜就入正題喇喺開始燒之前 師傅會俾你睇下啲材料先嘅真係見到都流晒口水喇✨活龍蝦龍蝦肉鮮甜爽口彈牙 燒到剛熟就即刻上枱再加埋用蝦膏整嘅汁好夾好好味✨銀鱈魚魚肉嫩滑 魚皮燒到卜卜脆加埋個燒汁一流阿✨鵝肝鵝肝嚟講呢就唔駛點多講都係熟悉嘅鵝肝味 充滿油香嘅✨A5日本宮崎和牛薄燒啲牛嘅油脂好靚 未燒已經好期待啦燒之前師傅會問個牛肉熟度嘅筆者呢個係三成熟牛肉中間夾住蒜片同蔥 減輕肥膩感之餘又唔會蓋到牛肉嘅油香味同肉味 好食😋✨和牛炒飯和牛量都唔少 睇住師傅即場炒然後炒到粒粒分明 都真係一種享受✨龍蝦麵豉湯濃郁嘅麵豉湯再加埋淡淡嘅蝦膏味令到普通嘅麵豉湯帶點不一樣✨日式甜點焦糖多士 - 又甜又脆卜卜嘅多士大概都無人抗拒到㗎喇綠茶蕨餅同紅豆和菓子唔算好甜 煙煙韌韌咁都唔錯除咗呢個甜品之外都仲有杯雪糕嘅整體嚟講 板神環境服務同野食都幾高質推薦大家想食好啲嗰陣可以嚟試下😉不過提提大家 筆者閒日去都幾多日嘅唔想等嘅記住book定位喇…查看更多

再次來到觀塘覓食 朋友說有家不錯的鐵板燒他帶了我去這家餐廳用膳 享受一下日本料理來到餐廳 店員為我們安排入座 我感到有點凍貼心店員為我送上暖水 再安排另一位置給我們環境挻日式風格 坐在吧枱位置挻賞心悅目呢又可以看到廚師做菜 又可以即時食到剛做好的🌟前菜:時令沙律 先來食個健康食物打打底隔油份吧🌟活龍蝦:店員說用了新鮮屠宰的活龍蝦以保持品質🤤🤤另外龍蝦的蝦膏會用在烹調龍蝦肉的時候配上秋葵來食增加咬感挻不錯耶 很滿足🌟銀鱈魚:銀鱈魚我食得多 但用鐵板整的就第一次食了外皮煎到脆卜卜 肉質不會太韌挻香口🙈🙈🌟A5日本宮崎和牛薄燒:薄燒捲着了蔥和炸蒜 宮崎和牛煮完食落好腍身而且是入口即溶🤤🤤 沒有油膩感 牛香味挻重🌟和牛炒飯:和牛做飯不是常吃 但飯式不會硬身 粒粒分明挻不錯的口感 因為我很怕食油膩的炒飯🤔這個挻好的味道 可以再來一碗也可以haha🌟湯:店員說用了龍蝦殼來做這個麵豉湯 感覺很鮮味而且很暖胃耶 這個天氣最合適來一碗熱湯💕店員的服務真好中途還會幫我們換上熱茶🍵很細心耶 照顧到客人所需 挻不錯的服務態度…查看更多

唔知喺唔喺社會事件問題，近來就見唔少餐廳推出好多優惠，繼幾個月前到過機場嘅「空港居酒屋」大嘆鐵板燒，今晚同表哥嚟到觀塘嘅「板神」，同樣因為有超抵食嘅鐵板燒推出，點抵法，一陣你就知。觀塘區晌呢十年八年銳變咗好多，不斷有新商廈落成，就算唔喺新商廈，亦有唔少廠廈變身，好似「板神」位處嗰幢就喺其一。「板神」嘅門面非常型格，又帶點神秘感，單睇門面，真喺估唔到呢度喺工廠區。入到裡面，第一眼就喺壽司吧枱，設計好有個性，仲剛剛完咗起一條吞拿魚嘅表演。如果坐晌出面嘅壽司吧枱，當然喺揀「廚師發辦」啦，一邊睇師傅捏壽司，一邊就可以慢慢細味每一件出品。