九重鮮

一行9人去，地下跣跣滑滑咁，老人家或細路去要小心. 前菜果d白菜仔蓮藕只可以refill 1次。叫咗個9層塔，望埋去係幾過癮，咁要等佢起碼15分鐘，等溫度上到95度. 前菜又唔可以refill, 唯有吹吓水. D海鮮就麻麻，聖子仲有d沙，有個貝類懷疑係臭咗，兩隻蟹中其中一隻有蟹糕，另一隻無。其他海鮮都ok嘅。芝士魚旦好好味，黑色嘅墨魚丸都好好好，木瓜都好清甜好味，我地分別兩個塔，一個底係泡菜粥，一個係魚粥。泡菜粥太多水，魚粥岩岩好，好綿好味。廁所要落地庫轉黎轉去有d遠。其中有朋友返到去肚痾，可能腸胃敏感吧。其他人返到去個身都有海鮮腥味。係服務算幾好，侍應有心幫我地影相。…查看更多

第一次食九重鮮，感覺好特別，服務都幾好坐低已經有成樽水，可以refill，唔怕食食下口渴冇嘢飲點餐之後就送上冷盤，4碗都好冰凍，好啱開胃今次嗌左首爾塔，一共有10款海鮮 (每位$398)。有中銀信用卡/ 黃埔VIP卡仲有9折湯底就加左$50要人參雞湯 (半隻)。醬汁總共有3款，由左至右，分別係海鹽麻油，辣醬同柚子豉油。不過想食得原汁原味，就唔好點太多醬汁喇海鮮塔嘅第1層係象拔蚌同蟶子，兩樣都好有鮮味，好大隻，非常抵之後係元貝，即係帶子。建議唔好倒哂啲汁，食一啖肉再啜一啖汁，更加入味配菜仲有爽口嘅絲瓜！第3層係海蝦，蒸嘅時間啱啱好，蝦肉有咬口特別欣賞配埋金菇同豆腐，可以清清個口先繼續食然後有刀蚌同龍躉，配菜有八爪魚仔同木耳。龍躉仲有啲魚鱗未清，不過魚肉好厚身，好好味第5層係花蛤，但稍為失色。蛤殻好大，但肉就較少。反而白蘿蔔、木瓜襯托返，整體先算不錯:)再落就係沙巴花蟹、北寄貝同芝士丸。花蟹同北寄貝味道一般，無乜驚喜，亦都較細隻。不過舖排得好靚，加分芝士丸就好多餡，好濃味，一定要試第7層就主要有鮑魚同墨汁豚肉丸。鮑魚厚身，肉質結實，蒸得唔錯蕃薯同南瓜都蒸到好軟熟，好易入口豚肉丸同粟米就無乜特別。最後就係人參雞粥，湯底吸收哂上層海鮮嘅精華，所以味道十足雞肉好多，亦唔會好嚡。雖然無乜人參味，但當海鮮湯都好飲、抵食！埋單時仲送左優惠卷，下次再嚟食過嗰時用…查看更多

今日去左終於有地鐵到嘅黃埔站食蒸海鮮今次嘅海鮮主角係: 松葉蟹!!!!!我地一早睇左食個原價$1388 for 4人嘅套餐，原來係HKTVMALL買coupon的話，用$988，就可以食到哩個餐啦，精明嘅朋友一早發現左，所以我地都買左coupon享有優惠價其實係地鐵站行過黎都係幾分鐘，算幾方便!!!我地6點半到左，店內未有人，店內都幾企理，無油煙味一去到就安排左我地坐卡位，好闊落舒服跟住就上左啲前菜沙律俾我地食住先等齊人就開爐啦，先上左啲煲粥料先，除左米，啲湯係用雪濃湯，仲有韓牛粒同白羅卜,啲湯白白地好似唔錯!!湯一滾就先放左一層上去先，其實就係主角松葉蟹，蒸8分鐘就可以食得，一打開，個個都有驚喜，隻蟹都幾大隻，食落好鮮甜，完全數洗點調味料食完蟹啲職員就收走左蟹嗰層，一次過放左3層上去蒸，當係上面個溫度計去到95度，就可以食得，哩3層主要有少少海鮮同啲飽肚啲嘅5谷食物，食材都新鮮，除左有1隻硯唔識開口哩度有啲扣分，其他都唔錯:)最後梗係唔少得個粥底，一打開，啲粥已經煲到棉棉地，職員會加入紫菜，京葱落粥度食落好正，粥夠味，韓牛粒超林，正雖然飽，都食左兩碗飲品方面要另外叫，set無包，本身朋友想叫酒，原來未有酒牌，得汽水果汁飲總結，坐得舒適，食得出色，無限時催你走，已經加分…查看更多

