Cafe Paradise (杏花邨)

食小鬼這次推薦的黃店餐廳環境夢幻而有情調。餐廳外已經看到了有一巨型的旋轉木馬及女生喜愛的大公仔供食客打卡。情人節時餐廳只有三款套餐，分別是情人節套餐，二人套餐和一人套餐。二人套餐$328 包括了： 是日餐湯 X2，凱撒沙律（2人分量），小食 （脆炸三角芝士/香煎墨魚餅/蜜糖烤雞翼）， 主菜一（美式BBQ豬排骨/挪威三文魚配芒果蛋黃醬/香脆豬手配燒汁/温慢煮法國油封鴨脾/烤美國豬鞍配黑莓蜜糖汁），主菜二 （千島海鮮滋味薄餅/意式滋味雜錦薄餅/日式和風鰻魚拉絲薄餅/6分厚切西冷牛扒配燒汁/黑松露野菌意大利飯/卡邦尼意大利粉/蟹籽蟹棒忌廉意大利寬條麵/白咖哩香予豬扒飯），是日甜品和飲品。是日餐湯為西蘭花忌廉湯。小食是香煎墨魚餅，主菜分別是挪威三文魚配芒果蛋黃醬和蟹籽蟹棒忌廉意大利寬條麵。最後飲品分別點了凍檸茶和荔枝乳酸特飲 （+$15）。餐湯的味道不俗，但比較稀，賣相一般。凱撒沙律雖賣相平平，但醬汁味道調配得十分濃郁配上炸麵包丁，惹味醒胃。香煎墨魚餅煎得甘香可口但不會油油的，口感彈牙 配上泰式酸甜醬，不俗。挪威三文魚配芒果蛋黃醬三文魚煎得剛剛好，煎得既香脆又不會乾，只是芒果蛋黃醬味道略為甜。主菜上還配有薯角，新鮮即炸，味道佳。蟹籽蟹棒忌廉意大利寬條麵以二人套餐來說份量較少，醬汁份量適中，寬條麵口感剛剛好不會被煮得過火，配上蟹籽在口中啪啪的爆開，無論是口感還是美道都一絕。是日甜品為奶凍。份量大，但奶味較淡。荔枝乳酸特飲荔枝味濃，像益力多，不錯。…查看更多

無何否認我係一個港女，見到Cafe Paradise粉藍色既外牆，門口既旋轉木馬，我已經忍唔住要衝入餐廳。當我一打開個餐牌，Pop up旋轉木馬，完全感受到餐廳既小心思。最後我揀咗$328 for two既dinner set。🐻是日餐湯-洋蔥煙肉忌廉湯湯既濃度適中，有蘑菇同洋蔥粒，絕對唔係一般罐頭湯。🐻瑞士雞翼每隻雞翼都好大隻，瑞士汁超入味，但雞肉仍然係咁嫩滑。🐻凱撒沙律好足料好大盤，沙律醬勁多，每條生菜都一定沾上，完全岩晒愛食醬既我。🐻美國安格斯西冷牛扒配燒汁我點咗5成熟，出乎意料地牛扒冇煎過熟，牛扒份量大，有2cm咁厚，好juicy，好好味。🐻蟹籽蟹棒忌廉意大利墨汁寬條麵第一次食由墨魚汁製成既寬條麵，成個麵都好重蒜香，mix埋蟹籽一齊食，口感好豐富，食完都唔怕個嘴會污糟。🐻是日甜品-杧果布甸個布甸可能放係雪櫃太耐，所以變得好乾，口感似mousse多d，如果加返d杧果粒會更好。…查看更多

