101手工涮涮鍋 (金朝陽中心二期 - Midtown)

101手工涮涮鍋 ，位於銅鑼灣登龍街1-29號金朝陽中心二期 - Midtown 29樓。 朋友生日我一早已經訂位， 餐廳環境舒適，我哋坐的卡位仲可以望到維港靚景。 當晚星期六我們點了美國安格斯牛頸脊套餐$458位， 醬料$30位。 📌前菜 手工麻醬麻辣手撕雞 & 秘製麻辣木耳， 兩款前菜都好惹味又開胃。 📌鍋底冬瓜卜卜蜆海鮮鍋， 湯底鮮甜，卜卜蜆新鮮冇沙。 📌肉類手切牛頸脊的肉味夠濃，質感嫩滑。 西班牙伊比利亞黑毛豬的口感極柔軟，肉汁可口。📌火鍋拼盤墨魚汁鳥結糖、太極冬菇、黑松露蟹籽海鮮軍艦、三重芝士鮮製蝦丸， 坐低不久已經送上火鍋拼盤， 四款味道都不錯。 另外可用qr code落單點其他火鍋配料， 我推介花膠，厚切美味。飲品有紅酒、白酒、 雞尾酒和無酒精飲品， 款式很多，無限時任飲任食， 性價比高。 🏷️溫馨提示～ 整個用餐體驗均屬個人分享意見， 只作參考😊。 …Read More

101手工涮涮鍋 🍷天氣涼返少少又想打邊爐了🥹 好難得係銅鑼灣呢啲旺區搵到間冇時限嘅任食邊爐，咁就唔洗一坐低就趕頭趕命咁倒曬啲食物落窩😎任食美國安格斯Prime Grade牛頸脊套餐 ✔️前菜｜/ 手工蒜泥口水手撕雞 微辣/ 秘製麻辣木耳/兩款都係開胃之選，最適合等齊人開爐時過下口癮先😛主菜｜/ 冬瓜卜卜蜆海鮮鍋/接近有20款唔同組合嘅湯底，店員推薦最多人揀嘅卜卜蜆湯底，都好合理嘅，始終一樣價錢但係有埋海鮮！🤩放滿好多紅棗同松蟲花，感覺非常養生🫀一開始仲諗緊點解啲卜卜蜆可以放得咁整齊🧐 之後烚下烚下先知原來鍋嘅中央放左冬瓜盅，因為卜卜蜆份量太多，幾乎覆蓋左成個冬瓜🙈肉類｜/ 手切美國安格斯Prime Grade 牛頸脊/採用雙飛切法，每塊都係完整冇斷裂嘅，厚度又適中，色澤紅潤，牛味同口感都好好😬101特選手工火鍋拼盤｜/ 墨魚汁烏結糖/ 太極冬菇/ 黑松露蟹子海鮮軍艦/ 三重芝士鮮製蝦丸/4款食材都係以蝦滑同墨魚滑為主打🦐🦑 仲以為點解會放粒糖落去打邊爐，點知原來係長方形嘅墨魚滑◼️ 中間仲食到墨魚粒，口感豐富；大大粒嘅冬菇，同時釀左黑白墨魚滑☯️；而鹹香嘅芝心蝦丸都好出色🧀手工即炸嘅｜/響鈴卷/ 海苔鹹蛋黃魚皮/即叫即炸，非常香脆☄️ 店員上菜時仲好貼心咁幫我地將大大條嘅響鈴一分為二🔪而用電話自己落單嘅幾十款配料係任食嘅，部分食材仲要係台灣直送🛩台中福茂貢丸大粒過乒乓波🏓 不過配料嘅份量幾搞笑😂 兩個人寫1️⃣份，但唔知點解每款都係上3件😵‍💫 如果可以按人數上就可以慳返啲quota試多幾款了～/盆栽珍珠奶茶/🧋/柑桔檸檬水果冰茶/ 🍋去食任食火鍋都預咗飲品係無限追加，但係呢度並冇提供普通嘅罐裝或者紙包飲品，而係平時係街買一杯都要幾十蚊嘅台式手搖飲品同埋紅白酒！呢個價錢唔限時望維港夜景任食任飲，食物同飲品都好高質有心思，真係好抵😎 (有少少擔心佢會做唔住😂) 不過眼闊肚窄食左2 round已經飽曬，細食嘅可能會覺得唔夠抵🤔 見餐廳個lunch set都係$60左右，下次可能再試😆…Read More