自從早前與好友在地鐵黃埔站附近有過一頓美好的饗宴之後,好友便想再在該區尋覓好食肆;經過一番網上搜尋而找到了一間韓式食肆,是以蒸鍋為主,並不是常見的韓燒!好友致電來約局,我也既然未試過韓式蒸鍋,就答應出往這次飯局了!一行四人在黃埔站集合了之後,再緩緩地走到食店,都只是五至六分鐘的時間;走到大門囗,離遠望到店內招牌是以中文混著韓文筆劃般寫法的螢光招牌;在店門口的走廊位有兩處用燈光射著地面,以及一處映射在牆上,來營造出魚在池中暢泳的效果;走廊盡頭門口側邊,則用木架架著韓式彩鼓及傳統古裝;似乎是,旗幟鮮明地說著這是一間現時風尚的韓式食肆!進內坐下後,發覺店內的空氣很通爽,估計抽氣系統做得十分好!燈光有足夠亮度又不過份,配合木色調為主的裝潢,加上空間感又足夠,整體給人的舒適度頗高!另外,餐具雖是標準的韓式金屬製款式,但不是最常見的黃銅色,而是銀色的,感覺更亮麗!看見鄰座的蒸鍋上插上溫度計,問了侍應生去了解一下,說標準蒸鍋蒸溫是95度,也不錯!餐牌上有多種不同套餐選擇,而我們最後定案是選擇松葉蟹套餐;餐飲牌主推的似是韓國甜果酒,但友儕間似乎興趣不太,唯有就此略過!落單後,侍應生先端來做底層的粥料,放湯後下米飯再放上牛肉;之後再端來多層蒸鍋放在上面,就此開爐進行蒸煮!一邊等著蒸鍋一邊與好友聊天,吃著全素前菜來開開胃;當中最出色的泡菜,調味濃辣度足,而且菜本身很爽脆很鮮甜,吃起來很可口!也不用等很久,第一層揭開時,原來也是以蔬食為主的;看看材料有:秀珍菇,木耳,蓮藕,蘿蔔,西蘭花與椰菜花;當中菇菌類入口很嫩滑,但由於沒調味,所以要蘸著醬料來吃,味道也算不俗!而海膽軍艦反而在蒸熟後,鮮味流失不少;但底下的玉子質感既厚又綿,挽回了好感!暖了胃之後,就到第二層的海鮮上陣;這個海鮮陣以貝類為主,看到蒸熟後的樣子與顏色亦顯示出了其新鮮度!大蜆鮮甜到基本上不用蘸醬料,而且肉質彈牙!花螺每顆算不上很大,但吃起來沒有沙,而且肉質爽脆,稱得上頗美味;而青口的肉質與鮮味俱好!而這腐皮包包著的蝦膠肉,配合得也很相宜,啖嚐起來鮮味與腐皮的本味及油份融和得不俗,但突出度不算高!再往下一層就是主角之一的松葉蟹腳;當拿起上層的蒸鍋時,眼前出現的是一盤霸氣的蟹腳,加上那道蒸汽將蟹肉鮮味推向四周的空氣;望見了,聞到了,即時令人食指大動!每吃一件,都被那富彈性的肉質,充滿著鮮甜味而逗樂了!加上估計餐廳員工應該先用鹽醃過這些蟹腳,所以不用蘸醬料來吃;其實用少量的鹽來調味,反而令那雪白又富足的蟹肉更顯鮮甜,又是吸收那大片海洋的濃縮精華的時機了!緊接下來一層,也是另一主角所在,主打是蟹蓋膏與蟹鉗;這個鍋層除兩種蟹食材外,還配上了蕃薯與粟米;先縱觀一下,似乎餐廳如此的食材安排,除了味道以外,還配合了現代人需要營養平衡的潮流!即便如此,但蟹膏的油潤嫩滑,蟹鉗的霸氣肉質,依然是對味蕾的那麼有所交待;加上有適當份量及味道略為清淡的粟米與蕃薯相配,在味道上與感覺上都有健康元素所在!來到最後一重鮮味的牛肉粥,正好屆成米花之時;因粥底吸收了上層各蒸物的餘韻,喝起來鮮味之餘也頗綿滑,又夠濃稠;牛肉調味得宜,也甚為嫩滑;最後灑上一些脆紫菜碎,再增鮮提味,吃得舒暢,亦提供了足夠的飽度!總結此餐,在一個環境舒適的餐廳,感受了一頓韓式蒸鍋美食,而且價錢十分相宜,感覺很滿意了!飯後水杯指數(食店食物調味濃淡度,5杯為最濃),本人給予2杯,以嘗新食物來說值得極高程度的推薦!…查看更多