而「廚師發辦」有兩款選擇：「梵」（＄880）、「神」（＄1,280），已包埋前菜、沙律、丼飯、湯品、甜品……等等。再略略環顧四周，以廂房為主，周邊加入好多垂直綠化，令成個場睇起嚟唔會太冷，而有種悠然感。而我哋被安排近門口嘅一個廂房，裡面裝潢簡約，卻又有點粗獷原始味，尤其背後嘅一幅石牆，圍住鐵板燒個「舞台」可以坐到7個人。小弟坐晌邊位，更可以睇到鐵板燒枱內部，足証乾淨衛生。除環境，餐具亦都好別緻，一碟、一杯，甚至筷子托，都好靚、好襯。而服務都好熨貼，侍應既有禮，又不時為我哋添茶及收拾餐具。文初已講嚟嘅目的喺佢哋新推超值嘅鐵板燒套餐「席前鐵板燒二人前」，性價比真喺堅高，個套餐包括時令沙律、前菜、刺身五點、銀雪魚、鵝肝、鐵板美國肉眼薄燒、炒時令野菜、炒飯、湯、甜品，仲加送南非鮑魚，只賣$880，更喺二人價添，平常食個有啲質素嘅鐵板燒座底六、七百起錶啦。時令沙律迎接美食之前，先喺沙後及前菜同步登場。雖然喺簡簡單單嘅野菜沙律，但蔬菜嘅種類豐富，而且好新鮮，尤其啲露筍，爽脆無渣，淋上胡麻醬，已夠晒好食，開開胃納。前菜前菜就喺幾款漬物，包括喺啲醃漬嘅蘿蔔同蒜頭，前者酸香開胃，而後者就最有驚喜，因為一般蒜頭食落都喺軟軟腍腍，除非炸過，但呢粒蒜頭入口喺好爽脆，好似食緊「酸蕎頭」，非常得意。特色刺身五點賣相分精緻，而每件刺身都切成剛好一口過，包括有鮮帶子、油甘魚、拖羅、金目鯛及炙燒吞拿魚，每款睇外觀都感覺到佢哋嘅新鮮度，入口果然喺靚料，鮮味爆燈，而且，各有特色。跟住見到年輕嘅師傅登場，就知輪到喺鐵板燒時間。先捧上一碟加拿大銀雪魚、澳洲鮑魚、鵝肝及野菜，睇住啲鮑魚仲郁吓郁吓，非常新鮮，而鵝肝撲咗少少麵粉，師傅話一陣煎起嚟外層就更香脆。加拿大銀雪魚、澳洲鮑魚睇住師傅將鮑魚起肉、去內臟、調校唔同火力慢煎、灑水、切片、再放回外殼，真喺一擔心機；同樣，啲銀雪魚雖然少啲步驟，但要煎得色香味俱全，都有唔少功夫同竅門，實在喺台上一分鐘，台下十年功。煎好嘅成品，經過細心嘅擺盤，襯以少少野菜，真喺感覺唔同晒，成道精緻嘅主菜咁。先試試啲鮑魚，入口口感柔韌，唔會有咬唔入嘅感覺，沾沾放晌碟邊嘅岩鹽及黑椒，鮑味更突出。再試埋啲銀鱈魚先，表皮煎得非常焦脆 ， 而啲肉質細緻嫩滑，又極富油香，果然極具質素，平常晌出面食一客銀雪魚都成嚿水架。香煎鵝肝與此同時，已見師傅煎緊鵝肝，相對嚟講，煎鵝肝就無咗多技巧，最緊要喺有耐性，慢慢煎到兩面「起焦」。基本鵝肝都幾油膩吓，所以師傅特登配件多士嚟食。件鵝肝果然煎得外脆內軟，外層好似啲法式焦糖燉蛋咁有層脆殼，裡面就嫩滑到不得了，並且充滿甘腴油香，細細哋一口，過到口癮，又唔會太罪惡感。鐵板美國肉眼薄燒再落嚟，師傅捧上一盤薄切肉眼，雖然唔喺日本啲雪花和牛，但睇色澤、油花，都已經好靚。肉眼已經簡單以鹽及黑椒調味，再準備好自家製嘅獨子蒜蒜片及大量蔥花。