堅信號上海生煎皇 (形點 II)

营业中

休息中

越開越多分店的「堅信號上海生煎皇」，今日終於有機會來試試！和朋友到元朗yoho逛街，見到這邊有分店就過來醫醫肚。第一次見紅色皮的小籠包，視覺效果好衝擊！肉餡混雜了雞髀肉、鮮甜番茄粒，以及薯仔粒，味道好香，口感豐富。而且還有番茄湯汁在內，入口爆汁，充滿濃郁蕃茄酸甜味道。感覺膩度較平時小籠包輕。湯飯配餸分別有雞絲、滑蛋、螺旋藻，飯量都幾多（可以選湯麵）。雞絲和湯飯都幾搭。而螺旋藻口感就帶點爽身。配上鮮甜的番茄湯底，令人越食越開胃！朋友愛吃上海粗炒！粗麵口感帶點煙韌，和烏冬有幾分相像。配以豉油、蠔油等炒香，麵條掛上醬油色，味道好香。粗炒伴以豬肉絲、冬菇、椰菜等配餸，但稍嫌油份略多。掃qr code入會，成為會員後獲贈一個生煎包。麵包外層煎到脆身，肉餡都相當juicy。

下午肚餓諗住食少少野，睇網上食評話唔錯，所以同friend一起去試下生煎包。個招牌生煎包係OK既，裡面既肉餡份量夠，都有少少湯汁，皮唔會好厚，物超所值，真係好好吃，不愧係招牌菜。炸醬麵面底OK，但個炸醬真係好鹹，太重口味，我個人本身都係偏淡，所以唔係好鍾意呢款。上海粗炒麻麻地，好一般既食物，雖然知道炒麵會好多油，但係都係頂唔住，味道一般般。酸辣湯麵同炸醬麵好似，面底OK既，都係個酸辣湯好鹹，但酸辣味係足夠既，如果口味唔係好淡應該會鍾意。黃瓜同雞翼幾好味，黃瓜爽口，雞翼入味，值得試下。而小籠包有湯汁，幾好味，但生煎包會好味過佢。總體唔錯，生煎包同小籠包可以一試。

老媽子想食生煎包而佢又未食過堅信號，於是就帶佢黎試下。我地叫左：生煎包2隻、雞絲粉皮、上海粗炒、酸辣湯同凍熱豆漿各一。生煎包個底煎得夠脆，裏面湯汁好多，一咬即爆汁，請左我頭髮飲左啖湯😅在我黎講生煎包係好味嘅，但要求高嘅老媽子食完就話味道係OK，但食得出個包係包好左一段時間先攞去煎，我自己就食唔出😂(但我好明白而家真係好難有店可以做到即點即包即煎)身為配角嘅雞絲粉皮老媽子就盛讚粉皮唔會好厚夠爽口，不過麻醬就少左啲。上海粗炒都好食，麵條夠煙靭，唔算太油，可惜老媽子唔鍾意食回鍋肉粗炒，好想食回鍋肉😔最後個酸辣湯聞落去有陣輕微𤓓味😑雖然飲落去又冇咩問題。好在呢度嘅湯唔係好杰果隻，好怕飲到啲杰到爆嘅酸辣湯，如果味道可以再酸啲辣啲就好。