顧名思義係玩韓式蒸鍋🍲門口跟室內都用上韓國裝潢，而前菜小食都係會有泡菜、魚乾等我就揀咗$398一位(兩位起)嘅首爾塔😈再選粥底，我要了韓式豬手湯會跟埋米，食到最後會煲成粥首爾塔一共有五層第1️⃣層：蟶子皇、象拔蚌配勝瓜跟菌第2️⃣層：元貝、海蝦配金菇第3️⃣層：龍躉、北寄貝配木耳跟西蘭花第4️⃣層：花蟹、大蚌、蝴蝶蚌、花蛤配木瓜跟菌第5️⃣層：鮑魚(可加錢轉南非鮑魚)、海螺、配各式瓜類跟菌到最後可以食埋連之前海鮮水份流到鍋底煲成勁鮮甜嘅精華粥😌粥入面仲有年糕、花蛤同豬手食今餐大滿足喔😚可能去貨快，整體海鮮都很新鮮，如果再平少少或有優惠就更好🙊-另外一讚係服務唔錯，店員都好細心講解步驟點食👍…查看更多

成日都係食個幾味 今次特別日子所以帶左男朋友泥食蒸氣火鍋 估吾到會係甘既體驗 食餐飯但勁令人留戀 全因為佢既鮮甜 食完都想下個月父親節帶屋企人泥食 畢竟平日吾常同屋企人出街食 但一出去食 就想帶佢地食特別啲既成個感覺都好似置身韓國 裝修主色係白色 好乾淨既feel 加埋木色桌椅 好居家 用暖色帶比人更加溫暖:)今餐男朋友發板 揀左398個個 有鮑魚 蟶子 海蝦 大蚌 元貝 海螺 象拔蚌 大花蛤 北寄貝 沙巴肉蟹 蝴蝶蚌 新鮮花尾龍躉 日本南瓜,蕃薯 我地仲加左48蚊轉南非鮑魚 個湯揀左男朋友最愛既人蔘雞湯 其餘仲有豬手湯啊泡菜湯等等 雖然依個價好似酒店自助餐甘 但滿足度完全超出左酒店自助餐 加上我地無食過蒸氣火鍋 個感受會level up!一開始比左啲前菜同沙律我地 估吾到有蘋果 好fresh既感覺 而泡菜就係必有既前菜 我最愛蒸氣火鍋真係蒸氣火鍋 有好多用具 側邊個鉗就吾洗講啦 可以夾野 另一邊有個好似牙簽甘 吾好睇少佢 食海螺用佢好快就可以鑽到個螺出泥 食得! 個醬都有3種 最左邊就點螺既 酸酸甜甜甘 中間清清地既係豉油 可以點蝦 右邊既辣醬點乜都得 嗜辣既必點啦先落左個粥底落去先 睇見個雞釀左好多糯米入去 仲有紅棗個啲 個粥底一滴水都無放 我諗最後吸晒海鮮既精華再加上雞本身既鮮味一定一級棒之後就落蒸籠 有5層高 依一刻只知道第一層有乜 其他層係咩都仲保持神秘感 真係好特別既飲食體驗 神秘之中又帶點驚喜 最後個蓋會從天而降 好得意 又一gimmick 男朋友都睇到目瞪口呆 因為我地吾知係係上面降落泥如果食好多層既海鮮塔既朋友吾洗驚甘多層啲熱度會吾會去到甘高 蒸吾蒸到熟架 想知就可以睇住個溫度計佢會不斷標升 最後去到90度就可以叫店員開蓋 開始食貨之旅係等食途中我地揀埋野飲 酒控既我就飲韓啤 而男朋友就揀左濟洲橙汁 有1500ml 佢話要挑戰喎開始食啦 店員話可以跟個漏斗去食 每層用5分鐘 但我食得勁慢 5分鐘完全吾得 haha第一層有蟶子同象拔蚌 伴菜有菇仔同翠玉瓜? 