九重鮮 (已結業)

今年团年饭谂住同两老特别D过，去左九重鲜试下新嘢。正所谓揾得黎，就自在食，黎一个层层海鲜宴。点知都唔系好易揾，去左红磡火车站撘的士，点知司机唔识路，落车揾左一阵先揾到，好彩个booking都仲等我地，唔系就要等。可能新开，都唔系好多人，不过都full，餐厅留左卡位俾我地，so nice。去到先知系韩国餐馆，装修都几靓。见到张张枱都有一层层海鲜，我既胃酸都即时分泌出黎。原来有好多个餐可以选择，有济洲㙮、首尔㙮和𨥏山㙮。最后拣左个中间价既首尔㙮，仲叫左支挴酒饮。其实好想饮米酒，但太大支，饮唔晒。呢支梅酒既卖相都几靓。可能太肚饿，连前菜都觉得好好食无几耐就上左个粥，好得意系用蒸，侍应话等上面个撘既海鲜流落去就会好浓味，即时好期待。等左一阵都未黎，问左个男侍应，佢劲有礼貌咁话唔好意思，我去跟下，仲弯埋腰，好似去左酒店咁。过左无耐，有8 层㙮黎左，男侍应好细心咁讲话要温度计到85度先得。终于食得啦，一次过睇晒8层超新鲜同大只既海鲜，无落调味料都好正，唔知点解连D南瓜、萝卜同蕃薯都好甜，正不过更劲既系个粥，真系超浓味，系一碗比一碗鲜甜，真系肚满肠肥既一餐。