樂酒場 がくさかば

营业中

休息中

係尖沙咀發掘咗間日式居酒屋，一進入門口就仿佛穿越咗時光隧道，置身於充滿復古情懷嘅環境之中，猶如到訪了昭和年代的小酒館🍶 店內播放住唔同嘅日本音樂，氣氛好好，令人非常放鬆心情首先就品嘗一下前菜麻醬牛油果豆腐沙律。新鮮牛油果搭配濃郁嘅麻醬豆腐，同沙律菜嘅清爽口感完美融合，絕對係開胃嘅絕佳選擇！小吃點咗明太子醬厚燒玉子，惹味嘅明太子令人回味無窮關東煮拼盤賣相非常吸晴！滿滿嘅食材浸泡在美味的湯汁之中，尤其蘿蔔煮得又淋又入味人氣壽司盛合色香味俱全，係樂酒場嘅招牌菜式之一！壽司選擇豐富，每一啖都鮮味十足，絕對係海鮮愛好者之選左口魚薄切選用新鮮的左口魚切成薄片，口感鮮嫩細膩，搭配醬汁調味，帶來一股獨特嘅風味佐酒一流嘅蟹味噌甲羅燒，蟹膏甘香幼滑，可以配多士一齊食最後就試試樂酒場特製嘅檸檬燒酎同白桃燒酎，清新的口感帶來一絲涼意，爽快！

是夜來到尖沙咀的樂酒場，懷舊的裝橫彷彿回到昭和時代，而牆上的霓虹光管又帶點cyber punk的感覺，整體氣氛都一流🍻🔸麻醬牛油果豆腐沙律份量十足的沙律，胡麻醬+牛油果+豆腐的配搭一定不會岀錯🥑🔹左口魚薄切新鮮的刺身佐以清新的酸汁，帶岀左口魚的鮮味🔸人氣壽司盛合超級豐富的盛合🇯🇵 有三文魚腩、炙燒左口魚、拖羅、甜蝦、池魚、帆立貝、吞拿魚、鰻魚和中間很澎湃的海膽三文魚籽卷，扇形的擺盤也很精美🔹關東煮拼盤除了有巨型份量的蘿蔔外，還有雞肉丸、豆卜、秋葵和年糕等，蘿蔔清甜無渣，好吃🔸明太子醬厚燒玉子鬆軟的厚燒玉子內捲着鹹香的明太子，很惹味🔹蟹味噌甲羅燒甲羅燒的蟹膏超香濃，試完原味後，可以配上青瓜絲和多士一起吃，口感更豐富 🔸飲品自家製蜂膠檸檬燒酎酸甜冰爽，還加了柚子皮令味道更清香。白桃燒酎帶甜甜的白桃味，很適合女孩子喝呢🍑

尖沙咀呢間日本餐廳不論食物同環境都好好有日本居酒屋feel，仲有好多唔同嘅酒飲，今次我同朋友就試咗佢幾款食物，好有驚喜🌟京都味噌青瓜職員喺我哋面前用火槍燒到味噌醬表層燒焦，用青瓜點黎食除咗食到味噌醬嘅味，仲有陣炭燒味，幾特別🌟樂海鮮沙律呢個沙律好豐富，沙律醋、菜同海鮮份量都好多，撈勻先發現原來有好多款海鮮，有三文魚、吞拿魚、蝦、帶子、北寄貝等等，全部刺身都新鮮🌟人氣壽司盛合呢樣係呢度嘅招牌菜之一，有10款壽司，每款魚生都冇乜可以挑剔，而吞拿魚蓉卷有好多件，啲吞拿魚蓉仲好澎湃咁放曬喺面，睇見都吸引🌟西葫蘆豚肉卷（2本）估唔到呢度嘅燒物都係咁惦，豚肉包住蘆筍，燒完之後蘆筍仲keep到水份同食落爽口，而豚肉都冇燒乾，肉質仲幾嫩滑🌟店主之炸脆牛肉卷賣相同日式炸豬扒一樣，外面吉列位置好酥脆，入面有好多層牛肉片，醬汁除咗有香港人食開嘅豬扒汁，仲有日本傳統食法配嘅蜜糖，食完之後我明點解配蜜糖，因為蜜糖甜甜地可以更加帶出牛香味，而又唔會蓋過咗本身嘅肉味呢間我絕對會回頭再食，真心幾正