香港持續寒冷 早幾日前預訂了某日晚餐邊爐 有兩個auntie join 所以地點就唔可以係 快餐店一人鍋 or酒樓任食要d 高級dd 有情調和特色的地方我相信101絕對滿足她們要求 所以瞬速book位 而我可以順便encore一入門口 有d緊張因為d auntie 靜晒 以為有咩不滿啦點知原來係比外邊海景吸睛 好彩入去時還有少少日光 幫大家係位和外邊露台都影晒相 非常happy地番位等食另一年輕朋友已經幫大家 揀好湯底 肉 和拼盤auntie們唔辣得要清淡 所以朋友揀了冬瓜卜卜蜆海鮮鍋 上次我和這個朋友來叫左紅燒牛 一來就嚇親 因為超多牛肉和配料今次一樣嚇親 見到好多肥美的蜆 有一碟炒蜆咁多 一樣有好多紫洋蔥 豆卜 菰和菜蜆上面仲有一大撮 蟲草花和goji berry 以為d冬瓜係一件件 點知係一個環。。。 成寸半厚 湯滾左 侍應仲好細心地將冬瓜切番一件件auntie 極讚個湯 清甜 鮮味 用冬瓜湯又唔怕打邊爐熱氣今次4個人 可以揀兩份肉 新試手切安格斯牛頸脊 牛肉脂肪平均 夠淋和encore黑毛豬肉片 無豬肉酥味 熟左之後好爽我們對特選拼盤戀戀不忘 所以4人清一色叫同一款 費時分唔勻大家都覺得 墨魚烏結糖 和兩款黑松露餃子最突出d auntie少吃墨魚汁 她們覺得黑色幾得意 而我這個墨魚控 就覺得好滿足 咬極仲有和一般墨魚膠唔同 這個墨魚膠入面混了脆脆地的軟骨碎 有彈牙和脆的爽當然唔少得 魚片和響鈴 響鈴無油益味 又無油lumlum魚皮較硬 好cum淥drink menu 都好吸引 主打凍飲 但都有d熱飲比d auntie雖熱凍 但忍唔到叫左幾杯凍飲 今次最like white sangriabar 好nice 幫我走汽水soda fresh fruit 竟然係用 青瓜 沒試過 又幾fresh 甘甘地 好refresh 味蕾今次encore 試左新野 唔係auntie 話食魚 都唔會點魚魚片好薄 雙飛  又無碎骨 最緊要auntie 話肉甜上次只食烏冬 今次試左個台灣渝川拉麵偏身 中間厚 兩邊薄dd 彈牙d auntie邊食邊讚  話101 食物新鮮 啱口味室內環境又好 無焗到全身味景色又好 所以下次要大人物食飯 都可以揀打邊爐 101一定夠class …Read More

什麼？靚景打邊爐？！一開始就給朋友介紹這裡的賣點深深吸引，就跟我一樣貪吃的小師妹來試個真實。任飲任食的火鍋放題大家都應該經常吃了，但無限時而且有高質食物跟飲品，還有靚景的火鍋我也是第一次試，性價比都算不錯！最重要的是座位旁邊還有一個超捧露台，一走出去就看到銅鑼灣的夜景，確實是很美！餐單上的說明簡單易明，按自已喜歡的來選擇就是了。豉油配料相當齊全，喜歡怎樣調都可以。主菜 - 冬瓜卜卜蜆海鮮鍋來了！！ 