南小館 (愉景新城)

近年荃灣區有一些我常幫襯的上海菜館都結業了，在開飯喇搜尋這區還有什麼上海菜館，選了這間位於愉景新城的南小館。由荃灣地鐵站行去都幾遠，不過有天橋直達就不怕風吹雨打。坐低睇住一大張點菜紙，有好多嘢想食。菜式選擇多，點完餸就食住前菜先。有花生和菜莆，味道唔錯，好快就俾我哋食左一半。為了滿足食小籠包心願，叫左兩款小籠包大吃一餐。鮮肉小籠包，上檯時熱辣辣，一籠有5隻，肉汁豐滿充塞在包內，吃時不可心急，否則會淥親條脷。雖然包皮不是很薄，但厚度適中，好吃。帶子鮮肉小籠包，小籠包皮是翠綠色的，有小帶子混和在鮮肉內，味道鮮甜，同鮮肉小籠包一樣，肉汁豐富好吃。南小館四小拼，在七款小吃內選四款。我哋選了四喜烤麩、糖醋排骨、羅漢素鵝、花雕白雞。四款食材分別放在四格位的碟內，小巧精緻。四喜烤麩，軟軟綿綿。糖醋排骨，酸甜好吃。花雕白雞，酒香雞肉滑。羅漢素鵝，腐皮有豆香。京蔥肉絲配薄餅，這個放上檯時我以為是上海粗炒，肉絲較粗，肉絲下舖滿了京蔥絲，炒肉絲的醬汁帶甜味，用薄餅皮包住吃另有風味。肉絲份量很多，薄餅皮只有四片不夠吃，多加兩片就差不多。上海粗炒，粗身麵條掛滿醬汁，另外有肉絲，冬菇絲，椰菜絲，醬汁不鹹，口感可以。老上海酸辣湯麵，湯底酸辣味濃，但麵上放的幾隻白蝦仁卻沒有什麼味道，麵身幼長彈牙，這個湯麵也要快點吃，否則麵會變得越來越糊就不好吃了。紅燒乳鴿做特價，29元一隻，叫了一隻試下。乳鴿體積都不少，肉多又嫩滑，一口咬下去，即時漏油，燒得夠火喉，色澤鮮明。今餐叫左好多嘢食，吃得飽飽，上海粗炒食唔曬要打包帶回家。…查看更多

屯門無乜新餐廳，又向荃灣進發。睇左門口餐牌，見到都多選擇及價錢合理，自助取票機取票在門口等候，雖然3-5人枱第二張便到，但一直叫入都是二人枱，基本上兩人枱可不用等，等左大約20分鐘終於入座，環境算光猛整潔，侍應已放上前菜及蕎麥茶，枱上並沒有放上茶壼，侍應會幫忙添加蕎麥茶，食物都算好味並夠熱，乳鴿做緊特價但點單紙上並沒有，口頭叫侍應落一隻，最終也是漏單沒有來，所以冇得試。侍應有禮但人手略為不足，下次可再試餐廳的其他食物。…查看更多

今日中午周圍行，見肚餓就入左去愉景新城搵野食，見到南小館，我印象中南小館都有好幾間，但從未試過，今次就試下，可能下午茶時間，唔太多人，唔需等位，我地叫了碗擔擔麵及煎餃擔擔麵非常夠味及有小小辣，最好味都係煎餃子，非常脆，果然係正宗,另帶一提，佢哋開頭都有前菜比我地酸酸地，非常開胃，及茶都非常好飲，好夠味，唯一美中不足的就是員工比較無笑容，唯獨一至二個，可能係經理，有好多笑容，總結：下次可以試下晚飯，一定會再來…查看更多