最用心既就係依間蒸氣火鍋既每個蒸籠都有蔬菜 balance番吸收左既海鮮 同時亦都令我地可以品嘗蔬菜既真味 平時蒜蓉炒或者用肉炒都會令佢既味變左配角 但毫甘清蒸 仲可以吸收左啲海鮮鮮味 好大自然感覺 另外有啲層數既蔬菜仲取材於日本蟶子好爽口 個殼仲有啲汁 好正 象拔蚌原本已經切左片 好新鮮之後就係海蝦同元貝 海蝦睇佢大大隻以為平平無奇 但勁有驚喜 因為佢勁多膏 meet完之後個蝦頭部分都有啲肉係食得既 加上肉彈牙 一食就知係新鮮蝦個元貝都好大粒 好似個碗甘大 好厚肉 連個潤都好味 成粒食正 個肉都吾會過熟 仲嫩 好鮮甜之後就係北寄貝同埋新鮮花尾龍躉 第一次食熱食北寄貝 我比較鐘意蒸過既北寄貝喎 有種海鮮既甜味 依舊好爽 而個龍躉好滑 無骨 仲有近魚皮部分 好嫩 骨膠原啊然後就有沙巴肉蟹,大蚌,大花蛤 個蟹啲膏吾係好澎湃但食落都有餘韻 雖然偏淡但食落就無甘罪惡 依層仲有木瓜 幾甜啊 好滋潤啊:)個鉗都好有肉 肉質有海水味 而蟹身啲肉我就留底等食粥刮入去 一秒變蟹粥我最期待既一層 有鮑魚,蝴蝶蚌,海螺,日本南瓜,蕃薯 鮑魚仲沾左少少上層既蟹膏 鮑魚肉厚味道無添加 好彈牙 都算大隻 食到幾啖 好滿足 海螺用枝簽真係好易了出泥 海螺肉實爽口 點完個類似酸梅醬之後 好match 好惹味 搞到我想食多幾個南瓜,蕃薯,粟米同埋蘿蔔都好好味 不過最愛係冬菇 啲海鮮汁好入味食最後個層啦--粥底 一打開我真係嚇親 有好多水 真係好勁啊蒸出左甘多海鮮精華 再淆個人蔘雞 心心眼之後店員就會幫手界開個雞 同埋分糯米比客人 佢好貼心甘分左紅棗比我 糯米軟糯甜甜的 粥好綿滑之後店員就有提議加啲白胡椒落去會更香口 加左之後真係幾香仲有人蔘條 好足料 食落已經好淋 蒸得好透徹good粥底入面仲有年糕 不愧係韓國餐廳 好煙韌 吾會淡因為吸左啲鮮味 因為啲海鮮已經食到好飽 所以剩底既粥我就打包左番屋企 同屋企人分享:)走時發現原來依間餐廳 吾止有蒸氣火鍋食 仲有韓服可以著 玩味十足地下仲有啲魚兒游啊游 好表達到依間餐廳既取材於海既主題門口仲有啲lunch牌 下次都可一試如果係蒸氣火鍋 平價既話268一位都有架 下次同屋企人泥 大伙人可以試下268 yeah!!依餐真係好滿足 最難忘係鮑魚,海蝦!!!…查看更多

黃埔花園，對上一次來都不知是多少年之前了。這天，我和媽媽二人竟找到黃埔，就是因為這兒有一個鮮甜的韓國蒸海鮮塔。紅磡站走過來不算近，走路約20分鐘，沿途和媽媽聊起往事：半島豪庭開放日，還有外形像一隻船的黃埔商場，我還記得以前有一個很大型的波波池（好像是冒險樂園？不知現在還有沒有呢？），我們小時候爸媽常常帶我們四周逛，現在我們長大了，也是時候到我們做導遊了。 希望媽媽喜歡我特地為她選的『九重鮮』海鮮塔吧！ :) 餐廳大門寬敞，正門放有招牌九層海鮮塔，然後又放有韓服哈哈，媽媽一直以為是港式海鮮塔，見到韓服才次這是韓國菜餐館！未試過韓國蒸海鮮塔的我倆，都充滿期待。甫坐下的時候，店員就為我們送上三款不同的醬汁和兩款前菜，分別是泡菜和薯仔。泡菜的甜辣度適中，不會太辣，但我更喜歡薯仔，很綿，很入味。這次的海鮮太新鮮，我完全沒有點過醬汁。飲品選擇不少，全部都是韓國飲料和酒一向愛喝日本梅酒的我倆見到有韓國梅酒($98) 都覺得非常新奇，點了一瓶試試。