一整塊大冬瓜置於中間熬湯底，蜆的份量相當之多！湯底還有大洋蔥、蟲草花、菇類、紅棗等配料，加上大量蜆的鮮味，所以相當清甜！時令海鮮拼盤 - 桶蠔 / 馬刀貝 / 飽魚 / 大海蝦 / 大蜆這個海鮮拼盤超捧，一次滿足了我的五個願望！鮑魚跟馬刀貝都很新鮮所以非常鮮味、桶蠔大大隻，啖啖蠔肉無得頂！每款海鮮都沒有讓我失望，滿足。肉類 - 手切安格斯 Prime Grade 牛頸脊肥牛片這個手切安格斯肥牛片相當上級，牛頸脊部份的肥瘦非常均勻！放到滾湯中灼一灼就可以食用，肉質細嫰，而且完全無筋，正！101 特選手工火鍋拼盤我們選了相當有特色的特選手工火鍋拼盤，滿滿都是有特色的火鍋配料，包括安格斯霜降牛丸、黑松露蟹肉餃等！當中我最喜歡的就是這個墨魚汁鳥結糖，光聽名字就覺得很特別了，而且有豐富的墨魚粒在裡頭，味道很不錯！黑松露蟹子海鮮軍艦，只能用「精彩」兩個字形容！黑松露的味道相當突出，喜歡的人一定不可以錯過！手工即炸響鈴拼手工即炸魚皮響鈴炸得相當鬆脆，放到滾湯泡3秒鐘就可以，那種沾有鮮湯又脆口鬆化的感覺真的讓人難以忘懷！即炸魚皮也相當不俗！指定火鍋配料可以無限追加，而當中我最喜歡愛吃的一定是這個紫薯水晶包，由白白的一個小雪球，搖身一變就成為了透明又誘人的水晶包！紫薯味道甜甜的又有咬口，十分有趣！飲品方面也設計得非常有心思，而且紅酒、白酒、有酒精的、無酒精的竟然都可以無限追加！我們第一輪就選了盆栽珍珠奶茶跟盆栽特濃朱古力珍珠，造型真的很像，味道也非常濃郁，值得推薦！我們還試了其他飲品，如果可以的話真好想把每款飲品都嚐一遍呢！如此高質，這真是個不錯的一夜！…Read More

靚景款多有服務今次寫食評之前, 決定先讚咗餐廳三大優點:1. 靚景餐廳位於29樓, 從大玻璃窗望出去, 係靚靚嘅維港夜景.2. 款多食物選擇多, 飲品選擇多, 連醬料選擇都好多!!! 3. 服務好服務員主動, 殷勤, 仲要有好笑容!!!! 天氣涼返D, 好啱打邊爐. 上Openrice搵下, 見呢間好多人讚, BOOK來試下. 一入去, 見到個景就要無得輸:內部裝潢靚, 仲有維港景陪食! 先選定個湯底, 我唔食辣, 選個<<冬瓜卜卜蜆海鮮鍋>>真係有大大塊冬瓜, 仲食極都仲有嘅蜆仔!! 服務員好主動攞咗個醬料架過來, 仲介紹埋點配好.未有得食飲下嘢先, 第一輪試下服務員推介嘅倒插砂冰系列,<<愛文芒果砂冰+忌廉>>齋睇樣都羸哂啦!! 口感細緻, 香氣足又甜!!<<盆栽珍珠奶茶>>別緻可愛, 不過茶味淡D.打邊爐, 我最鍾意肥牛,  安格斯肥牛, 服務員主動過來幫手分開勁長響鈴SET嘅食物食到咁上下, 服務員又好主動遞上無限追加食物MENU.我地試咗超大條蟹棒到8點, 服務員提我地可以出露台睇下幻彩詠香江.露台勁有FEEL真係無得輸!!! 食物選擇多又好食, 飲品仲可以選有冇酒精, 紅白酒都係任飲. 服務好, 又唔會催你走! 最後仲有個甜品.兩口子來拍拖又啱, 多幾個Friends一齊食下吹下都好啱!  …Read More