非港島區居民入杏花村呢個可能性幾乎係零～不過因為工作關係要去柴灣，順便搵地膽食下飯啦！佢話最近杏花村開左新餐聽帶埋豬太郎去試～有新野食絕對唔可以錯過～～.#粟米甘筍忌廉湯完整嘅西餐梗係由餐湯同前菜開始，粟米甘筍忌廉湯都幾濃稠，好重忌廉味又唔會好甜！放咗陣先飲都唔會”杰”晒～而且佢都幾大碗！jengs～.#凱撒沙律前菜好大盤！沙律菜唔會好大塊，用叉食都好方便～蔬菜新鮮咬落好爽脆，陪埋大大粒麵包粒口感好豐富呀！.#墨魚餅小食方面佢有幾款揀,我地覺得叫個特別D會好D,所以選擇左墨魚餅.平時小食D配菜多數用黎隔油,但佢D菜真係可以食,仲用左匹配墨魚餅嘅沙律醬,確係細心!墨魚餅好有彈牙口感而且鮮味足,最好就係點埋泰式醬汁吊吊味..#千島海鮮滋味薄餅啲薄餅款式好吸引！最後揀咗千島海鮮～主要都係蝦同青口，無諗過啲青口會咁大粒而且都幾新鮮，起碼無雪藏味又無沙，啲蝦夠鮮，口感又彈牙，唔會因為放入焗爐而影響口感，個千島醬都唔會太漏而芝士仲拉到絲，加埋脆之餘又夠咬口嘅薄餅底，係好高分嘅pizza～.#美式BBQ豬排骨最開心都係見到BBQ排骨！佢啲肉幾乎係零脂肪可以盡情食，啲肉都好容易切開離骨，手殘都唔怕食唔到。仲有兩款醬汁可，豬太郎就鐘意跟番指定動作點BBQ醬最惹味，每件唔算太多肉，食多幾件都無問題，但兩個人嚟講都幾大份～男仔大食啲都唔使擔心！…查看更多

我住小西朋友住杏花村,俾你揀都梗係杏花村食野啦~~朋友話杏花村有間西餐佢都想試,咁就o岩啦~~~晚餐佢有2款選擇,貴少少嘅2人餐有埋小食餐湯顏色都幾靚,入口feel到陣陣甘筍味,甜甜地幾開胃架一般套餐D沙律都好細分,但呢個沙律真係大碗到好似單點咁!沙律菜好爽又有好多面包粒,最好就係唔多醬汁唔咁heavy小食方面我地選擇左墨魚餅,食西餐嘅地方竟然有墨魚餅,得唔得呢?每塊墨魚餅都好厚,咬落去feel到墨魚肉都有好多好彈牙,唔覺有麵粉味,點埋酸辣醬可以降低油份添!千島海鮮滋味薄餅上面D海鮮好大粒,每件pizza都有好多料,每一口都味道豐富,薄餅底都幾厚下,所以食兩件已經好飽.BBQ豬排骨都幾分明容易切開,本身已經調過味所以唔點醬都已經好好食,咬落D肉都幾林,連骨都可以"損"埋架~至於薯蓉好扎實,咪睇佢好似細細球咁,因為密度高,食一半都好飽,好彩佢夠熱夠薯唔會有too much的感覺,呢個菜真係高質!食完會跟一個甜品,其實去到呢度我已經食唔落,實在太飽,但發現佢係士多啤梨jelly,酸酸地又ok wor~~~menu~…查看更多

期待左好耐一直都好想黎，終於搵到日唔知咩記念日拉左BF黎杏花村分店，又可以行OYTLET，又可以食飯又可以打卡影靚相；黎到被安排坐係旋轉木馬旁超開心!同想像中一樣，雖然唔可以坐上去，但有隻咁可愛既熊仔就攬住佢影相都開心我地叫左個2人set dinner share $328跟餐凱撒沙律臉一樣大，分量多到好滿，沙律菜新鮮又夠脆口是日餐湯係南瓜湯小食香煎墨魚餅蟹籽蟹棒忌廉意大利墨魚汁寬條麵；滿滿既蟹籽配上一絲絲既蟹棒，忌廉好CREAMY而且好濃味，但意大利粉有點碎開一條條，好難用叉食到另外點左個洋甘菊花茶就要+$25，好香既花茶飲熱既都健康D，用黎打卡一流跟餐甜品紅豆布旬…查看更多

老友搬左去杏花村, 叫我上佢屋企參觀下...可惜佢係地係無飯夫妻, 唔煮飯, 無廚房, 無得食!不過原來杏花村好方便, 朋友就帶我黎Cafe Paradise, 佢話佢成日都帶姪仔黎食!Cafe Paradise係一個旋轉木馬主題餐廳,真係岩晒小朋友黎食!而且食物價錢亦大眾化,簡直可以用平 靚 正 黎形容!套餐好抵食, 餐湯+小食+2個主菜, 仲有甜品跟餐茶,都只係HK$328兩位! 而且選擇頗多哩~凱撒沙律及甘筍忌廉湯就一般, 正正常常. 小食我地點左香煎墨魚餅,雖然煎得黑黑, 但入口唔油膩且啖啖墨魚粒哩,配上泰式醬, 非常惹美!千島海鮮滋味薄餅好好味, 批底厚薄剛好;海鮮不外乎大蝦蟹柳等等, 估唔到會有青口;芝士加上千島醬配合得天衣無縫!另一個主菜點左美式BBQ豬排骨,份量非常大, 足夠三個人食哩!燒排骨調味好好, 加上啖啖肉, 食兩條骨已經飽飽!套餐仲有餐茶及甜品, 甜品係紅豆奶凍. 少少甜配大大粒紅豆, 飽飽都食得落!…查看更多

