丼造

营业中

休息中

丼造，位於上環，超近地鐵站，小店專做丼飯，選擇都幾多😆丼飯壽司刺身小食都有，外賣快靚正，配餐沙律幾fresh🤞🏻飲啖魚湯🐟哇鮮到一個點😍好濃魚香，一啲都唔咸，魚味好正好好飲👍🏻高質，丼造牛，一打開好香😎牛肉燒得帶焦香，份量好多，牛味濃，加埋蛋黃更加正😋好好味，送飯一流，珍珠米軟熟，好正既配搭👍🏻牛油果燒三文魚帶子丼🍱外賣都做到咁，靚到爆🫡三文魚勁肥美，燒完啲魚油又香又好味，撈飯一流👍🏻帶子大大粒，好鮮既感覺，牛油果再將成個飯既層次提升🫶🏻勁好味勁滿足🤤整體份量都好多高質丼飯、和食，真快靚正👍🏻專心做好既心機小店就係要支持💕

上環的大街小巷有唔少美食，間唔中仲會發掘到驚喜。🤩🤩今次試左呢間日本丼飯店🍱🍱🍱，味道唔錯呢!店面面積唔大，大概坐到7,8個人，我見都幾乎滿座，就直接買外賣算。丼造牛🐂🐂牛嘅份量足，牛肉質素好好，食得出唔係普通連鎖集團嗰種肥牛片，其實好驚食太肥嘅牛丼，食完滿嘴油，呢盒丼飯嘅牛肉瘦多肥少，但肉質又唔鞋，係健康嘅感覺。😍😍燒雞扒丼雞扒燒到微焦，食落仲有少少脆口，😋😋照燒汁嘅味道亦唔會太咸，大大塊雞扒，真係餸多過飯吖。😎😎串燒雞肉大葱🐤🐤其實我平時就唔好食大葱，但呢個串燒嘅大葱可以接受，唔會辣口，仲要沾上左燒雞肉時嘅肉汁同油脂，好香口，有得同日本嘅居酒屋質素比。魚湯🥣🥣+沙律🥗🥗魚湯就正正常常，好彩佢唔咸，又唔會太腥，因為本人鍾意飲魚湯，我覺得唔錯。😚😚其實店內仲有好多魚生丼飯，但始終天口熱唔敢外賣返屋企，如果下次堂食，一定要試下佢啲魚生，因為我見有其他食客食緊，睇落唔錯。😊😊

餐廳：丼造地點：上環禧利街菜式：丼飯餐牌：是日之選，火炙之選，和風丼，刺身丼，特選壽司，特選刺身盛，壽司，手卷，卷物，串燒，燒物，小食，沙律等。飯用大大個紙盒裝好，賣相不馬虎。七色魚生丼 $168七色魚生包括連頭連殼大蝦一隻、帆立貝一隻、赤身一件、油甘魚一件、三文魚一件、左口魚裙邊、印有餐廳名既玉子一件、同海膽。特別值得一提係連頭連殼大蝦非常鮮甜粘口；帆立貝大大隻，新鮮肉厚；海膽又滑溜又鮮味。飯底味道口感都唔錯，酸度同濕潤度都夠，份量好足，面頭加上少少紫菜絲，加添味道。伴有酸薑。丼造牛 $98丼造牛即係牛肉飯，伴有溫泉玉子一隻同紫菜絲、京蔥加蘿蔔片。牛肉片有好幾片，味道唔錯，溫泉玉子撈飯好正！盒飯返到屋企都係暖既。而家送前菜同汽水。前菜係中華沙律。汽水係罐裝汽水。總括而言，兩盒飯質素唔錯，魚生質素不俗，材料豐富，包裝衛生，配有獨立包裝日式芥末同豉油。

去上環買外賣返屋企食經過呢間賣日本丼飯，有刺身有熱食丼送前菜、湯唔係麵豉湯，而係鮮魚湯飲落清清地帶胡椒粉味😋▶️ 七色魚生丼 ($168)超豐富呀！七彩繽紛🌈有三文魚、吞拿魚、油甘魚、帆立貝、牡丹蝦、海膽、左口魚裙邊另外有個印有「丼造」字眼嘅玉子蛋三文魚、吞拿魚、油甘魚肥美，紅潤軟腍無筋🐟左口魚裙邊帶有油香，咬落爽彈帆立貝新鮮且甘甜牡丹蝦連頭連尾，頭有大量蝦膏，食落苦苦地，豐腴甘香，用嚟撈飯好正🦐牡丹蝦黏黏地，蝦殼則脆卜卜甚少食海膽，呢個仲要唔細件😍入口軟滑即溶，係咁多款刺身最鮮甜嗰個玉子蛋有蛋香，係一個迷你奄列，甜味唔假🥚全部刺身新鮮厚切，食得出係靚材料👍🏻比預期高質飯底暖暖哋，有壽司醋米香，甜中帶微酸口感比白米黏，配有紫菜同芝麻粒🍚▶️ 丼造牛 ($98)近排好興牛丼飯，等我都食返個先🤣新鮮製起，拎到返屋企仲暖笠笠三大片薄切半肥瘦牛肉🥓炙燒得啱啱好唔乾身面頭仲有隻生雞蛋🍳蛋黃漿融入白飯之中，令米飯呈金黃色🤩充滿蛋黃香米飯係日本米，粒粒飽滿配合本身牛肉燒汁，超級入味可口 (超上癮)，同時唔會太濕-無論刺身丼定熱丼都一樣咁好食❤️‍🔥一次過買兩個飯獨食係明智嘅選擇😎(當然分開咗兩餐食啦)刺身