趁好友long trip前，想一齊食返餐好+傾計飲嘢，好友話想食火鍋，我就做定功課，上“開飯"搵食，今次就揀咗人氣高企而我哋又未食過嘅101手工涮涮鍋啦！預早book定位唔洗等就即時入座，環境好靚好舒服，下次會早啲book定卡位對住個景，一定會更正！一入座，服務員好細心講解放題內容，逐一介紹唔同湯底嘅辣度和特質，又細說食物飲品簡介和之後會追加食物單等，超級細心周到，值得勁！食物選擇真係好多，最緊要係每樣質素都超高又新鮮，最最最驚喜係連酒精飲品都唔洗另加收費，超正九款自選調味料任用，有我特別至鍾意嘅麻醬，點牛肉超級好味！冬瓜卜卜蜆海鮮鍋 － 湯底超級豐富，未開始前食蜆肉飲清湯，超甜超正。而且底部放有一大片冬瓜，吸收晒所有精華，簡直一流！麻辣麻醬手撕雞 & 秘製麻辣木耳 － 兩款前菜都好入味又開胃，連我不太好辣嘅都覺得好味，仲有之後可無限追加！時令海鮮拚盤 － 嘩，超新鮮甜美，每款海鮮都各有特色又爽口，任食套餐再加$58嘅海鮮，我覺得好抵同超滿足手切安格斯Prime Grade牛頸脊肥牛片 － 我都要講嗰句超級有牛味⋯⋯哈哈！牛肉片肥廋比例完美，總之超正101特選手工火鍋拼盤 － 其實每樣都好好味，我至愛兩款黑松露餃、芝士墨魚丸、安格斯牛丸。:)手工即時炸響鈴拼即炸魚皮 － 兩款即炸食物都新鮮香脆，特別係炸魚皮，食到停唔到口。追加：油麥菜、白鱔片、8吋長鱈場蟹棒 － 白鱔鮮甜、蟹棒真才實料，勁正！Red & White wine Sangria、白酒、Mojito、蜂蜜水果冰茶 － 所有酒精飲品任飲，無論酒精與否飲品都好有特色，超級配合食火鍋嘅需要，簡直超級滿足！木糠奶茶布丁 － 最後套餐的甜品，好有奶茶香又唔會過甜，完美句號！以套餐這個價錢，食到如此高質素嘅火鍋食材，仲要所有飲品無限任飲，超級滿足。101從此成為我嘅必選火鍋餐廳啦！…Read More

之前曾多次光顧尖沙咀101手工涮涮鍋，任飲任食之餘水準穩定，尤其是可以免費暢飲台式飲品如OREO香芋珍珠奶茶，絕對是個人心中火鍋放題首選。最近看到報道指101手工涮涮鍋於銅鑼灣開設新分店，店內裝潢與尖沙咀店大相逕庭，以型格摩登的酒吧餐廳設計為主，更設有露台可供客人出外享受美景與美酒。餐牌與尖沙咀店的最大分別是銅鑼灣店提供酒精飲品任點任飲，絕對是「酒鬼」福音，一邊喝酒一邊涮肉。手撕雞肉嫩滑而且麻香惹味，木耳亦爽口開胃，任點任食。我們點選了冬瓜卜卜蜆海鮮鍋，半個雕花冬瓜圍繞大量蜆，雖然蜆肉不算肥大但蜆味十足，並無雪藏味或腥味，湯底清澈鮮甜，鹹度適中，毫不油膩。手工響鈴卷拼手工魚皮即叫即炸，炸得相當香脆之餘亦很乾爽。手切Prime Grade牛頸脊肥牛片肥瘦適中，色澤鮮明，牛肉味濃。台灣夜市火鍋拼盤包括滷水豬耳、滷水腎片、滷水大腸、滷水牛肚、滷水蛋、鹽水雞翼、台灣九份紫薯及地瓜芋圓、紫薯水晶包，有點始料不及的是以芋圓作火鍋配料，不過事實上味道與湯底不太配合，烹煮過後有如鹹中帶點粉團，芋圓終究還是比較適合用作甜品。