梅酒味沒日本的重梅香，酒味偏濃，但都很易入口，味道尚算醇厚。錫蘭檸檬茶（$13)就沒什麽特別。九重鮮的『海鮮塔』有款可以選擇，分別是每位$328的釜山塔，$398的首爾塔，$568的濟州塔，每塔的海鮮都有所不同，濟州塔的海鮮自然款式較多，也較名貴。我們點了店員推介的『首爾塔』+要了『韓式豬手湯』做粥底 。食用人數決定塔的層數，我們兩個人用餐就會有五層。塔到了的時候，店員就繫了一個溫度計在鍋蓋，當時顯示為16度左右，店員說約90度時，他們就會過來協助。想不到90度時，蒸籠蓋就緩緩升起，猶如「UFO」！超級有趣！！！開頭我完全沒有留意餐廳有這個設計，差點錯過拍照的一刻，哈哈。不過，我看到餐廳好像只有一行枱有「UFO」設計， 如果想『親歷其境』，訂枱最好先說明 。枱上有一個迷你的5分鐘沙漏，店員建議每5分鐘食一層，不過我們只顧食都沒有理會到，店員總是非常熱心地幫我們夾起，以免煮到過熟變老和韌。＊第一層：蟶子、象拔蚌＊兩樣都有專人計時，所以蒸得剛剛好，爽口鮮嫩，不會覺韌，而且啖啖肉，食到海鮮原有的鮮甜味。＊第二層：海蝦、元貝＊媽媽最喜歡海蝦，肉質結實，鮮甜味十足，而且還有蝦膏！我就最愛元貝，SIZE巨型，十分厚身，簡簡單單沒有蒜蓉調味，吃到的卻是原始的鮮味。＊第三層：北寄貝、花尾龍躉＊龍躉是我最驚喜的，蒸得非常滑嫩，時間剛好，食落不會太淋至散開，濃郁魚味，真係無得輸！！北寄貝可能吸收了上兩層的鮮味，所以我覺得特別鮮甜。＊第四層：沙巴肉蟹、大蚌、大花蛤＊見到有蟹膏，蟹鉗有少少肉，主要是吃味道。大花蛤和大蚌也爽口。木瓜也十分爽甜呢！＊第五層：鮑魚、海螺、蝴蝶蚌、日本蕃薯、日本南瓜＊鮑魚大隻肥厚，煮得腍身，非常鮮美。蕃薯、青菜和南瓜吸收所有海鮮精華，加上本身日本蕃薯和南瓜獨有的甜，風頭完全不會被一眾海鮮搶去，好味！！！＊最底：韓式豬手粥＊吃了那麼多層海鮮，早已飽了7－8成！但這個韓式豬手粥仍然叫我驚艷，這粥底非常鮮甜，原來除了因為吸收了那麼多海鮮的精華，還有豬手和蜆去熬成。這粥也十分軟綿，好吃極了！飯後去了看船XDD…查看更多

今年團年飯諗住同兩老特別D過，去左九重鮮試下新嘢。正所謂揾得黎，就自在食，黎一個層層海鮮宴。點知都唔係好易揾，去左紅磡火車站撘的士，點知司機唔識路，落車揾左一陣先揾到，好彩個booking都仲等我地，唔係就要等。可能新開，都唔係好多人，不過都full，餐廳留左卡位俾我地，so nice。去到先知係韓國餐館，裝修都幾靚。見到張張枱都有一層層海鮮，我既胃酸都即時分泌出黎。原來有好多個餐可以選擇，有濟洲㙮、首爾㙮和𨥏山㙮。最後揀左個中間價既首爾㙮，仲叫左支挴酒飲。其實好想飲米酒，但太大支，飲唔曬。呢支梅酒既賣相都幾靚。可能太肚餓，連前菜都覺得好好食無幾耐就上左個粥，好得意係用蒸，侍應話等上面個撘既海鮮流落去就會好濃味，即時好期待。等左一陣都未黎，問左個男侍應，佢勁有禮貌咁話唔好意思，我去跟下，仲彎埋腰，好似去左酒店咁。過左無耐，有8 層㙮黎左，男侍應好細心咁講話要温度計到85度先得。終於食得啦，一次過睇曬8層超新鮮同大隻既海鮮，無落調味料都好正，唔知點解連D南瓜、蘿蔔同蕃薯都好甜，正不過更勁既係個粥，真係超濃味，係一碗比一碗鮮甜，真係肚滿腸肥既一餐。…查看更多