夜首爾

餐廳有兩層，空間感好大，枱與枱之間有一定嘅距離。就算有開火燒肉，都冇乜油煙感。主打各種韓食，醬油蟹、燒肉、各種鍋物，酒類都好豐富。小菜有6碟，可以任添，泡菜好好食！跟據入座人數有限時，5個人以上已經冇限時，好啱聚餐。特選豚肉拼盤 $500拼盤有五花肉、豬頸肉、豬扒，無做過任何調味，所以只係單純嘅豬肉肉香，我覺得肉味比較淡。煎到表面焦香嘅時候可以煎香煎脆，肉質微韌但唔會太乾。拼盤冇包括生菜、包飯醬、蒜片，只有簡單嘅麻油+鹽。馬鈴薯排骨鍋 $480邊加熱邊食，冬天必叫，大推！將面頭嘅紫蘇籽粉撈入湯頭，即刻變得好韓。大大塊排骨起碼有5-6塊，骨頭上嘅肉份量唔少，燉到一夾即散、一咬即化，索汁好惹味。仲有大量大白菜、芝麻葉、大蔥，索晒湯汁。薯仔軟綿但未夠腍、唔夠入味。泡菜煎餅 $120熱辣辣上菜，煎餅外圈焦脆、中間軟腍，唔覺得油膩，大蔥、泡菜好足料又唔會好辣。水冷麵 $110湯頭清涼，加埋醋更加開胃。細麵條有韌度、有咬口、掛湯。配料有辣蘿蔔、青瓜、烚蛋，好豐富。…查看更多

夜首爾😘😘😘滋味韓首選尖沙咀寶勒巷、港人喜愛搵嘢食集中區、以韓式傳統理念木系裝飾😋😋⋯⋯帶傳統韓國風味、韓國人主理、純正地道韓風❤️開胃前菜小吃泡菜、醃漬茄子、涼拌芽菜、涼拌菠菜、薯仔、韓式翠玉瓜、涼粉、涼拌野菜👏🏻👏🏻傳統韓國地道文化、餐前必吃前菜、除了提升口感、注重食物多元、食材有不同營養元素！原味牛肋骨「韓式長切法）$360⋯原條裝牛骨、黐住一片長長的牛肉、切粒後伴原條骨上碟、自行按熟度燒烤、吃時蘸點海鹽、簡單品嘗原味道、牛肋肉肉身粉嫩、烤香濃濃牛香味撲鼻、一啖一啖、溶化囗中、鮮嫩多汁、夠juicy🐂🐂醬油蟹$250/1pc*韓國延坪島直送⋯五大韓國名菜之一、正宗韓國航運、延坪島全部為母蟹、晶瑩透徹、蟹膏滿瀉、鮮甜美味、令人難以抗拒、只要將白飯放進蟹蓋內、與蟹黃一起拌吃、惹味極點、淡淡醬油香味、滋味無窮😍石鍋拌飯（牛肉）$130⋯著名的韓國菜之一、高溫加熱石鍋、放上材料有飯、胡蘿蔔絲、冬菇絲、豆芽菜、菠菜、牛肉、雞蛋等等、分類鋪🈵️石鍋面、顏色艷麗、賣相吸眼、加入韓式辣椒醬、攪拌均勻後品嚐、白飯微焦後出現的「鍋巴」很香、可以熱騰騰、美味地品嚐！夜首爾尖沙咀寶勒巷13-15號寶力大廈地舖港鐵尖沙咀N2出口、步行約3分鐘…查看更多

見到很多人介絡此餐廳的醬油蟹, 終於高高興興去試食食物 : 味道正常, 未見突出 Soy Sauce Marinated Crab 2 pcs $460 ~ 醬油蟹味道正常 Seafood and Green Onion Pancake $150 ~ 海鮮煎餅味道不錯, 上枱時熱辣辣, 好味Marinated Long cut Ribs $360 ~ 牛肋骨味道不錯 Rice $15 ~ 食醬油蟹一定要加的白飯, 包咗碎紫菜芝麻 環境 : 坐位OK, 地方乾淨, 旁邊坐的是韓國家庭, 特別有FEEL 服務 : 員工有禮貌主動, 雖然有些員工不識廣東話, 但溝通無問題 價錢 : HK$1084/2人 (加一服務費)…查看更多