101特選手工火鍋拼盤包括墨魚汁鳥結糖、太極冬菇、安格斯霜降牛丸、三重芝士鮮製蝦丸、黑松露蟹籽海鮮軍艦、黑松露蟹肉餃、黑松露芝士豚肉餃、三重芝士鮮製墨魚丸，個人最愛黑松露蟹肉餃及黑松露豚肉餃，皮薄餡靚，黑松露味突出。其他火鍋配料選擇種類繁多，包括肉類、亦沒有出現漏單問題，份量與點菜數量相乎。任飲飲品相當高質，點了愛文芒果忌廉冰砂、盆栽特濃朱古力、無酒精雞尾酒等數款，盆栽香芋珍珠奶茶仍是個人最愛之首，香芋味濃郁之餘加上忌廉與OREO碎實在無懈可擊，值得一提的是其紅酒白酒及雞尾酒皆屬任點任飲。最後更有一杯木糠香芋布丁或珍珠奶茶布丁。於高級酒吧餐廳之中品嚐台式火鍋實在是難得一見，如果喜歡飲酒的話這裡絕對會是與朋友共進晚餐的不二之選，不過如果不愛喝酒的朋友則可以選擇到尖沙咀分店，價格相對更加實惠。…Read More

認識我的朋友也知道我鍾意食火鍋, 早前友人帶我去了銅鑼灣新開的101手工涮涮鍋食晚飯. 這裡是任點任食火鍋, 每位388加一. 前菜包括手工麻辣麻醬手撕雞(微辣)和秘製麻辣木耳. 鍋底有十款, 我地選了冬瓜卜卜蜆海鮮鍋. 肉類三選一, 我地選了手切安格斯Prime Grade 牛頸脊肥牛片, 每2位送1碟. 拼盤二選一, 分別是101特選手工火鍋拼盤和台灣夜市火鍋拼盤, 我地選了前者. 手工即炸響鈴拼手工即炸魚皮. 甜品是木糠珍珠奶茶布丁和木糠香芋奶茶帶丁二選一. 還有任食火鍋配料和飲品, 真是好豐富. 這裡的飲品選擇相當多, 連酒精飲品和紅白酒也是無限飲, 真係飲幾杯也抵番晒. 我先點了熱的水蜜桃水果茶. 水蜜桃味道適中, 不會淡而無味. 手工麻辣麻醬手撕雞(微辣)和秘製麻辣木耳. 兩款前菜也是帶少許辣, 連不食辣的我也食得到, 又夠惹味香醒胃, 好適合作為前菜. 冬瓜卜卜蜆海鮮鍋. 鍋裡材料豐富, 除了蜆外, 仲有各款蔬菜, 雜菌和冬瓜. 先食牛肉. 牛肉切得幾薄身, 所以要食全熟的我, 也不會覺得硬, 肉質幾稔身. 101特選手工火鍋拼盤. 當中包括墨魚汁鳥結糖, 太極冬菇, 黑松露蟹子海鮮軍艦. 這三款我特別鍾意食, 因為夠彈性, 不用點醬也夠味道. 安格斯霜降牛丸, 三重芝士鮮製蝦丸和三重芝士鮮製墨魚丸. 愛食丸類的我, 這三款丸也不會錯過, 當中較愛蝦丸. 手工即炸響鈴拼手工即炸魚皮. 響鈴好大條. 入口的豆味夠香濃. 打邊鍋飲野特別多, 尤其是凍飲. 今次點了柑桔檸檬砂冰雪碧. 飲完真係透心涼. 其實食咗以上咁多嘢, 都飽得七七八八, 所以火鍋配料只點了少許. 我點了最愛的足八寸長鱈場蟹棒, 日式芝士竹輪卷和翠玉龍珠. 鱈場蟹棒吸收晒湯精華, 特別好味. 最後, 飲多一杯盆栽特濃朱古力珍珠. 賣相好精緻. 而且朱古力味真係好濃郁, 加上混入珍珠, 雙重口感.…Read More