師傅三兩吓手勢，將薄荷薄嘅肉眼燒一燒，再加入蒜片及蔥花，捲起後，再軋成兩截，方便一口一件，就上碟食得。每位客人可享有兩大片肉眼，即喺有4件。薄切嘅肉眼口感柔嫩，有肉香，有點點油脂。由於捲住大量蔥花，所以，完全無油膩應，加上蒜片引發嘅香味，每肉眼薄燒味道更具層次。好奇問師傅，墊底嘅塊麵包有無人會食埋，佢笑笑口話都有架。牛肉炒飯雖然餐牌只喺寫住牛肉炒飯，但師傅靜雞雞講喺用上和牛嚟做。佢先炒香啲配料及牛肉，再加飯及蛋漿，不斷兜，不斷炒。飯粒炒至金黃色，粒粒分明，加上配料多，食落飯粒又爽身，入口「暖笠笠」，食埋碗飯就夠晒飽肚。味噌湯我哋香港人就喜歡一餐之前就飲湯先，但日本人就相反，食到尾先嚟一碗熱乎乎嘅麵豉湯。麵豉味香濃，但又唔會太濁，內裡更混咗唔少海帶。甜品餐餐所包嘅甜品可以揀芝麻雪糕、綠茶雪糕、朱古力雪糕或香桃雪葩。表哥就揀芝麻雪糕，小弟就想食雪葩多啲，雖然我嘅雪葩個樣衰啲，但感覺清爽，桃味不俗。蜜糖多士以為食埋個雪糕就完，師傅仲額外整多份蜜糖多士俾我哋嘆，大量牛油將方包煎香，入口熱辣辣，又焦香甘脆。晌一啲傳統市中心旺區，食一頓有番咁上下質素嘅鐵板燒，真喺無$1000，都要上$600、$700一位，但依家未夠$900，就已經喺二人價，加埋一都唔過$500一個人，加上菜式唔少，食材不賴，性價比確喺高。…查看更多

在觀塘附近工作或居住的朋友，你們有口福了！在觀塘工業區內新開了一間鉄板燒的餐廳，那麼就不用長途拔涉出去搵食了。餐廳裝修十分講究，從外觀至內面的環境，都令人覺得置身在日本。今天在中午來到，看見門外餐牌有壽司定食，和食定食，鉄板燒定食，鉄板一人前等等，價錢由$200 至 $500，各款定食均包括主食、沙律、前菜、湯、咖啡。鉄板一人前 $500/午市套餐 前菜前菜是海帶、蟹肉和蟹子，酸酸地的醬汁很開胃，很清爽，味道很配合。時令沙律沙律的材料主要是什菜，粟米，紅蘿蔔，蕃茄仔，各款蔬菜也很新鮮。刺身三點三款刺身有帶子，油甘魚和赤身，刺身很新鮮，厚切亦增加口感，擺盤也很美觀。車海老大大隻的車海老，起碼有八至九吋長，蝦肉切成三小段，肉質超爽，蝦頭超多蝦膏，真係食到舔舔脷。南非鮑魚隻鮑魚超級新鮮，放在鉄板上，還看見牠在郁，証明是十分新鮮。鮑魚味道鮮甜又不靭，切成薄片更方便一啖一片。肉眼薄燒薄切的牛肉在鉄板輕輕焦香，包著葱花和香蒜，然後放在多士上索去多餘的油份，肉眼片夾著煎香的葱蒜，香味更突出。和牛炒飯這個炒飯用了日本和牛粒一起炒就更加增添貴氣，味道就當然更美味啦！湯這個是梅清湯，第一次飲梅湯，有少少鹹酸的味道，另外湯內有一塊紫蘇葉，令香氣很強烈。甜品甜品是雪糕，這個是芝麻味，每啖都可以吃到芝麻的口感。咖啡最後還有一杯咖啡作完結，豐富的鉄板套餐真是一個大滿足。…查看更多