位於尖沙咀寶勒巷「夜首爾」，正宗韓國人處理，餐廳食物選擇全面，朋友們如果仲未安排到時間去韓國旅行，嚟呢度食番餐絕對可以頂到一下韓國癮嘅地方。只要你諗到嘅，呢度都差不多有齊，嘅有韓國直送醬油蟹，亦有部隊鍋、大醬湯、烤牛腸/胃等經典菜式，當然亦有各式韓國料理及本人最愛嘅BBQ啦。另外，仲有一人餐供應添。今次我選擇了食韓燒，最like 佢哋的前菜，就已經有很多款，睇見已經超開心。主食方面我㸃了必食嘅《厚切五花腩》（＄180），有四條，肥瘦均勻，豬腩肉質及味道很夠鮮味。仲有我至愛嘅《牛舌》（$150）。同樣肉質鮮味，牛舌肉更加爽彈而味甘香，口感極佳，本人超鍾意。個人喜好，食燒肉一定要有啤酒，所以追加了二枝韓啤（$38），咁先至夠喉。餐廳亦供應很多不同韓國傳統燒酒及．米酒等。本來專登選4㸃非繁忙時段入座，不過發現餐廳內仍頗多人客。果然食物質素佳，自然有捧埸客。下次要再來食烤牛腸/胃。…查看更多

入到去原來好大間，仲要係有兩層添，都有唔少韓國人食，想必定係幾正宗，好似我咁未得閒去韓國住，可以黎呢度止下癮先😌▪️ 前菜 （7.5/10）八碟免費既前菜：燒茄子、炒雜菜、芽菜、甜薯仔、辣泡菜、橡子涼粉、菠菜、醋漬雲耳青瓜🧆個人尤其鍾意燒茄子上既蔥同辣椒粒調味，醋漬雲耳青瓜亦幾開胃🥒▪️ 醬油蟹（8/10）💲250 (1pc)有我朝思暮想既醬油蟹同醬油蝦🦐呢次試左醬油蟹先，食落夠凍，無人地講話未融雪既問題，蟹膏同肉都鮮甜🦀️醬油調味切合港人，唔會話太鹹，亦會帶點辣，完全無腥味，仲可以另外點白飯撈🍚▪️ 調味牛肋骨 (韓式長切法)（8/10）💲360 (1pc)燒肉類選擇多不勝數，見唔少人推介牛肋骨同五花腩，我大多都係揀牛多過豬🤣店員先向我地展示整條牛肋骨，之後再將表層燒到五成熟，最後切粒比我地自己燒🔥油花都均勻，肉質軟嫩，牛味香濃，不乏油脂香🐮▪️ 年糕餃子湯（7.5/10）💲135年糕軟糯中帶煙韌，餃子飽滿紮實，仲有唔少牛腱肉，食落都幾軟腍，蛋花湯清清地，可以中和返油膩感🥟🔎 整體評分（8/10）…查看更多

最近好想食醬油蟹🤣，於是就去尖沙咀食韓國嘢😋~嚟到之後當然叫主角醬油蟹啦🦀~ 因為怕唔夠飽就叫多兩樣嘢，三個人食就啱啱好啦😎🌸首先送上前菜🥗 ~ 份量相當多，我地食完其他主菜，前菜都仲有剩😂 味道都唔馬虎㗎~ 尤其係當中嘅泡菜！平時喺香港食到嘅泡菜都無辣嘅味道，呢份泡菜嘅口感及辣度有驚喜😋🌸醬油蟹 HKD250💵主角醬油蟹🦀 賣相一流😍，食落味道亦不負所望😋 甜中帶滑溜的口感相當唔錯。我地高速食哂可見味道亦是一流😂😂 只可以講不愧係招牌菜😎 雖然一隻價錢頗高但下次可以再戰😚🌸牛肉蘑菇火鍋 HKD380💵之後就係牛肉蘑菇火鍋，出乎意料地牛肉口感相當唔錯，湯底亦甜，有一種壽喜燒的感覺😂 份量多都對得住個價格，蔬菜都好新鮮，整體都算抵食之選👍🌸豚肉石鍋飯 HKD130💵最後韓國菜緊係唔少得石鍋飯啦，我地就叫咗個豚肉石鍋飯，整體中規中矩，同市面上嘅石鍋飯分別不大，無太大驚艷感覺。只可以說飯焦好食呀！…查看更多