之前都有食過太子嘅Cafe Paradise，好高興見到今日佢越做越大，越嚟越多擁躉，仲開埋分店添。放工約朋友食晚飯，成日都唔知去邊食，但又想搵間cafe坐下傾下計。今日係杏花村附近，心血來潮就入去杏花新城搵餐廳喇！估唔到就見到Cafe Paradise，梗係要試下佢新開嘅分店啦！一踏入去第一個感覺係好童話，裝潢特別，仲有個大既裝飾旋轉木馬，啲員工好服務，都幾好禮貌！今日客人唔算多，大多都係一家人，有老有幼，可能係因為我地太夜黎啦，差唔多8點幾先黎到，坐唔滿人～飲品餐牌好特別，打開時會有立體蛋糕彈出黎，幾有驚喜。Main menu嘅款式都唔少，有扒，意大利飯，意大利粉同千層麵，價錢都唔算貴。仲有set dinner，唔想考慮咁多既話可以揀個main course配套餐就得，價錢同main menu差唔多，但會配有餐湯，沙律，餐飲同甜品。仲有兩款二人餐可選擇，我地都幾肚餓，就選擇左有多野食同埋食物特別啲既$328二人餐！揀左秘制慢煮花甲，西冷牛排同鰻魚薄餅，另外仲加咗$15同$25要咗杯Chocolate@Paradise同洛神花茶。忌廉粟米湯是日餐湯係忌廉粟米湯～凱撒沙律然後就係凱撒沙律，都幾大盤！沙律菜幾新鮮，大小啱啱好，如果可以加啲肉片塊、蝦仁、雞肉或烚蛋咁仲會更加好，更加吸引！秘製慢煮花甲第三味上嘅係小食慢煮花甲，香草調味唔錯～但花甲肉略為乾瘦，可能係因為慢煮令到縮左水啦！大約有十幾隻，兩個人食嘅份量都足夠。美國安格斯西冷牛扒配燒汁之後嚟嘅係主菜西冷牛扒～賣相唔錯，側邊仲有配菜，有烤蕃薯、番茄配蜜糖BBQ醬、烤粟米、蕃茄仔同薯蓉，味道不錯。牛扒我哋要咗五成熟，但食落似三成，不過都可接受。牛扒肉味濃厚，配埋附上嘅燒汁一齊食幾好食，而且份量大，足夠兩個人食。唯獨係牛扒比較乾，無乜肉汁，但整體黎講都算滿意！日式和風鰻魚拉絲意式薄餅第二個主菜係鰻魚薄餅，一上菜已經聞到香味，木魚絲又因為熱而郁，賣相都幾吸引！雖然呢道菜名話有拉絲，但我地拉唔到絲，可能係因為個薄餅已經切好左啦！薄餅配料味道好夾，鰻魚彈牙，但可能因為沙律醬同千島醬唔少既關係，食左一塊已經感覺到飽意！之後就到嘢飲啦！二人餐嘅話可以加$15要任何特飲／加$25要花茶。Chocolate@Paradise特飲Chocolate@Paradise，支攪拌棒好可愛，飲管都好有趣，賣相好靚！望落好有休閒渡假風情，而且真係好大杯！但係一飲落去覺得太甜啦，而且朱古力味唔係好夠濃洛神花茶另一個特飲洛神花茶，附有個蠟燭保暖。花茶真材實料，個壺有三分一都係洛神花佔既空間，無加糖或人工味道，一壺大概飲到八小杯，值得推介！朱古力慕絲是日甜品係朱古力慕絲，個份量都唔少，我地兩人每人有一份，而且賣相都幾好。至於味道方面，應該因為雪得太耐，慕絲硬度似雪糕，朱古力味亦唔夠濃，而且比特飲更甜~_~整體黎講我覺得份量好滿意，食到我地肚滿腸肥！價錢黎講唔算貴，同其他西式餐廳差唔多。餐廳內裝修幾特別，好適合一家大細黎共享天倫，小朋友應該會好鐘意入口個個旋轉木馬同埋大公仔！…查看更多